 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ (ᒪᐃ 23, 2003)--ᓄᓇᕗᑦ ᒐᕙᒪᖏᑦ ᐅᖃᐅᓯᖃᖅᐳᑦ ᐱᒻᒪᕆᐅᔪᒥᒃ ᐃᓱᒫᓘᑕᐅᔪᒥᒃ ᐅᓪᓗᒥ ᐱᔾᔪᑎᒋᓪᓗᒋᑦ ᒐᕙᒪᑐᖃᒃᑯᑦ ᐸᕐᓇᐅᑎᖃᕐᓂᖏᑦ ᑕᒪᒃᑯᐊ ᓄᓇᖃᖅᑳᖅᓯᒪᔪᑦ ᑲᓇᑕᐅᒥᑦ ᐊᑎᓕᐅᖃᑦᑕᕆᐊᖃᖅᑎᑕᐅᓂᖏᓐᓄᑦ ᐊᖏᕈᑎᓂᒃ ᑐᑭᓯᒋᐊᕈᒃᓴᓂᒍᓐᓇᕐᓂᕐᒧᑦ ᐃᑲᔪᖅᑕᐅᔾᔪᑖᓚᐅᕋᑎᒃ ᓄᓇᖃᖅᑳᖅᓯᒪᔪᓄᑦ ᐋᓐᓂᐊᖅᑐᓕᕆᓂᒃᑯᑦ ᐃᑲᔫᑕᐅᕙᒃᑐᓂᒃ. ᐱᒋᐊᕐᓗᒍ ᓯᑦᑏᕝᕙ 2003 ᑖᒃᑯᐊ ᒐᕙᒪᑐᖃᒃᑯᑦ ᐋᖅᑭᒃᓯᒍᒪᓯᒪᖕᒪᑕ ᐊᑭᓖᑎᑦᑎᖃᑦᑕᖁᔨᓪᓗᑎᒃ ᐃᔭᐅᑎᓄᑦ, ᑭᒍᑎᓕᕆᔭᐅᓂᕐᒧᑦ, ᐱᖁᑏᑦ ᑎᒥᒧᑦ ᐃᑲᔫᑕᐅᕙᒃᑐᑦ (ᓲᕐᓗ ᐆᒪᑎᓄᑦ ᕚᑕᓖᑦ) ᐊᒻᒪᓗ ᐃᖏᕐᕋᔾᔪᑏᑦ, ᑕᒪᒃᑯᐊ ᑕᐃᔭᐅᒐᔪᓚᐅᖅᑐᑦ ᓇᓪᓕᐅᒃᑯᒫᖃᙱᑦᑐᑦ ᐃᑲᔫᑏᑦ ᐋᓐᓂᐊᖅᑐᓕᕆᓂᕐᒧᑦ, ᐃᓱᓕᑦᑕᕐᕕᖃᖅᑎᑕᐅᖁᓪᓗᒋᑦ ᑭᓯᐊᓂ ᑕᑕᑎᕆᒃᐸᑕ ᓯᑕᒪᓂᒃ ᒪᒃᐱᒐᓕᖕᓂᑦ ᐱᐊᓂᒃᑕᐅᖁᔭᐅᔪᑦ ᓄᓇᖃᖅᑳᖅᓯᒪᔪᓄᑦ ᑲᓇᑕᒥ ᐊᒻᒪᓗ ᐃᓕᔭᐅᓗᑎᒃ ᑲᓇᑕᒥ ᑐᑭᓯᒋᐊᕐᕕᐅᔪᓐᓇᖅᑐᓄᑦ. “ᐃᓱᒫᓘᑎᖃᒻᒪᕆᒃᑲᒪ ᑖᓐᓇ ᑐᒃᓯᕋᐅᑦ ᐃᑲᔪᖅᓱᖅᑕᐅᙱᓗᐊᕐᓂᖓᓂᒃ, ᐊᑐᓕᖅᑎᑦᑎᓯᒪᑦᓯᐊᕋᓂ ᐊᒻᒪᓗ ᓲᕐᓗ ᒐᕙᒪᑐᖃᒃᑯᑦ ᓴᒃᑯᐃᒋᐊᑐᐃᓐᓇᓕᕐᒥᔪᑦ ᐋᓐᓂᐊᖅᑐᓕᕆᓂᕐᒧᑦ ᐊᑭᐅᔪᓂᒃ ᑲᓇᑕᒥ/ᐅᑭᐅᖅᑕᖅᑐᒥᓗ ᐊᕕᒃᑐᖅᓯᒪᓂᐅᔪᓄᑦ,” ᒥᓂᔅᑕ ᐱᑯ ᐅᖃᖅᑲᐅᔪᖅ. “ᐃᒪᓐᓇᐃᑑᔮᕐᒪᑦ, ᑖᒃᑯᐊ ᑲᓇᑕ ᑲᔪᓯᓯᒪᔾᔪᑎᖃᐃᓐᓇᕐᓂᖏᓐᓂᒃ ᐱᓕᕆᐊᖃᕈᒪᙱᓐᓂᕐᒥᓂᒃ ᓄᓇᖃᖅᑳᖅᓯᒪᔪᓄᑦ, ᓴᖅᑭᑎᑦᑎᓪᓗᑎᒃ ᓄᑖᓂᒃ ᐊᒡᕕᐊᕈᑎᒃᓴᓂᒃ ᓱᑲᔾᔫᒥᔪᒥᒃ ᐋᓐᓕᐊᖅᑐᓕᕆᔭᐅᔾᔪᑎᒃᓴᖏᓐᓂᒃ ᓄᓇᕗᑦ.” ᓄᓇᕗᑦ ᒐᕙᒪᖏᑦ ᑳᓐᑐᕌᒃᑕᐅᓯᒪᖕᒪᑕ ᒐᕙᒪᑐᖃᒃᑯᓐᓄᑦ ᐱᑕᖃᖅᑎᑦᓯᖁᔭᐅᓪᓗᑎᒃ ᓄᓇᖃᖅᑳᖅᓯᒪᔪᓅᖓᔪᓂᒃ ᐃᑲᔫᑎᓂᒃ ᐊᑐᖅᑐᒋᑦ ᐋᓐᓂᐊᕐᕖᑦ ᓄᓇᕗᒥ. ᑖᒃᑯᐊ ᓄᑖᑦ ᑕᑕᑎᕆᐊᓖᑦ ᓴᖅᑭᑎᒍᒪᔭᖏᑦ ᒐᕙᒪᑐᖃᒃᑯᑦ ᐱᔭᐅᔪᓐᓇᖏᑦᑐᑦ ᐃᓄᒃᑎᑐᑦ, ᐅᖃᐅᓯᖏᑎᒍᓪᓘᓐᓃᑦ, ᐱᑕᖃᕋᓂᓗ ᐃᖅᑲᓇᐃᔭᖅᑎᖃᕈᑕᐅᒐᔭᖅᑐᓂᒃ ᑲᑎᖅᓱᐃᔨᐅᓂᐊᖅᑐᓂᒃ ᐊᒻᒪᓗ ᐋᖅᑭᒃᓱᐃᓂᐊᖅᑐᓂᒃ ᑐᑭᓯᒋᐊᕈᑎᒃᓴᓂᒃ ᐊᒻᒪᓗ ᑖᒃᑯᐊ ᑐᑭᓯᒋᐊᕈᑎᒃᓴᖃᕐᕕᐅᔪᑦ ᒫᓐᓇ ᒪᓂᒪᙱᒻᒪᑕ ᒐᕙᒪᒃᑯᑦ ᖃᕆᓴᐅᔭᖃᕐᕕᒋᔭᖏᑎᒍᑦ. “ᐋᓐᓂᐊᓯᐅᖅᑏᑦ ᐊᒻᓗ ᐋᓐᓂᐊᖅᑐᓕᕆᓂᕐᒧᑦ ᐃᖅᑲᓇᐃᔭᖅᑏᑦ ᓄᓇᕗᒥ ᐃᓕᓐᓂᐊᖅᑎᑕᐅᓯᒪᙱᒻᒪᑕ ᐊᒻᒪᓗ ᐊᑭᓕᖅᑐᖅᑕᐅᒐᑎᒃ ᑕᒪᒃᑯᓂᖓ ᑲᒪᓂᐊᖅᑎᓪᓗᒋᑦ ᐋᓐᓂᐊᖅᑐᓕᕆᔾᔪᑕᐅᔪᓂᒃ,” ᒥᓂᔅᑕ ᐅᖃᖅᑲᐅᔪᖅ. “ᓈᒻᒪᔾᔮᖏᒻᒪᑦ ᐊᐱᕆᓗᒋᑦ ᐸᐃᐹᓕᕆᔨᐅᖁᓗᒋᑦ ᐋᓐᓂᐊᓯᐅᖅᑏᑦ ᒐᕙᒪᑐᖃᒃᑯᑦ ᓴᖅᑭᑕᖏᓐᓂᒃ, ᐅᕝᕙᓘᓐᓃᑦ ᓴᖅᑭᑎᑦᑎᓗᑎᒃ ᓄᑖᓂᒃ ᐊᒡᕕᐊᕈᑕᐅᓕᕐᓂᐊᖅᑐᓂᒃ ᓄᓇᕗᒥᐅᑦ ᐃᑲᔪᖅᑕᐅᔪᒪᑎᓪᓗᒋᑦ ᐋᓐᓂᐊᑐᓕᕆᓂᕐᒧᑦ ᐱᔨᑦᓯᕈᑎᓂᒃ,” ᐅᖃᖅᑐᓂ. ᑖᑦᓱᒪ ᐊᐅᓚᓂᖓ ᐱᓕᕆᐊᖑᔫᑉ ᐊᑐᓕᖅᑎᑕᐅᓂᖓᑕ ᓲᕐᓗ ᑕᐃᒃᑯᐊ ᖁᑭᐅᑎᓂᒃ ᑎᑎᕋᖅᑕᐅᒋᐊᖃᖅᑎᑦᓯᓚᐅᖅᑐᑦ ᑕᒪᑐᒥᖓ ᓄᒋᐊᕈᑎᖃᖅᑐᑦ ᐋᓐᓂᐊᖅᑐᓕᕆᓂᕐᒥᑦ.” ᑐᑭᓯᒋᐊᕈᑎᖃᒃᑲᓐᓂᕈᒪᒍᕕᑦ, ᐅᖃᕐᕕᒋᓗᒍ: ᐋᓕᓴᓐ ᐳᕉᕈ ᑐᓴᒐᒃᓴᓄᑦ ᐅᖃᐅᔾᔨᒋᐊᖅᑎ ᐋᓐᓂᐊᖃᕐᓇᖏᑦᑐᓕᕆᓂᖅ, ᐃᓄᓕᕆᓂᕐᓗ ᐅᖃᓘᑖ: (867) 975-5717 abrewer@gov.nu.ca |