 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᓴᓂᑭᓗᐊᖅ, ᓄᓇᕗᑦ (ᔪᓂ 23, 2003) - ᓄᓇᕗᑦ ᒐᕙᒪᒃᑯᖏᑦ ᐱᓕᕆᐊᖃᖅᓯᒪᓂᐊᕐᓂᕋᓚᐅᕐᒪᑕ ᐱᓕᕆᖃᑎᖃᑦᓯᐊᕐᓂᕐᒥᒃ ᕼᐋᒻᓚᑯᖓᓐᓂ ᓴᓂᑭᓗᐊᑉ ᓴᐳᔾᔨᓂᕐᒥᒃ ᓄᓇᓕᖓᑕ ᐱᖁᓯᒃᑯᑦ ᓂᕿᖃᖅᑎᑦᓯᓂᕐᒥᒃ. ᓯᕗᓕᐅᖅᑎ ᐹᓪ ᐅᑲᓕᖅ ᐊᒻᒪ ᒥᔭᒋᔭᖓᑦ ᐋᓂ ᐊᒥᑦᑐᖅ ᐊᑎᓕᐅᓚᐅᖅᐴᒃ ᑐᑭᓯᐅᒪᓂᖃᕐᓂᕐᒥᒃ ᐃᓕᑕᖅᓯᓯᒪᔪᒥᒃ ᐊᑕᐅᑦᓯᒥᒃ ᐱᒍᒪᓂᖃᖅᑎᓪᓗᒋᑦ ᑐᑭᓯᐅᒪᓂᒃᑯᓪᓗ ᐊᒻᒪᓗ ᓴᐳᔾᔨᓂᕐᒥᒃ ᐃᒪᕐᒥᐅᑕᓂᒃ ᐆᒪᔪᐃᑦ ᐊᕙᑕᒥᐅᑕᖏᓐᓂ ᑕᕆᐅᖓᓐᓂ ᑕᓯᐅᔭᐅᑉ ᐊᒻᒪᓗ ᑲᖏᖅᓱᐊᓘᑉ ᐃᓗᐊ. “ᑕᒪᐃᓐᓂᒃ ᓄᓇᕗᒥᐅᑦ ᐱᔭᒃᓴᖃᕐᒪᑕ ᓴᐳᔾᔨᓂᒃᒥᒃ ᐊᕙᑕᒥᐅᑕᑉᑎᓐᓂ ᐊᑐᐃᓐᓇᐅᑎᑦᓯᕙᒃᑐᒥᒃ ᓇᖕᒥᓂᖅ ᓂᕿᖁᑎᑉᑎᓐᓂ. ᓴᓂᑭᓗᐊᕐᒥᐅᑕᑎᑐᑦ ᑐᑭᓕᒃ ᓴᐳᔾᔨᓂᕐᒥᒃ ᑕᕆᐅᖏᓐᓂ ᐊᒻᒪᓗ ᐃᒪᕐᒥᐅᑕᓂᒃ ᐆᒪᔪᓂᒃ ᐊᑐᐃᓐᓇᐅᑎᑦᓯᖕᒥᔪᖅ ᑎᒥᒃᑯᑦ ᐊᒻᒪᓗ ᐃᓕᖁᓯᒃᑯᑦ ᓂᕿᖃᖅᑎᑦᓯᓂᕐᒥᒃ,” ᐅᖃᖅᐳᖅ ᐹᓪ ᐅᑲᓕᖅ. ᑖᑉᑯᐊ ᒪᕉᒃ ᒐᕙᒪᐃᑦ ᐱᓕᕆᖃᑎᖃᖅᓯᒪᓕᐊᓂᒃᐳᑦ ᑐᓐᖓᕕᒃᑯᓐᓂ ᐊᒻᒪ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂ ᑭᒡᒐᖅᑐᐃᓂᐊᕐᓗᑎᒃ ᐃᓄᐃᑦ ᐃᓱᒫᓗᑎᖏᓐᓂ ᐱᔾᔪᑎᖃᖅᑐᒥᒃ ᖃᓄᖅ ᐊᒃᑐᐊᓂᖃᖅᑎᒋᓂᐊᕐᓂᖓᓂᒃ ᑰᑐᔾᔪᐊᒥᒃ ᐊᑐᖅᖢᑎᒃ ᐆᒻᒪᖁᑎᓕᐅᕐᓂᕐᒧᑦ ᐱᓕᕆᐊᕆᔭᐅᒧᑦ ᑮᓇᐅᔭᖃᖅᑎᑕᐅᓪᓗᑎᒃ ᑰᐸᐃᑦ ᒐᕙᒪᖓᓐᓄᑦ. “ᑕᐃᒫᒃ ᐱᓕᕆᖃᑎᒌᖕᓂᐊᕐᓂᕐᒧᑦ ᐊᑎᓕᐅᖅᓯᒪᓂᖅ ᐊᖏᕈᑎᒃᑯᑦ ᓄᓇᕗᑉ ᒐᕙᒪᒃᑯᖓᓐᓂ ᐃᑲᔪᕐᓂᖃᕐᓂᐊᖅᐳᖅ ᑭᒡᒐᖅᑐᖅᑕᐅᑦᓯᐊᓂᖏᓐᓂᒃ ᓴᓂᑭᓗᐊᒥᐅᓂᒃ ᑕᒪᒃᑯᓂᖓ ᓄᓇᕗᑉ ᐊᒻᒪᓗ ᑲᓇᑕᒥᐅᓄᑦ ᐃᓱᒫᓗᑎᒋᔭᐅᔪᓂᒃ,” ᐅᖃᖅᐳᖅ ᒦᔭ ᐋᓂ ᐊᒥᑦᑐᖅ. ᓄᓇᕗᑦ ᐊᒻᒪᓗ ᕼᐋᒻᓚᒃᑯᑦ ᑲᕙᒪᒃᑯᖏᑦ ᐋᕿᒃᓱᐃᓂᐊᖅᐳᑦ ᐊᑭᐅᓕᒫᒧᑦ ᐸᕐᓇᐅᑕᐅᓂᐊᖅᑐᓂᒃ ᐊᒻᒪᓗ ᑮᓇᐃᔭᐃᑦ ᐊᑐᕈᒫᓂᐊᖅᑐᒃᓴᓂᒃ ᐃᑲᔪᖅᑐᐃᓂᖏᓐᓂᒃ ᑕᒪᑐᒥᖓ ᐃᓚᐅᓂᖏᓐᓂᒃ ᓄᓇᕗᑉ ᑲᖏᓱᐊᓘᑉ ᐃᓗᐊᑕ ᑕᕆᐅᖓᓂ ᑕᐱᕇᓕᖅᖢᑎᒃ ᐱᓕᕆᖃᑎᒌᖕᓂᒃᑯᑦ ᑲᑐᔾᔨᖃᑎᖓᑦ. ᓄᓇᕗᑉ ᒐᕙᒪᒃᑯᖓᑦ ᑐᓂᓯᐊᓂᓚᐅᖅᐳᖅ ᕼᐋᒻᓚᒃᑯᓐᓄᑦ ᑮᓇᐅᔭᓂᒃ ᐱᒋᐊᕈᑎᒃᓴᓂᒃ $55,000.00ᓂ. “ᓄᓇᓕᖓᓐᓄᑦ ᒪᓕᒐᓕᐅᖅᑎᐅᑎᓪᓗᒍ, ᑖᑉᑯᐊ ᑲᑎᑎᑕᐅᓂᖏᑦ ᓄᓇᕗᑦ ᐊᒻᒪᓗ ᕼᐋᒻᓚᒃᑯᑦ ᒐᕙᒪᒃᑯᖏᑦ ᓴᐳᔾᔨᓂᕐᒥᒃ ᐃᒃᐱᖕᓂᐊᕐᓂᕆᔭᐅᔪᑦ ᓴᓂᑭᓗᐊᕐᒧᑦ ᑕᒪᓐᓇ ᓯᕗᓪᓕᐅᔾᔭᐅᔭᕆᐊᖃᖅᐳᖅ,” ᐅᖃᖅᐳᖅ ᐲᑕ ᑲᑦᑐᒃ.’ ᐊᑎᓕᐅᕐᓂᖓᑦ ᐊᖏᕈᑎᒃᑯᑦ ᓇᓗᓇᐃᕈᑕᐅᓚᐅᕆᕗᖅ ᐅᒃᑯᐊᖅᓯᒪᓪᓗᑎᒃ ᐅᓪᓘᖕᓂᒃ ᒪᕉᖕᓂᒃ ᓄᓇᕘᑉ ᒐᕙᒪᒃᑯᖏᑦᑕ ᒪᓕᒐᓕᕆᔨᖏᑦ ᐸᕐᓇᐃᓂᕐᒧᑦ ᑲᑎᒪᓂᖃᓚᐅᖅᐳᑦ ᓄᓇᕘᑉ ᑲᓇᖕᓇᖅᖠᖅᐹᖓᑦᑕ ᓄᓇᖁᑎᖓᓐᓂ. -30- ᑐᑭᓯᒋᐊᑲᓐᓂᕈᒪᒍᔅᓯ ᐅᕗᖓ ᖃᖏᔨᒋᐊᕈᓐᓇᖅᐳᓯ: Nino Wischnewski Government of Nunavut Communications (867) 975-6001 |