 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ (`ᕕᕗᐊᕆ 17, 2003)– ᒥᓂᔅᑕᒋᔭᐅᔪᖅ ᓄᓇᓕᖕᓂ ᒐᕙᒪᓕᕆᔩᒃ ᐃᖏᕐᕌᔪᓕᕆᔨᒃᑯᓪᓗ ᒪᓃᑦᑐᖅ ᑖᒻᓴᓐ ᑐᓴᖅᑎᑦᑎᔪᖅ ᑎᒃᑯᐊᖅᑕᐅᓂᖓᓂᒃ ᕗᕋᓐᒃ ᑑᑑ ᐊᐅᓚᑦᑎᔨᙳᖅᑎᑕᐅᓪᓗᓂ ᓄᓇᕗᒻᒥ ᐃᖃᐃᓕᓴᖅᑐᓕᕆᔨᒃᑯᖏᓐᓂᒃ. “ᐊᓕᐊᓇᐃᒍᓱᒃᑐᖓ ᑐᙵᓱᑦᑎᐊᖁᓪᓗᒍ ᕗᕋᓐᒃ ᑑᑑ ᓄᓇᕗᒻᒥᐅᑦ ᐃᖃᐃᓕᓴᖅᑐᓕᕆᔨᒃᑯᖏᓐᓄᑦ,” ᒥᓂᔅᑕ ᑖᒻᓴᓐ ᐅᖃᖅᑐᖅ, “ᑐᓂᓯᔪᓐᓇᕐᒪᑦ ᐊᑐᖅᓯᒪᔭᕕᓂᖏᓐᓂᒃ ᐊᒻᒪᓗ ᐊᓕᐊᓇᐃᒍᓱᒃᖢᖓ ᐃᑲᔪᖅᑐᐃᑦᑎᐊᕈᓐᓇᕐᓂᖓᓄᑦ ᓄᓇᕗᒻᒥᐅᑦ ᐃᖃᐃᓕᓴᖅᑐᓕᕆᔨᒃᑯᖏᓐᓂᒃ.” ᒥᔅᑕ ᑑᑑ ᐊᑯᓂᐊᓗᒃ ᐅᑭᐅᖅᑕᖅᑐᒥᐅᑕᓕᕐᒪᑦ ᕼᐋᑭᖅᑎᐅᖃᑦᑕᕐᓂᑰᓪᓗᓂᓗ ᖃᓪᓗᓈᑦ ᓄᓇᖓᓂᒃ. ᕼᐋᑭᖃᑦᑕᕈᓐᓃᖅᑎᓪᓗᒍ, ᒥᔅᑕ ᑑᑑ ᐃᓚᐅᖏᓐᓇᖃᑦᑕᕐᒪᑦ ᐃᖃᐃᓕᓴᖅᑐᓕᕆᓂᕐᓂᒃ ᐅᑭᐅᖅᑕᖅᑐᒥ ᐃᖃᐃᓕᓴᖅᑎᓄᒃ ᐊᐅᑦᑎᔅᓯᔨᐅᓪᓗᓂ, ᑎᑎᕋᖅᑐᓕᕆᔨᐅᓪᓗᓂ ᐊᒻᒪᓗ ᐃᖃᐃᓕᓴᖅᑐᓕᕆᔨᐅᓪᓗᓂ. ᒥᔅᑕ ᑑᑑ ᐊᔪᖏᓐᓂᖃᕐᒪᑦ ᐊᐅᓚᖅᑎᓂᕐᓂᒃ ᑐᙵᓵᖅᑐᓕᕆᓂᕐᓄᑦ ᐊᒻᒪᓗ ᐱᒋᐊᖅᑎᑦᑎᓯᒪᓕᖅᖢᓂ ᓇᖕᒥᓂᕆᔭᖓᓂᒃ ᖃᒪᓂᑦᑐᐊᕐᒥ. ᐃᓚᐅᓯᒪᐃᓐᓇᖃᑦᑕᕆᓪᓗᓂᓗ ᕼᐋᒪᓚᒃᑯᑦ ᑲᑎᒪᔨᖏᓐᓂᒃ ᐊᒻᒪᓗ ᓄᓇᕗᒻᒥ ᑲᑐᔾᔨᖃᑎᒌᖏᑕ ᑲᑎᒪᔨᖕᓐᓂᒃ ᐊᔾᔨᒌᖏᑦᑐᓂᒃ. ᓄᓇᕗᒻᒥᐅᑦ ᐃᖃᐃᓕᓴᖅᑐᓕᕆᔨᖏᑦ ᐱᔭᒃᓴᖃᕐᒪᑕ ᓴᖅᑭᔮᖅᑎᑦᑎᓇᓱᖕᓂᕐᒥᒃ ᐊᒻᒪᓗ ᐱᕙᓪᓕᐊᓂᒃᓴᖓᓂᒃ ᓄᓇᕗᒻᒥ ᐊᔪᕈᓐᓃᖅᓴᕙᓪᓕᐊᔪᓄᒃ ᐃᖃᐃᓕᓴᕐᓂᕐᒥᒃ ᑐᓂᓯᓯᒪᓂᒃᑯᒃ ᐱᓕᕆᐊᒃᓴᓂᒃ ᐊᒻᒪᓗ ᐱᓕᕆᕝᕕᒃᓴᓂᒃ ᐱᕙᓪᓕᐊᔭᐅᓂᐊᖅᑐᓂᒃ ᐅᑯᓄᖓ ᐃᖃᐃᓕᓴᖅᑎᓂᒃ, ᐃᖃᐃᓕᓴᖅᑏᑦ ᐊᐅᓚᑎᔨᖏᓐᓂᒃ, ᐊᒻᒪᓗ ᐃᖅᑲᐃᓕᓴᖅᑐᓕᕆᔨᐅᓂᐊᖅᑐᓂᒃ ᓄᓇᕗᒻᒧᑦ. ᓄᓇᕗᒻᒥᐅᑦ ᐃᖃᐃᓕᓴᖅᑐᓕᔨᕆᖏᑦ ᐱᔭᒃᓴᕆᔭᐅᓪᓗᑎᒃ ᓄᓇᓕᖕᓂ ᒐᕙᒪᓕᕆᔩᑦ ᐃᖏᕐᕋᔪᓕᕆᒃᑯᖏᓪᓗ. ᐊᒡᓚᒃᕕᖓ ᓅᑕᐅᓯᒪᔪᒥᒃ ᐃᓂᖃᖅᑐᖅ ᖃᒪᓂᑦᑐᐊᖅ, ᓄᓇᕗᒻᒥ. -30- ᑕᒪᑐᒥᖓ ᑐᓴᕆᐊᒃᑲᓐᓂᕈᒪᒍᕕᑦ, ᑐᓴᕆᐊᕐᕕᒃᓴᖅ: ᓖᕕᑎ ᐊᑕᒍᔪᒃ ᓄᓇᕗᑦ ᒐᕙᒪᒃᑯᖏᑕ ᑐᓴᖅᑐᓕᕆᔨᒃᑯᖏᑦ (867) 975-6003 |