 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᑲᓇᑕᐅᑉ ᐊᖓᔪᖅᑳᒻᒪᕆᐊᑦ ᐱᓕᕆᐊᒃᓴᖃᓗᐊᖅᐳᖅ ᐃᒃᐱᒍᓱᒋᐊᒃᓴᖅ ᑲᓇᑕᐅᑉ ᐅᑭᐅᖅᑕᖅᑐᐊᓂᒃ ᓈᑦᓰᖑᔭᓛᕐᓂᐊ, ᕕᕝᕗᐊᕆ 15, 2003--ᑲᓇᑕᐅᑉ ᐊᖓᔪᖅᑳᒻᒪᕆᐊᑦ ᔩᓐ ᑯᕆᑦᓯᐊᓐ ᓴᖅᑭᑎᑦᑎᓯᒪᙱᓚᖅ ᓴᖅᑭᑎᓐᓂᐊᕐᓂᕋᓚᐅᖅᑕᒥᓂᒃ ᐅᖃᐅᓯᖃᕐᓂᐊᕐᓗᑎᒃ ᐋᓐᓂᐊᖃᕐᓇᖏᑦᑐᓕᕆᓂᕐᒥᑦ ᐃᑲᔪᖅᑕᐅᔾᔪᑕᐅᒋᐊᖃᒻᒪᕆᒃᑐᓂᒃ ᐅᑭᐅᖅᑕᖅᑐᒧᑦ, ᐅᖃᖅᑲᐅᔪᑦ ᓯᕗᓕᖅᑏᑦ ᓄᓇᕗᒧᑦ, ᓄᓇᑦᓯᐊᕐᒧᑦ ᐊᒻᒪᓗ ᔫᑳᓐᒧᑦ ᐅᓪᓗᒥ. ᑕᐃᒪᓐᓇ ᐅᖃᖃᑦᑕᖅᓯᒪᒐᓗᐊᕋᒥ, ᐃᓚᐅᓪᓗᑎᒃ ᑲᓇᑕᐅᑉ ᒪᓕᒐᓕᐅᕐᕕᒡᔪᐊᖓᓂ, ᒥᔅᑕ ᑯᕆᑦᓯᐊᓐ ᓴᖅᑭᑎᑦᑎᓯᒪᙱᓚᑦ ᑮᓇᐅᔭᖅᑑᑎᒃᓴᒃᑲᓐᓂᐅᒐᔭᖅᑐᒥᒃ ᓴᖅᑭᑎᑦᑎᔾᔪᑎᒃᓴᓂᒃ ᐊᒃᓱᕉᓴᒍᑕᐅᔪᓄᑦ ᐊᒻᒪᓗ ᐱᒻᒪᕆᐅᔪᒧᑦ ᐃᑲᔪᖅᑕᐅᔾᔪᑕᐅᒋᐊᖃᖅᑐᒧᑦ ᐋᓐᓂᐊᖃᕐᓇᖏᑦᑐᓕᕆᔾᔪᑎᓂᒃ ᐅᑭᐅᖅᑕᖅᒥ, ᐊᒻᒪᓗ ᑭᐅᓯᒪᙱᑦᑐᕐᓘᓐᓃᑦ ᑲᑎᒪᖃᑎᒋᔭᐅᔪᒪᓂᕐᒥᓄᑦ. “ᐊᖓᔪᖅᑲᐅᑎᓂᒃ ᐋᑐᕚᒦᑎᑦᑎᓯᒪᔪᒍᑦ ᐅᓪᓗᓄᑦ ᖁᓕᓄᑦ (10) ᒪᓕᒃᑐᒍ ᓴᖅᑭᑦᑎᔪᖃᕐᓂᐊᖅᓯᒪᓂᖓ ᐊᖏᖃᑎᒌᒍᒻᒥᒃ ᐊᖏᖃᑎᒌᒐᓱᐊᕈᑎᖃᕐᓂᕐᒥᑦ ᐊᒻᒪᓗ ᓱᓕ ᓴᖅᑭᑎᑦᑎᓯᒪᔪᖃᙱᑦᑐᖅ ᐊᑕᐅᓯᕐᒥᓪᓘᓐᓃᑦ ᖃᐃᖁᔨᔾᔪᑎᒥᒃ,” ᐅᖃᖅᑲᐅᔪᖅ ᓄᓇᑦᓯᐊᑉ ᓯᕗᓕᖅᑎᖓᑦ ᓯᑏᕙᓐ ᑳᕖ. “ᒫᓐᓇᐅᔪᕐᓕ, ᑐᐊᕕᕐᓇᖅᑐᒥᒃ ᐋᓐᓂᐊᖃᕐᓇᖏᑦᑐᓕᕆᔭᐅᒋᐊᓖᑦ ᐊᕕᒃᑐᖅᓯᒪᓂᐅᔪᓂ ᐊᒃᓱᕉᓴᓂᖏᑦ ᑲᔪᓯᓯᒪᔪᑦ.” ᐅᖃᖅᑲᐅᔪᖅ ᔫᑳᓐ ᓯᕗᓕᖅᑎᖓᑦ ᑎᓂᔅ ᕕᓐᑎ. “ᖁᔭᓈᖅᑕᐅᓯᒪᓂᖓ ᐅᑭᐅᖅᑕᖅᑑᑉ ᑲᔪᓯᓯᒪᕗᖅ.” “ᑲᓇᑕᐅᑉ ᐊᖓᔪᖅᑳᒻᒪᕆᐊᑦ ᐅᖃᖅᑲᐅᔪᖅ ᐊᖏᖃᑎᖃᕐᓂᕋᖅᑐᓂᒃ ᑕᒪᓐᓇ ᑐᐊᕕᕐᓇᕐᓂᖓᓂᒃ ᐅᖃᐅᓯᐅᒋᐊᖃᖅᑑᑉ, ᑭᓯᐊᓂ ᖃᓄᐃᓕᐅᕈᑎᒋᒋᐊᖅᓯᒪᙱᒻᒪᐅᒃ ᑕᒪᓐᓇ: ᐅᖃᓕᒪᒋᐊᖅᑐᕈᓐᓇᖅᑑᒐᓗᐊᖅ ᐊᒥᐊᓕᑲᒃᑯᑦ ᓄᓇᖓᓐᓄᑦ ᓯᑳᒍᒧᑦ, ᑭᓯᐊᓂ ᑲᑎᒪᖃᑎᖃᕈᓐᓇᕋᓂ ᐊᖏᕐᕋᒥᓂᒃ ᐅᖃᐅᓯᖃᕐᓂᐊᕐᓗᑎᒃ ᐱᒻᒪᕆᐅᔪᒥᒃ ᐊᔪᕈᑕᐅᔪᓂᒃ ᐅᑭᐅᖅᑕᖅᑑᑉ ᑲᓇᑕᐅᒥᑕᖁᑎᖏᓐᓄᑦ,” ᐅᖃᖅᑲᐅᔪᖅ ᓄᓇᕗᑦ ᓯᕗᓕᖅᑎᖓᑦ ᐹᓪ ᐅᑲᓕᖅ. ᑲᓇᑕᐅᑉ ᐊᖓᔪᖅᑳᒻᒪᕆᐊᑦ ᖃᓄᐃᓕᐅᕈᑎᖃᕆᐊᖅᓯᒪᙱᑦᑐᖅ, ᑎᑎᖅᑲᖅᑖᒃᑲᓐᓂᖅᓯᒪᒐᓗᐊᕋᒥ ᐊᕕᒃᑐᖅᓯᒪᓂᐅᔪᑦ ᓯᕗᓕᖅᑎᖏᓐᓂ ᐊᑕᖏᖅᑐᑎᒃ ᐃᖕᒥᒃᑰᖅᑐᓂᒃ ᑐᕌᖓᑎᑦᑎᖁᔨᒐᓗᐊᖅᑎᓪᓗᒋᑦ ᐋᓐᓂᐊᖃᕐᓇᖏᑦᑐᓕᕆᔾᔪᑎᒃᓴᓂᒃ ᑮᓇᐅᔭᖅᑑᑎᓂᒃ ᐱᖓᓱᓄᑦ ᐊᕕᒃᑐᖅᓯᒪᓂᐅᔪᓄᑦ. ᐊᒥᐊᒃᑯᓯᒪᒐᓗᐊᖃᖅᑎᓪᓗᒋᑦ $10-ᐱᓕᔭᓂᒃ (ᑕᓂᓗᓗᓂᓕᓴ), ᒐᕙᒪᑐᖃᒃᑯᑦ ᑲᔪᓯᓯᒪᕗᑦ ᐊᖏᕈᑎᖃᕋᑎᒃ ᐃᓄᖏᓐᓂᒃ ᐅᑭᐅᖅᑕᖅᑑᑉ, ᐋᓐᓂᐊᖃᕐᓇᖏᖅᑐᓕᕆᔭᐅᒋᐊᖃᕐᓂᖏᑦ ᑲᓇᑕᒥᐅᖑᓪᓗᑎᒃ ᓂᕆᐅᒋᔭᐅᔪᓂᒃ ᐊᒻᒪᓗ ᓴᖅᑭᑎᑕᐅᓯᒪᒋᐊᖃᖅᑐᓂᒃ.” ᓯᕗᓕᖅᑎ ᕕᓐᑎ ᐅᖃᖅᑲᐅᔪᖅ. ᐅᑭᐅᖅᑕᖅᑑᑉ ᐊᕕᒃᑐᖅᓯᒪᓂᖏᑦᑕ ᓯᕗᓕᖅᑎᖏᑦ ᑭᖑᕙᕆᐊᕆᓯᒪᔪᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒥᓂᔅᑕᖁᑎᖏᑦᑕ ᐊᒻᒪᓗ ᒐᕙᒪᑐᖃᒃᑯᑦ ᒥᓂᔅᑕᖓᑦᑕ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐋᓐ ᒪᒃᓕᓚᓐ ᑲᑎᒪᖃᑎᒌᖕᓂᐊᕐᓂᖏᓐᓂᒃ ᕕᕝᕗᐊᕆ 24-ᒥ, ᑐᒃᓯᕋᖅᓯᒪᓪᓗᑎᒃ ᑕᒪᓐᓇ ᐊᓯᐊᓄᑦ ᐋᖅᑭᒃᑕᐅᖁᓪᓗᒍ, ᐊᖏᖃᑎᒌᒍᑎᑕᖃᓕᖅᐸᑦ ᐅᖃᐅᓯᖃᕈᑕᐅᓂᐊᖅᑐᓂᒃ ᐃᑲᔪᖅᑕᐅᔾᔪᑎᒋᒋᐊᖃᖅᑕᖏᓐᓂᒃ ᐅᑭᐅᖅᑕᖅᑑᑉ. ᓯᕗᓕᖅᑏᑦ ᐅᖃᖅᑲᐅᔪᑦ ᑖᒃᑯᐊ ᒐᕙᒪᑐᖃᒃᑯᑦ ᐅᔾᔨᕈᓱᑦᓯᐊᖅᑐᑦ ᑕᒪᓐᓇ ᓇᑲᑎᕆᓂᖅ ᑮᓇᐅᔭᖅᑑᑎᒃᓴᓂᒃ ᐊᒃᑐᐃᓂᖃᓗᐊᖅᓯᒪᓂᖓᓂᒃ ᐱᖓᓱᓂᒃ ᐊᕕᒃᑐᖅᓯᒪᓂᐅᔪᓂᒃ, ᓴᓂᖏᓐᓂᒃ ᑲᓇᑕᐅᑉ ᐊᕕᒃᑐᖅᓯᒪᓂᖏᑦᑕ. ᐱᔾᔪᑎᒋᓪᓗᒍ ᑖᓐᓇ ᐱᔭᕆᐊᑐᓂᖓᓄᑦ ᑮᓇᐅᔭᖅᑑᑎᒃᓴᓄᑦ ᐊᖏᖃᑎᒌᒍᑦ ᐱᖃᑎᒋᓪᓗᒍ ᐋᑐᕚ, ᑖᒃᑯᐊ ᐊᕕᒃᑐᖅᓯᒪᓂᐅᔪᓂ ᓇᑲᑎᖅᑕᐅᓚᐅᖅᑐᑦ ᐱᖓᓱᓂᒃ (3) ᓯᑕᒪᑦ ᐅᖓᑖᓄᓪᓗ (4) ᐊᖏᓂᖅᓴᐅᓗᑎᒃ ᓴᓂᖏᓐᓂᒃ ᑲᓇᑕᐅᑉ ᐊᕕᒃᑐᖅᓯᒪᓂᖏᑦ. ᐊᑐᓂ $209.00 ᑲᓇᑕᐅᑉ ᐊᕕᒃᑐᖅᓯᒪᓂᖏᑦᑕ ᔭᒐᐃᔭᖏᑦ, ᓄᓇᑦᓯᐊᖅ ᐊᒻᒪᓗ ᓄᓇᕗᑦ ᔭᒐᐃᔪᑦ $862.00-ᓂᒃ ᐊᒻᒪᓗ ᔫᑳᓐ ᔭᒐᐃᓪᓗᓂ $645.00 ᐅᖃᖅᑲᐅᔪᖅ ᓯᕗᓕᖅᑎ ᐅᑲᓕᖅ. “ᒫᓐᓇᐅᔪᖅ ᓴᖑᑎᑦᑎᒐᑦᑕ ᑮᓇᐅᔭᖅᑑᑎᒃᓴᓂᒃ ᐊᓯᖏᓐᓂᒃ ᒐᕙᒪᒃᑯᑦ ᐃᑲᔫᑎᖏᑦᑕ ᐱᑕᖃᖅᑎᑦᑎᔾᔪᑎᒋᒐᓱᐊᖅᑐᒋᑦ ᐱᔨᑦᓯᕋᐅᑎᑐᐃᓐᓇᕐᓄᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ. ᐅᑭᐅᖅᑕᖅᑐᒥᐅᑦ ᒪᓂᒪᕕᐅᔾᔮᖏᑦᑐᑦ ᑕᐃᒫᑦᓴᐃᓐᓇᖅ ᐋᓐᓂᐊᖃᕐᓇᖏᑦᑐᓕᕆᔭᐅᕙᖕᒪᑕ ᐊᓯᖏᓐᓂ ᑲᓇᑕᒥ, ᑐᓂᔭᐅᒃᑲᓐᓂᖏᒃᑯᑦᑕ ᑮᓇᐅᔭᖅᑑᑎᒃᓴᒃᑲᓐᓂᕐᓂᒃ ᐅᖃᖅᑲᐅᔪᖅ ᓯᕗᓕᖅᑎ ᕕᓐᑎ. “ᑕᐃᒪᓐᓇ ᐊᐅᓚᑦᓯᔪᖃᕆᐊᖃᙱᒻᒪᑦ ᓄᓇᕐᔪᐊᒥᒃ ᐅᕝᕙᓘᓐᓃᑦ ᐊᔾᔨᒌᒃᑎᑕᐅᒋᐊᖃᕐᒪᑕ ᑲᓇᑕᒥᐅᓕᒫᑦ,” ᐅᖃᖅᑲᐅᔪᖅ ᓯᕗᓕᖅᑎ ᑳᕖ. ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᖃᕕᒋᓗᒋᑦ: ᐊᓂᑦ ᕘᔅᕗᐊ ᑐᓴᒐᒃᓴᓕᕆᔨ ᐊᓪᓚᒡᕕᐊ ᓯᕗᓕᖅᑎᐅᑉ ᓄᓇᕗᑦ ᒐᕙᒪᖏᑦ ᐅᖃᓘᑖ: (867) 975-1317 613-223-9890 ᑐᕉ ᕕᓕᐊᒻᔅ ᑐᓴᒐᒃᓴᓕᕆᔩᑦ ᐊᓪᓚᒡᕕᐊ ᓯᕗᓕᖅᑏᑦ ᓄᓇᑦᓯᐊᑉ ᒐᕙᒪᖏᑦ ᐅᖃᓘᑖ: (867) 669-2304 ᐋᓐᑐᕆᐊ ᕙᒃᓕ ᑐᑭᒧᐊᒃᑎᑦᑎᔨ ᑐᓴᒐᒃᓴᓕᕆᓂᖅ ᐊᐅᓚᑦᑎᔩᑦ ᑲᑎᒪᔨᖏᑦᑕ ᐊᓪᓚᒡᕕᐊ ᔪᑳᓐ ᒐᕙᒪᖏᑦ ᐅᖃᓘᑖ: (867) 667-5270 |