 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ (ᔪᓚᐃ 18, 2003) - ᐃᑯᐱᒃᕕᓕᕆᔨᒃᑯᑦ ᐅᓪᓗᒥ ᐅᖃᐅᔾᔪᐃᕙᓪᓕᐊᔪᑦ ᐃᓄᓕᒫᓄᑦ ᑕᑯᔪᖃᒃᑲᓐᓂᕐᓂᖓᓂᒃ ᓇᓄᕐᒥᒃ ᑭᒻᒥᕉᑉ ᖃᓂᒋᔭᖓᓂᒃ. ᐃᑯᐱᒃᕕᓕᕆᔨᒃᑯᑦ ᐅᖃᐅᔾᔨᒋᐊᖅᑐᑦ ᐳᓛᕆᐊᖅᓯᒪᔪᓂᒃ ᐊᒻᒪᓗ ᑭᒻᒥᕈᕐᒥᐅᓂᒃ ᐃᓯᖅᐸᓪᓕᐊᓂᐊᖅᑐᓂᒃ ᑲᑕᓐᓂᓕᒃ ᒥᕐᖑᐃᖅᓯᕐᕕᖓᓄᑦ ᐅᕝᕙᓘᓐᓃᑦ ᑭᒻᒥᕉᑉ ᖃᓂᒋᔭᖓᓂᒃ ᑕᑯᔪᖃᓚᐅᕐᓂᖓᓂᒃ ᓇᓄᕐᒥᒃ. ᐊᒻᒪᓗᑦᑕᐅᖅ, ᓇᓄᖅ ᐃᑉᐸᒃᓴᖅ ᑕᑯᔭᐅᔪᕕᓂᖅ ᖃᐅᒫᕐᕖᑦ ᒥᕐᖑᐃᖅᓯᕝᕕᖓᓂᒃ ᑕᑯᔭᐅᒃᑲᓐᓂᓚᐅᖅᑐᖅ ᐅᓐᓅᓚᐅᖅᑐᒥᒃ. ᖃᐅᒫᕐᕖᑦ ᐅᖓᓯᖕᓂᖃᖅᑐᖅ 9 ᑭᓛᒥᑕᓂᒃ ᑐᓄᕕᓪᓕᐊᖓᓂᒃ ᐃᖃᓗᐃᑦ. ᐅᒥᐊᒃᑯᑦ ᐅᐸᒋᐊᕐᓗᒍ 20 ᒥᓂᓪᓗᐊᓂᒃ ᐅᐊᔅᓯ ᒪᓕᒃᓗᒍ ᐅᐸᒐᒃᓴᐅᔪᖅ. ᐃᑯᐱᒃᕕᓕᕆᔨᒃᑯᑦ ᐆᒪᔪᕐᓂᐊᖅᑎᖏᑦ ᑕᐅᕙᓃᑦᑐᑦ ᕿᓂᖅᐸᓪᓕᐊᓪᓗᑎᒃ ᓇᓄᕐᒥᒃ. ᐃᓄᓕᒫᑦ, ᐃᓚᐅᓗᑎᒃ ᐳᓛᕆᐊᖅᓯᒪᔪᑦ ᐊᒻᒪᓗ ᓄᓇᕗᒻᒥᐅᑕᐃᑦ, ᐅᔾᔨᕈᓱᑦᑎᐊᖁᐅᕗᑦ ᓅᑉᐸᓪᓕᐊᓂᐊᖅᑎᓪᓗᒋᑦ ᓄᓇᖃᖅᐸᒃᑐᓂᒃ ᓄᓇᓂᒃ ᐅᑭᐅᖅᑕᖅᑐᒥ ᐊᒻᒪᓗ ᐅᐸᒃᓯᒋᐊᖁᔭᐅᓇᑎᒃ ᑕᑯᓐᓂᕈᑎᒃ. -30- ᑐᓴᕆᐊᒃᑲᓐᓂᕈᒪᒍᔅᓯ ᑕᒪᑐᒪᐅᑉ ᒥᒃᓵᓄᑦ ᐅᓇ ᑐᓴᕐᕕᒋᒋᐊᕈᒃ: ᑭᐅᕆ ᒪᒃᑲᓚᔅᑭ ᑐᓴᖅᑕᐅᕙᓪᓕᐊᔭᕆᐊᖃᖅᑐᓕᕆᔨ ᐃᑯᐱᒃᕕᓕᕆᔨᒃᑯᓐᓄᑦ ᓄᓇᕗᑦ ᒐᕙᒪᒃᑯᖏᑦ ᐅᖄᓚᐅᑖ: (867) 975-5929 ᓱᒃᑲᔪᖁᑖ:(867) 975-5980 ᖃᕆᑕᐅᔭᒃᑯᑦ: kmccluskey@gov.nu.ca |