 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐊᑐᕚ (ᔪᓚᐃ 28, 2003) -- ᒥᓂᔅᑕ ᐃᓕᓐᓂᐊᖅᑐᓕᕆᔨᒃᑯᓐᓄᑦ, ᒪᓃᑦᑐᖅ ᑖᒻᓴᓐ, ᐅᖃᖅᓯᒪᓕᖅᑐᖅ ᒫᓐᓇ ᐃᓕᓐᓂᐊᕐᕕᒋᔭᐅᔪᑦ ᐃᓕᓐᓂᐊᕐᕕᐅᓚᐅᑲᖕᓂᐊᖅᑐᑦ ᑭᖑᕝᕖᔾᔪᑎᐅᓗᑎᒃ ᔫᒥ ᐃᓕᓐᓂᐊᕐᕕᖓᓄᑦ ᐃᓕᓐᓂᐊᕆᐊᖅᐸᒃᑐᓄᑦ. ᑕᒪᓐᓇ ᐅᖃᖅᑕᐅᔪᖅ ᒪᓕᒃᖢᑎᒃ ᐊᑐᓕᖁᔭᐅᔾᔪᑎᒥᒃ ᐃᖃᓗᐃᑦ ᓄᓇᓕᖓᓄᑦ ᐃᓕᓐᓂᐊᖅᑐᓕᕆᔨᒃᑯᖏᓐᓂᒃ. ᑕᐃᒪᙵᓂ ᐃᑭᑦᑐᖃᓚᐅᖅᑎᓪᓗᒍ ᔪᓚᐃ 4, 2003ᒥ, ᐃᓕᓐᓂᐊᖅᑐᓕᕆᔨᒃᑯᑦ, ᐃᖃᓗᐃᑦ ᐃᓕᓐᓂᐊᖅᑐᓕᕆᔨᒃᑯᖏᑦ, ᐊᐅᕖᑦ ᐃᓕᓐᓂᐊᖅᑐᓕᕆᔨᒃᑯᖏᑦ, ᔫᒥ ᐃᓕᓐᓂᐊᕐᕕᐅᑉ ᐃᖅᑲᓇᐃᔭᖅᑐᖏᑦ, ᐊᒻᒪᓗ ᓴᓇᔪᓕᕆᔩᑦ ᐱᔨᑦᑏᔨᐅᔪᓪᓗ ᐱᓕᕆᖃᑎᒋᓚᐅᕐᒪᑕ ᐃᑲᔪᖅᑎᒌᑦᑎᐊᖅᖢᑎᒃ ᐊᒻᒪᓗ ᓴᖅᑭᑦᑏᒋᐊᖅᖢᑎᒃ ᖃᓄᖅᑑᕈᑎᐅᔪᓐᓇᖅᑐᓂᒃ ᔫᒥ ᐃᓕᓐᓂᐊᕐᕕᖕᒧᑦ. ᐊᔾᔨᒌᖏᑦᑐᓂᒃ ᐃᓂᒃᓴᓂᒃ ᐊᒻᒪᓗ ᓂᕈᐊᖅᑕᐅᔪᓐᓇᖅᑐᓂᒃ ᖃᐅᔨᒋᐊᓚᐅᖅᖢᑎᒃ ᐊᒻᒪᓗ ᖃᐅᔨᒋᐊᖅᖢᓯᒃ ᓇᓕᐊᒃ ᐱᐅᓛᖑᒐᔭᕆᐊᒃᓴᖓᓂᒃ ᐃᓂᒋᔭᐅᓗᓂ ᐃᓕᓐᓂᐊᖅᑐᓄᑦ ᐊᒻᒪᓗ ᐃᖅᑲᓇᐃᔭᖅᑎᐅᔪᓄᑦ ᔫᒥ ᐃᓕᓐᓂᐊᕐᕕᖓᓄᑦ. "ᐊᓕᐊᓇᐃᒍᓱᑦᑎᐊᖅᑐᖓ ᐃᑲᔪᖃᑎᒌᖑᑎᐅᔪᓂᒃ ᐊᒻᒪᓗ ᐱᓕᕆᑦᑎᐊᕐᓂᖏᓐᓂᑦ ᐃᓚᐅᔪᓕᒫᑦ. ᐱᓕᕆᖃᑎᒌᑦ ᐊᒃᓱᕈᖅᖢᑎᒃ ᓴᖅᑭᑏᒋᐊᕐᒪᑕ ᐊᑐᖅᑕᐅᓕᓪᓚᕆᖕᓂᐊᖅᑐᓂᒃ ᑕᐅᑐᖕᓂᖃᕆᐊᖅᖢᑎᒃ ᐃᓕᓐᓂᐊᖅᑐᓂᒃ, ᐊᕐᕌᒍᒋᔭᐅᓂᐊᖅᑐᒧᑦ ᐱᓕᕆᔭᒃᓴᐅᓂᐊᖅᑐᓂᒃ ᐊᒻᒪᓗ ᐱᓕᕆᔭᐅᖅᑳᕆᐊᓕᖕᓂᒃ ᑲᑎᙵᑎᑦᑎᒋᐊᕐᓂᐊᖅᑐᓂᒃ ᔫᒥᐅᑉ ᐃᓚᖁᑎᖏᓐᓄᑦ ᑲᑎᙵᔾᔪᑎᐅᓂᐊᖅᑐᓂᒃ,” ᐅᖃᖅᑐᖅ ᑖᒻᓴᓐ. “ᐃᑲᔪᖅᑐᖅᑕᐅᖅᑎᐊᕐᓂᕗᑦ ᐃᓕᓐᓂᐊᖅᑐᓕᕆᔨᒃᑯᓐᓂ, ᓄᓇᓕᓂ ᐃᓕᓐᓂᐊᖅᑐᓕᕆᔨᖏᑕ ᑲᑎᒪᔨᖏᑦ ᑕᑯᓇᐃᑦᑎᐊᓚᐅᖅᑐᑦ ᐊᒻᒪᓗ ᑲᑎᒪᖃᑎᒌᑦᑎᐊᖅᖢᑎᒃ ᖃᓄᖅᑑᕈᑎᐅᔪᓐᓇᖅᑐᓕᒫᓂᒃ ᑕᒪᕐᒥᓕᒫᖑᔪᓂᒃ ᐱᔾᔪᑎᖃᖅᖢᑎᒃ,” ᑳᑎ ᓯᒥᑦ ᐅᖃᓚᐅᖅᑐᖅ ᐃᒃᓯᕙᐅᑕᖅ ᐃᖃᓗᖕᒥᐅᑦ ᐃᓕᓐᓂᐊᖅᑐᓕᕆᔨᖏᓐᓄᑦ. “ᐅᐃᕖᑦ ᐃᓕᓐᓂᐊᖅᑐᓕᕆᔨᒃᑯᖏᑦ ᐊᓕᐊᓇᐃᒍᓱᑦᑎᐊᕐᓂᕋᓚᐳᖅᑐᑦ ᑐᓂᓯᔪᓐᓇᕐᓂᕐᒥᒃ ᐃᓕᒍᔭᐅᓚᐅᑲᖕᓂᐊᖅᑐᒥᒃ ᐃᓄᒋᐊᓗᐊᕈᑎᐅᑎᑦᑎᑦᑕᐃᓕᒪᓗᑎᒃ ᐊᒻᒪᓗ ᓴᙱᒃᓕᒋᐊᕈᑎᐅᓗᑎᒃ ᐃᓕᓐᓂᐊᖅᑐᓕᕆᔨᒌᒍᑎᐅᖃᑦᑕᖅᑐᓂᒃ ᓄᓇᓕᖕᒥᐅᓂᒃ,” ᐅᖃᖅᑐᖅ ᒪᕇ ᕗᐊᑎᐊᐃ, ᐅᖃᖅᑎᐅᔪᖅ ᐅᐃᕖᑦ ᐃᓕᓐᓂᐊᖅᑐᓕᕆᔨᒃᑯᖏᓐᓄᑦ. ᑲᑎᑕᐅᓂᖏᑦ ᐱᓕᕆᔭᐅᓂᐊᖅᑐᑦ ᐊᒻᒪᓗ ᐱᔭᐅᖅᑳᕆᐊᓖᑦ ᐃᓕᓐᓂᐊᕐᕕᑦ, ᐃᖃᓗᐃᑦ ᐃᓕᓐᓂᐊᕐᕕᓕᒫᖏᑦ ᑐᓂᓯᔪᓐᓇᓚᐅᖅᑐᑦ ᐃᓕᓐᓂᐊᕐᕕᐅᓂᐊᖅᑐᓂᒃ ᐃᑲᔪᖅᑐᐃᒋᐊᖅᖢᑎᒃ ᓅᑕᐅᔭᕆᐊᖃᕐᓂᖏᑦ ᐃᓕᓐᐊᓂᖅᑐᑦ. ᐃᓄᒃᑎᑐᑦ ᐊᒻᒪᓗ ᖃᓪᓗᓈᑎᑐᑦ ᐅᖃᐅᓯᖃᖅᑳᖅᓯᒪᔪᑦ ᐱᒋᐊᖅᖢᑎᒃ ᐃᓕᓐᓂᐊᓕᓵᖅᑐᓂᒃ ᖁᑦᑎᖕᓂᓕᖕᓄᑦ 4ᒧᑦ ᐃᓕᓐᓂᐊᖅᑎᑕᐅᓚᐅᑲᖕᓂᐊᖅᑐᑦ ᓇᑲᓱᒃ ᒥᑭᓐᓂᖅᓴᓄᑦ ᐃᓕᓐᐊᓂᕐᕕᒃ. ᖁᑦᑎᖕᓂᓖᑦ 5ᓂᒃ ᐃᓕᓐᓂᐊᖅᑎᑕᐅᓚᐅᑲᖕᓂᐊᖅᑐᖅ (ᐃᑯᓪ ᑎᐊᔅ ᑐᕆᐅ-ᓱᓚᐃ ᐃᓕᓐᓂᐊᕐᕕᒃ) ᐅᐃᕖᑦ ᐃᓕᓐᓂᐊᒃᕕᖓᓂᒃ ᐊᒻᒪᓗ ᐊᖅᓴᕐᓃᑦ ᐃᓕᓐᓂᐊᕐᕕᖓᓂᒃ. ᐅᖃᖅᑕᐅᓪᓚᕆᒍᑎᖓ ᑕᒪᑐᒪᐅᑉ ᐱᓕᕆᔭᐅᕙᓪᓕᐊᖕᒪᑦ ᓱᓕ ᐃᖃᓗᐃᑦ ᐃᓕᓐᐊᓂᖅᑐᓕᕆᔨᒃᑯᖏᓐᓂᒃ ᐊᒻᒪᓗ ᐃᓕᓐᓂᐊᕐᕖᑦ ᐊᖏᔪᖅᑳᖏᓐᓂᒃ. ᐃᓕᓐᓂᐊᖅᑐᓕᕆᔨᒃᑯᑦ ᑲᔪᓰᓐᓇᕐᓂᐊᖅᑐᑦ ᐱᓕᕆᖃᑎᒌᖕᓂᕐᒥᒃ ᐃᖃᓗᐃᑦ ᐃᓕᓐᓂᐊᖅᑐᓕᕆᔨᒃᑯᖏᓐᓂᒃ ᓇᐅᑦᑎᖅᓱᑦᑎᐊᕐᓂᐊᕐᒪᑕ ᐃᓂᖃᖅᑎᑦᑎᑦᑎᐊᕐᓂᕐᒥᒃ ᐃᓕᓐᓂᐊᕐᕕᐅᓂᐊᖅᑐᓂᒃ ᐃᓕᓐᓂᐊᓕᕈᑎᒃ ᓯᑎᐱᕆᒥᒃ. ᑐᓴᒃᑲᓐᓂᕈᒪᒍᕕᑦ ᑐᓴᕆᐊᒃᑲᓐᓂᕈᓐᓇᖅᐳᑎᑦ ᐅᕗᖓ: ᔨᐊᔅᒦᓇ ᐱᐊᐸ ᓄᓇᕗᑦ ᒐᕙᒪᒃᑯᖏᑲ ᑐᓴᐅᒪᑎᑦᑎᔨᖓ (867) 975-6032 |