 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ (ᔪᓚᐃ 8, 2003) ᐃᖃᓗᐃᑦ ᐱᖁᔭᓕᐅᕐᑎᖏᓐ ᑲᑎᖃᑎᖃᖁᑦ ᐃᓕᓐᓂᐊᕐᑐᓕᕆᔨᒃᑯᓐᓂᒃ ᓴᖀᒋᐊᕐᑐᑎᒃ ᑭᒃᑯᑐᐃᓐᓇᕐᓄᓐ ᐃᓱᒫᓗᑎᒋᔭᐅᔪᓂᒃ ᑕᐅᕐᓯᕐᑕᐅᓂᐊᕐᓂᖓᓄᓐ ᔫᒥᒻ ᐃᓕᓐᓂᐊᕐᕕᖓ, ᑖᓇᓗ ᐱᑕᖃᕈᓐᓃᓚᐅᒻᒪᓐ ᐃᑭᒃᑐᓂ ᑕᓪᓕᕐᒥᐅᓚᐅᕐᑐᒥ. “ᑐᓴᕐᓯᒪᒐ ᐊᖏᔪᖃᕆᔭᐅᔪᓂᓐ, ᐃᓕᓴᐃᔨᓂᓐ ᐊᒻᒪ ᐃᓕᓐᓂᐊᕐᑎᓂᓐ ᔫᒥᒻ ᐃᓕᓴᕕᖓ ᓄᓇᓕᒻᒥᒃ ᑲᑎᖓᑎᑦᑎᒻᒪᓐ ᓯᕗᓕᐸᐅᔭᐅᔭᕆᐊᖃᖁᖅ ᐊᕿᓯᔪᖃᕋᓱᑦᑎᓪᓗᒍ ᐊᑐᕐᑕᐅᑲᐃᓐᓇᕈᓐᓇᓂᐊᕐᑐᒥᒃ ᐃᒡᓗᒥᒃ,” ᐅᖃᕐᑐᖅ ᐃᖃᓗᐃᑦ ᐱᖓᓐᓇᖓᓄᓐ ᒪᓕᒐᓕᐅᕐᑎ ᐊᒻᒪ ᓯᕗᓕᕐᑎ ᐹᓪ ᐅᑲᓕᖅ. ᒪᓕᒐᓕᐅᕐᑏᑦ ᐊᒻᒪᓗ ᐃᓕᓐᓂᐊᕐᑐᓕᕆᔨᒃᑯᓐᓄᓐ ᐊᖏᔪᖃᐅᑎᐅᔪᑦ ᖃᐅᔨᒪᑦᑎᐊᖁᑦ ᐊᖏᔪᖃᕆᔭᐅᔪᑦ ᐃᓕᓐᓂᐊᕐᑐᖁᑎᖃᕐᐸᓚᐅᕐᑐᑦ ᐊᒻᒪ ᒫᓇᐅᔪᖅ ᔫᒥ ᐃᓕᓐᓂᐊᕐᕕᖓᑕ ᐃᓕᓐᓂᐊᕐᑎᖁᑎᖏᓐᓂᒃ ᕿᓂᕐᒪᑕ ᑐᐊᕕᕐᓇᑐᒃᑯᑦ ᒐᕙᒪᒃᑯᑦ ᖃᓄᐃᓕᖓᒋᐊᕐᓂᐊᕐᓂᖏᓐᓂᒃ ᒫᓇᐅᔪᖅ ᐊᓯᔨᕐᑕᐅᓂᐊᕐᓂᖓᓄᓐ ᐃᓕᓐᓂᐊᕐᕕᖓᓐ. “ᐅᕙᖓᓕ ᐊᖏᔪᖃᕆᔭᐅᒋᓪᓗᖓ, ᐃᓕᓴᕐᓯᑎᐊᕐᑐᖓ ᑕᒪᓐᓇ ᐱᓕᕆᐊᕆᔭᐅᔭᕆᐊᖃᕐᑐᖅ ᑐᐊᕕᕐᓇᑐᒃᑯᑦ. ᑕᑯᔪᒪᔪᖓᓕ ᓴᓇᔭᐅᒋᐊᕐᓂᖓ ᐱᒋᐊᕐᑕᐅᓗᓂ ᑕᒫᓂ ᐊᕋᒍᒥ,” ᐅᖃᕐᑐᖅ ᒪᓕᒐᓕᐅᕐᑎ ᐃᖃᓗᐃᑦ ᕿᑎᖓᓄᓐ ᕼᑦᑐ ᑐᑐ. ᑖᓇ ᐃᓕᓴᕕᐅᓚᐅᕐᑐᖅ ᑕᕙᓃᓚᐅᕐᒪᓐ ᑭᖓᑐᕐᕕᖓᓂ ᐃᖃᓗᐃᑦ ᑲᓇᓐᓇᖓᓄ ᐱᖁᔭᓕᐅᕐᑎᒧᓐ ᐊᒻᒪ ᐋᓂᐊᕐᑐᓕᕆᔨᒃᑯᓐᓄᓐ ᒥᓂᔅᑕᐅᓪᓗᓂ ᐃᑐᐊᖅ ᐲᑯ. ᐲᑯ ᐅᖃᕐᑐᓂ ᐃᓕᓴᕕᒻᒥᒃ ᓴᓇᔪᖃᓕᖃᑦ ᑕᕙᓃᒋᐊᖃᕐᑐᖅ ᐃᓂᒋᓚᐅᕐᑕᖓᓂ ᐊᒻᒪᓗ ᐃᓱᒪᒋᔭᖓ ᐊᑐᑲᐃᓐᓇᕈᓐᓇᕋᔭᕐᑐᒥᒃ ᕿᓚᒥᐅᔪᒧᓐ ᐊᕿᑦᑐᖃᕐᓗᓂ ᑭᓯᐊᓂ ᐊᑯᓂᕐᑐᒧᓐ ᑐᕋᖓᓂᐊᕐᑐᖅ ᐃᓱᒪᒌᓇᕐᒥᓗᒍ. “ᐅᕙᒍᓪᓕ ᐱᑕᖃᕐᑎᑦᑎᒋᐊᖃᕐᑐᒍᑦ ᐱᐅᔪᒥᒃ ᐃᓕᓐᓂᐊᕕᐅᔪᓐᓇᕐᑐᒥᒃ ᐱᕕᖃᑦᑎᐊᕐᑐᒥᒃ 200ᖑᓗᐊᕐᑐᓄᓐ ᐃᓕᓐᓂᐊᕐᑎᓄᓐ; ᐊᑐᕐᑕᐅᑲᐃᓐᓇᕈᓐᓇᕐᑐᖅ ᐃᓂᒋᔭᐅᓂᐊᕐᑐᖅ ᐅᑎᕐᑎᑕᐅᒐᔭᕐᓗᓂ ᓄᓇᓕᒻᒧᓐ ᐊᑐᕐᑕᐅᒋᐊᖃᕈᓐᓃᓂᖃᑦ ᐃᓕᓐᓂᐊᕐᕕᐅᓗᓂ, ”ᐅᖃᕐᑐᖅ ᐲᑯ. ᑭᒐᑐᕐᑐᑦ ᐃᓕᓐᓂᐊᕐᑐᓕᕆᓂᕐᒧᓐ, ᐃᖃᓗᐃᑦ ᐃᓕᓐᓂᐊᕐᑐᓕᕆᔨᖏᓐᓄᓐ, ᓴᓇᔪᓕᕆᔨᒃᑯᑦ ᐊᒻᒪ ᐱᔨᓯᕐᑐᓕᕆᔨᒃᑯᑦ ᐊᒻᒪ ᐊᓯᖏᑦ ᑎᒥᐅᔪᑦ ᑲᑎᖃᑎᒌᓂᐊᖁᑦ ᑕᒫᓂ ᐱᓇᓱᐊᕈᓯᕐᒥ ᖃᐅᔨᒐᓱᓪᓗᑎᒃ ᐃᓂᒋᔭᐅᑲᐃᓐᓇᕈᓐᓇᕋᔭᕐᑐᒥᒃ ᐃᓕᓐᓂᐊᕐᑎᓄᓐ ᐊᒻᒪ ᐃᓕᓴᐃᔨᓄᓐ. ᐃᓕᓐᓂᐊᕐᑐᓕᕆᓂᕐᒧᓐ ᒥᓂᔅᑕ ᒪᓃᑐᖅ ᑕᒻᓴᓐ ᑎᓕᓯᒋᐊᕐᓯᒪᕗᖅ ᐱᓕᕆᕕᖁᑎᒥᓂᒃ ᓴᕿᑎᑦᑎᖃᑕᕐᓗᑎᒃ ᑭᒃᑯᑐᐃᓐᓇᕐᓄᓐ ᑐᑭᓯᔪᑎᓴᓂᒃ ᐱᕙᓪᓕᐊᓂᖓᓂᒃ ᓴᓇᔭᐅᔫᑉ ᐱᓕᕆᐊᕆᔭᐅᔫᑉ ᑐᑭᓯᒋᐊᑲᓂᕐᕕᓴᖅ: ᐱᐅ ᑲᓚᐃ ᓯᕗᓕᕐᑎᐅᑉ ᐊᓪᓚᕕᖓ (867) 975-5059 |