 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ (ᒪᔨ 11, 2003) –ᑭᓇᐅᔭᓕᕆᔨ ᑭᐊᕙᓐ ᓂᖕ ᓴᕿᑎᑦᑎᖕᒪᑦ ᑕᓪᓕᒪᖓᓐᓂ ᐊᒻᒪᓗ ᑭᖑᓪᓗᓕᖅᐹᒥ ᑮᓇᐅᔭᓕᕆᓂᕐᒥ ᒪᓕᒐᓕᐅᕐᕕᖕᒥ ᐅᓪᓗᒥ. ᑲᑎᓪᓗᒋᑦ ᒐᕙᒪᒃᑯᑦ ᑮᓇᐅᔭᕆᓂᐊᖅᑕᖏᑦ ᑕᒪᑐᒧᖓ ᑮᓇᐅᔭᓕᕆᓂᐅᑉ ᐊᕐᕋᒍᖓᓄᑦ ᐃᒪᓐᓇᐅᕗᑦ $843.1 ᒥᓕᐊᓐ ᐊᐅᓚᔪᑎᖓᓄᑦ ᐊᑭᓕᒃᓴᐅᑎᓪᓗᒍ ᐅᓇ $11.6 uox8. ᐱᓕᕆᐊᑦ ᖃᓂᒪᖃᒃᑕᐃᓕᔪᓕᕆᔨᒃᑯᓐᓂ ᐃᓄᓕᕆᔨᒃᑯᓐᓂᓗ ᐊᒻᒪᓗ ᐃᓕᓐᓂᐊᖅᑐᓕᕆᔨᒃᑯᓐᓂ, ᐃᓚᐅᓪᓗᑎᒃ ᓄᓇᕗᑦ ᐃᒡᓗᓕᕆᔨᕐᔪᐊᒃᑯᖏᑦ ᐱᓯᒪᑎᑕᐅᖕᒪᑕ ᐊᖏᓂᖅᓴᐅᔪᓂᑦ ᐊᕝᕙᖏᓐᓂᑦ ᑕᒃᑯᐊ ᑲᑎᓯᒪᓗᒋᑦ ᑮᓇᐅᔭᕆᔭᐅᓂᐊᖅᑐᑦ. ᑕᒃᑯᓇᓂ ᐅᖃᐅᑕᐅᔪᓂ, ᒥᓂᔅᑕ ᓂᖕ ᐅᖃᐅᓯᖃᒃᑲᓐᓂᕐᒥᖕᒪᑦ ᐊᕿᒃᓯᔪᑕᐅᓂᐊᖅᑐᓂᒃ ᓄᐊᓯᒪᔪᓂᑦ ᐊᒥᐊᒃᑯᓄᑦ ᐊᑐᕐᓂᐊᖅᑐᓂ ᑮᓇᐅᔭᓂᕆᓂᕐᒧᑦ ᐊᕐᕋᒍᓂᐊᖅᑐᓂ ᐱᔭᐅᑎᑦᑎᓂᐊᕐᓗᑎᒃ “ᐱᔭᐅᔭᕆᐊᖃᒪᕆᒃᑐᓂᒃ ᐃᓄᓕᕆᓂᕐᒧᑦ ᐊᒻᒪᓗ ᑮᓇᐅᔭᖃᕋᓱᐊᕐᓂᕐᒧᑦ ᐊᕿᒃᓯᒪᔪᑎᒃᓴᓂᒃ ᒪᑭᑕᑦᑎᑦᑎᒍᑕᐅᓂᕐᑐᓂᒃ ᓄᓇᕗᑦ ᓯᕗᓂᒃᓴᖓᓄᑦ.” ᐃᓱᓕᑎᓪᓗᒍ ᑕᒪᓐᓇ 2003/04 ᑮᓇᐅᔭᓕᕆᓐᓇᐅᑉ ᐊᕐᕋᖑᖓ, ᓴᕿᔮᖅᑎᑦᑎᔪᒍᑦ ᑕᒪᒃᑯᐊ ᓄᐊᓯᒪᓗᑎᒃ ᐊᒥᐊᒃᑯᒋᒐᔭᖅᑐᑦ ᐃᒪᓐᓇᑐᐃᓐᓇᐅᒐᔭᕐᒪᑕ $2.7 ᒥᓕᐊᓐ. “ᐱᓕᕆᐊᕆᓇᓱᐊᒋᐊᖃᕐᓂᐊᖅᒥᔭᕗᑦ ᑭᖑᓪᓕᐅᓗᒍ ᐊᑐᓪᓚᕆᖁᓪᓗᒍ ᐊᕿᒃᓯᒪᐃᓐᓇᖅᑎᒍᓐᓇᕆᐊᕐᓗᒍ ᐱᓯᒪᔭᕗᑦ ᐊᒥᓲᓗᐊᖏᑦᑐᑦ ᑮᓇᐅᔭᓕᐅᕈᑎᒋᔪᓐᓇᖅᑕᕗᑦ ᐊᒻᒪᓗ ᐱᔭᐅᔭᕆᐊᖃᓪᓚᑦᑖᓕᖅᑐᑦ ᒪᑯᓄᖓ ᒪᒃᑯᒃᑐᓄᑦ ᐊᒻᒪᓗ ᓱᒃᑲᓪᓕᔪᒥᑦ ᐱᕈᒃᐸᓪᓕᐊᓗᑎᒃ ᐃᓄᒋᐊᒃᓯᕙᓪᓕᐊᔪᓄᑦ ᐃᓗᓐᓇᓕᒪᖓᓂ ᓄᓇᖃᕐᕕᐅᔪᓕᒪᓂ, “ ᒥᓂᔅᑕ ᓂᖕ ᑐᑭᓯᓇᖅᓯᑎᒋᐊᕐᒪᒍ ᑕᒪᓐᓇ” ᒥᓂᔅᑕ ᓂᖕ ᐃᓚᒋᐊᖅᓯᔪᑎᒋᒃᑲᓐᓂᖅᑕᖓ ᑕᒫᓂ ᓄᓇᕗᒥ ᐱᔭᕆᐊᖃᓪᓚᕆᖕᒪᑕ ᐃᑲᔪᖅᓱᖅᑕᐅᒃᑲᓐᓂᕈᑎᓂᒃ ᒐᕙᒪᑐᖃᒃᑯᓐᓂᑦ ᑕᒫᓕ ᐱᖏᐊᓕᓵᕐᓂᖓᓂ ᐱᓕᕆᓂᐅᔪᖅ ᐊᕿᒃᓱᖅᐸᓪᓕᐊᑎᓪᓗᑕ ᒐᕙᒪᐅᓂᑦᑎᒍᑦ. -30- ᐃᓚᒋᓕᐅᑎᓯᒪᔪᖅ: ᑮᓇᐅᔭᓕᕆᓯᒪᔪᑦ 2003-ᒧᑦ ᐅᖃᐅᑕᐅᓗᐊᖑᐊᖅᑐᑦ Media Contact: Chris Lalande 867 975 5026 Office of Minister Kelvin Ng Government of Nunavut |