 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ(ᒪᐃ 12, 203)--ᐃᑯᐱᒃᑐᓕᕆᔨᒃᑯᑦ ᒥᓂᔅᑕᖓᖅ ᐅᓛᔪᒃ ᐊᑭᓱᒃ ᑎᓕᐅᕆᕗᖅ ᓄᓇᕗᒥᐅᓂᒃ ᕿᓈᔭᒃᑏᑦ ᑐᒃᓯᕋᖁᓪᓗᒋᑦ ᑮᓇᐅᔭᑎᒍᑦ ᐃᑲᔪᖅᑕᐅᔾᔪᑎᒃ, ᓄᓇᕗᒥ ᐅᔭᕋᖕᓂᐊᒐᒃᓴᓂᒃ ᕿᓈᔭᕐᓂᕐᒧᑦ ᐃᑲᔫᑕᐅᔪᑎᒍᑦ, ᑖᒃᑯᐊ ᐋᖅᑭᒃᓱᖅᑕᐅᓯᒪᔪᑦ ᓴᖅᑭᑉᐸᓪᓕᐊᖁᓪᓗᒋᑦ ᓄᓇᓕᖕᓂ ᐃᖕᒥᒃᑰᖅᑐᑦ ᕿᓈᔭᒃᑏᑦ. ᑖᒃᑯᐊ ᐃᑲᔫᑕᐅᔪᑦ ᑎᒍᓯᕙᓪᓕᐊᓕᖅᑐᑦ ᑐᒃᓯᕋᐅᑎᓂᒃ ᐊᒻᒪᓗ ᓄᓇᕗᒥᐅᓕᒫᑦ ᑎᒍᒥᐊᖅᑐᑦ ᐊᑐᖅᑐᒥᒃ ᕿᓈᔭᖕᓂᕐᒧᑦ ᓚᐃᓴᓐᓯᓂᒃ ᐱᔪᓐᓇᖅᑎᑕᐅᓂᐊᖅᑐᑦ. “ᓂᕆᐅᒃᑐᖓ ᑕᒪᓐᓇ ᖃᐅᔨᔾᔪᑕᐅᒻᒪᕆᖕᓂᐊᕐᒪᑦ ᐊᕐᕌᒍ ᓄᓇᕗᒥ ᕿᓈᔭᖕᓂᕐᒧᑦ ᐃᑲᔫᑕᐅᔪᓄᑦ ᐊᒻᒪᓗ ᐅᔭᕋᖕᓂᐊᒐᒃᓴᓂᒃ ᕿᓈᔭᖕᓂᕐᒧᑦ ᓄᓇᕗᒥ,” ᐅᖃᖅᑲᐅᔪᖅ ᒥᓂᔅᑕ ᐊᑭᓱᒃ. “ᑕᒪᒃᑯᐊ ᐱᓕᕆᐊᖏᑦ ᕿᓈᔭᒃᑎᐅᔪᑦ ᓄᓇᕗᒥ ᓴᖅᑭᓯᒪᒋᐊᖃᕐᒪᑕ ᐱᕙᓪᓕᐊᑎᑕᐅᓂᖏᓐᓄᑦ ᐊᕕᒃᑐᖅᓯᒪᓂᐅᔫᑉ ᐅᔭᕋᖕᓂᐊᒐᒃᓴᖏᓐᓄᑦ. ᕿᓈᔭᒃᑏᑦ ᓄᓇᕗᒥᑦ ᖃᐅᔨᒪᓂᖃᑦᓯᐊᕐᒪᑕ ᓄᓇᖁᑎᒥᓂᒃ ᐊᒻᒪᓗ ᖃᐅᔨᒪᓂᖏᑦ ᐊᑑᑎᖃᖅᓯᒪᒻᒪᕆᒃᑐᑦ ᐱᕙᓪᓕᐊᑎᑕᐅᓂᖓᓄᑦ ᑕᒪᓐᓇ ᐅᔭᕋᖕᓂᐊᕐᓂᖅ,” ᐅᖃᕆᐊᒃᑲᓐᓂᖅᑐᓂ. ᐊᖏᓂᖅᐹᖅ ᐃᑲᔫᑕᐅᔪᓐᓇᖅᑐᖅ ᑕᒡᕘᓇ ᓄᓇᕗᒥ ᕿᓈᔭᖕᓂᕐᒧᑦ ᐃᑲᔫᑕᐅᔪᓄᑦ ᐅᓄᕐᓂᖃᖅᑐᖅ $5,000 ᐊᑕᐅᓯᕐᒧᑦ ᕿᓈᔭᒃᑎᒧᑦ. ᑐᒃᓯᕋᐅᑏᑦ ᕿᒥᕐᕈᔭᐅᕙᒃᑐᑦ ᒪᓕᒃᑐᒋᑦ ᐱᓕᕆᐊᖑᓂᐊᖅᑐᓄᑦ ᐸᕐᓇᐅᑏᑦ, ᐱᓕᕆᐊᖑᑲᐃᓐᓇᕐᓂᐊᖅᑐᑦ ᑮᓇᐅᔭᖅᑑᑎᒃᓴᖏᑦ ᐊᒻᒪᓗ ᑭᖑᓂᖅᑎᓐᓂ ᕿᓈᔭᒃᑏᑦ ᐃᑲᔪᖅᑕᐅᓂᕆᓯᒪᔭᖏᑦ. ᑐᒃᓯᕋᐅᑏᑦ ᑎᑎᕋᕐᕕᒃᓴᑦ ᐱᔭᐅᔪᓐᓇᖅᑐᑦ ᓄᓇᕗᒥ ᕿᓈᔭᖕᓂᕐᒧᑦ ᐃᑲᔫᑕᐅᔪᓄᑦ ᑐᑭᒧᐊᒍᑎᓂᒃ ᐅᖃᓕᒫᒐᕐᓂ. ᑖᒃᑯᐊ ᑐᑭᒧᐊᒍᑏᑦ ᐱᔭᐅᔪᓐᓇᖅᑐᑦ ᐃᑯᐱᒃᑐᓕᕆᔨᒃᑯᓐᓂᒃ. ᑐᒃᓯᕋᐅᑏᑦ ᕿᒥᕐᕈᔭᐅᓂᐊᖅᑐᑦ ᑐᒃᓯᕋᐅᑎᓂᒃ ᑐᓂᓯᖅᑳᖅᑐᑦ ᒪᓕᒡᓗᒋᑦ. ᐱᑕᖃᕋᔪᒃᑐᖅ, 35-ᓂᒃ ᕿᓈᔭᒃᑎᓂᒃ ᓄᓇᕗᒥᐅᑦ ᐃᓚᐅᑎᓪᓗᒋᑦ ᑕᐃᒪᙵᓂᒃ ᑕᒪᓐᓇ ᓴᖅᑭᑎᑕᐅᓚᐅᕐᒪᑦ 1999-ᒥ. ᓴᓂᐊᒍ ᑕᒪᒃᑯᐊ ᑮᓇᐅᔭᑎᒍᑦ ᐃᑲᔫᓯᐊᕐᓂᖅᐅᑉ, ᑕᒪᓐᓇ ᐃᑲᔫᑕᐅᔪᖅ ᐋᖅᑭᒃᓯᕙᖕᒥᔪᖅ ᐊᒻᒪᓗ ᐊᖏᓪᓕᒋᐊᕆᓪᓗᑎᒃ ᐊᒥᓱᕈᖅᐸᓪᓕᐊᓂᖏᓐᓂᒃ ᑕᒪᒃᑯᐊ ᖃᐅᔨᒪᔪᑦ ᕿᓈᔭᒃᑏᑦ ᐊᒻᒪᓗ ᕿᓈᔭᒃᑎᐅᓂᐊᖅᑐᑦ ᐅᔭᕋᖕᓂᐊᒐᒃᓴᓂᒃ ᓄᓇᕗᒥ. ᑕᒪᓐᓇ ᐱᕙᓪᓕᐊᑎᑦᓯᔾᔪᑕᐅᒻᒪᕆᒃᐸᖅᑐᖅ ᐊᒻᒪᓗ ᖃᐅᔨᔭᐅᕙᓪᓕᐊᓪᓗᑎᒃ ᓄᓇᕗᒥ ᐅᔭᒐᖕᓂᐅᒐᒃᓴᑦ. ᑕᒃᑯᐊ ᐃᑯᐱᒃᑐᓕᕆᔨᒃᑯᑦ ᐱᑕᖃᖅᑎᑦᑎᓯᒪᔪᑦ ᐅᓄᕐᓂᖃᖅᑐᓂᒃ $600,000 ᑕᐃᒪᙵᓂᒃ ᑕᒪᒃᑯᐊ ᐃᑲᔫᑕᐅᔪᑦ ᐱᒋᐊᓚᐅᕐᒪᑕ. ᑐᑭᓯᒋᐊᕈᑎᖃᒃᑲᓐᓂᕈᒪᒍᕕᑦ, ᐅᖃᕐᕕᒋᓗᒍ ᑭᐅᕆ ᒪᑲᓚᔅᑭ ᑐᓴᒐᒃᓴᓕᕆᓂᕐᒧᑦ ᐊᐅᓚᑦᑎᔨ ᐃᑯᐱᒃᑐᓕᕆᔨᒃᑯᑦ ᓄᓇᕗᑦ ᒐᕙᒪᖏᑦ ᑎᑎᖅᑲᒃᑯᕕᐊ 1000, ᐊᒡᒍᖅᓯᒪᓂᐊ 1105 ᐃᖃᓗᐃᑦ, ᓄᓇᕗᑦ, X0A 0H0 ᐅᖃᓘᑖ: 867 975-5929 |