 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ (ᔪᓚᐃ 8, 2003) - ᐃᓕᖁᓯᓕᕆᔩᑦ, ᐅᖃᐅᓯᓕᕆᔩᑦ, ᐃᓐᓇᑐᖃᓕᕆᔩᑦ ᐊᒻᒪ ᒪᒃᑯᑦᑐᓕᕆᔩᑦ ᐅᖃᖃᑎᖃᕐᓯᒪᕗᑦ ᒪᒃᑯᑦᑐᓂᒃ ᓇᑭᑐᐃᓐᓇᕐᓯᒪᔪᓂᒃ ᓄᓇᕗᒻᒥ ᑐᑭᓯᑲᓐᓂᕋᓱᑦᑐᑎᒃ ᓯᕗᓕᕐᐸᐅᑎᔪᒪᔭᖏᓐᓂᒃ ᐊᒻᒪ ᐃᓱᒫᓗᑎᒋᔭᖏᓐᓂᒃ. ᑕᒪᓐᓇ ᐅᖃᖃᑎᖃᕐᓂᐅᔪᖅ ᐊᕿᓯᒪᓚᐅᖁᖅ ᑎᓴᒪᐃᕋᕐᑐᓂ ᒪᒃᑯᑦᑐᐃᑦ ᑲᑎᕙᑦᑐᑎᒃ ᒪᐃᒥ ᐊᒻᒪᓗ ᔫᓂ ᐱᒋᐊᓕᕋᑕᕐᑎᓪᓗᒍ. “ᐱᓕᕆᕕᐅᔪᖅ ᐊᑐᕐᓂᐊᖁᖅ ᑐᑭᓯᔪᑕᐅᓯᒪᔪᓂᒃ ᑖᑯᓇᓂ ᑲᑎᓐᓂᐅᕙᓚᐅᕐᑐᓂ ᐱᕙᓪᓕᐊᑎᑦᑎᔪᑕᐅᑲᓂᕐᓗᓂ ᒪᒃᑯᑦᑐ ᐃᓕᓴᕆᔭᐅᔭᕆᐊᖃᕐᓂᖏᓐᓄᓐ ᐱᕙᓪᓕᐊᑎᑦᑎᓂᕐᒧᓐ ᐸᕐᓇᐅᒻᒧᓐ,” ᐅᖃᕐᑐᓂ ᐃᓕᖁᓯᓕᕆᔩᑦ, ᐅᖃᐅᓯᓕᕆᔩᑦ, ᐃᓐᓇᑐᖃᓕᕆᔩᑦ ᐊᒻᒪ ᒪᒃᑯᑦᑐᓕᕆᔩᑦ ᒥᓂᔅᑕᖓ ᐲᑕ ᕿᓚᕝᕙᖅ. “ᐅᓇ ᐸᕐᓇᐅᑎᐅᔪᖅ ᐊᕿᓱᑕᐅᓂᐊᕐᒪᓐ ᐱᓕᕆᕕᐅᔪᑦ ᖃᓄᐃᓕᐅᕐᑎᑦᑎᓂᕆᕙᑦᑕᖏᓐᓂᒃ ᐱᐅᓂᕐᓴᒃᑯᑦ ᑐᕋᖓᓂᕐᓴᐅᔪᓐᓇᓂᐊᕐᒪᑕ ᓄᓇᕗᒻᒥ ᒪᒃᑯᑦᑐᓄᓐ. ᐅᕙᒍᓪᓕ ᑐᕋᒐᕆᒐᑦᑎᒍ ᐱᑕᖃᕐᑎᑦᑎᔪᓐᓇᕐᓗᑕ ᐊᕙᑎᒥᒃ ᑕᒪᑯᐊ ᒪᒃᑯᑦᑐᑦ ᓂᓪᓕᐊᔪᓐᓇᑎᐊᕐᓗᑎᒃ ᒪᑐᐃᖓᑦᑎᐊᕐᓗᑎᒃ ᐊᒻᒪᓗ ᖃᐅᔨᒪᓗᑎᒃ ᐅᕙᒍᑦ ᓈᓚᓐᓂᕆᔭᖏᓐᓂᒃ “ᕿᓚᕝᕙᖅ ᐅᖃᕆᓪᓗᓂ. ᑎᓴᒪᐃᕋᕐᑐᑎᒃ ᒪᒃᑯᑦᑐᑦ ᑲᑎᐸᓚᐅᖁᑦ ᐅᑯᓇᓂ ᓄᓇᓕᓐᓂ: ᑭᖓᕐᓂ, ᐃᒡᓗᓕᒻᒥ, ᑲᖏᖠᓂᕐᒥ ᐊᒻᒪ ᐃᖃᓗᑦᑐᑎᐊᕐᒥ. ᒪᕈᒃ ᒪᒃᑯᑦᑑᒃ ᐊᑕᐅᓯᕐᒥᓐ ᓄᓇᓕᒻᒦᖓᕐᓯᒪᕙᑦᑐᑎᒃ ᑭᒐᑐᕐᑐᑎᒃ ᐱᔪᒪᔭᒥᓐᓂᒃ. ᑖᑯᐊ ᐊᕋᒍᖃᕐᑐᑎᒃ ᒪᒃᑯᑦᑐᑦ ᐱᒋᐊᕐᓯᒪᓪᓗᑎᒃ 13ᒥᓐ ᑎᑭᑦᑐᒍ 29ᒧᓐ ᐊᒻᒪᓗ ᑕᕙᖓᕐᓯᒪᓪᓗᑎᒃ ᑭᒐᑐᕐᑐᑎᒃ ᓄᓇᓕᐅᔪᑦ ᒪᒃᑯᑦᑐᑦ ᑲᑎᒪᔨᖏᓐᓂᓐ, ᐃᓚᒋᔭᐅᔪᓪᓗ ᐊᕕᑦᑐᕐᓯᒪᔪᓂ ᐃᓄᐃᑦ ᑲᑐᔨᖃᑎᒌᖏᓐᓂ, ᒪᒃᑯᑦᑐᑦ ᐃᖃᓇᐃᔮᖃᕐᑐᑦ ᓄᓇᕗᑦ ᒐᕙᒪᒃᑯᖏᓐᓂ, ᐊᖏᔪᖃᕆᔭᐅᓕᕐᑐᑦ ᒪᒃᑯᑦᑐᑦ ᐊᒻᒪᓗ ᐊᓯᖏᑦ ᓄᓇᓕᒻᒦᖓᕐᓯᒪᔪᑦ ᐱᖃᑕᐅᔪᒪᔪᑦ. ᑲᑎᑎᓪᓗᒋᑦ, ᒪᒃᑯᑦᑐᑦ ᓇᓗᓇᐃᕐᓯᓚᐅᖁᑦ ᐅᐱᒍᓱᓐᓂᕋᕐᑐᑎᒃ ᖃᓄᐃᑦᑑᓂᕐᒥᓐᓂᒃ ᐃᓅᓂᕐᒥᓐᓂᒃ, ᑭᓯᐊᓂ ᐊᐱᕆᓪᓗᑎᒃ ᐃᑲᔪᕐᑕᐅᖏᓐᓇᕈᒪᓪᓗᑎᒃ ᐃᓕᓐᓂᐊᕈᒪᑎᓪᓗᒋᑦ ᐊᒻᒪ ᐅᖃᐅᓯᒥᓐᓂᒃ ᐊᑐᕈᒪᑎᓪᓗᒋᑦ ᐊᒻᒪ ᐱᖁᓯᒥᓐᓂᒃ ᓄᓇᑐᐃᓐᓇᒦᓂᕐᒥᒃ ᖃᐅᔨᒪᓂᕐᒥᒃ. ᓇᒥᑐᐃᓐᓇᖅ ᐊᕕᑦᑐᕐᓯᒪᔪᓂ ᑲᑎᑎᓪᓗᒋᑦ, ᒪᒃᑯᑦᑐᑦ ᓇᓗᓇᐃᕐᓯᔪᓐᓇᓚᐅᖁᑦ ᐊᔨᒌᐸᓗᓐᓂᒃ ᖃᓄᕐᑐᕆᐊᖃᕐᓂᐊᕐᑐᓂᒃ ᐃᓚᒋᓪᓗᓂᐅᒃ ᐃᓚᒥᓐᓂᒃ ᐱᖃᑎᖃᑲᓐᓂᕆᐊᖃᕐᓂᕐᒥᒃ ᐊᒻᒪ ᐱᕕᓴᖃᕈᒪᓪᓗᑎᒃ ᐃᓕᓐᓂᐊᑲᓐᓂᕈᒪᓪᓗᑎᒃ ᐃᓐᓇᑐᖃᕐᓂᓐ. ᐊᑐᕐᑕᐅᓕᖁᔭᐅᔪᑦ ᒪᒃᑯᑦᑐᓂᓐ ᐊᑐᕐᑕᐅᓂᐊᖁᑦ ᐊᕿᓯᔪᑕᐅᓗᑎᒃ ᖃᓄᐃᒋᐊᖃᕐᓂᖓᓂᒃ ᒪᒃᑯᑦᑐᑦ ᐃᓕᓴᕆᔭᐅᔭᕆᐊᖃᕐᓂᖏᓐᓄᓐ ᐱᕙᓪᓕᐊᑎᑦᑎᓂᕐᒧᓐ ᐸᕐᓇᐅᑎᒥᒃ. ᑐᑭᓯᒋᐊᑲᓂᕐᕕᓴᖅ, ᐅᖃᓚᓗᓂ ᐱᐊᓂ ᐅᕋᒻᐳᑦ ᑐᓴᐅᒪᔪᓕᕆᓂᕐᒧᓐ ᐊᐅᓚᑦᑎᔨ ᐃᓕᖁᓯᓕᕆᔩᑦ, ᐅᖃᐅᓯᓕᕆᔩᑦ, ᐃᓐᓇᑐᖃᓕᕆᔩᑦ ᐊᒻᒪ ᒪᒃᑯᑦᑐᓕᕆᔩᑦ (867) 975-5531 |