 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ (ᔫᓂ 18, 2003) – ᑎᓴᒪᑦ ᒪᒃᑯᒃᑐᑦ ᓂᕈᐊᖅᑕᐅᓚᐅᕐᒪᑕ ᐅᓄᖅᑐᐊᓗᖕᓂᒃ ᓇᒃᓯᐅᔾᔨᔪᕕᓂᕐᓂᒃ ᓴᖅᑭᔮᖅᑎᑕᐅᔾᔪᑎᓴᒥᒃ 2003 ᐃᓄᐃᑦ ᐅᖃᐅᑎᑦ ᐱᔾᔪᑎᒋᓪᓗᒋᑦ ᒪᒃᑯᒃᑐᑦ ᓴᖅᑭᔮᖅᑐᒃᓴᓕᐅᕋᓱᒃᑎᓪᓗᒋᑦ. ᐃᓕᖅᑯᓯᓕᕆᔨᒃᑯᑦ ᐃᓚᐅᖁᔨᒋᐊᓚᐅᕐᒪᑕ ᒪᒃᑯᒃᑐᓕᒫᓂᒃ ᓄᓇᕗᒻᒦᑦᑐᓕᒫᓂᒃ ᓇᒃᓯᐅᔾᔨᒋᐊᖁᔨᓪᓗᑎᒃ ᓴᖅᑭᔮᖅᑐᒃᓴᓐᖑᕐᓂᐊᖅᑐᒥᒃ ᖃᓄᖅ ᐃᒃᐱᒍᓱᖕᓂᖃᕆᐊᒃᓴᖏᓐᓂᒃ ᐱᖅᑯᓯᑐᖃᕗᑦ ᐃᓄᐃᑦ ᐅᖃᐅᓯᖏᑦ ᐃᒻᒥᖕᓄᑦ. ᑕᒪᓐᓇ ᐱᓕᕆᔭᐅᕙᓪᓕᐊᔪᖅ ᐃᓕᖅᑯᓯᓕᕆᔨᒃᑯᑦ ᐃᑲᓱᖅᑐᐃᔾᔪᑎᒋᒋᐊᖅᖢᓂᐅᒃ ᐃᓄᐃᑦ ᐅᖃᐅᓯᑦ ᐱᓇᓱᐊᕈᓯᖓᓂᒃ (ᐅᖃᐅᓰᑦ ᐱᓇᓱᐊᕈᓯᖓᓂᒃ) ᑎᑎᕋᐅᔭᖅᖢᑎᒃ ᓵᓪᓚᒃᓴᖅᑐᑦ ᐅᑯᐊ: ᔫᓯᕝ ᕿᓚᕝᕙᖅ, ᖁᑦᑎᖕᓂᓕᑦ 3ᒥᒃ, ᐊᓗᑭ ᐃᓕᓐᓂᐊᕐᕕᒃ ᐸᓐᓂᖅᑑᒥ ᓴᖅᑭᔮᖅᑎᑦᑎᔾᔪᑎᖓᑕ ᐅᖃᖅᑕᖓ “ᐃᓄᒃᑎᑐᑦ ᐅᖃᐅᓯᖅ ᐱᐅᒋᔭᕋ ᓲᖃᐃᒻᒪ ᐅᖃᐅᓯᖁᑎᒋᒐᑦᑎᒍᑦ”; ᑲᐃᐅᓪ ᒪᒃᑲᓚᐃᓐ, ᖁᑦᑎᖕᓂᓕᒃ 6ᒥᒃ, ᕋᐃᑦᓱ ᐊᕐᓇᒻᒪᖅᑎᖅ ᐃᓕᓐᓂᐊᕐᕕᒃ ᖃᒪᓂᑦᑐᐅᕐᒥ ᐅᖃᕐᓯᒪᓪᓗᓂ, “ᐱᖅᑯᓯᕗᑦ ᐆᒪᑏᓐᓇᕆᐊᕐᓚᕗᑦ”; ᑳᑕᓖᓐ ᒪᕆᑦ, ᖁᑦᑎᖕᓂᓕᒃ 8ᒥᒃ, ᐊᓚᐃᑦᑐᖅ ᐊᖏᓂᖅᓴᓄᑦ ᐃᓕᓐᓂᐊᕐᕕᒃ ᖃᖏᖅᖠᓂᕐᒥ, ᐅᖃᐅᔾᔨᔪᖅ ᐃᓄᖕᓂᒃ, “ᓄᑕᖅᑲᑎᑦ ᐃᓄᒃᑎᑐᑦ ᐅᖃᓪᓚᐅᑎᒍᕕᒋᑦ, ᐅᖃᐅᓯᑦᑎᓐᓂ ᐆᒪᐃᓐᓇᕈᑎᐅᓂᐊᖅᑐᖅ”; ᐊᒻᒪᓗ ᐹᐱ ᒥᔅᓱᕋᓚᒃ, ᖁᑦᑎᖕᓂᓕᒃ 10ᒥᒃ, ᐃᓄᒃᓱᑦ ᐊᖏᓂᖅᓴᓄᑦ ᐃᓕᓐᓂᐊᕐᕕᒃ ᐃᖃᓗᖕᓂ ᐃᓄᖕᓄᑦ ᐅᖃᐅᔾᔨᒋᐊᕈᑎᖓ “ ᐃᓄᐃᑦ ᐊᓯᐅᔨᔭᕆᐊᖃᖏᑦᑐᑦ ᐅᖃᐅᓯᖏᓐᓂᒃ.” ᓄᑕᕋᓕᒫᑦ ᐃᓚᐅᔪᑦ ᓴᖅᑭᔮᖅᑎᑦᑎᓇᓱᖕᓂᕐᒧᑦ ᑐᓂᔭᐅᓂᐊᕐᒥᔪᑦ ᐊᓕᐊᓇᐃᒍᓲᑎᒥᒃ ᑎᑎᕋᕐᒥᒃ ᐃᓚᐅᑦᑎᐊᕐᓂᖏᓐᓄᑦ ᐲᑕ ᕿᓚᕝᕙᕐᒥᓐᖔᖅᑐᒥᒃ, ᒥᓂᔅᑕ ᐃᓕᖅᑯᓯᓕᕆᔨᒃᑯᓐᓄᑦ “ᐱᒻᒪᕆᐅᖕᒪᑦ ᐊᔭᐅᖅᑐᖅᑎᑦᑎᑦᑎᐊᕐᓂᖅ ᒪᒃᑯᒃᑐᖁᑎᑦᑎᓐᓂ ᐃᓱᒪᒋᔭᐅᓂᐊᕐᒪᑕ ᐃᓄᐃᑦ ᐅᖃᐅᓯᑐᖃᖏᑦ ᑲᔪᓰᓐᓇᕆᐊᖅᑎᓪᓗᑎᒃᑯᓪᓗ ᐅᖃᓪᓚᐃᓐᓇᕆᐊᖃᕐᓂᖏᓐᓂᒃ ᐊᕐᕌᒍᑭᑎᓪᓗᒋᑦ ᐱᒋᐊᖅᓗᓂ ᐊᔪᕐᓇᖏᒃᑯᓂ ᐃᓕᑎᒋᐊᕐᓂᐊᕋᑦᑎᒍᑦ ᐅᐱᒍᓱᖕᓂᕐᓂᒃ ᐅᖃᐅᓯᑐᖃᖏᓐᓂᒃ ᐃᓕᓐᓂᐊᕐᓂᓕᒫᖏᑎᒍᑦ,” ᒥᓂᔅᑕ ᕿᓇᕝᕙᖅ ᐅᖃᖅᑐᖅ. “ᑕᒪᓐᓇ ᐱᔾᔪᑎᒋᓪᓗᑎᒍᑦ ᒪᑐᐃᕈᑎᒋᓚᐅᖅᐸᕗᑦ ᓴᖅᑭᔮᖅᑐᒃᓴᓕᐅᕈᑎᑦ ᐃᓕᓐᓂᐊᕈᓐᓇᖅᑐᓕᒫᑦ ᒪᒃᑯᒃᑐᖏᓐᓄᑦ.” ᑎᑎᕋᐅᔭᖅᑕᐅᔪᓂᒃ ᓵᓚᒃᓴᐅᑕᐅᔪᑦ ᐅᓄᖅᓯᑎᑕᐅᓯᒪᓗᑎᒃ ᓴᖅᑭᑕᐅᒋᐊᕐᓂᐊᖅᑐᑦ ᐊᖏᔫᓕᖅᑎᑕᐅᓗᑎᒃ ᓴᖅᑭᔮᖅᑐᒃᓴᓕᐊᕈᑕᐅᓗᑎᒃᓗ ᑐᓐᓂᖅᓴᖅᑕᐅᓂᐊᖅᑐᑦ ᓄᓇᕗᓕᒫᒥ ᐅᖃᓕᒫᕈᓐᓇᑦᑎᐊᕐᓂᐅᑉ ᐱᓇᓱᐊᕈᓯᕆᓂᐊᖅᑕᖓᓂᒃ ᐅᑐᐱᕆᒥ. “ᐱᔾᔪᑎᒋᒐᑦᑎᒍᑦ ᑕᒪᓐᓇ ᓴᖅᑭᔮᖅᑐᒃᓴᓕᐅᕐᓂᖅ ᖃᐅᔨᒋᐊᕈᑎᒋᓗᑎᒍᑦ ᐅᖃᐅᔾᔨᔾᔪᑎᐅᓂᐊᖅᑐᒥᒃ ᑎᒍᓯᒋᐊᕈᑎᐅᓗᓂ ᒪᒃᑯᒃᑐᑦ ᐃᒃᐱᒋᔭᖏᓐᓂᒃ ᐃᓄᐃᑦ ᐅᖃᐅᓯᑐᖃᖏᑦ ᐱᔾᔪᑎᒋᓪᓗᑎᒍᑦ ᐊᒻᒪᓗ ᑐᓴᖃᑦᑕᐅᑎᔾᔪᑎᒋᒋᐊᕐᓗᑎᒃᑯᑦ ᒪᒃᑯᒃᑐᓕᒫᓄᑦ ᓄᓇᕗᒻᒥ. ᐊᒡᔭᖅᑐᐃᔾᔪᑎᒋᒋᐊᕋᑦᑎᒍᑦ ᐅᖃᖅᑕᖏᑦ ᐅᐱᒋᑦᑎᐊᖅᖢᑎᒍᑦ ᐃᓄᐃᑦ ᐅᖃᐅᓯᑐᖓᖏᑦ ᐱᔾᔪᑎᒋᓪᓗᑎᒃᑯᑦ, ᒪᒃᑯᒃᑐᓂᒃ ᒪᒃᑯᒃᑐᓄᑦ.” -30- ᑕᒪᑐᒥᖓ ᑐᓴᕆᐊᒃᑲᓐᓂᕈᒪᒍᔅᓯ, ᐅᖄᓇᕝᕕᒋᒍᒃ: ᐱᐊᓂ ᕋᒻᐴᓪᑦ ᑐᓴᖅᑕᐅᕙᓪᓕᐊᔭᕆᐊᖃᖅᑐᓂᒃ ᑲᒪᔨᐅᔪᖅ ᐃᓕᖅᑯᓯᓕᕆᔨᒃᑯᓐᓄᑦ (867) 975-5531 ᖃᕆᑕᐅᔭᒃᑯᑦ : prumbolt@gov.nu.ca |