 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ (ᔪᓚᐃ 8, 2003) - ᓄᓇᕗᑦ ᒐᕙᒪᒃᑯᖏᑦ ᑐᙵᓱᒃᑎᑦᑎᕗᑦ ᐃᓱᒪᓕᐅᕈᑕᐅᓚᐅᖅᑐᒥᒃ ᑖᒃᑯᓇᙵᑦ ᓄᓇᕗᒻᒥ ᐃᖅᑲᑦᑐᐃᔩᑦ ᑐᑭᑖᕈᑎᖓᓂᒃ ᑕᒪᓐᓇ ᒐᕙᒪᑐᖃᒃᑯᑦ ᖁᑭᐅᑎᖃᕐᓂᕐᒧᑦ ᒪᓕᒐᖁᑎᖓ ᓄᖅᑲᖓᑎᑕᐅᑲᐃᓐᓇᖁᓪᓗᒍ. ᐅᑕᖅᑭᔭᐅᖁᓪᓗᒍ ᓄᓇᕗᑦ ᑐᙵᕕᒃᑯᑦ ᐊᒻᒪᓗ ᓄᓇᕗᒻᒥ ᒐᕙᒪᒃᑯᖏᑦ ᐃᖅᑲᑦᑐᐃᕕᒃᑰᕋᓱᓐᓂᖏᓐᓂᒃ ᑕᒪᓐᓇ ᖁᑭᐅᑎᒥᓂᒃ ᐱᓪᓗᒍ ᐃᓄᐃᑦ ᐊᖑᓇᓱᒃᑏᑦ ᑎᑎᕋᖅᑕᐅᑎᓯᒪᖏᑲᐃᓐᓇᕈᓐᓇᖅᑐᑦ. ᓄᓇᕗᒻᒥ ᐃᖅᑲᑦᑐᐃᔩᑦ ᐊᑐᕈᓐᓃᑎᑦᑎᓚᐅᖅᑐᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ ᓴᖅᑭᑕᐅᓯᒪᔪᖅ ᑐᙵᕕᒃᑯᑦ ᐃᖅᑲᑐᐃᕕᒃᑰᕋᓱᕐᓂᖓ ᐊᒻᒪᓗ ᓄᓇᕗᑦ ᒐᕙᒪᒃᑯᑦ. ᐃᖅᑲᑦᑐᐃᕕᒃᑰᑎᑦᑎᓇᓱᓐᓂᖓ ᑲᔪᓯᖁᔭᐅᓚᐅᖅᑐᖅ, ᐅᖃᑦᑐᑎᒃ ᑕᒪᓐᓇ ᐃᖅᑲᑐᐃᕕᒃᑯᑎᒍᑦ ᑲᔪᓯᔭᕆᐊᖃᕐᓂᕋᑦᑐᓂᐅᒃ. “ᐅᑉᐱᕈᓱᑉᐳᖓ ᐃᖅᑲᑦᑐᐃᔨᐅᑉ ᐃᓱᒪᓕᐊᕆᓚᐅᖅᑕᖓ ᓵᓚᖃᐅᑎᒻᒪᕆᐅᓇᓱᒋᓪᓗᒍ ᐃᓄᓐᓄᑦ,” ᐅᖃᑦᑐᖅ ᐅᑲᓕᖅ. “ᑕᐃᒪᖓᓕᒫᖅ ᐅᑉᐱᕆᒐᑦᑎᒍ ᑐᖓᕕᒋᓪᓗᑎᒍᓪᓗ ᓄᓇᕗᒻᒥ ᐊᖏᕈᑎᒥᓂᖅ ᐃᓕᓴᖅᓯᓯᒪᓂᕋᑦᑐᑎᒍ ᐊᖑᓇᓱᒍᓐᓇᓂᑦᑎᓐᓂᒃ ᐊᒻᒪᓗ ᐃᓅᓯᑐᖃᑦᑎᓐᓂᒃ,” ᐅᖃᓚᐅᖅᑐᖅ ᐅᑲᓕᖅ. ᒪᑐᒪ ᓯᕗᓂᖓᒍᓪᓗ ᓄᓇᕗᑦ ᑐᙵᕕᒃᑯᑦ ᐊᒻᒪᓗ ᓄᓇᕗᑦ ᓴᖅᑭᑎᑦᑎᓚᐅᖅᓯᒪᒻᒪᑕ ᑕᒪᓐᓇ ᖁᑭᐅᑎᓂᒃ ᑎᑎᕋᖅᑕᐅᑎᑦᑎᓂᖅ ᓄᖅᑲᖓᑎᑕᐅᖁᓪᓗᒍ. ᑕᒪᒻᒥᒃ ᐅᑉᐱᕈᓱᒃᑑᒃ ᑕᒪᓐᓇ ᑎᑎᕋᖅᑕᐅᑎᑦᑎᓂᖅ ᓯᑯᒥᑦᑎᓇᓱᒋᓪᓗᒍ ᓄᓇᕗᑦ ᐊᖏᖃᑎᒌᒍᑎᖓᓂᒃ. ᐃᖅᑲᑦᑐᐃᕕᒃ ᑐᑭᑖᓚᐅᖏᓂᖏᓐᓂ ᓄᓇᕗᒻᒥ ᐃᓄᐃᑦ ᐅᑯᓇᙵᑦ ᐃᓚᐅᖏᑎᑕᐅᒍᓐᓇᕐᓂᐊᖅᑐᑦ:
ᐃᖅᑲᑦᑐᐃᔨ ᑐᑭᑖᕈᑎᒥᓂᒃ ᐅᓂᒃᑳᑐᓂ ᐅᖃᓚᐅᖅᑐᖅ ᓄᓇᕗᑦ ᒐᕙᒪᒃᑯᑦ ᐊᐃᕙᔾᔪᑎᖓ ᐊᖏᖃᑎᒋᓂᕋᑦᑐᒍ ᑕᒪᓐᓇ ᐊᑦᑐᐃᓂᖃᕈᓐᓇᕐᒪᕆᒻᒪᑦ ᐱᖁᔭᓂᒃ ᐃᓅᓯᕐᒥᓪᓗ ᑭᒃᑯᑐᐃᓐᓇᓕᒫᓄᑦ, ᐊᒻᒪᓗ ᓄᓇᕗᑦ ᐃᓄᖏᑦ ᑭᒃᑯᑐᐃᓐᓇᐃᑦ ᐃᓱᒪᒋᔭᐅᑦᑎᐊᕆᐊᖃᕐᓂᖏᓐᓂᒃ. -30- ᑐᑭᓯᒃᑲᓐᓂᕈᒪᒍᕕᑦ, ᐅᖄᓚᒋᑦ: ᕕᐅᓪ ᑲᓚᐃ ᐊᓪᓚᒡᕕᐊ ᓯᕗᓕᖅᑎᐅᑉ (867) 975-5059 |