 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᓄᑖᑦ $60-ᒥᓕᔭᓐ ᐊᑯᓂᐅᙱᑦᑐᒧᑦ ᑮᓇᐅᔭᖅᑑᑎᒃᓴᑦ ᐊᒻᒪᓗ ᓇᓗᓇᐃᕆᓂᖅ ᐊᑯᓂᒧᑦ ᐋᖅᑭᒃᓯᒪᔾᔪᑎᒃᓴᓂᒃ ᓯᕗᓕᖅᑎᐅᔪᑦ ᐅᑭᐅᖅᑕᖅᑑᑉ ᐊᕕᒃᑐᖅᓯᒪᓂᖏᓐᓂ ᐅᓪᓗᒥ ᑐᓴᖅᑎᑦᑎᔪᑦ ᓯᕗᒻᒧᐊᒋᐊᕐᓂᖏᓐᓂᒃ ᐅᖃᐅᓯᐅᓂᖓ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᒃᓱᕉᑕᐅᔪᑦ ᐅᑭᐅᖅᑕᖅᑐᒥ. ᑖᒃᑯᐊ ᐊᕕᒃᑐᖅᓯᒪᓂᐅᔪᑦ ᑐᓂᔭᐅᔪᑦ $60-ᒥᓕᔭᓂᒃ ᐊᔾᔨᐅᖏᑦᑐᓂᒃ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑮᓇᐅᔭᖅᑑᑎᒃᓴᑦ ᐊᒻᒪᓗ ᓇᖕᒥᓂᖅ ᐱᓕᕆᐊᖃᕈᒪᓂᖓ ᑲᓇᑕᐅᑉ ᐊᖓᔪᖅᑳᒻᒪᕆᐊᑦ ᔩᓐ ᑯᕆᑦᓯᐊᓐ ᓇᓂᓯᒐᓱᐊᕐᓂᐊᓂᕋᖅᑐᖅ ᐊᑯᓂᒧᑦ ᐊᕐᕌᒍᑕᒫᑦ ᑮᓇᐅᔭᖅᑑᑎᒃᓴᖃᕈᑕᐅᓂᐊᖅᑐᓂᒃ. “ᒪᕐᕉᓕᖅᑑᒃ ᐱᓇᓱᐊᕈᓰᒃ ᓱᓇᖃᓚᐅᖅᑎᓐᓇᑕ ᒥᑭᔪᕈᓗᐃᑦ ᓴᓂᖏᓐᓂ, ᐃᓄᐃᑦ ᐅᓄᕐᓂᖏᓐᓂᒃ ᒪᓕᒃᑐᑎᒃ ᑮᓇᐅᔭᖅᑑᑎᒃᓴᐅᔪᑦ ᐊᑖᒍᑦ ᑲᓇᑕᒥ ᐋᓐᓂᐊᖃᕐᓇᖏᑦᑐᓕᕆᔾᔪᑏᑦ,” ᓯᕗᓕᖅᑎ ᓯᑏᕙᓐ ᑳᕖ ᐅᖃᖅᑲᐅᔪᖅ. “ᑖᒃᑯᐊ ᐱᖓᓱᑦ ᐊᕕᒃᑐᖅᓯᒪᓂᐅᔪᑦ ᐱᓕᕆᓯᒪᖕᒪᑦ ᐃᑲᔪᖅᑎᒌᑦᓯᐊᖅᑐᑎᒃ ᒫᓐᓇᒧᑦ ᐊᒻᒪᓗ ᐱᖃᑎᒌᒡᓗᑕ ᐱᓕᕆᖃᑎᒌᖕᓂᐊᖅᑐᒍᑦ ᐱᖃᑎᒋᓗᒋᑦ ᒐᕙᒪᑐᖃᒃᑯᑦ ᓴᖅᑭᑎᑦᑎᒐᓱᐊᕐᓗᑕ ᓇᓕᒧᒌᒃᑐᓂᒃ ᑲᒪᒋᔭᐅᔾᔪᑎᒃᓴᓂᒃ.” ᑲᓇᑕᐅᑉ ᐊᖓᔪᖅᑳᒻᒪᕆᐊᑦ ᑎᓕᐅᕆᖅᑲᐅᖕᒥᔪᖅ ᐃᖅᑲᓇᐃᔭᖅᑎᒥᓂᒃ ᐱᓕᕆᖃᑎᖃᖁᓪᓗᒋᑦ ᑖᒃᑯᓂᖓ ᐅᑭᐅᖅᑕᖅᑑᑉ ᐊᕕᒃᑐᓯᖅᒪᓂᖏᓐᓂᒃ ᐋᖅᑭᒃᓯᕙᓪᓕᐊᔾᔪᑎᒃᓴᓂᒃ ᑕᒪᑐᒧᖓ ᐅᖃᐅᓯᖃᕈᑕᐅᓂᐊᖅᑐᓄᑦ ᓈᒻᒪᖏᓐᓂᖏᓐᓄᑦ ᑖᒃᑯᐊ ᐃᓄᐃᑦ ᐅᓄᕐᓂᖏᓐᓂᒃ ᒪᓕᒃᑐᑎᒃ ᑮᓇᐅᔭᖅᑑᑎᒃᓴᖅᑖᖅᑎᑕᐅᖃᑦᑕᕐᓂᖅ ᐊᒻᒪᓗ ᑮᓇᐅᔭᑎᒍᑦ ᐊᒃᓱᕉᓴᒍᑕᐅᔪᑦ ᐊᑭᐅᖅᑕᖅᑐᒥ. ᑕᒪᓐᓇ ᓇᓗᓇᐃᖅᓯᓂᖅ ᓴᖅᑭᖅᑲᐅᔪᖅ ᑲᑎᒪᖃᑎᖃᖅᑎᓪᓗᒋᑦ ᑲᓇᑕᐅᑉ ᐊᖓᔪᖅᑳᒻᒪᕆᐊᓂᒃ ᑕᐃᑲᓂ 24 ᐳᒥᐅᐅᕿᐊ ᕈᑭᓂᑲᕿ-ᒥ ᐅᓪᓛᖑᖅᑲᐅᔪᖅ. ᑖᒃᑯᐊ ᓄᑖᑦ ᑮᓇᐅᔭᖅᑑᑎᒃᓴᑦ ᐊᕕᒃᑕᐅᓂᐊᖅᑐᑦ ᓇᓕᒧᒌᒡᓗᑎᒃ ᑖᒃᑯᓄᖓ ᐱᒐᓱᓄᑦ ᐊᕕᒃᑐᖅᓯᓄᓂᐅᔪᓄᑦ ᐊᒻᒪᓗ ᐊᑐᖅᑕᐅᓗᑎᒃ ᒫᓐᓇ ᐋᓐᓂᐊᖃᕐᓇᖏᑦᑐᓕᕆᔾᔪᑕᐅᒋᐊᖃᒻᒪᕆᒃᑐᓄᑦ. ᑕᒪᓐᓇ ᑮᓇᐅᔭᖅᑑᑎᒃᓴᖅ ᐃᓚᒋᐊᕈᑕᐅᔪᖅ ᑖᒃᑯᓄᖓ ᐃᓄᐃᑦ ᐅᓄᕐᓂᖏᑦ ᒪᓕᒡᑐᒋᑦ ᑮᓇᐅᔭᖅᑑᑎᑕᕈᑕᐅᕙᒃᑐᓄᑦ ᐊᒻᒪᓗ ᑕᒪᓐᓇ ᐃᓕᖅᑯᓯᐅᓂᐊᖅᑐᖅ ᐱᐊᓂᒃᑕᐅᓂᐊᖅᑐᖅ ᓄᙳᐊᓂ ᒫᑦᓯᐅ, ᓯᕗᓕᖅᑏᑦ ᑐᓴᖅᑎᑦᑎᖅᑲᐅᔪᑦ. ᑕᒪᓐᓇ ᐋᖅᑭᒍᑕᐅᔪᖅ ᓱᓕ ᐊᒥᒐᖅᑐᖅ ᑮᓇᐅᔭᖅᑑᑎᒃᓴᑦ ᓯᕗᓕᖅᑏᑦ ᐱᒍᒪᖃᐅᔭᖏᑦᑕ ᓴᓂᐊᓂᒃ, ᑭᓯᐊᓂ ᑕᒪᓐᓇ ᑭᒡᒐᖅᑐᐃᔪᖅ ᐱᒻᒪᕆᐅᔪᒥᒃ ᐊᒻᒪᓗ ᐊᖏᔪᒥᒃ ᓯᕗᒻᒧᐊᒋᐊᕈᑕᐅᓪᓗᓂ, ᓄᓇᕗᑦ ᓯᕗᓕᖅᑎᖓᑦ ᐹᓪ ᐅᑲᓕᖅ ᐅᖃᖅᑲᐅᔪᖅ. “ᑕᒪᓐᓇ ᐋᖅᑭᒃᓯᒪᔾᔪᑕᐅᓂᐊᖅᑐᖅ ᑭᒡᒐᖅᑐᐃᔪᖅ ᑮᓇᐅᔭᒻᒪᕆᖕᓂᑦ ᐱᑕᖃᕈᑕᐅᓂᐊᖅᑐᓂᒃ ᐊᑯᓂᐅᙱᑦᑐᒧᑦ ᐃᑲᔪᖅᑕᐅᔾᔪᑎᒋᒋᐊᖃᖅᑕᖏᓐᓂᒃ ᐃᓄᐃᑦᒃ ᐊᒻᒪᓗ ᑕᒪᓐᓇ ᖁᔭᓈᕆᐊᖃᙱᓐᓇᑦᑎᒍ,” ᓯᕗᓕᖅᑎ ᐅᑲᓕᖅ ᐅᖃᖅᑲᐅᔪᖅ. “ᐋᖅᑭᒃᓱᐃᕙᓪᓕᐊᓕᕐᒥᔪᒍᑦ ᐊᑯᓂᒧᑦ ᐋᖅᑭᒋᐊᕈᑎᒃᓴᓂᒃ.” ᓯᕗᓕᖅᑎ ᕕᓐᑎ ᐅᖃᖅᑲᐅᔪᖅ ᑖᒃᑯᐊ ᐊᕕᒃᑐᖅᓯᒪᓂᐅᔪᑦ ᑲᔪᓯᓂᐊᖅᑐᑦ ᐊᒃᓱᕉᑎᖃᐃᓐᓇᕐᓗᑎᒃ ᓇᓕᒧᒋᔭᖃᕆᐊᖃᕐᓂᕐᒥᑦ ᐊᒻᒪᓗ ᓈᒻᒪᒃᑐᓂ ᑐᓂᔭᐅᖁᓪᓗᒋᑦ ᑲᓇᑕᒥᐅᑕᐅᔪᑦ ᐅᑭᐅᖅᑕᖅᑐᒦᑦᑐᑦ. “ᓇᓗᓇᐃᕐᕕᐅᓯᒪᓕᕋᑦᑕ ᑲᓇᑕᐅᑉ ᐊᖓᔪᖅᑳᒻᒪᕆᐊᓄᑦ ᑖᒃᑯᐊ ᒐᕙᒪᑐᖃᒃᑯᑦ ᐱᓕᕆᖃᑎᖃᕐᓂᐊᕐᓂᕋᖅᑐᑎᒃ ᐅᕙᑦᑎᓐᓂᒃ ᐋᖅᑭᒃᓱᐃᓗᑕ ᑮᓇᐅᔭᖅᑑᑎᒃᓴᓂᒃ ᐅᖃᐅᓯᖃᕈᑕᐅᓂᐊᖅᑐᓂᒃ ᓈᒻᒪᖏᔾᔪᑕᐅᔪᓂᒃ ᑖᒃᑯᓄᖓ ᐃᓄᐃᑦ ᐅᓄᕐᓂᖏᑦ ᒪᓕᒡᓗᒋᑦ ᑮᓇᐅᔭᖅᑑᑎᒃᓴᖅᑖᕈᑕᐅᕙᒃᑐᑦ,” ᓯᕗᓕᖅᑎ ᕕᓐᑎ ᐅᖃᖅᑲᐅᔪᖅ. ᐊᓂᑦ ᕘᔅᕗᐊ ᑐᓴᒐᒃᓴᓕᕆᔨ ᐊᓪᓚᒡᕕᐊ ᓯᕗᓕᖅᑎᐅᑉ ᓄᓇᕗᑦ ᒐᕙᒪᖏᑦ ᐅᖃᓘᑖ: (867) 975-1317 613-223-9890 ᑐᕉ ᕕᓕᐊᒻᔅ ᑐᓴᒐᒃᓴᓕᕆᔩᑦ ᐊᓪᓚᒡᕕᐊ ᓯᕗᓕᖅᑏᑦ ᓄᓇᑦᓯᐊᑉ ᒐᕙᒪᖏᑦ ᐅᖃᓘᑖ: (867) 669-2304 ᐋᓐᑐᕆᐊ ᕙᒃᓕ ᑐᑭᒧᐊᒃᑎᑦᑎᔨ ᑐᓴᒐᒃᓴᓕᕆᓂᖅ ᐊᐅᓚᑦᑎᔩᑦ ᑲᑎᒪᔨᖏᑦᑕ ᐊᓪᓚᒡᕕᐊ ᔪᑳᓐ ᒐᕙᒪᖏᑦ ᐅᖃᓘᑖ: (867) 667-5270 |