 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐊᑐᕚ (ᔪᓚᐃ 21, 2003) -- ᒐᕙᒪᒋᔭᐅᔪᑦ ᓄᓇᕘᒻᒧ ᐊᒻᒪᓗ ᒫᓂᑑᐸᒧ ᐊᑎᓕᐅᕈᓐᓇᖅᓯᓚᐅᖅᐳᑦ ᐱᓇᓱᐊᖃᑎᒌᖕᓂᕐᒥ ᐳᓚᕋᑦᑐᓕᕆᓂᕐᒧ ᐱᕙᓪᓕᐊᑎᔅᓯᓂᕐᒥ. ᐱᓕᕆᖃᑎᒌᖕᓂᐊᓕᓵᖅᑎᓪᓗᒋᑦ ᐳᓚᕋᑦᑐᓕᕆᓂᕐᒧ ᑐᕌᖓᔪᓂ ᓴᖅᑭᑐᖃᕐᓗᓂ ᑕᒪᓐᓇᓗ ᓴᖅᑭᑎᑦᑎᕘᓪᓕᕋᔭᕐᒪᑦ ᐳᓚᕋᑦᑐᓕᕆᓂᕐᒧ ᕕᓯᓂᓯᖃᕐᓂᕐᒥ ᓂᐅᕐᕈᑎᖃᕋᓱᐊᕐᓂᕐᒧᓪᓗ ᐱᓕᕆᐊᖑᔪᓐᓇᖅᑐᓂᒃ. ᐃᑯᐱᕝᕕᓕᕆᔨᒃᑯᑦ ᒥᓂᓯᑕᖓ ᐅᓛᔪᒃ ᐊᑭᓱᒃ ᐊᑎᓕᐅᕈᓐᓇᓚᐅᖅᑐᖅ ᑭᒡᒐᖅᑐᖅᖢᓂᔾᔪᒃ ᓄᓇᕗᑦ ᒐᕗᒪᖓᑦ. “ᖁᕕᐊᓱᒻᒪᕆᒃᐳᖓ ᑕᒪᓐᓇ ᑲᔪᓯᔪᓐᓇᕐᒪ ᐱᓕᕆᖃᑎᒌᖕᓂᕆᓂᐊᖅᑕᕗᑦ ᒫᓂᑑᐸᓗ ᑲᔪᓯᖕᒪ,” ᐅᖃᖅᑐᖅ ᒥᓂᓯᑕ ᐊᑭᓱᒃ, ᐊᑎᓕᐅᖅᐸᓪᓕᐊᑎᓪᓗᒍ. “ᐱᓕᕆᓂᒃᑯᑦ ᓈᒻᒪᒃᑐᒃᑯᑦ ᑖᒃᑯᐊ ᐱᓕᕆᖃᑎᒋᓂᐊᖅᑕᕗᑦ ᓴᖅᑮᔪᓐᓇᕐᓂᕗᑦ ᓴᙱᓂᖃᕐᒪᑦ ᐃᑲᔪᖅᑎᒌᖕᓂᒃᑯ ᐊᒻᒪᓗ ᐊᑮᒋᓂᐊᑐᓂ ᓴᖅᑭᑦᑎᓂᕐᒧ. `ᑕᓐᓇ ᐊᑎᓕᐅᕈᑕᐅᓂᕆᔭᖓ ᐱᓇᓱᐊᖃᑎᒌᓐᓂᕐᒥ ᖁᑦᓯᖕᓂᖅᐹᖓᓄᑦ ᑎᑭᑦᑐᖅ ᐱᒋᐊᕈᓐᓇᓚᐅᖅᑐᖅ ᑕᒪᑐᒪᓂ ᐊᕐᕌᒍᒥ ᐱᒻᒪᕆᐅᓂᖓᓄᑦ ᐃᓗᐊᓃᑐᑦ-ᓴᙱᓂᖃᖅᑐᖅ ᐱᓕᕆᐊᓱᐅᔪᑦ. `ᑕᓐᓇ ᐊᖏᖃᑎᒌᖑᔪᖅ ᐃᑲᔫᑎᖃᕈᓐᓇᕐᓂᐊᖅᑐᖅ ᑲᔪᓯᓂᕐᒧᑦ ᓴᖏᓂᖃᕐᓗᓂᓗ ᐊᒃᑐᐊᔪᓂᒃ ᐱᕙᓪᓕᐊᓂᕐᒥ ᐳᓚᕋᑦᑐᓕᕆᓂᕐᒧ ᓄᓇᕘᒻᒥᐅᓄ ᒫᓂᑑᐸᒥᐅᓄᓪᓗ. ᑕᒪᓐᓇᓗ ᐊᖅᑭᒋᐊᕈᑎᐅᓂᐊᖅᑐᓂ ᐱᓕᕆᖃᒌᖕᓂᑯ ᐊᒻᒪᓗ ᐊᑐᖅᑕᐅᖃᑦᑕᕈᓐᓇᕐᓂᖏ ᐳᓚᕋᑦᑐᓕᕆᓂᕐᒧ ᓴᖅᑮᓂᕐᒥᒃ ᑖᒃᑯᐊᓗ ᐱᓕᕆᔭᐅᖃᑦᑕᕈᓐᓇᕋᔭᕐᒥᔪᑦ ᓴᙱᓂᕆᓂᐊᖅᑕᖏᑦ. ᐃᓕᖅᑯᓯᒧᑦ, ᐃᓕᖅᑯᓯᑐᖃᕐᒧᓪᓗ ᐊᒻᒪ ᐳᓚᕋᑦᑐᓕᕆᓂᕐᒧ ᒥᓂᓯᑕ ᐃᐅᕆᒃ ᕌᐸᓐᓴᓐ ᐊᑎᓕᐅᓚᐅᖅᑐᖅ ᑭᒡᒐᖅᑐᖅᖢᓂᔾᔪᒃ ᒫᓂᑑᐸᒥᐅᑦ ᒐᕙᒪᖓᑦ. ᐳᓚᕋᑦᑐᓕᕆᓂᕐᒧ ᐱᓕᕆᔭᐅᔪᒃᓴᑦ ᐃᖏᕐᕋᓯᒋᐊᓚᐅᖅᑐᖅ ᐱᒋᐊᖅᖢᓂ ᓄᓇᕘᒻᒥ ᐊᕐᕌᓂ ᑎᑎᖅᑲᑎᒍ ᓴᖅᑭᑕᐅᓗᓂ ᐊᑎᖃᖅᑐᒥ ᒫᓐᓇᐅᔪᖅ ᓈᒻᒪᒃᓯᕗᖅ: ᑕᐅᑐᙳᐊᖅᖢᒍ ᐸᕐᓇᒍᑎᓪᓗᒍᓗ ᐳᓚᕋᓐᓂᕐᒧ ᑐᕌᖓᔪᓂ ᓄᓇᕘᒻᒥ ᓴᖅᑭᑦᑕᐅᔪᖅ ᒪᓕᒐᓕᐅᖅᑎᓪᓗᒋ ᖃᒪᓂᑦᑐᐊᕐᒥ ᔫᓂᐅᑎᓪᓗᒍ. “ᒫᓐᓇᐅᔪᖅ ᓈᒻᒪᒃᓯᕗᖅ ᑐᙵᕕᒋᓂᐊᖅᑕᖓ ᑕᐅᑐᙳᐊᖅᖢᒍ ᐱᒋᐊᕈᓐᓇᕋᔭᖅᑐᖅ, ᑮᓐᓇᐅᔾᔭᒃᓴᓂᕐᒧ ᐊᔪᕐᓇᕋᔭᙱᓐᓂᖓ ᐳᓚᕋᓐᓂᕐᒧ ᓴᓇᔭᐅᓯᒪᔪᓂᒃ ᓄᓇᕘᒻᒥ. ᐸᕐᓇᒃᑕᐅᓯᒪᔪᓂᑦ ᓴᖅᑭᑦᑎᓂᖅ ᐱᓕᕆᓂᒃᑯᑦ ᓴᓇᔭᐅᓯᒪᑎᓪᓗᒋᑦ ᓄᓇᕘᒻᒥ,” ᐅᖃᖅᑐᖅ ᒥᓂᓯᑕ ᐊᑭᓱᒃ. -30- ᑐᓴᕆᐊᒃᑲᓐᓂᕈᒪᓐᓂᕈᕕᑦ ᖃᐅᔨᒋᐊᕈᓐᓇᖅᐳᑎᑦ ᐅᕗᖓ: ᑭᐅᕆ ᒪᒃᑲᓚᔅᑭ ᑐᓴᐅᒪᑎᑦᑎᓂᕐᒧ ᐱᓕᕆᔨᓪᓗᐊᑕᖅ ᐃᑯᐱᕝᕕᓕᕆᔨᒃᑯ, ᓄᓇᕗᑦ ᒐᕙᒪᖓᑦ ᐅᖄᓚᐅᑖ: (867) 975-5929 ᓱᒃᑲᔪᒃᑯᑦ: (867) 975-5980 ᖃᕆᑕᐅᔭᑎᒍ: kmccluskey@gov.nu.ca |