 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᖃᒪᓂᑦᑐᐊᖅ ᓄᓇᕗᑦ (ᔪᓚᐃ 21, 2003) - ᓂᐅᕕᖅᐸᒃᑐᓄᑦ ᐱᓕᕆᕝᕕᒋᔭᐅᔪᖅ ᑎᑎᕋᕐᕕᒃ ᐱᓕᕆᕝᕕᒋᔭᐅᔪᓄᑦ ᓄᓇᓖᑦ ᒐᕙᒪᖏᓐᓄᑦ ᐃᖏᕐᕌᒧᓕᕆᓂᕐᖕᒧᓪᓗ ᐃᓱᒫᓘᑎᖓ ᖃᐅᔨᒃᑲᐃᔪᒪᔪᑦ ᓄᓇᕘᒥᐅᓂᒃ ᐆᒥᖓ ᐊᔾᔨᒌᖏᑦᑐᓄᑦ ᑮᓇᐅᔭᓂᒃ ᐱᕋᔭᒐᓲᑎᒋᔭᖓᓂᒃ. “ᐅᓄᖅᓯᕙᓪᓕᐊᑐᐃᓐᓇᒪᑦ ᐱᕋᔭᖕᓂᐅᔪᑦ ᑲᒻᐸᓂᒋᔭᐅᔪᓄᑦ ᐊᒻᒪᓗ ᐱᓕᕆᔨᓄ ᐊᔾᔨᒌᖏᑦᑐᓂ ᑐᓂᔭᐅᔪᑦ ᐅᖄᓚᐅᑎᒃᑯᑦ, ᓱᒃᑲᔪᒃᑯᑦ, ᖃᕆᑕᐅᔭᑎᒍᑦ ᐊᒻᒪᓗ ᑎᑎᖅᑲᑎᒍᑦ, ᐱᔪᒪᓂᕋᐃᔪᓂᒃ ᐃᒪᐃᑦᑐᓂᒃ ᓇᖕᒥᓂᕆᔭᐅᔪᑦ ᑮᓇᐅᔭᒃᑯᕕᖁᑎᖏᓐᓂ, ᐊᑭᓕᒃᓴᓂᔾᔪᑎ ᐊᐅᑕᔫᓂ ᐊᒻᒪᓗ ᑮᓇᐅᔭᓂᒃ ᑮᓇᐅᔭᒃᑯᕕᖁᑎᖏᓐᓂᒡᓗ” ᐅᖃᖅᑐᖅ ᖁᑦᑎᒃᑐᒦᓐᓂᖅᓴᖅ ᓂᐅᕕᖅᐸᒃᑐᓄᑦ ᐱᓕᕆᕝᕕᒋᔭᐅᔪᑦ ᑎᑎᕋᕐᕕᖓ ᐱᓕᕆᔨ ᓕᐊ ᐊᐅᐸᓗᒃᑐᖅ. “ᐃᓄᖕᓂ ᓇᖕᒥᓂᕆᔭᐅᓂᕋᖅᑐᑦ ᐅᕝᕙᓘᓐᓃᑦ ᑮᓇᐅᔭᓂᒃ ᓵᒪᒃᓴᕈᑎᐅᔪᓂᒃ ᐅᕝᕙᓘᓐᓃᑦ ᓄᓇᓖᑦ ᐊᓯᐊᓂᕐᖕᒥᐅᑕᐅᖑᐊᖅᖢᑎᒃ, ᖃᐅᔨᒃᑲᐃᓪᓗᑎᒃ, ᑮᓇᐅᔭᒃᓴᖃᕐᓂᕋᐃᓪᓗᑎᒃ ᓴᓚᒃᓴᕐᓂᕋᐃᓗᑎᒡᓘᓐᓃᑦ ᑕᐃᒪᓕ ᑐᒃᓯᕋᓕᕋᔭᖅᑐᑦ ᐱᔪᒪᓂᕋᕐᓗᑎᒃ ᑮᓇᐅᔭᒃᑯᕕᖕᒥᐅᑕᖁᑎᖏᑕ ᑐᓴᖅᑕᐅᔪᓐᓇᖅᑐᖁᑎᖏᓐᓂᒃ. ᐱᔪᒪᔭᐅᓪᓗᑎᒃ ᓴᒡᓗᔪᑦ ᑖᒃᑯᐊ”, ᐅᖃᖅᑐᖅ ᓕᐊ. ᑖᑯᐊᒎᖅ ᐊᑐᖅᑕᐅᓕᖃᑦᑕᖅᑐᑦ ᑖᒃᑯᓇᖓᑦ ᐱᕋᔭᒃᖢᑎᒃ ᑮᓇᐅᔭᓂᒃ ᐲᖅᓯᔾᔪᑎᒋᓪᓗᓂᔾᔪᒃ ᑮᓇᐅᔭᒃᑯᕕᒋᔭᕐᖕᓂᒃ ᐅᕝᕙᓘᓐᓃᑦ ᐊᑭᓕᒃᓴᓂᔾᔪᑎ ᐊᐅᑕᔫᑦ ᑮᓇᐅᔭᒃᑯᕕᖏᓐᓂᒃ. ᓂᐅᕕᖅᐸᒃᑐᓄᑦ ᐱᓕᕆᕝᕕᒋᔭᐅᔪᖅ ᑎᑎᕋᕐᕕᖓ ᐅᖃᖅᑐᑦ ᓄᓇᕘᒥᐅᓄᑦ ᑐᓂᓯᖁᔭᐅᖏᖦᖢᑎᒃ ᐊᑭᓕᒃᓴᓂᔾᔪᑎ ᐊᐅᑕᔫᖏᑕ ᓈᓴᐅᑖᓂ, ᑮᓇᐅᔭᒃᑯᕕᖁᑎᖏᑕ ᓈᓴᐅᑖᓂ ᐅᕝᕙᓘᓐᓃᑦ ᐊᓯᖏᑦ ᑮᓇᐅᔭᑯᕕᖁᑎᖏᓐᓂ ᑭᓇᑐᐃᓐᓇᕐᒧ ᑭᓯᐊᓂᓕ ᖃᐅᔨᒪᔭᕐᖕᓄᑦ ᑲᒻᐸᓂᐅᔪᑦ ᐱᓕᕆᔨᖏᑦ, ᐊᒻᒪᓗ ᑐᓴᐅᒪᑦᑎᐊᖅᓯᒪᓗᒋᑦ ᓂᐅᕕᕈᒪᓇᔭᕐᓂᕈᕕᑦ. ᓄᓇᕘᒻᒥᐅ ᖃᐅᔨᓴᖁᔭᐅᓯᒪᔪᑦ ᐸᓴᒋᔭᖃᕐᓂᕈᑎᒃ ᑲᒻᐸᓂᐅᓂᕋᐃᔪᓂᒃ ᐅᕝᕙᓘᓐᓃᑦ ᑮᓇᐅᔭᓂᒃ ᓵᓚᒃᓴᕈᑎᓄ ᖃᐅᔨᒋᐊᖁᔭᐅᓯᒪᓪᓗᑎᒃ ᓂᐅᕕᖅᐸᒃᑐᓄᑦ ᐱᓕᕆᕝᕕᒋᔭᐅᔪᖅ ᑎᑎᕋᕐᕕᖓᓐᓄᑦ, ᐅᕝᕙᓘᓐᓃᑦ ᐸᓖᓯᒃᑯᓐᓄᑦ. ᑖᒃᑯᐊ ᓂᐅᕕᖅᐸᒃᑐᓄᑦ ᐱᓕᕆᕝᕕᒋᔭᐅᔪᖅ ᑎᑎᕋᕐᕕᒃ ᑲᐅᔨᒋᐊᕐᕕᒃᓴᐅᔪᑦ ᐅᕙᓂ: ᐱᓕᕆᕝᕕᒋᔭᐅᔪᒥ ᓄᓇᓕᖕᓄᑦ ᒐᕙᒪᒋᔭᐅᔪᓄᑦ ᐃᖏᕐᕋᒧᓕᕆᓂᕐᖕᒧᓪᓗ ᑎᑎᖅᑲᒃᑯᕕᐊ 204, ᖃᒪᓂᑦᑐᐊᖅ, ᓄᓇᕗᑦ X0X 0A0 ᐊᑭᓕᕆᐊᖃᙱᑦᑐᖅ: 1-866-223-8139 ᓱᒃᑲᔪᒃᑯᑦ: 1-867-793-3321 ᖃᕆᑕᐅᔭᒃᑯᑦ: Sarngna’naaq@gov.nu.ca -30- ᑐᓴᕆᐊᕈᒪᓐᓂᕈᕕᑦ ᐅᖄᓚᔪᓐᓇᖅᐳᑎᑦ ᐅᕗᖓ: ᓇᐸᑦᓯ ᑯᓗᓛ ᒐᕙᒪᒋᔭᐅᔪᑦ ᓄᓇᕘᒻᒥ ᑐᓴᐅᒪᑎᑦᑎᔨᓪᓗᐊᑕᖅ (867) 975-6048 |