|
ᐃᖃᓇᐃᔭᕐᕕᖏᑦ
ᒐᕙᒪᒃᑯᑦ ᑎᒥᖁᑎᖏᑦ
ᒥᓂᔅᑕᐃᓐᓇᐃᑦ ᑲᑎᒪᔨᖏᑦ
ᐅᖅᓱᒃᓴᑦ ᑖᒃᓯᔭᕈᑎᖓᓄᑦ ᐊᑭᑭᒡᓕᒋᐊᕈᑎᑦ
Government Tenders
ᐃᖅᑲᓇᐃᔮᔅᓴᐃᑦ
ᐱᓇᓱᐊᖅᑕᕗᑦ
ᐃᖅᑲᓇᐃᔭᖃᑎᒌᑦ
ᐱᕙᓪᓕᐊᔪᓕᕆᕕᒃ ᑐᓐᖓᓱᒋᔅᓯ
ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᓄᓇᕗᒥ ᐅᔭᕋᖕᓂᐊᒐᒃᓴᓂᒃ ᕿᓈᔭᕐᓂᕐᒧᑦ ᐃᑲᔫᑏᑦ
- ᑖᒃᑯᐊ ᓄᓇᕗᒥ ᐅᔭᕋᖕᓂᐊᒐᒃᓴᓂᒃ ᕿᓈᔭᖕᓂᕐᒧᑦ ᐃᑲᔫᑏᑦ ᐊᒻᒪᓗ ᓄᓇᕗᒥ ᕿᓈᔭᖕᓂᕐᒧᑦ ᐱᕙᓪᓕᐊᑎᑦᓯᔾᔪᑏᑦ ᑕᐅᑐᒐᕆᓗᐊᖅᑕᖏᑦ ᐃᑯᐱᒃᑐᓕᕆᔨᒃᑯᑦ. ᑖᒃᑯᐊ ᑐᕌᖅᑕᖏᑦ ᐃᑲᔫᑕᐅᔪᑦ ᓴᖅᑭᑦᑎᖁᓪᓗᒋᑦ ᐱᔪᓐᓇᑦᓯᐊᖅᑐᓂᒃ ᓄᓇᓕᖕᓂ ᕿᓈᔭᒃᑎᒃᓴᓂᒃ ᐃᖕᒥᒃᑰᖅᑐᓂᒃ ᓄᓇᕗᓕᒫᒥ. ᑕᒪᓐᓇ ᒪᓕᖕᓂᐊᕐᒪᑦ ᓴᙱᔪᒥᒃ ᐊᒻᒪᓗ ᐋᖅᑭᐅᒪᔪᓐᓇᖅᑐᓂᒃ ᐅᔭᕋᖕᓂᐊᕐᓂᕐᒥᑦ.
- ᓄᓇᕗᒥ ᐅᔭᕋᖕᓂᐊᒐᒃᓴᓂᒃ ᕿᓈᔭᖕᓂᕐᒧᑦ ᐃᑲᔫᑏᑦ ᐱᑕᖃᖅᑎᑦᑎᕙᒃᑐᑦ ᑮᓇᔭᐅᓂᒃ ᐃᑲᔫᑎᒃᓴᓂᒃ ᐊᑭᓕᖅᑐᕆᐊᓕᖏᓐᓄᑦ ᖃᐅᔨᒪᔪᑦ ᕿᓈᔭᒃᑏᑦ ᓄᓇᕗᒥ. ᐱᔪᓐᓇᖅᑎᑕᐅᓂᐊᕐᓗᓂ ᑖᒃᑯᓇᙵᑦ ᐃᑲᔫᑎᓂᒃ ᕿᓈᔭᒃᑏᑦ ᓄᓇᕗᒥᐅᖑᒋᐊᓖᑦ, ᐊᑐᖅᑐᒥᒃ ᕿᓈᔭᖕᓂᕐᒧᑦ ᓚᐃᓴᖃᕐᓗᓂ, ᖃᐅᔨᒪᓗᓂ ᕿᓈᔭᒋᐊᒃᓴᖅ, ᐱᐊᓂᒃᓯᒪᓗᓂᓘᓐᓃᑦ ᓄᓇᕗᑦ ᒐᕙᒪᖏᑦᑕ ᓴᖅᑭᑎᑦᑎᔾᔪᑎᖏᓐᓂᒃ ᐅᔭᕋᖕᓂᐊᒐᒃᓴᓂᒃ ᐃᓕᓐᓂᐊᖅᑎᑦᓯᔾᔪᑎᖏᓐᓄᑦ.
- ᐊᕐᕌᒍᐃᑦ ᐱᖓᓱᑦ ᐊᑐᖅᑎᓪᓗᒋᑦ, ᐃᑯᐱᒃᑐᓕᕆᔨᒃᑯᑦ ᐱᑕᖃᖅᑎᑦᑎᓯᒪᑦ $600,000 ᑮᓇᐅᔭᑎᒍᑦ ᐃᑲᔫᑎᓂᒃ ᕿᓈᔭᒃᑎᓄᑦ, ᐊᖅᑯᑎᒋᓪᓗᒋᑦ ᓄᓇᕗᒥ ᐅᔭᕋᖕᓂᐊᒐᒃᓴᓂᒃ ᕿᓈᔭᖕᓂᕐᒧᑦ ᐃᑲᔫᑏᑦ. ᐃᑯᐱᒃᑐᓕᕆᔨᒃᑯᑦ ᓴᖅᑎᑦᓯᓯᒪᖕᒥᔪᑦ ᕿᓈᔭᖕᓂᕐᒧᑦ ᐃᓕᓐᓂᐊᕈᑎᓂᒃ ᐊᑐᓂ ᓄᓇᓕᐅᔪᓂ ᓄᓇᕗᒥ ᐃᓚᐅᓪᓗᑎᒃ ᐅᖓᑖᓄᑦ 300 ᐃᓕᓐᓂᐊᕌᓂᒃᑐᑦ ᑖᒃᑯᓂᖓ ᓄᓇᕗᒥ ᕿᓈᔭᖕᓂᕐᒧᑦ ᐱᕙᓪᓕᐊᑎᑦᑎᔾᔪᑎᑎᒍᑦ.
- ᕿᓈᔭᒃᑎᓄᑦ ᐃᓕᓐᓂᐊᕈᑏᑦ ᓴᖅᑭᑎᑕᐅᔪᑦ ᑖᒃᑯᓄᖓ ᐃᑯᐱᒃᑐᓕᕆᔨᒃᑯᓐᓄᑦ ᐃᑲᔪᖅᓱᐃᔪᑦ ᕿᖓᐅᒻᒥ ᑐᑭᒧᐊᒍᑎᓕᐊᖑᓚᐅᖅᑐᓂᒃ ᑲᔪᓯᓯᒪᔪᒥᒃ ᐃᓕᓐᓂᐊᖏᓐᓇᖁᓪᓗᒋᑦ ᐊᒻᒪᓗ ᐱᑕᖃᖅᑎᑦᑎᔪᒪᓂᖅ ᓄᓇᓕᖕᓂ ᐅᔾᔨᕆᔭᐅᔪᓂᒃ ᐅᔭᕋᖕᓂᐊᕐᓂᕐᒥᑦ.
- 2002-ᒥ, 33 ᕿᓈᔭᒃᑏᑦ ᑖᒃᑯᓇᙵᑦ 13-ᓂᒃ ᓄᓇᓕᐅᔪᓂᒃ ᓄᓇᕗᒥ ᐃᑲᔪᖅᑕᐅᔪᖃᓚᐅᖅᑐᖅ ᑮᓇᐅᔭᑎᒍᑦ ᐊᑭᓕᖅᑐᕆᐊᓕᖕᓄᑦ ᐊᑭᓕᐅᑕᐅᓂᐊᖅᑐᓂᒃ. ᐱᒋᐊᙵᕐᓂᖓᓂ ᐱᐅᔪᒻᒪᕆᐅᓚᐅᖅᑐᖅ ᑕᒪᓐᓇ. ᑲᑎᓪᓗᒋᑦ ᑮᓇᐅᔭᖅᑑᑎᒃᓴᑦ ᐃᑲᔫᑕᐅᓯᒪᔪᑦ $150,000.
- ᐊᐅᔭᖓᓂ 2002, ᑖᒃᑯᐊ ᐃᑯᐱᒃᑐᓕᕆᔨᒃᑯᑦ ᐅᔭᕋᖕᓂᐊᖅᑎᒻᒪᕆᖏᑦ ᐅᖃᐅᔾᔨᒋᐊᖅᑎᐅᕙᒃᑐᑦ ᐊᒻᒪᓗ ᐱᑕᖃᖅᑎᑦᑎᔨᐅᓪᓗᑎᒃ ᕿᓈᔭᖕᓂᕐᒧᑦ ᐃᓕᓐᓂᐊᕈᑎᓂᒃ ᓄᓇᓕᐅᔪᓂ ᓄᓇᕗᒥ, ᓴᖅᑭᑎᑦᑎᔾᔪᑕᐅᓪᓗᑎᒃ 78-ᓂᒃ ᐃᓕᓐᓂᐊᕌᓂᒃᑐᓂᒃ.
- ᓯᑦᑏᕝᕙ 2002, ᖁᓖᑦ 10 ᓄᓇᕗᒥ ᐊᔪᙱᓐᓂᖅᐹ ᕿᓈᔭᒃᑏᑦ ᑲᑎᑎᑕᐅᓚᐅᕐᒪᑕ ᓘᐱᓐ ᐅᔭᕋᖕᓂᐊᕐᕕᐊᓂ ᑕᐅᑐᒻᒪᕆᒡᓗᑎᒃ ᐃᓕᓐᓂᐊᖅᑎᑕᐅᖁᓪᓗᒋᑦ. ᑕᒪᓐᓇ ᐃᓕᓐᓂᐊᕈᑕᐅᒻᒪᕆᓚᐅᖅᑐᖅ ᖁᓕᓄᑦ ᐅᓪᓗᓄᑦ, ᐃᑯᐱᒃᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓄᑦ, ᐊᒻᒪᓗ; ᐃᖅᑲᓇᐃᔭᖅᑎᖏᑦ ᓄᓇᕗᑦ ᑐᙵᕕᒃᑯᑦ ᐊᒻᒪᓗ ᐃᓄᓕᕆᔨᒃᑯᑐᖃᒃᑯᑦ, ᑲᓇᑕᒥ. ᑖᒃᑯᐊ ᕿᓈᔭᒃᑏᑦ ᓇᑭᑐᐃᓐᓈᓚᐅᖅᑐᑦ ᓄᓇᓕᖕᓂ, ᐃᓄᐃᓐᓇᐅᓪᓗᑎᒃ ᐊᒻᒪᓗ ᐱᖓᓱᑦ ᖃᓪᓗᓇᐅᔭᕈᓐᓇᕋᑎᒃ, ᐃᓄᒃᑎᑐᑐᐃᓐᓇᖅ ᐅᖃᕈᓐᓇᖅᑐᑎᒃ. ᒪᕐᕉᒃ ᕿᓈᔭᒃᑏᒃ ᒫᓐᓇᒫᖅ ᐊᖏᖃᑎᒌᖃᑎᖃᕈᓐᓇᖅᓯᒪᔪᑦ ᐃᑲᔪᖅᑎᒌᒍᑎᖃᕐᓂᕐᒧᑦ ᐊᖏᕈᑎᓂᒃ ᕿᓇᔮᒃᑎᓄᑦ ᑲᒻᐸᓂᐅᔪᓄᑦ.
- ᐃᑲᔪᖅᓱᐃᔾᔪᑏᑦ ᕿᓈᔭᒃᑎᓄᑦ ᑲᔪᓯᓯᒪᐃᓐᓇᕐᓂᐊᖅᑐᑦ ᐊᒻᒪᓗ ᐱᓕᕆᐊᕆᔭᐅᒻᒪᕆᒋᐊᖃᖅᑐᓂ, ᑭᓯᐊᓂ ᑖᒃᑯᐊ ᐃᑯᐱᒃᑐᓕᕆᔨᒃᑯᑦ ᐃᓚᐅᑎᑦᑎᒍᒪᑦᓯᐊᖅᑐᑦ ᓄᓇᕗᒥᐅᑦ ᐃᓚᐅᓕᖅᑎᓪᓗᒋᑦ ᐅᔭᕋᖕᓂᐊᕐᓂᑦᑎᓐᓄᑦ.
|
