|
ᐃᖃᓇᐃᔭᕐᕕᖏᑦ
ᒐᕙᒪᒃᑯᑦ ᑎᒥᖁᑎᖏᑦ
ᒥᓂᔅᑕᐃᓐᓇᐃᑦ ᑲᑎᒪᔨᖏᑦ
ᐅᖅᓱᒃᓴᑦ ᑖᒃᓯᔭᕈᑎᖓᓄᑦ ᐊᑭᑭᒡᓕᒋᐊᕈᑎᑦ
Government Tenders
ᐃᖅᑲᓇᐃᔮᔅᓴᐃᑦ
ᐱᓇᓱᐊᖅᑕᕗᑦ
ᐃᖅᑲᓇᐃᔭᖃᑎᒌᑦ
ᐱᕙᓪᓕᐊᔪᓕᕆᕕᒃ ᑐᓐᖓᓱᒋᔅᓯ
ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᓇᓗᓇᐃᖅᓯᔪᑦ
ᖁᕐᓕᖅ ᑯᐊᐳᕇᓴᓐ ᐊᒻᒪᓗ ᓄᓇᓕᓐᓂ ᐱᔭᒃᓴᓂᒃ ᓯᐊᒻᒪᖅᑎᕆᓂᖅ
ᓄᓇᕗᑦ ᑕᑎᖃᓪᓚᕆᒻᒪᑦ ᑎᑭᑎᑕᐅᖃᑦᑕᕐᓂᖓᒍᑦ ᐅᖅᓱᐊᓘᑉ. ᐅᖅᓱᐊᓗᒃ ᑎᑭᑎᑕᐅᕙᒻᒪᑦ ᐅᒥᐊᔾᔪᐊᒃᑯᑦ ᐅᕝᕙᓘᓐᓃᑦ ᖃᖓᑕᓲᒃᑯᑦ ᐊᒻᒪᓗ ᐅᖅᓱᐊᓗᖃᐅᑎᓃᑎᑕᐅᕙᑦᑐᑎᒃ. ᒐᕙᒪᒃᑯᑦ ᓄᓇᕗᒻᒥ ᐊᑭᓖᕙᑦᑐᑦ ᑖᒃᓱᒥᖓ ᐆᒻᒪᖅᑯᑎᒥᒃ ᑕᒪᒃᑮᓐᓂᒃ ᓂᐅᕕᖅᐸᑦᑐᓄᑦ ᐊᒻᒪᓗ ᐅᖅᓱᐊᓗᖃᑦᑎᑦᑎᕙᑦᑐᑎᒃ ᐃᑲᔪᖅᑕᐅᓂᒃᑯᑦ.
ᓇᓚᐅᖅᑖᖅᑕᐅᓯᒪᔪᖅ ᐊᑭᖓ ᐆᒪᖅᑯᑎᒧᑦ 2001-ᒥ ᐅᖓᑖᓂᓗᐊᕐᓚᐅᖅᑐᖅ $121 ᒥᓕᐊᓐ, ᖃᓂᒋᔮᖤ 18-ᐳᓴᓐ ᒐᕙᒪᒃᑯᑦ ᑮᓇᐅᔭᖅᑑᑎᒃᓴᖓᑕ. ᑖᓐᓇ ᓈᓴᐅᑎᐅᔪᖅ ᐊᖏᓪᓕᕚᓕᕐᓂᐊᖅᑐᒋᔭᐅᔪᖅ ᐅᖓᑖᓄᑦ $140 ᒥᓕᐊᓐ, ᐅᕝᕙᓘᓐᓃᑦ 20-ᐳᓴᖓ ᑮᓇᐅᔭᖅᑑᑎᒃᓴᐅᑉ, 2005-ᒥ.
ᒐᕙᒪᒃᑯᑦ ᓴᖅᑮᓯᒪᔪᑦ ᐆᒪᖅᑯᑎᒧᑦ ᐸᕐᓇᒍᑎᒥᒃ ᐱᐅᓂᖅᓴᒃᑯᑦ ᐊᐅᓚᑕᐅᓕᕐᓗᓂ, ᐃᑲᔪᖅᓯᓂᐊᖅᑐᓂᓗ ᒐᕙᒪᒃᑯᑦ ᓯᐊᒻᒪᖅᑎᕆᓂᕐᒥᑦ ᓯᕗᓪᓕᐅᔾᔭᖏᓐᓂᒃ ᐊᒻᒪᓗ ᓇᓗᓇᐃᖅᓯᓗᓂ ᓄᓇᕗᒻᒥ ᓴᙱᔪᒃᑯᑦ ᐃᑲᔪᖅᓯᖅᑕᐅᓂᖓᓄᑦ ᑲᐃᐅᑐ ᓯᓚᐅᑉ ᐊᓯᔾᔨᕐᓂᖓᓄᑦ ᐊᖏᕈᑦ.
ᐃᓗᓕᓪᓗᐊᑕᖏᑦ ᐸᕐᓇᑕᐅᔪᒥ:
- ᓇᓗᓇᐃᖅᑕᐅᓂᖓ ᑎᒥᐅᔫᑉ ᐋᖅᑭᒃᓯᒪᓂᖓᑕ ᖁᕐᓕᖅ ᐆᒻᒪᖅᑯᑎᒧᑦ ᑯᐊᐳᕇᓴᓐ ᐊᑕᐅᓯᙳᖅᑎᕆᓂᐊᖅᑐᖅ ᒪᕐᕉᒃ ᐃᓚᒋᔭᖏᓐᓂᒃ. ᓄᓇᕗᑦ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᖃᕐᓂᐊᖅᑐᑦ ᐆᒻᒪᖅᑯᑎᖃᑦᑎᑦᑎᓂᕐᒥᒃ ᐊᒻᒪᓗ ᖃᐅᒻᒪᖅᑯᑎᖃᑦᑎᑦᑎᓗᑎᒃ. ᐅᖅᓱᐊᓗᒻᒧᑦ ᑯᐊᐳᕇᓴᓐ , ᐅᓯᑲᑦᑕᓂᕐᒧᑦ, ᑐᖅᑯᐃᓯᒪᓂᕐᒧᑦ, ᐅᖅᓱᐊᓗᒃᑕᓂᕐᒥᒃ ᐊᒻᒪᓗ ᓂᐅᕐᕈᑎᖃᕐᓂᕐᒥᒃ ᐅᖅᓱᐊᓗᒻᒥᒃ ᓄᓇᕗᒻᒥ;
- ᖁᕐᓕᖅ ᐆᒻᒪᖅᑯᑎᒧᑦ ᑯᐊᐳᕇᓴᓐ ᐊᖓᔪᖅᑳᖃᕝᕕᐊᑕ ᐊᓪᓚᒡᕕᖃᕐᓂᐊᖅᑐᑦ ᐃᒡᓗᓕᒃᒥ ᐱᑕᖃᑦᑎᑦᑎᖁᓪᓗᒍ ᐊᑦᔨᒌᒥᒃ ᐱᔨᑦᑎᖅᑕᐅᓂᕐᒥᒃ ᐃᓚᒋᔭᐅᔪᓄᑦ. ᐊᒥᓲᖏᑦᑐᓂᒃ ᐃᖅᑲᓇᐃᔭᖅᑎᖃᕐᓗᓂ ᑲᒪᔨᐅᓂᐊᖅᑐᓂᒃ.
- 1, 2004-ᖑᓕᖅᑲᑦᒪ ᖁᕐᓂᖅ ᐅᖅᓱᐊᓗᒻᒧᑦ ᑯᐊᐳᕇᓴᓐ ᑲᒪᒋᔭᖃᓕᕐᓂᐊᕐᒥᔪᑦ ᐅᖅᓱᐊᓗᓕᕆᓂᕐᒥᒃ ᐱᓕᕆᕕᖓ ᓴᓇᔪᓕᕆᔨᒃᑯᑦ, ᐊᓪᓚᒢᕕᖃᑦᑐᑦ ᑲᖏᖅᖠᓂᕐᒥ. ᐊᓪᓚᔅᕕᖓ ᐊᖓᔪᖅᑳᖃᕝᕕᐊᑕ ᓱᕐᕋᔾᔮᖏᑦᑐᖅ ᓄᓇᓕᖓᓂ ᑖᒃᑯᑎᒎᓇ ᖁᕐᓕᖅ ᐅᖅᓱᐊᓗᒻᒧᑦ ᑯᐊᐳᕇᓴᒃᑯᑦ. ᐋᖅᑭᒃᑎᕆᒃᑲᓂᓚᐅᖅᑎᓪᓗᒋᑦ ᐊᑕᐅᓯᕐᒥᒃ ᔭᒐᐃᓂᐊᖅᑐᑦ ᐃᖅᑲᓇᐃᔮᒥᒃ, ᑭᓯᐊᓂᓕ ᐃᖅᑲᓇᐃᔮᑦ ᓯᐊᒻᒪᑎᖅᑕᐅᔾᔮᖏᑦᑐᑦ ᑕᐃᑲᖓᑦ ᓄᓇᓕᐅᔪᒥᒃ.
- ᓇᓗᓇᐃᖅᑕᐅᕗᖅ ᖃᒪᓂᖅᑐᐊᒥ ᐊᖓᔪᖅᑳᖃᕝᕕᐊᑕ ᐊᓪᓚᒡᕕᖃᕝᕕᒋᓂᐊᕐᒪᒍ ᓄᓇᕗᒻᒥ ᐆᒻᒪᖅᑯᑎᓕᕆᔨᒃᑯᑦ. ᑕᒪᓐᓇ ᐱᖃᓯᐅᔾᔨᔪᖅ ᐃᖅᑲᓇᐃᔮᒥᒃ ᐊᖓᔪᖅᑳᒻᒪᕆᒃ ᐊᐅᓚᑦᑎᔨᒧᑦ ᐊᒻᒪᓗ ᖁᓕᑦ ᐃᖅᑲᓇᐃᔮᑦ ᓅᑕᐅᓗᑎᒃ ᐃᖃᓗᓐᓂᑦ. ᐃᓱᒪᒋᔭᐅᖃᓯᐅᔾᔭᐅᓪᓗᓂ ᑕᓪᓕᒪᑦ ᓄᑖᑦ ᐃᖅᑲᓇᐃᔮᖑᔪᑦ ᓴᖅᑭᑕᐅᓯᒪᔭᕇᖅᑐᑦ ᖃᒪᓂᖅᑐᐊᒥ ᐊᕐᕌᒍᓕᕋᑖᖅᑎᓪᓗᒍ, ᐊᒥᓲᓂᖏᑦ ᓄᑖᑦ ᐃᖅᑲᓇᐃᔮᖑᔪᑦ 15-ᖑᓂᐊᓕᖅᑐᑦ. ᑖᓐᓇ ᐅᖓᑕᐅᔾᔨᔪᖅ ᓯᕗᓕᖅᑎᐅᑉ ᐱᓂᐊᕐᓂᕋᖅᓯᒪᔭᖓᑕ ᓄᓇᓕᓐᓄ 13-ᓂᑦ ᓯᐊᒻᒪᖅᑎᕆᓂᕐᒧᑦ ᐃᖅᑲᓇᐃᔮᖑᔪᓂᑦ; ᐊᒻᒪᓗ
- ᐃᖅᑲᓇᐃᔭᖅᑐᓕᕆᔨᒃᑯᑦ ᐊᒻᒪᓗ ᓂᐅᕕᖅᑎᐅᕙᑦᑐᑦ ᓄᓇᕗᒻᒥ ᐆᒻᒪᖅᑯᑎᓕᕆᔨᒃᑯᑦ ᐃᓂᖃᒻᒥᔪᑦ ᖃᒪᓂᖅᑐᐊᒥ ᓱᕐᕋᔾᔮᒐᓂ ᑭᓯᐊᓂᓕ ᑐᓂᔭᐅᓂᐊᕐᒥᔪᑦ ᖁᓕᖅ ᐆᒻᒪᖅᑯᑎᒧᑦ ᑯᐊᐳᕇᓴᓐᑯᑦ ᓇᓗᓇᐃᖅᑕᐅᓯᒪᓂᖓᓂᒃ ᐊᒻᒪᓗ ᐱᔨᑦᑎᕐᓗᑎᒃ ᐃᓘᓇᖓᓂᒃ ᐃᓘᓇᖓᓂᒃ
ᐃᓘᓇᖓᓂᒃ
- ᐱᔪᓐᓇᕐᓂᐅᔪᑦ ᐊᒻᒪᓗ ᐱᔪᒪᓂᐅᔪᑦ ᐊᑦᑐᖅᑕᐅᓯᒪᔪᓄᑦ ᐃᖅᑲᓇᐃᔭᖅᑎᓄᑦ ᓴᐳᒻᒥᔭᖅᑕᐅᓂᐊᖅᑐᑦ ᐅᑯᑎᒎᓇ ᐊᖏᖃᑎᒌᒍᑎᑎᒍᑦ ᐃᖅᑲᓇᐃᔭᖅᑎᓄᑦ ᐊᒻᒪᓗ ᒐᕙᒪᒃᑯᑦ ᓯᐊᒻᒪᖅᑎᕆᓂᕐᒧᑦ ᐊᑐᐊᒐᖓᑎᒍᑦ.
|
