 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ (ᒫᔾᔨ 3, 2003) - ᐃᑯᐱᒃᑐᓕᕆᔨᒃᑯᑦ ᒥᓂᔅᑕᖓᑦ ᐅᓛᔪᒃ ᐊᑭᑦᓱᒃ ᑐᙵᓱᒃᑎᑦᑎᔪᖅ ᐅᓪᓗᒥ ᓄᑖᓂᒃ ᓄᓇᕗᒥ ᓇᖕᒥᓂᖃᖅᑐᓄᑦ ᐊᑭᓕᒃᓴᓂᕝᕕᒃ ᑯᐊᐳᕇᓴᒃᑯᓐᓄᑦ. “ᕿᓚᓈᕈᑎᖃᖅᐳᖓ ᐱᓕᕆᖃᑎᖃᕐᓂᐊᕆᐊᒃᓴᖅ ᓄᑖᓂᒃ ᑲᑎᒪᔨᓂᒃ ᓄᓇᕗᒥ ᓇᖕᒥᓂᖃᖅᑐᓄᑦ ᐊᑭᓕᒃᓴᓂᕝᕕᒃ ᑯᐊᐳᕇᓴᒃᑯᓐᓄᑦ. ᑖᒃᑯᐊ ᓄᑖᑦ ᑲᑎᒪᔩᑦ ᐃᓚᓕᐅᑎᓂᐊᖅᑐᑦ ᑲᑎᒪᔨᓄᑦ ᐃᑲᔪᕐᓂᐊᕐᓗᑎᒃ ᓴᙱᒃᑎᑉᐸᓪᓕᐊᓂᖓᓂᒃ ᖃᐅᑕᒫᑦ ᐊᐅᓚᓂᐅᔪᑦ ᐊᕕᒃᑐᖅᓯᒪᓂᐅᔪᒥ, ᕿᒥᕐᕈᕙᓪᓕᐊᓗᒋᑦ ᑕᒪᒃᑯᐊ ᓄᑖᑦ ᑮᓇᐅᔭᓕᐅᕈᑕᐅᔪᓐᓇᖅᑐᑦ ᓄᓇᕗᒥᐅᓄᑦ.” ᒥᓂᔅᑕ ᐊᑭᓱᒃ ᐅᖃᖅᑲᐅᔪᖅ. ᐃᓚᓕᐅᑎᔪᑦ ᑖᒃᑯᓄᖓ ᓄᓇᕗᒥ ᓇᖕᒥᓂᖃᖅᑐᓄᑦ ᐊᑭᓕᒃᓴᓂᕝᕕᒃ ᑯᐊᐳᕇᓴᒃᑯᓐᓄᑦ ᐊᕐᕌᒍᓄᑦ ᐱᖓᓱᓄᑦ ᐊᑕᓂᐊᖅᑐᑦ ᐅᑯᐊᖑᔪᑦ ᕉᑦ ᓂᑉᑕᓈᑦᓯᐊᖅ-ᕕᐅᑳᒃᔅ ᐃᖃᓗᒃᑑᑦᑎᐊᒥᐅᖅ, ᐸᓪᓗᖅ ᖁᕕᐊᓇᖅᑐᖅ ᑭᙵᕐᒥᐅᖅ, ᓘᓯᐅᓯ ᐊᐃᐱᓕ ᑲᖏᖅᑐᒑᐱᖕᒥᐅᖅ, ᓂᒃ ᓄᙵᖅ ᖃᒪᓂᑦᑐᐊᒥᐅᖅ ᐊᒻᒪᓗ ᑕᐅᕋ ᑐᑐ-ᐸᑐᕆᖕᑕᓐ ᑲᖏᖅᖠᓂᕐᒥᐅᖅ, ᑎᒃᑯᐊᖅᑕᐅᒃᑲᓐᓂᖅᑐᖅ ᒪᕐᕉᖕᓄᑦ ᐊᕐᕌᒎᖕᓄᑦ ᒥᐊᓕ ᐸᓂᒍᔪᒃ-ᑰᑏ ᐃᖃᓗᒃᑑᑦᑎᐊᒥᐅᖅ, ᒫᒃ ᑲᓗᐊᖅ ᐊᕐᕕᐊᒥᐅᖅ, ᕌᐳᑦ ᕼᐋᓐᓴᓐ ᐃᖃᓗᖕᒥᐅᖅ ᐊᒻᒪᓗ ᐊᐃᓴᒃ ᕼᐊᐅᓕ ᐃᒡᓗᓕᖕᒥᐅᖅ. ᐊᑐᓂ ᓯᒃᑯᐊᖅᑕᐅᖁᔪᑦ ᓇᒃᓴᕐᓂᐊᖅᑐᑦ ᑲᑎᒪᔨᓄᑦ ᖃᐅᔨᒪᒻᒪᕆᖕᓂᕐᒥᓂᒃ ᓄᓇᕗᒥ ᓇᖕᒥᓂᖅ ᐱᓕᕆᕕᖃᕐᓂᕐᒧᑦ ᐊᒻᒪᓗ ᑮᓇᐅᔭᓕᐅᕈᑎᖃᖅᐸᓪᓕᐊᓂᕐᒧᑦ. ᑕᒃᑯᐊ ᓄᓇᕗᒥ ᓇᖕᒥᓂᖃᖅᑐᓄᑦ ᐊᑭᓕᒃᓴᓂᕝᕕᒃ ᑯᐊᐳᕇᓴᒃᑯᑦ ᐱᓕᕆᐊᒃᓴᖃᖅᑎᑕᐅᔪᑦ ᐊᐅᓚᔾᔭᐃᐅᔭᐅᓪᓗᑎᒃ ᑮᓇᐅᔭᓕᐅᕈᑎᖃᕐᓂᕐᒧᑦ ᐱᕙᓪᓕᐊᑎᑦᓯᓂᕐᒥᑦ ᐊᒻᒪᓗ ᐃᖅᑲᓇᐃᔭᖅᑎᑦᑎᓂᕐᒥᑦ ᓄᓇᕗᒥ ᐱᑕᖃᖅᑎᑦᑎᓗᑎᒃ ᓇᖕᒥᓂᖅ ᐱᓕᕆᕕᖃᖅᑐᑦ ᐊᑭᓕᒃᓴᓂᒃᑎᑉᐸᒡᓗᒋᑦ ᐅᑭᐅᖅᑕᖅᑐᒥ ᓇᖕᒥᓂᖅ ᐱᓕᕆᕕᖃᖅᑐᑦ ᑕᒪᒃᑯᐊ ᑮᓇᐅᔭᒃᑯᕕᑐᐃᓐᓇᐃᑦ ᐃᓚᐅᓂᖃᕈᒪᙱᒃᑳᖓᑕ. ᑲᑎᒪᔨᕈᖅᑐᑦ ᑎᒃᑯᐊᖅᑕᐅᔪᑦ ᐱᒋᐊᑲᐅᑎᒋᓂᐊᖅᑐᑦ. ᑐᑭᓯᒋᐊᕈᑎᒃᓴᓂᒃᑲᓐᓂᕈᒪᒍᕕᑦ, ᐅᖃᕐᕕᒋᓗᒍ: ᑭᐅᕆ ᒪᑲᓚᔅᑭ ᑐᓴᒐᒃᓴᓕᕆᓂᕐᒧᑦ ᐊᐅᓚᑦᑎᔨ ᐃᑯᐱᒃᑐᓕᕆᔨᒃᑯᑦ ᓄᓇᕗᑦ ᒐᕙᒪᖏᑦ ᐅᖃᓘᑖ: (867) 975-5929 |