 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᖢᐃᑦ, ᓄᓇᕗᑦ (ᕕᕗᐊᕆ 3, 2003) - ᒥᓂᕝᑕ ᐸᓪ ᐅᖃᓕᖅ ᐊᒻᒪᓗ ᖁᑦᓯᖕᓂᖅᓴᒧᑦ ᐃᖃᖅᑐᐃᔨ ᐸᕗᓕ ᐳᕋᐅᓐ ᓇᓗᓇᐃᓚᐅᖅᐳᑦ ᑎᒃᑯᐊᖅᑕᐅᓂᖓᓂᒃ ᐊᓕᒃᓯᓇ ᑯᑉᓗᒥᑦ ᓄᓇᕘᒥ ᓯᕗᓪᓕᖅᐸᐅᓪᓗᓂ ᑎᒃᑯᐊᖅᑕᐅᔪᖅ ᓴᓇᐃᓐᓇᕐᓂᐊᖅᑐᒥᒃ ᐃᑲᖅᑐᐃᔨᕋᓚᖑᓂᕐᒧᑦ. ᓛᖁᕕᐊᓲᑎᒋᕙᕋ ᒥᕝ ᑯᑉᓗ ᑎᒃᑯᐊᖅᑕᐅᓂᖓᓄᑦ. ᐅᑭᐅᓕᒫᒧᑦ ᐃᖃᑐᐃᔨᕋᓚᒧᑦ ᓴᓇᓂᐊᖅᖢᓂ ᐊᒻᒪᓗ ᐱᓕᕆᐊᖃᕐᓂᐊᖅᖢᓂ ᑲᒪᒋᔭᐅᕙᒃᑐᓂᒃ ᓄᓇᕘᑉ ᐃᑲᑐᐃᔨᓕᕆᔨᒃᑯᓐᓄᑦ, ᑕᒪᐃᓐᓂᒃ ᐃᒃᓯᕙᖃᑕᐅᕙᓘᓂ ᐃᖃᑐᐃᔨᕋᓛᖑᓂᖓᓄᑦ ᐊᒻᒪᓗ ᐊᐅᓚᑦᓯᓂᕐᒧᑦ ᑲᒪᔨᐅᓗᓂ, ᐅᖃᐅᔾᔨᔨᐅᓗᓂ ᐊᒻᒪᓗ ᐃᓕᓐᓂᐊᖅᑎᑦᓯᕙᖕᓂᐊᕐᓗᓂᓗ 80-ᓂᒃ ᐃᖃᖅᑐᐃᔨᕋᓛᙳᐊᓂᒃ ᓄᓇᕘᒥ, ᒥᓂᕝᑕ ᐅᑲᓕᖅ ᐅᖃᖅᐳᖅ. ᒥᔅ ᑯᑉᓗ ᐃᓅᓚᐅᖅᐳᖅ ᐃᒡᓗᓕᖕᒥ, ᐊᒻᒪᓗ ᐃᖃᓗᖕᒥᐅᓄᑦ ᖃᐅᔨᒪᔭᐅᑦᓯᐊᒻᒪᕆᒃᖢᓂ, ᑕᒪᐃᓐᓄᑦ ᐱᓕᕆᐊᕆᔭᒥᓄᑦ ᐃᖃᑐᐃᔨᕋᓛᙳᐊᖑᓪᓗᓂ ᐊᒻᒪᓗ ᐃᓕᓐᓂᐊᖅᑎᑦᓯᔨᐅᓪᓗᓂ ᓄᓇᕘᒥ ᐅᑭᐅᖅᑕᖅᑐᒥᒃ ᓯᓚᑦᑐᖅᓴᕐᕕᖓᓂ. ᒥᔅ ᑯᑉᓗ ᓇᓗᓇᐃᑯᑕᖃᖅᐳᖅ ᐃᓕᓐᓂᐊᖅᑐᓕᕆᓂᕐᒧᑦ ᓯᓚᑦᑐᖅᓴᕐᕕᖕᒥ McGill University -ᐊᒻᒪᓗ 20-ᓂᒃ ᐅᑮᐅᓂᒃ ᐃᓕᓐᓂᐊᖅᑎᑦᓯᓯᒪᓪᓗᓂ ᓄᑕᕋᓂᒃ ᐊᒻᒪᓗ ᐃᓐᓇᕐᓂᒃ. ᐱᓕᕆᑎᓪᓗᖑ ᓄᓇᕘᑉ ᐅᑭᐅᖅᑕᖅᑐᒥᒃ ᓯᓚᑦᑐᕐᓴᕐᕕᖓᓂ, ᒥᔅ ᑯᑉᓗ ᐃᓄᒃᑎᑐᑦ ᐃᓕᓐᓂᐊᖅᑎᑦᓯᓯᒪᕗᖅ ᐊᒻᒪᓗ ᐃᓚᐅᖃᑕᐅᓯᒪᓪᓗᓂ ᓴᕿᑎᑦᓯᓂᕐᒥᒃ ᐅᖃᓕᒪᒐᒃᓴᓂᒃ 7-ᓂᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ. “ᐃᖃᖅᑐᐃᔩᑦ ᐊᒻᒪᓗ ᐃᖃᖅᑐᐃᔨᒃᑯᓐᓄᑦ ᐱᓕᕆᔨᐅᔪᑦ ᓄᓇᕘᒥ ᐃᖃᑐᐃᔪᓕᕿᔨᒃᑯᖏᓐᓄᑦ ᐊᒻᒪᓗ ᐃᖃᖅᑐᐃᔨᕋᓛᖑᖅᑎᑕᐅᓯᒪᔪᑦ ᓴᕆᒪᓇᑉᒪᕆᒃᐳᖅ ᐱᓕᕆᖃᑎᖃᕈᓐᓇᕐᓂᑉᑎᓐᓂᒃ ᐊᒻᒪᓗ ᐃᓕᑦᓯᕙᓪᓕᐊᕝᕕᒋᓗᒍ ᒥᔅ ᑯᑉᓗ. ᐊᑭᐅᓂᒃ ᐊᒥᓱᓂᒃ ᖃᐅᔨᒪᓂᕐᒥᓂᒃ ᑕᒪᑐᒧᖓ ᖁᑦᓯᖕᓂᖅᐹᒧᑦ ᐃᓕᔭᐅᕗᖅ ᐃᖃᖅᑐᐃᔨᓕᕋᓛᖑᓂᕐᒧᑦ. ᑐᙵᓱᖁᕙᕗᑦ ᐊᒻᒪᓗ ᐅᑭᐅᓂᒃ ᐊᒥᓱᓂᒃ ᐱᓕᕆᖃᑎᒋᒍᒪᕙᕗᑦ,” ᐃᖃᖅᑐᐃᔨ ᐳᕋᐅᓐ ᐅᖃᖅᐳᖅ. ᑐᓴᒐᒃᓴᓕᕆᓂᕐᒧᑦ ᖃᐅᔨᒋᐊᕐᓗᑎᑦ: ᕼᐊᑐ ᑕᐃᓕ ᐊᐅᓚᑦᓯᔨᐅᔪᖅ, ᐃᖃᑐᐃᓂᕐᒧᑦ ᐱᔨᑦᓯᕋᕐᓂᕐᒧᑦ Tel. (867) 975-6131 Fax (867) 975-6168 |