 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ(ᔪᓂ 23, 2003) - ᐅᓂᑉᑲᓕᐊᖅ ᐃᒻᒪᖄ ᐊᕿᖏᐊᕈᑕᐅᑐᐃᓐᓇᕆᐊᓕᒃ ᓄᓇᕘᒥ ᑎᒃᒥᓲᒃᑯᑦ ᐱᔨᑦᓯᕋᖅᑕᐅᕙᖕᓂᖓᑦ ᓴᕿᑎᑕᐅᓚᐅᖅᐳᖅ ᓄᓇᓕᖕᓄᑦ ᒐᕙᒪᓕᕆᓂᖅ ᐃᖏᕋᔪᓕᕆᔨᒃᑯᓐᓄᓪᓗ ᒥᓂᔅᑕᖓᑦ ᐲᑕ ᕿᓚᕝᕙᕐᒧᑦ. ᓄᓇᕘᒥ ᑎᒃᒥᓲᒃᑯᑦ ᐱᔨᑦᓯᕋᖅᑕᐅᕙᖕᓂᖓᓐᓄᑦ ᐋᕿᐅᒪᓂᖓᑦ ᐱᒋᐊᕈᑕᐅᓂᖏᓐᓄᑦ ᓇᓪᓕᐊᑯᖔᖅ ᐊᑐᖅᑕᐅᔪᒪᓂᒃᑯᑦ ᐅᓂᑉᑳᓕᐊᖓᑦ ᐊᑐᖅᑕᐅᓂᐊᕐᒪᑦ ᒐᕙᒪᒃᑯᓐᓄᑦ ᐃᑲᔪᕈᑕᐅᓗᓂ ᑐᕋᓂᕆᔭᖏᓐᓄᑦ ᐅᑯᓄᖓ:
ᐅᓂᑉᑳᓕᐊᖅ ᐊᑐᓕᖁᔨᓯᒪᕗᖅ ᖃᔅᓯᒐᓚᖕᓂᒃ ᓇᐃᒃᑐᒥᒃ ᑐᕋᕐᓂᕆᔭᐅᓂᐊᖅᑐᓂᒃ ᐋᕿᒋᐊᖁᔨᓯᒪᔪᓂᒃ ᑎᖕᒥᓲᒃᑯᑦ ᐱᔨᑦᓯᕋᕐᓂᖅ ᐊᖁᑎᒋᕙᒃᑕᖏᑦ ᐊᒻᒪᓗ ᐊᑯᓇᐃᓐᓂᖅᓴᒃᒥᒃ ᑎᖕᒥᓲᖃᖃᑦᑕᕐᓂᖏᑦ. ᐅᓂᑉᑲᖅ ᓇᓗᓇᐃᕆᓯᒪᒋᕗᖅ ᑳᑐᓛᑎᒍᑦ ᐸᕐᓇᒃᑕᐅᓯᒪᓂᖏᑦ ᐊᒻᒪᓗ ᑲᔪᓯᑎᑕᐅᒋᐊᓂᖏᓐᓄᑦ ᐊᓄᖅ ᐅᓗᕆᐊᓇᖅᑐᒥᑐᐃᓐᓇᕆᐊᖃᕐᓂᖏᓐᓂᒃ. ᓄᓇᓕᖕᓂ ᓄᓇᕗᒥ ᑎᖕᒥᓲᒃᑯᑦ ᐱᔨᑦᓯᕋᖅᐸᖕᓂᖏᑦ, ᐊᒻᒪᓗ ᐊᓯᖏᓪᓗ ᑎᒍᒥᐊᖅᑎᐅᖃᑕᐅᓯᒪᔪᑦ ᑮᓇᐅᔭᖃᖅᑎᑦᓯᓂᒃᑯᑦ ᖃᐅᔨᑎᑕᐅᓚᐅᖅᐳᖅ ᑕᒪᓐᓇ ᐸᕐᓇᐅᑕᐅᓯᒪᓕᖅᑎᓪᓗᒍ ᐅᓂᑉᑳᓕᐊᖅ. ᐊᒻᒪᓗ, ᓄᓇᕗᑦ ᒐᕙᒪᒃᑯᖏᑦᑕ ᐱᓕᕆᔨᖁᑎᖏᑦ ᐃᖏᕋᒐᔭᓚᐅᕆᕗᑦ ᓄᓇᓕᖕᓄᑦ ᖃᐅᔨᓇᓱᐊᖅᖢᑎᒃ. ᐊᓂᑉᑲᓕᐊᖅ ᐊᑐᐃᓐᓇᐅᑎᑦᓯᕗᖅ ᖃᓄᖅ ᐊᔪᕐᓇᖅᑎᒋᓂᐊᕐᓂᖓᓂᒃ ᖃᐅᔨᓴᖅᑕᐅᓂᖏᓐᓂᒃ ᑕᒪᑐᒧᖓ ᐊᑐᐃᓐᓴᐅᒍᓐᓇᕋᔭᕐᓂᖏᓐᓄᑦ ᖃᓄᖅ ᓇᐅᒃᑯᑦ ᐃᖏᕋᖃᑦᑕᕐᓂᐊᕐᓂᖏᓐᓄᑦ. “ᐃᓕᑕᓯᓯᒪᒐᓗᐊᖅᐳᑦ ᖃᓄᖅ ᐅᓇᖕᒥᓱᖃᑦᑕᕐᓂᖏᓐᓂᒃ ᑎᖕᒥᓲᑯᑦ ᐱᔨᑦᓯᕋᕐᓂᐅᔪᖅ ᓄᓇᕗᒥᒃ ᒫᓐᓇᒧᑦ. ᐱᓕᕆᖃᑎᒋᑦᓯᐊᕈᒪᕙᒃᑲ ᐋᕿᒋᐊᖅᓂᕐᒥᒃ ᑎᖕᒥᓲᒃᑯᑦ ᐱᔨᑦᓯᕋᕐᓂᕐᒥᒃ ᓄᓇᕗᒥᐅᑕᓗᒃᑖᑉ ᓄᓇᖁᑎᖏᓐᓄᑦ,” ᕿᓚᕝᕙᖅ ᐅᖃᖅᐳᖅ. ᓇᐃᒡᓕᖏᐊᓯᒪᔪᖅ ᐅᓂᑉᑲᓕᐊᒧᑦ ᐊᐅᓚᖅᑎᑕᐅᓂᐊᖅᐳᑦ ᓄᓇᕗᑉ ᓄᓇᖁᑎᓗᒃᑖᖏᓐᓄᑦ ᐊᒻᒪᓗ ᑲᑎᒪᔾᔪᑕᐅᑲᓐᓂᓂᐊᕆᓪᓗᓂ ᐅᖃᓘᑎᒃᑯᑦ. ᐅᓂᑉᑳᓕᐊᖅ ᐅᖃᐅᓯᐅᓪᓗᐊᑕᕐᓂᐊᖅᐳᖅ ᐱᔾᔪᑎᖃᖅᑐᖅ ᓄᓇᕘᒥ ᑎᒃᒥᓲᒃᑯᑦ ᐱᔨᑦᓯᕋᖅᑕᐅᕙᖕᓂᖓᑦ ᐃᖃᓗᖕᓂ ᓄᓐᖑᐊᓂ ᔪᓂᒥ. -30- ᑐᑭᓯᒋᐊᑲᓐᓂᕈᒪᒍᑦᓯ ᐅᕗᖓ ᖃᐅᔨᒋᐊᕐᓗᓯ: Jim Stevens, Senior Advisor, Transportation Planning. (867) 645-8216. ᓇᐃᖕᓕᒋᐊᖅᒪᔪᖅ ᐅᓂᑉᑳᓕᐊᖅ ᑕᒪᑐᒧᖓ ᓄᓇᕘᒥ ᑎᒃᒥᓲᒃᑯᑦ ᐱᔨᑦᓯᕋᖅᑕᐅᕙᖕᓂᖓᓄᑦ ᐅᓂᑉᑳᓕᐊᖅ ᐊᑐᐃᓐᓇᐅᓕᖅᐳᖅ ᐅᕙᓐᖓᑦ: www..gov.nu.ca |