 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ, ᒪᐃ 23, 2003 - ᓄᓇᕗᒥ ᓯᕗᓕᖅᑎ ᐹᓪ ᐅᑲᓕᖅ ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᐊᖓᔪᖅᑳᖓᑦ ᑳᑎ ᑕᐅᑐᙱ ᐅᓪᓗᒥ ᐊᐱᕆᕗᑦ ᓄᓇᕗᒥᐅᓂᒃ ᐃᖅᑲᐅᒪᒋᔭᖃᖁᔨᓪᓗᑎᒃ ᖁᓕᓂᒃ ᓇᓪᓕᐅᓐᓂᖅᓯᐅᓂᖏᓐᓂᒃ ᐊᑎᓕᐅᕈᑕᐅᓚᐅᕐᓂᖓ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑏᑦ ᑕᒡᕙᓂ ᓈᑦᓰᖑᔭᐅᓂᐊᖅᑐᒥ. “ᐊᑎᓕᐅᖅᑕᐅᓂᖓ ᓄᓇᑖᕐᓂᕐᒧᑦ ᐊᖏᕈᑏᑦ ᖁᓖᑦ ᐊᕐᕌᒎᓕᖅᑐᑦ ᓴᖅᑭᑎᑕᐅᔾᔪᑕᐅᓚᐅᖅᑐᖅ ᓄᓇᕗᑦ ᒐᕙᒪᖏᓐᓂᒃ ᐊᒻᒪᓗ ᐱᕕᒃᓴᖅᑖᖅᑎᑕᐅᓪᓗᑎᒃ ᓄᓇᕗᒥᐅᑦ ᐱᕈᖅᐸᓪᓕᐊᓂᖏᓐᓄᑦ ᒐᕙᒪᒃᑯᑦ ᒪᓕᒃᑐᓂᒃ ᐃᓄᐃᑦ ᐅᒃᐱᕆᔭᖏᓐᓂᒃ,” ᐅᖃᖅᑲᐅᔪᖅ ᓯᕗᓕᖅᑎ ᐅᑲᓕᖅ. ᒪᐃ 25, 1993, ᑖᒃᑯᐊ ᒐᕙᒪᑐᖃᒃᑯᑦ, ᓄᓇᑦᓯᐊᑉ ᒐᕙᒪᖏᑦ ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᐊᑎᓕᐅᕈᑎᖃᓚᐅᕐᒪᑕ ᑭᖑᓪᓕᖅᐹᒥ ᐊᖏᕈᑎᓂᒃ. “ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑏᑦ ᐊᔪᕈᓐᓃᖅᑎᑦᑎᓯᒪᖕᒪᑕ ᐃᓄᐃᑦ ᐊᐅᓚᑦᓯᔪᓐᓇᖅᓯᓪᓗᑎᒃ ᓇᖕᒥᓂᖅ ᓇᒧᙵᐅᓂᕐᒥᓂᒃ,” ᐅᖃᖅᑐᖅ ᐊᖓᔪᖅᑳᖅ ᑳᑎ. “ᐊᖅᑯᑕᐅᒐᓗᐊᖅᐸᑕ ᐃᓄᐃᑦ ᑲᑐᔾᔨᖃᑎᒌᖏᑦ, ᓂᕈᐊᖅᓯᒪᔭᕗᑦ ᒐᕙᒪᒃᑯᑦ, ᑕᒪᒃᑯᐊ ᐅᒃᐱᕆᔭᖏᑦ ᐊᒻᒪᓗ ᓯᕗᓪᓕᐅᑎᔭᖏᑦ ᐃᓄᐃᑦ ᐊᐅᓚᔾᔪᑎᒋᓕᕋᑦᑎᒍ ᓄᓇᕗᒥ ᐃᓅᖃᑎᒌᑎᒍᑦ.” ᒪᐃ 25 ᑖᓐᓇᑑᖏᑦᑑᒐᓗᐊᖅ, ᑭᓯᐊᓂ ᓯᕗᓪᓕᖅᐹᖑᔪᖅ ᖃᑦᓯᑲᓪᓚᖕᓂᑦ ᐱᒻᒪᕆᐅᔪᓂᒃ ᐅᓪᓗᓂᒃ ᓄᓇᕗᒥᐅᓄᑦ ᔪᓚᐃ 9 ᑕᒫᓂ ᐊᕐᕌᒍᒥ ᓇᓗᓇᐃᒃᑯᑕᐅᓂᐊᕐᒪᑦ ᖁᓕᓄᑦ 10 ᓇᓪᓕᐅᓐᓂᖅᓯᐅᕈᑕᐅᑎᓪᓗᒍ ᐊᑐᓕᓚᐅᕐᓂᖏᑦ ᓄᓇᕗᒥ ᓄᓇᑖᕐᓂᕐᒧᑦ ᐊᖏᕈᑏᑦ ᐊᐃᐳᕈ 1 ᐊᕐᕌᒎᓂᐊᖅᑐᖅ ᓇᓗᓇᐃᒃᑯᑕᐅᓂᐊᖅᑐᖅ ᑕᓪᓕᒪᓄᑦ ᓇᓪᓕᐅᓐᓂᖅᓯᐅᖅᑎᓪᓗᒋᑦ ᓴᖅᑭᑎᑕᐅᒻᒪᕆᓚᐅᕐᕕᖓ ᓄᓇᕗᑦ. ᐃᑲᔪᖅᑕᐅᔾᔪᑕᐅᔪᑦ ᓄᓇᕗᒥ ᓄᓇᑖᓂᕐᒧᑦ ᐊᖏᕈᑎᓄᑦ ᐃᓚᖃᖅᑐᑦ:
“ᑲᔪᓯᓯᒪᑎᓪᓗᑕ ᓈᓚᖕᓂᕐᒥᑦ ᐃᓐᓇᖁᑎᑦᑎᓐᓂᒃ, ᐱᓕᕆᐊᒃᓴᕆᓂᐊᕐᒪᔾᔪᑦ ᒫᓐᓇ ᓯᕗᓕᖅᑎᕈᖅᓴᖅᐸᓪᓕᐊᔪᑦ ᐱᕈᖅᐸᓪᓕᐊᑎᑕᐅᖁᓪᓗᒋᑦ ᑕᒪᒃᑯᐊ ᓴᖅᑭᑎᑕᐅᓯᒪᔪᑦ ᓄᓇᑖᕈᑎᑎᒍᑦ ᐃᑲᔫᑎᖁᓪᓗᒋᑦ ᑭᒃᑯᓕᒫᓄᑦ ᐃᓄᖕᓄᑦ,” ᐅᖃᖅᑲᐅᔪᖅ ᓯᕗᓕᖅᑎ ᐅᑲᓕᖅ. ᑐᑭᓯᒋᐊᕈᑎᖃᒃᑲᓐᓂᕈᒪᒍᕕᑦ: ᓈᓯ ᑳᒻᕗᓪ ᑐᑭᒧᐊᒃᑎᑦᑎᔨ ᑐᓴᒐᒃᓴᓕᕆᓂᕐᒧᑦ ᓄᓇᕗᑦ ᑐᙵᕕᒃᑯᑦ ᑎᒥᖓᑦ ᐅᖃᓘᑖ: (867) 975-4914 ᓱᑲᒃᑐᒃᑯᑦ: (867) 975-4943 ᓃᓄ ᕙᐃᔅᓅᔅᑭ ᑐᑭᒧᐊᒃᑎᑦᑎᔨ ᑐᓴᒐᒃᓴᓕᕆᓂᕐᒧᑦ ᓄᓇᕗᑦ ᒐᕙᒪᖏᑦ ᐅᖃᓘᑖ: (867) 975-6001 ᓱᑲᒃᑐᒃᑯᑦ: (867) 975-6099 |