 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ(ᔫᓂ 13, 2003) - ᑲᓇᑕᒥ ᐅᑭᐅᒃᑯᑦ ᐆᓇᖅᑐᒧᑦ ᓄᓇᓅᖅᐸᒃᑐᑦ ᐅᑭᐅᒃᑯᑦ ᑲᑐᔾᔨᖃᑎᒌᑦ Canadian Snowbird Association ᐊᖓᔪᖅᑳᖓᑦ, ᐃᓕᓐ ᕙᐃᑦ ᑐᓂᓯᓯᒪᔪᖅ ᓯᕗᓕᖅᑎ ᐹᓪ ᐅᑲᓕᕐᒧᑦ ᓄᓇᕗᑦ ᖁᑦᓯᖕᓂᖅᐹᒥᒃ ᐋᓐᓂᐊᖅᑐᓕᕆᓂᕐᒧᑦ ᐃᑲᔫᑎᓂᒃ ᓇᓪᓕᐅᒃᑯᒫᖃᖅᑎᑦᓯᓂᖏᓐᓄᑦ. “ᖁᕕᐊᓱᒻᒪᕆᒃᐳᖓ ᑖᓐᓇ ᓄᓇᕗᑦ ᐃᓕᑕᕆᔭᐅᓯᒪᖕᒪᑦ ᓯᕗᓕᖅᑎᐅᓂᖏᓐᓄᑦ ᒪᓕᒋᐊᖃᖅᑐᓂ ᑖᒃᑯᓂᖓ ᑲᓇᑕᒥ ᐋᓐᓂᐊᖅᑐᓕᕆᓂᕐᒧᑦ ᐱᖁᔭᕐᓂᒃ,” ᓯᕗᓕᖅᑎ ᐅᑲᓕᖅ ᐅᖃᖅᑲᐅᔪᖅ. ᐅᓂᒃᑳᓕᐊᖏᓐᓂᒃ ᓄᕕᒻᐱᕆᐅᓚᐅᖅᑐᒥ ᑖᒃᑯᐊ ᑲᑐᔾᔨᖃᑎᒌᑦ, ᑭᒡᒐᖅᑐᐃᔪᑦ ᑲᓇᑕᒥ ᐃᖏᕐᕋᔭᕋᑦᑎᓂᒃ ᓄᓇᕐᔪᐊᓂ, ᑐᓂᓯᓚᐅᖅᑐᑦ ᓄᓇᕗᒥᑦ ᓇᓗᓇᐃᒃᑯᑕᖅᑖᖅᑎᑕᐅᓪᓗᓂ A+ ᓄᓇᖃᖅᓯᒪᒋᐊᖃᕐᓂᕐᒧᑦ ᐋᓐᓂᐊᖅᑐᓕᕆᔾᔪᑏᑦ. ᓄᓇᕗᒥᐅᑦ ᓯᓚᑖᓂᑦᑐᑦ ᓄᓇᕗᑦ ᑎᑭᓪᓗᒍ 12 ᑕᖅᑮᑦ ᐋᓐᓂᐊᖅᑐᓕᕆᔭᐅᓂᕐᒧᑦ ᐃᑲᔪᖅᑕᐅᔪᓐᓇᖅᑐᑦ ᓇᓪᓕᐅᒃᑯᒫᖅᑎᒍᑦ. ᓄᓇᕗᑦ ᑐᓂᔭᐅᓚᐅᕐᒥᔪᖅ A+ᒥᑦ ᐊᑭᖃᙱᑦᑐᒥᒃ ᐋᓐᓂᐊᖅᑐᓕᕆᔭᐅᔪᓐᓇᕐᓂᖏᓐᓄᑦ ᐃᖏᕐᕋᔭᕋᑦᑏᑦ ᑐᐊᕕᕐᓇᖅᑐᖃᖅᑎᓪᓗᒍ ᑲᒪᒋᔭᐅᒋᐊᓕᖕᓂᑦ. ᐃᓗᐊᖅᓴᐅᑎᑖᕈᓐᓇᕐᓂᖅ, ᐃᓄᓕᖅᓯᐅᑎᑖᕈᓐᓇᕐᓂᖅ ᐃᖏᕐᕋᔭᕋᓪᓗᓂ ᓇᓗᓇᐃᒃᑯᑕᖅᑖᖅᑎᑕᐅᓯᒪᔪᖅ B-ᒥᑦ. ᑕᒃᑯᐊ ᐅᓂᒃᑳᑦ ᕿᒥᕐᕈᓯᒪᔪᖅ ᐱᖓᓱᓂᒃ ᐋᓐᓂᐊᖅᑐᓕᕆᔾᔪᑕᐅᔪᓂᒃ: ᐋᓐᓂᐊᖅᑐᓕᕆᔾᔪᑎᓂᒃ ᓇᓪᓕᐅᒃᑯᒫᖃᖅᑎᑦᓯᓂᖅ ᐃᖏᕐᕋᔭᕋᑦᑎᓄᑦ, ᑐᐊᕕᕐᓇᖅᑐᒥᒃ ᐋᓐᓂᐊᖅᑐᓕᕆᔭᐅᔪᓐᓇᕐᓂᖏᑦ ᐃᖏᕐᕋᔭᕋᑦᑎᓪᓗᒋᑦ ᐊᒻᒪᓗ ᐃᓗᐊᖅᓴᐅᑎᑖᕈᓐᓇᕐᓂᖏᓐᓄᑦ ᐊᑐᕐᓂᐊᖅᑕᖏᓐᓂᒃ ᐃᖏᕐᕋᔭᕋᓪᓗᑎᒃ. ᑐᑭᓯᒋᐊᕈᑎᖃᒃᑲᓐᓂᕈᒪᒍᕕᑦ ᐅᖃᕐᕕᒋᓂᐊᖅᐸᑦ: ᓇᐸᑦᓯ ᑯᓗᓛᖅ ᓄᓇᕗᑦ ᒐᕙᒪᖏᑦᑕ ᑐᓴᒐᒃᓴᓕᕆᔨᖏᑦ (867) 975-6948 ᐊᔾᔨᙳᐊᑦ ᕿᒥᕐᕈᔭᐅᔪᓐᓇᖅᑐᑦ ᖃᕆᓴᐅᔭᒃᑯᑦ ᐅᕙᓂ www.gov.nu.ca |