 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ (ᒫᔾᔨ 3, 2003) - ᐃᑯᐱᒃᑐᓕᕆᔨᒃᑯᑦ ᒥᓂᔅᑕᖓᑦ ᐅᓛᔪᒃ ᐊᑭᑦᓱᒃ ᑐᙵᓱᒃᑎᑦᑎᔪᖅ ᐅᓪᓗᒥ ᓄᑖᓂᒃ ᑲᑎᒪᔨᖏᓂᒃ ᑖᒃᑯᓄᖓ ᓄᓇᕗᒥ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᓐᓂ. “ᑖᒃᑯᐊ ᓄᑖᑦ ᑲᑎᒪᔩᑦ ᓇᒃᓴᕐᓂᐊᖅᑐᑦ ᑐᑭᓯᒋᐊᕈᑎᒃᓴᑦᓯᐊᓂᒃ ᐊᒻᒪᓗ ᖃᐅᔨᒪᓂᕐᒥᓂᒃ ᑕᒪᑐᒧᖓ ᐱᔪᓐᓇᑦᓯᐊᕇᖅᑐᓄᑦ ᓄᓇᕗᒥ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᓐᓄᑦ. ᑕᑯᔪᒪᓂᐊᖅᑐᖓ ᓴᙱᓂᖅᓴᒥᒃ ᑮᓇᐅᔭᓕᐅᕈᑎᒃᓴᓂᒃ ᐱᓕᕆᑦᓯᐊᕐᓂᖅᒥᑎᒍᑦ,” ᒥᓂᔅᑕ ᐊᑭᓱᒃ ᐅᖃᖅᑲᐅᔪᖅ. ᐃᓚᓕᐅᑎᔪᑦ ᑖᒃᑯᓄᖓ ᓄᓇᕗᒥ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᑦ ᑲᑎᒪᔨᖏᓐᓄᑦ ᔫᓯᕝ ᐅᕼᐅᒃᑲᓐᓄᐊᖅ ᐃᖃᓗᒃᑑᑦᑎᐊᕐᒥᐅᖅ, ᔭᐃᑯᐱ ᒪᓐᓂᐊᐱᒃ ᐸᓐᓂᖅᑑᒥ, ᒍᐊᑕᓐ ᕆᓂ, ᐃᖃᓗᖕᒥᐅᖅ ᐊᒻᒪᓗ ᔮᓂ ᓂᖏᐅᖓᑦ ᓴᓪᓕᕐᒥᐅᖅ. ᑕᒃᑯᐊ ᐃᓚᓕᐅᑎᔪᑦ ᒫᓐᓇ ᑲᑎᒪᔨᓄᑦ ᔮᑭ ᑭᖕ ᐊᕐᕕᐊᓂᑦ, ᓗᐃ ᖃᒧᒃᑲᖅ ᐅᖅᓱᖅᑑᒥᑦ, ᑯᓗᓛᖅ ᐱᑦᓯᐅᓛᖅ ᑭᒻᒥᕈᒻᒥᒃ ᐊᒻᒪᓗ ᓯᐳᐊᕋ ᐅᒡᔪᑯᓗᒃ ᐃᒃᐱᐊᕐᔪᖕᒥᑦ. ᐊᑐᓂ ᑖᒃᑯᐊ ᑎᒃᑯᐊᖅᑕᐅᔪᑦ ᑐᓂᓯᓂᐊᖅᑐᑦ ᓄᓇᕗᒥ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᑦ ᑲᑎᒪᔨᖏᓐᓄᑦ ᖃᐅᔨᒪᒻᒪᕆᖕᓂᕐᒥᓂᒃ ᓄᓇᕗᒥ ᓇᖕᒥᓂᖅ ᐱᓕᕆᕕᖃᕐᓂᕐᒧᑦ ᐊᒻᒪᓗ ᑮᓇᐅᔭᓕᐅᕈᑎᒃᓴᑦ ᐱᕙᓪᓕᐊᑎᑕᐅᓂᖏᓐᓄᑦ. ᓄᓇᕗᒥ ᐱᕙᓪᓕᐊᑎᑦᓯᓂᕐᒧᑦ ᑯᐊᐳᕇᓴᒃᑯᑦ ᐱᓕᕆᐊᒃᓴᖃᖅᑎᑕᐅᖕᒪᑕ ᐊᐅᓚᔾᔭᐃᖁᔭᐅᓪᓗᑎᒃ ᑮᓇᐅᔭᓕᐅᕈᑎᒃᓴᑦ ᐱᕙᓪᓕᐊᑎᑕᐅᓂᖏᓐᓄᑦ ᐊᒻᒪᓗ ᐃᖅᑲᓇᐃᔭᕐᓂᖅ ᓄᓇᕗᒥ ᑕᒪᒃᑯᐊ ᓴᖅᑭᔮᖅᑎᓪᓗᒋᑦ ᐊᔾᔨᒌᙱᑦᑐᑦ ᑮᓇᐅᔭᓕᐅᕈᑕᐅᔪᓐᓇᖅᑐᑦ. ᑕᒪᕐᒥᓕᒫᖅ ᑲᑎᒪᔨᓄᑦ ᓂᕈᐊᖅᑕᐅᔪᑦ ᐱᒋᐊᑲᐅᑎᒋᔪᑦ. ᖃᓄᐃᑦᑑᓯᒪᓂᖓ ᑐᑭᓯᒋᐊᕈᑎᒃᓴᓂᒃᑲᓐᓂᕈᒪᒍᕕᑦ, ᐅᖃᕐᕕᒋᓗᒍ: ᑭᐅᕆ ᒪᑲᓚᔅᑭ ᑐᓴᒐᒃᓴᓕᕆᓂᕐᒧᑦ ᐊᐅᓚᑦᑎᔨ ᐃᑯᐱᒃᑐᓕᕆᔨᒃᑯᑦ ᓄᓇᕗᑦ ᒐᕙᒪᖏᑦ ᐅᖃᓘᑖ: (867) 975-5929 ᓱᑲᒃᑐᒃᑯᑦ: (867) 975-5980 |