 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᓄᓇᕗᑦ ᑕᑎᖃᓪᓗᓂ ᑭᓯᐊᓂᐅᖕᒪᑦ ᑎᑭᑎᒐᐅᔪᓂᒃ ᐅᖅᓱᐊᓕᖕᓂᑦ. ᑯᑐᒍᓐᓇᖅᑐᓕᒫᑦ ᐅᒥᐊᕐᔪᐊᒃᑯᑦ ᑎᑭᑎᑕᐅᖃᑦᑕᕆᐊᖃᕐᒪᑕ, ᑎᖕᒥᓲᒃᑯᓪᓘᓐᓃᑦ ᐊᒻᒪᓗ ᐅᖅᓱᐊᓗᖃᐅᑎᓂ ᑐᖅᑯᖅᓯᒪᒋᐊᖃᖅᑐᑎᒃ. ᓄᓇᕗᑦ ᒐᕙᒪᖏᑦ ᐊᑭᓖᕙᖕᒪᑕ ᑕᒪᑐᒧᖓ ᐆᒻᒪᖅᑯᑎᒋᔭᐅᔪᒧᑦ ᑕᒪᒃᑮᖕᓂᑦ ᐊᑐᖅᑐᐊᖅᑎᓄᑦ ᐊᒻᒪᓗ ᐱᑕᖃᖅᑎᑦᑎᔨᐅᔪᓄᑦ ᑯᐊᐳᕇᓴᒃᑯᑦ ᐊᑖᓃᑦᑐᓄᑦ. ᓇᓚᐅᑦᓵᖅᑕᐅᓯᒪᔪᖅ ᐊᑭᒋᓚᐅᖅᑕᖏᑦ ᐆᒻᒪᖅᑯᑎᑐᕈᑕᐅᔪᑦ 2001-ᒥ ᐅᖓᑖᓄᑦ $121-ᒥᓕᔭᓐ, ᐅᕝᕙᓘᓐᓃᑦ 18-% -ᖏᑦ ᓄᓇᕗᑦ ᒐᕙᒪᖏᑦᑕ ᑮᓇᐅᔭᖅᑑᑎᒃᓴᖏᑦ. ᑖᓐᓇ ᐅᓄᕐᓂᐅᔪᖅ ᐅᓄᖅᓯᒋᐊᕐᓂᐊᖅᑐᕆᔭᐅᔪᖅ ᐅᖓᑖᓄᑦ $140-ᒥᓕᔭᓐ, ᐅᕝᕙᓘᓐᓃᑦ 20-%-ᖏᑦ ᑮᓇᐅᔭᖅᑑᑎᒃᓴᐃᑦ, ᐊᕐᕌᒍᐊᓂ 2005. ᑕᒃᑯᐊ ᐃᑯᒪ ll ᐅᓂᒃᑳᓕᐊᕆᓯᒪᔭᖏᓐᓂ, ᓴᖅᑭᑎᑕᐅᓚᐅᖅᑐᑦ 2002-ᒥ, ᐋᖅᑭᒃᓯᔾᔪᑕᐅᓚᐅᖅᑐᑦ ᐊᐅᓚᑦᓯᔾᔪᑕᐅᓂᐊᖅᑐᓂᒃ ᐊᑭᐅᔪᓄᑦ. ᒥᑭᓪᓕᒋᐊᕐᓗᒋᑦ ᐊᑐᖃᑦᑕᕐᓂᖅᐊᒻᒪᓗ ᓴᖅᑭᔮᖅᑎᑦᑎᓂᖅᓴᐅᓗᓂ ᓇᖕᒥᓂᖅ ᐊᐅᓚᓗᓂ ᐆᒻᒪᖅᑯᑎᖃᕈᓐᓇᕐᓂᕐᒥᑦ. ᑕᒪᒃᑯᐊ ᐃᓚᖃᖅᑐᑦ ᓴᖅᑭᑎᑕᐅᓂᖓᓂᒃ ᖁᓪᓕᖅ ᐆᒻᒪᖅᑯᑎᓕᕆᓂᕐᒧᑦ ᑯᐊᐳᕇᓴᓐ ᐊᒻᒪ ᒪᕐᕉᒃ ᐊᑖᓃᓐᓂᐊᖅᑑᒃ ᐊᒡᔭᖅᑐᐃᔨᐅᓗᑎᒃ ᐅᖅᓱᐊᓗᖕᓂᑦ ᐊᒻᒪᓗ ᓴᖅᑭᑎᑦᑎᔨᐅᓗᑎᒃ ᐆᒻᒪᖅᑯᑎᓂᒃ ᓄᓇᓕᐅᔪᓂ. ᑕᓐᓇ ᑯᐊᐳᕇᓴᒃᑯᑦ ᐊᑖᓃᑦᑐᖅ ᑲᒻᐸᓂᐅᔪᖅ, ᓄᓇᕗᒥ ᐅᖅᓱᐊᓗᓕᕆᓂᕐᒧᑦ ᑯᐊᐳᕇᓴᒃᑯᑦ, ᐱᓕᕆᐊᖃᕐᓂᐊᖅᑐᑦ ᓂᐅᕕᖅᑎᐅᓗᑎᒃ, ᐊᒡᔭᖅᑐᐃᔨᐅᓗᑎᒃ, ᑐᖅᑯᖅᓯᒪᑎᑦᑎᔨᐅᓗᑎᒃ ᐊᒻᒪᓗ ᓂᐅᕈᑎᖃᒃᑲᓐᓂᖅᑎᐅᓗᑎᒃ ᐅᖅᓱᐊᓗᖕᓂᑦ ᓄᓇᕗᒥ, ᑕᐃᒫᑦᓴᐃᓐᓇᒐᓚᒃ ᒫᓐᓇ ᒐᕙᒪᒃᑯᑦ ᐅᖅᓱᐊᓗᓕᕆᔨᖏᑦ ᐊᐅᓚᓂᖃᖅᐸᖕᒪᑕ, ᒐᕙᒪᒃᑯᑦ ᓴᓇᔪᓕᕆᔨᖏᓐᓂ. ᐱᖃᑖ ᐊᑖᓃᑦᑐᖅ ᑲᒻᐸᓂᐅᔪᖅ, ᓄᓇᕗᒥ ᐆᒻᒪᖅᑯᑎᓕᕆᓂᕐᒧᑦ ᑯᐊᐳᕇᓴᓐ, ᐱᓕᕆᐊᖃᕐᓂᐊᖅᑐᖅ ᐊᐅᓚᑎᑕᐅᓂᖏᓐᓄᑦ ᐊᒻᒪᓗ ᐱᑕᖃᖅᑎᑕᐅᓂᖏᓐᓄᑦ ᐅᐊᔭᒃᑯᑦ ᐅᒼᒪᖅᑯᑎᖃᖅᑎᑕᐅᔪᑦ. ᐆᒻᒪᖅᑯᑎᓕᕆᓂᕐᒧᑦ ᒥᓂᔅᑕ ᐃᑦ ᐱᑯ ᑎᒃᑯᐊᖅᑕᐅᓚᐅᖅᑐᖅ ᓄᓇᕗᒥ ᓯᕗᓪᓕᖅᐹᖑᓗᓂ ᒥᓂᔅᑕᐅᓂᐊᕐᓗᓂ ᐆᒻᒪᖅᑯᑎᓕᕆᓂᕐᒧᑦ ᐊᒃᑑᕝᕙ 2002-ᒥ ᐊᒻᒪᓗ ᐱᓕᕆᐊᒃᓴᖃᖅᑎᑕᐅᓪᓗᓂ ᐱᔾᔪᑎᒋᔭᐅᔪᓂᒃ ᐊᒻᒪᓗ ᐊᐅᓚᑕᐅᑦᓯᐊᕆᐊᖃᕐᓂᖓᓂᕐ ᐆᒻᒪᖅᑯᑎᑐᕐᓂᖅ ᐊᕕᒃᑐᖅᓯᒪᓂᖁᑎᑦᑎᓐᓂ. ᐊᒃᑑᕝᕙ 31, 2002-ᒥ ᒪᓕᒐᓕᐅᖅᑏᑦ ᑲᑎᒪᓂᖃᖅᑎᓪᓗᒋᑦ ᐸᓐᓂᖅᑑᒥ, ᒥᓂᔅᑕ ᐱᑯ, ᐃᑲᔪᖅᓱᖅᑕᐅᓪᓗᓂ ᐊᐅᓚᑦᑎᔩᑦ ᑲᑎᒪᔨᖏᓐᓄᑦ, ᑐᓴᖅᑎᑦᑎᓚᐅᖅᑐᖅ ᑖᒃᑯᐊ ᐊᑐᓕᖅᑎᑕᐅᓂᖏᓐᓂᒃ ᑖᒃᑯᐊ ᐃᑯᒪ l ᐊᒻᒪᓗ ᓴᖅᑭᑎᑕᐅᓂᖓ ᖁᓪᓕᖅ ᐆᒻᒪᖅᑯᑎᓕᕆᓂᕐᒧᑦ ᑯᐊᐳᕇᓴᓐ. ᐊᐅᓚᑦᑎᔩᑦ ᑲᑎᒪᔨᖏᑦ ᐊᖏᕈᑎᖃᓚᐅᖅᑐᑦ ᑐᙵᕕᒋᔭᖓᓂᒃ ᖃᑦᓯᑲᓪᓚᖕᓄᑦ ᑕᒪᑐᒪ ᓯᕗᒻᒧᐊᒋᐊᕈᑎᒋᓂᐊᖅᑕᖓᓄᑦ, ᐃᓚᐅᓪᓗᑎᓂ ᑖᒃᑯᐊ ᖁᓪᓕᖅ ᐆᒻᒪᖅᑯᑎᓕᕆᓂᕐᒧᑦ ᑯᐊᐳᕇᓴᒃᑯᑦ ᐊᖓᔪᖅᑳᖃᕐᕕᖃᕋᔭᕐᓂᖏᓐᓂᒃ ᖃᒪᓂᑦᑐᐊᒥ ᐊᒻᒪᓗ ᐋᖅᑭᒃᑕᐅᓂᖓ ᐃᓚᖃᕋᔭᕐᓂᖓᓂᒃ ᓴᖅᑭᑎᑕᐅᔪᓂᒃ, ᓯᐊᒻᒪᒃᑎᖅᑕᐅᔪᓂᒃ 13-ᓂ ᐃᖅᑲᓇᐃᖅᑎᓄᑦ ᐃᓂᐅᔪᓂ ᑖᑦᓱᒧᖓ ᓄᓇᓕᐅᔪᒧᑦ. |