 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᕐᒃᑲᓗᐃᑦ, ᓄᓇᕗᑦ (ᔪᓚᐃ 29, 2003) - ᓄᓇᕗᑦ ᑐᙵᕕᒃᑯᑦ ᒐᕙᒪᖓᑦᓗ ᓄᓇᕗᑦ ᑲᑐᑦᔨᑦᓗᑎᒃ ᐃᓄᒃᓂᒃ ᓄᓇᓕᒃᓃᑐᓂᒃ ᖃᐅᔨᑲᐃᑦᓯᐊᖃᑕᖁᔨᕗᑦ ᑲᓇᑕᐅᑉ ᒐᕙᒪᖓᓄᑦ ᑕᒪᑐᒧᖓ ᓄᓇᖃᖄᕐᓂᑯᓄᑦ ᐋᓐᓂᐊᖃᕐᓇᖏᑐᓕᕆᓂᕐᒧᑦ. ᐅᔭᐅᕐᑕᐅᓪᓗᑎᒃ ᑖᒃᑯᐊ ᓄᓇᕗᑦ ᒐᕙᒪᖓᓄᑦ ᓄᓇᕗᑦ ᑐᙵᕕᒃᑯᓐᓄᑦᓗ, ᑲᓇᑕᒥ ᐋᓐᓂᐊᖃᕐᓇᖏᑐᓕᕆᔨᒃᑯᑦ ᖃᐅᔨᒃᑲᐃᔪᑎᖃᓚᐅᕐᒪᑕ 6ᓯᓄᑦ ᑕᖅᑭᓄᑦ ᑲᔪᓯᑎᑕᐅᖏᑲᐃᓐᓇᕐᓂᐊᕐᒪᑦ ᑕᒪᓐᓇ ᓇᑦᓕᐅᑯᒫᖃᖏᑐᓄᑦ ᐋᓐᓂᐊᖃᕐᓇᖏᑐᓕᕆᓂᕐᒧᑦ ᐃᑲᔫᑕᐅᖃᑕᕐᑐᑦ ᐱᑦᔪᑎᒋᑦᓗᒋᑦ. "ᑕᒪᓐᓇ ᓄᖃᖔᕐᑎᑦᓯᑲᐃᓐᓇᕐᓂᖅ ᐱᕕᖃᕐᑎᑦᓯᓯᐊᕐᓂᐊᕐᒪᑦ ᖃᐅᔨᒪᑲᐃᔪᓐᓇᕐᓂᕐᒥᒃ," ᐅᖃᓚᐅᕐᑐᖅ ᐊᖓᔪᖅᒦᒃ ᐃᓇᖏᖅᓯᓯᒪᑲᐃᓐᓇᕐᑐᖅ ᑐᑭᓕᕆᔭᐅᑦᓗᓂ ᑮᓇᐅᔭᓕᕆᓂᕐᒧᑦ!ᐸᓪ ᖃᓗᑦᔭᖅ. "ᐋᓐᓂᐊᖃᕐᓇᖏᑐᓕᕆᔨᒃᑯᑦ ᑲᓇᑕᒥ ᖃᐅᔨᒪᑎᑦᓯᓯᐊᖃᑕᖏᒻᒪᑕ ᑕᒪᑐᒧᖓ ᒪᓕᒋᐊᖃᕐᕋᓗᐊᕐᓱᑎᒃ ᓄᓇᑖᕐᓂᐅᑉ ᒪᓕᒐᖓᓃᑐᒥᒃ ᓈᓴᐅᑎᓕᒃᒥᒃ 32 ᖃᐅᔨᒪᑦᓗᒍᓗ ᑕᒪᓐᓇ ᐃᓄᒃᓄᑦ ᐊᑐᕐᑕᐅᔭᕆᐊᖃᕐᑐᔮᕋᓂ," ᑕᕙᓂ ᐋᖅᑭᒃᑕᐅᓯᒪᔪᒥ ᑲᓇᑕᐅᑉ ᒐᕙᒪᖓᓐᓄᑦ, ᐃᓘᓇᑎᒃ ᓄᓇᕗᒥᐅᑦ ᐃᓄᐃᑦ ᐊᑎᓕᐅᕆᔭᕆᐊᖃᕐᑎᑕᐅᓂᐊᓕᕐᒪᑕ 8ᓂᒃ ᒪᒃᐱᕌᖃᕐᑐᓂᒃ ᓲᕐᓗ ᑕᒪᓐᓇ ᓇᒧᑐᐃᓐᓇᖅ ᑐᓴᕐᑕᐅᔪᓐᓇᖃᑕᕈᓐᓇᕋᔭᕐᒪᑦ ᑕᐃᒪᐃᑎᑦᓗᒍ ᓇᑦᓕᐅᑯᒫᖃᖏᓐᓂᕐᒧᑦ ᐱᔪᓐᓇᐅᑕᐅᔪᓂᒃ ᐃᑲᔫᓯᐊᖑᔪᓐᓇᕐᑐᓂᒃ ᐃᔭᒐᕐᑖᕈᑎᓄᑦ, ᑭᒍᓯᕆᔪᑎᓄᑦ, ᐃᔭᐅᑎᑖᕈᑎᓄᑦ, ᐊᒻᒪ ᐋᓐᓂᐊᓗᓂ ᐃᖏᕋᔭᕆᐊᖃᖃᑕᕐᓂᕐᒧᑦ. ᑕᐃᒪ ᑕᒪᒃᑯᐊ ᓴᖅᑭᑕᐅᖃᑕᕈᓐᓇᕐᓂᐊᓕᕐᒪᑕ ᑲᑎᕐᓱᐃᔪᖃᕈᒪᑎᑦᓗᒍ, ᓴᖅᑭᑕᐅᔪᒪᔪᖃᕐᑎᑦᓗᒍ, ᐊᓯᔩᔪᖃᕐᓂᐊᕐᑎᑦᓗᒍᓘᓐᓃᑦ ᐅᓂᑳᓕᐊᕆᓯᒪᔪᒥᒃ ᑖᑦᓱᒧᖓ ᐃᓄᒃᒧᑦ ᒐᕙᒪᒃᑯᑦ ᐃᖃᓇᐃᔭᕐᕕᖏᓐᓂ ᐊᑦᔨᒌᖏᑐᓂ ᐊᓯᖏᓐᓂᓗ ᐱᖓᔪᒋᔭᐅᔪᓂ ᒐᕙᒪᐅᔪᓄᑦ. "ᑕᒪᒃᑯᐊ ᑲᓇᑕᒥ ᑕᐃᒪᐃᑐᑑᒃᒪᑕ 85ᐸᓴᖏᑦ ᐃᓄᐃᑦ ᐋᓐᓂᐊᖃᕐᓇᖏᑐᓕᕆᓂᕐᒧᑦ ᐃᑲᔫᑕᐅᖃᑕᕐᑐᓂᒃ ᐱᔪᓐᓇᕐᑐᓄᑦ, ᑕᒪᓐᓇ ᐃᒃᐱᒃᓇᐅᑎᖃᕈᓐᓇᒪᕆᒃᓂᐊᕐᒪᑦ ᓄᓇᕗᒥᐅᓄᑦ," ᐅᖃᓚᐅᕐᑐᖅ ᓄᓇᕗᒥ ᒥᓂᔅᑕᐅᔪᖅ ᐋᓐᓂᐊᖃᕐᓇᖏᑐᓕᕆᓂᕐᒧᑦ ᐃᐊᑦ ᐲᑯ. "ᑕᒪᓐᓇ ᑭᒍᕙᕆᐊᕈᑕᐅᔪᖅ ᐱᕕᖃᕐᑎᑦᓯᔪᓐᓇᕐᓂᐊᓕᕐᒪᑦ ᑲᓇᑕᐅᑉ ᒐᕙᒪᑯᖏᓐᓂᒃ ᑕᒪᑐᒥᖓ ᓴᖅᑭᑕᐅᔪᒥᒃ ᐲᕐᓯᔪᓐᓇᖁᑉᓗᒋᑦ." ᑖᓐᓇ ᐅᖃᐅᓯᕆᔭᐅᓚᐅᕐᓯᒪᔪᖅ ᑲᓇᑕᑉ ᒐᕙᒪᖓᑕ ᒥᓂᔅᑕᖓᓐᓄᑦ ᐋᓐᓂᐊᖃᕐᓇᖏᑐᓕᕆᓂᕐᒧᑦ ᐋᓐ ᒪᒃᓕᓚᓐᒧᑦ ᓯᑎᐱᕆᒥ ᑲᑎᒪᓂᖃᕐᑎᑦᓗᒋᑦ ᑲᓇᑕᑉ ᒐᕙᒪᖏᑦ, ᓄᓇᐃᑦ ᐊᕕᒃᑐᕐᓯᒪᓂᖏᑎᒍᑦ ᓄᓇᕗᑦ ᓄᓇᑦᓯᐊᑦᓗ ᔫᑳᓐᓗ ᐋᓐᓂᐊᖃᕐᓇᖏᑐᓕᕆᓂᕐᒧᑦ ᒥᓂᔅᑕᖏᓐᓄᑦ. "ᓂᕆᐅᒃᑐᖓ ᑕᒪᓐᓇ ᑕᐅᑑᑎᓗᑕ ᐅᖃᓕᒪᐅᑎᒋᔪᓐᓇᕐᓂᐊᕆᐊᒥ," ᐅᖃᓚᐅᕐᑐᖅ ᐲᑯ. ᑕᒪᒃᑯᐊ ᑎᑎᖃᐃᑦ, ᐃᓄᒃᑏᑑᕐᓯᒪᖏᑐᑦ ᐅᕙᓘᓐᓃᑦ ᐊᓯᐊᑎᒍᑦ ᐅᖃᐅᓯᒃᑯᑦ ᐃᓄᒃᑎᑐᑦ, ᐊᑎᓕᐅᕐᑕᐅᓂᐊᓚᐅᕐᑐᑦ ᓯᑎᐱᕆ 1, 2003. ᑖᓐᓇ ᒫᓐᓇ ᑭᖑᕙᕆᐊᕐᑕᐅᔪᖅ ᒫᔨ 1, 2004ᒧᑦ. ᕗᐃᓂᑎ ᕼᐊᓗᓚᓐ ᓯᕗᓕᕐᑏᑦ ᒐᕙᒪᐅᖃᑎᒌᑦ ᓄᓇᕗᑦ ᒐᕙᒪᖓᑦ (867) 975-6046 ᕋᐳᑦ ᐃᒧᕆ ᖁᑦᓯᓂᕐᓴᒃᑯᑦ ᐋᓐᓂᐊᖃᕐᓇᖏᑐᓕᕆᔨ ᓄᓇᕗᑦ ᑐᙵᕕᒃᑯᑦ (867) 975-4900 |