 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᓴᓂᑭᓗᐊᖅ, ᓄᓇᕗᑦ (ᔫᓂ 20, 2003) – ᓄᓇᕗᑦ ᑲᔪᓯᒋᐊᕐᓂᐊᓕᖅᑐᑦ ᒪᓕᒐᑎᒎᕐᓗᑎᒃ ᓴᓂᕐᕙᐃᖁᔨᓂᕐᒥᒃ ᒐᕙᒪᑐᖃᒃᑯᒃ ᐱᒋᐊᖅᑎᓵᓚᐅᖅᑕᖏᓐᓂᒃ ᑐᓂᓯᒋᐊᕈᑎᐅᓚᐅᖅᑐᒥᒃ ᐊᕝᕙᓪᓕᐊᕆᔭᐅᔪᑦ ᐊᖏᒃᓕᒋᐊᖅᑕᐅᓂᖏᑕ ᕿᖑᕆᐊᕈᓐᓇᐅᑎᑦ ᓄᓇᕗᒻᒥᐅᑦ ᐃᒪᖁᑎᖏᒍᑦ ᓯᓚᑖᓂᕐᒥᐅᓄᑦ. ᓴᖅᑭᒋᐊᕐᓂᑯ ᒥᓂᔅᑕᒍᔭᐅᔪᑦ ᑲᑎᒪᔨᖏᑕ ᖃᓄᖅᑑᕈᑎᖏᓐᓂᒃ ᑕᒫᓂ ᓄᓇᓕᖕᓂ, ᓯᕗᓕᐅᖅᑎ ᐹᓪ ᐅᑲᓕᖅ, ᒥᓂᔅᑕᒋᔭᐅᖕᒥᔪᖅ ᒪᓕᒐᓕᕆᔨᒃᑯᓐᓄᑦ, ᐅᖃᓚᐅᕐᒪᑦ ᓄᓇᕗᑦ ᐊᐱᕆᓂᐊᕐᓂᕋᐃᓪᓗᓂ ᒐᕙᒪᑐᖃᒃᑯᒃ ᐃᖅᑲᖅᑐᐃᕕᖓᓄᑦ ᑕᒪᓐᓇ ᓴᓂᕐᕙᒃᑕᐅᖁᓪᓗᓂᐅᒃ ᑭᒃᓕᒃᓴᖁᑎᒋᔭᐅᔪᒃᓴᖅ ᐅᖃᖅᑕᐅᔪᖅ ᐃᓕᔭᐅᒋᐊᖁᓪᓗᓂᐅᑦ ᐃᖅᑲᖅᑐᐃᔨᒃᑯᓐᓄᑦ ᑕᑯᓇᒐᒃᓴᐅᓂᐊᕐᒪᑦ. “ᑕᖅᑭᓄᑦ 18ᓄᑦ ᐊᔩᖃᑎᖃᐃᓐᓇᕋᑦᑕ ᒐᕙᒪᑐᖃᒃᑯᓐᓂ, ᑭᓯᐊᓂᓕ ᑐᓂᓯᓇᓱᐃᓐᓇᕐᒪᑕ ᓄᓇᑦᑕ ᓯᓚᑖᓂᕐᒥᐅᓄᑦ ᐃᒪᕐᒥᐅᑕᕆᔭᑦᑎᓐᓂ. ᑕᒪᓐᓇ ᓄᖅᑲᖅᑎᑕᐅᔭᕆᐊᖃᓪᓚᕆᖕᒪᑦ” ᓯᕗᓕᐅᖅᑎ ᐹᓪ ᐅᑲᓕᖅ ᐅᖃᖅᑐᖅ. ᐃᓚᔭᐅᒋᐊᕈᑎᒋᓂᐊᖅᑕᖓ ᐃᖅᑲᖅᑐᐃᔨᒃᑯᓐᓄᑦ ᑕᑯᓇᒃᑕᐅᔪᒃᓴᐅᑎᐅᓪᓗᓂ ᓄᓇᕗᑦ ᒐᕙᒪᒃᑯᖏᓐᓂᒃ ᑭᐅᓗᐃᒋᐊᕐᓂᐊᕐᒪᑦ ᐃᒪᓕᕆᔨᕐᔪᐊᒃᑯᑦ ᐅᖃᖅᑕᖓ ᒪᓕᖏᑦᑎᐊᕐᒪᑦ ᐅᓂᒃᑳᓕᐊᖑᓯᒪᔪᓂᒃ ᐅᕙᓂ ᑎᒍᒥᐊᖅᑎᐅᓂᐊᖅᑐᑦ ᓇᖏᖅᑎᖏᑦ ᐅᐸᒃᑕᐅᔪᓐᓇᖅᑐᓄᒃ ᐊᑐᖅᑕᐅᔪᒃᓴᖓ, ᐅᖃᖅᓯᒪᔪᖅ: “ᐃᓚᖃᖅᑎᑕᐅᒃᑲᓐᓂᕆᐊᖃᖏᒻᒪ ᐅᐸᒃᑕᐅᔾᔪᑎᒃᓴᒥᒃ ᑐᓂᔭᐅᔪᓐᓇᖏᑦᑐᑦ ᓄᓇᕗᒻᒥᐅᑕᐅᖏᑦᑐᓄᑦ ᐃᓚᐅᔪᒪᔫᒐᓗᐊᓄᑦ ᓄᓇᒋᔭᑦᑕ ᐃᒪᕕᒋᔭᖓᓂᒃ ᓄᓇᑦᑎᓐᓃᑎᓪᓗᒍ ᑭᓯᐊᓂ ᓄᓇᕗᑦ ᐱᑎᑕᐅᓐᓂᕈᑎᒃ ᐅᐸᒃᑕᐅᔪᓐᓇᕈᑎᒥᒃ ᑎᒍᒥᐊᖅᑎᕐᔪᐊᖑᔪᓄᑦ ᒪᑐᐃᖓᔪᓄᑦ ᐃᒪᕐᒥᐅᑕᕆᔭᑦᑎᓐᓂ.” ᓄᓇᕗᑦ ᑎᒍᒥᐅᕈᑎᒋᔭᖓ ᐅᖃᖅᑕᐅᓯᒪᔪᓂᒃ ᐅᑭᐅᖅᑕᖅᑐᒥᐅᑦ ᑭᖑᖏᓐᓂᒃ (ᐹᓐᑐᓚᔅ ᐳᐊᕆᐊᓕᔅ) 16%ᖑᓚᐅᖅᑐᑦ ᒪᐃ 26, 2003 ᑐᖔᓂ ᒐᕙᒪᑐᖃᒃᑯᒃ ᐅᖃᓚᐅᖅᓯᒪᔪᑦ. ᑎᒍᒥᐊᖅᑕᐅᓂᖏᑦ ᐊᖏᒃᓕᒋᐊᖅᑕᐅᓚᐅᖅᖢᑎᑦ 19%ᒥᒃ ᐅᖃᖅᓯᒪᓕᖅᑎᓪᓗᒋᑦ. ᑕᐅᑐᒃᖢᒋᑦ ᐊᓯᖏᑦ ᑲᓇᑕᒥᐅᑦ ᐃᒪᖏᑎᒍᑦ ᐊᔪᖏᔾᔪᑎᓖᑦ ᐱᓚᐅᖅᑐᑦ 80%ᓂᒃ ᐱᔪᓐᓇᖅᑎᑕᐅᔾᔪᑎᖏᑎᒍᑦ. ᒐᕙᒪᑐᖃᒃᑯᑦ ᐅᖃᓚᐅᕐᒥᖕᒪᑕ ᓄᕕᐱᕆᐅᓚᐅᖅᓯᒪᔪᒥᒃ ᐊᖏᕐᒪᑕᒎᖅ ᖃᐅᔨᔭᐅᔪᓂᒃ ᓇᖏᖅᑏᑦ ᐅᓂᒃᑳᓕᐊᖏᓐᓂᒃ ᐊᒻᒪᓗ ᐊᖏᖅᖢᑎᒃ ᐊᓯᖏᑦ ᐃᓚᐅᓕᐅᔾᔭᐅᔾᔮᖏᑦᑐᑦ ᓄᓇᕗᒻᒥᐅᑕᐅᖏᑦᑐᑦ ᐃᓚᐅᔪᒪᔫᒐᓗᐊᑦ ᐃᒪᕆᔭᑦᑎᓐᓂ. ᓄᓇᕗᑦ ᐊᑲᐅᒃᓴᓚᐅᖏᖕᒥᖕᒪᑕ ᒐᕙᒪᑐᖃᒃᑯᑦ ᐅᖃᖅᑕᖓ ᐊᑐᖅᑎᑦᑎᖏᑦᑎᐊᕐᒪᑦ ᑎᑎᕋᖅᑕᐅᓯᒪᔪᒥᒃ 15.3.7 ᓄᓇᕗᑦ ᓄᓇᒋᓂᕐᒧᑦ ᐊᖏᖃᑎᒌᒥᒃ, ᑐᓂᓯᓯᒪᔾᔪᑎᐅᔪᑦ ᐃᓱᒪᒋᔭᐅᓪᓗᑎᒃ ᒪᓕᒃᑕᐅᔪᒪᔪᑦ ᐱᔾᔪᑎᒋᓪᓗᒋᑦ ᐊᑐᖅᑕᐅᕝᕕᖃᖅᑐᑦ ᐊᒻᒪᓗ ᒪᑭᑉᐸᓪᓕᐊᔾᔪᑎᐅᔪᓐᓇᖅᑐᑦ. ᑕᒪᓐᓇ ᐱᔾᔪᑎᒋᓪᓗᒍ, ᓄᓇᕗᑦ ᒐᕙᒪᒃᑯᖏᑦ ᐃᓱᒪᒃᓴᖅᓯᐅᓕᕐᒪᑕ ᒪᓕᒐᑎᒍᑦ ᐱᒋᐊᕈᒪᓕᖅᖢᑎᒃ ᒐᕙᒪᑐᖃᒃᑯᓐᓂᒃ ᒪᓕᒃᓗᒋᑦ ᓱᕋᐃᓂᖏᓐᓄᑦ ᑳᓐᑐᕌᓕᐊᖑᔪᕝᓂᕐᓂ ᑕᕝᕙᓂ. “ᐅᐸᒍᓐᓇᕐᓂᖅ ᐱᕝᕕᒋᔪᓐᓇᖅᑕᑦᑎᓐᓄᑦ ᒪᑐᐃᕈᑎᒋᒐᓗᐊᕋᑦᑎᒍᑦ ᐃᒻᒥᓂᒃ ᐊᔪᖏᑦᑎᐊᕈᓐᓇᕐᓂᕐᓂᒃ ᐊᒻᒪᓗ ᐃᑲᔪᐃᖅᑐᐃᖃᑕᐅᔪᓐᓇᕐᓂᑦᑎᓐᓄᑦ ᑲᓇᑕᒥᒃ. ᒐᕙᒪᑐᖃᒃᑯᑦ ᑐᕌᖅᑎᑦᑎᒋᐊᓕᖅᑐᑦ ᐊᔪᕐᓇᖅᑐᒃᑰᕈᑕᐅᓕᕐᓂᐊᖅᑐᒥᒃ ᐊᒻᒪᓗ ᐃᖅᑲᓇᐃᔮᒃᓴᖃᕈᓐᓃᕈᑎᐅᓂᐊᖅᑐᒥᒃ ᑕᒪᓐᓇ ᑐᓐᓂᖅᑯᑎᒋᒋᐊᕐᓂᐊᕈᓂᔾᔪᑎᒃ ᐱᕝᕕᒋᖃᑦᑕᖅᑕᕗᑦ,” ᓯᕗᓕᐅᖅᑎ ᐅᑲᓕᖅ ᐅᖃᖅᑐᖅ.. -30- ᑐᓴᕆᐊᒃᑲᓐᓂᕈᒪᒍᕕᑦ ᑕᒪᑐᒪᐅᑉ ᒥᒃᓵᓄᑦ: ᐱᐅᓪ ᑲᓚᐃ ᓯᕗᓕᐅᖅᑎᐅᑉ ᑐᓴᖅᑎᑦᑎᒋᐊᖅᑎᔨᖓ (867) 975-5059 ᐊᒡᓚᒃᕕᖓ (867) 975-1317 ᐅᐊᔭᖃᖏᑦᑐᖓ |