 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ(ᕕᕝᕗᐊᕆ 13, 2003) - ᓄᓇᕗᒥ ᒥᑭᓂᖅᐹ ᐃᖅᑲᓇᐃᔭᖅᑎᓄᑦ ᐊᑭᓕᖅᑑᑕᐅᕙᒃᑐᑦ ᐅᓄᖅᓯᒋᐊᕐᓂᐊᖅᑐᖅ ᐅᖓᑖᓄᑦ 20-5 ᑎᑭᓪᓗᒍ $8.50 ᐃᖃᕐᕋᒧᑦ ᐊᑕᐅᓯᕐᒧᑦ ᒪᓕᒃᑐᒍ ᐃᓅᒐᓱᐊᕈᑕᐅᒋᐊᓖᑦ ᐊᕕᒃᑐᖅᓯᒪᓂᐅᔪᒥ, ᐃᖅᑲᖅᑐᐃᔨᓕᕆᔨᒃᑯᑦ ᒥᓂᔅᑕᖓᑦ ᐊᒻᒪᓗ ᓯᕗᓕᖅᑎ ᑐᓴᖅᑎᑦᑎᔪᖅ. “ᑕᒪᑐᒨᓇ ᐅᓄᖅᓯᒋᐊᕈᑕᐅᔪᑎᒍᑦ, ᒥᑭᓂᖅᐹᖑᒋᐊᓕᒃ ᐊᑭᓕᖅᑐᐃᔾᔪᑎᓂ ᐅᓄᕐᓂᖅᐹᖑᓕᖅᑐᖅ ᑲᓇᑕᒥ, ᑕᒪᓐᓇ ᒪᓕᒃᓯᒪᔪᖅ ᐊᑭᑐᔪᓂᒃ ᐃᓅᒐᓱᐊᕈᑎᖃᕐᓂᑦᑎᓐᓂᒃ ᑲᓇᑕᐅᑉ ᐃᓗᐊᓂ,” ᓯᕗᓕᖅᑎ ᐅᑲᓕᖅ ᐅᖃᖅᑲᐅᔪᖅ. ᑕᒪᓐᓇ ᐅᓄᖅᓯᒋᐊᕈᑕᐅᔪᑦ ᐃᑲᔫᑎᓂᐊᖅᑐᖅ ᑮᓇᐅᔭᓕᐅᕈᑕᐅᓗᑎᒃ ᑮᓇᐅᔭᓕᐅᖅᐸᒃᑐᓄᑦ ᒥᑭᓂᖅᐹᖑᒋᐊᖃᖅᑐᓂᒃ ᐊᑭᓕᖅᑑᑎᓂ ᓄᓇᕗᒥ.” ᑕᒪᓐᓇ ᓄᑖᖅ ᐊᑭᓕᖅᑑᑕᐅᔪᖅ ᐊᑐᓕᕐᓂᐊᖅᑐᖅ ᒫᑦᓯ 3, 2003. ᒫᓐᓇᐅᔪᖅ ᒥᑭᓂᖅᐹᖑᒋᐊᓕᒃ ᐊᑭᓕᖅᑐᐃᔾᔪᑎᓂ $7-ᖑᔪᖅ ᐃᖃᕐᕋᒥ ᐊᑕᐅᓯᕐᒥ ᑖᒃᑯᐊ ᐃᖅᑲᓇᐃᔭᖅᑐᑦ 16 ᐅᖓᑖᓄᑦ ᐅᑭᐅᖃᖅᐸᑕ, ᐅᖓᑖᓄᓪᓗ ᐊᒻᒪᓗ $6:50 ᐃᑲᕐᕋᖅ ᐊᑕᐅᓯᖅ ᑖᓐᓇ ᐃᖅᑲᓇᐃᔭᖅᑎᐅᔪᖅ ᐅᑭᐅᖏᑦ ᐊᑖᓃᑉᐸᑦ 16. ᑕᒪᒃᑯᐊ ᐊᔾᔨᒌᙱᑎᑕᐅᔾᔮᒍᓐᓃᖅᑐᑦ ᖃᑦᓯᓂᒃ ᐅᑭᐅᖃᕋᓗᐊᖅᐸᑦ ᒥᑭᓂᖅᐹᖑᒋᐊᓕᒃ ᐊᑭᓕᖅᑑᑕᐅᔪᓂ. ᑖᓐᓇ ᓄᑖᖅ ᐊᑭᓕᖅᑑᑕᐅᓂᐊᖅᑐᖅ ᓴᖅᑭᑎᑕᐅᓚᐅᖅᑐᖅ ᑐᓴᖃᑎᒌᓂᖃᒻᒪᕆᓚᐅᖅᑎᓪᓗᒋᑦ ᓇᖕᒥᓂᖃᖅᑐᓂᒃ ᓄᓇᓕᖕᓂᑦ, ᕼᐊᒻᓕᒃᑯᑦ ᑲᑎᒪᔨᖏᑦ, ᑭᒃᑯᑐᐃᓐᓇᐃᑦ ᑲᑐᔾᔨᖃᑎᒌᑦ ᐃᓚᐅᓂᖃᕈᒪᔪᑦ ᐊᒻᒪᓗ ᓄᓇᕗᒥᐅᑦ. “ᑐᓴᖃᑦᑕᓚᐅᕋᑦᑕ ᑕᓐᓇ ᒥᑭᓂᖅᐹᖅ ᐊᑭᓕᖅᑑᑕᐅᕙᒃᑐᖅ ᒥᑭᓗᐊᕐᓂᖓᓂᒃ ᐊᒻᒪᓗ ᒪᕐᕈᐃᓕᖓᓂᖑᑦ ᐊᔾᔩᒌᙱᑦᑐᑦ ᐊᑭᓕᖅᑑᑕᐅᔪᑦ ᓈᒻᒪᖏᓐᓂᖏᓐᓂ,” ᓯᕗᓕᖅᑎ ᐅᑲᓕᖅ ᐅᖃᖅᑲᐅᔪᖅ. “ᓈᓚᓚᐅᖅᑕᕗᑦ ᐊᒻᒪᓗ ᑕᒪᒃᑯᐊ ᖃᓄᐃᓕᐅᕆᐊᕈᑎᒋᓪᓗᒋᑦ ᐃᓱᒫᓘᑕᐅᔪᑦ.” ᒐᕙᒪᒃᑯᑦ ᐃᖅᑲᓇᐃᔭᖃᑎᖃᑦᓯᐊᖅᑐᑦ ᐃᖅᑲᓇᐃᔭᖅᑎᓂᒃ ᑕᒪᓐᓇ ᐊᓯᔾᔨᐅᑕᐅᔪᖅ ᓄᑖᒧᑦ ᒥᑭᓂᖅᐹᒥ ᐊᑭᓕᖅᑑᑕᐅᓂᐊᖅᑐᖅ ᐃᓂᓪᓚᑦᓯᐊᖁᓪᓗᒍ. ᑲᓇᑕᒥ, ᒥᑭᓂᖅᐹᖅ ᐊᑭᓕᐅᑕᐅᕙᒃᑐᑦ ᐱᒋᐊᖅᓯᒪᔪᑦ $5.90 ᐃᖃᕐᕋᖅ ᐊᑕᐅᓯᖅ ᓅᕗᕋᓐᔅᕕᒃ ᑎᑭᑦᑐᒍ $8.00 ᐃᖃᕐᕋᖅ ᐊᑕᐅᓯᖅ ᕗᑎᔅ ᑲᓚᒻᕕᐊᒥ. ᒥᑭᓂᖅᐹᖅ ᐊᑭᓕᖅᑑᑕᐅᔪᖅ ᕿᒥᕐᕈᔭᐅᖃᑦᑕᕐᓂᐊᖅᑐᖅ, ᑲᔪᓯᓯᒪᖁᓪᓗᒍ ᒪᓕᒋᐊᖃᕐᓂᖓ ᐃᓅᒐᓱᐊᕈᑎᓂᒃ ᓄᓇᕗᒥ. ᐅᖃᕐᕕᒋᔪᓐᓇᖅᑕᐃᑦ: ᑐᓴᖃᑦᑕᐅᑎᓕᕆᔩᑦ ᐅᖃᓕᒪᓗᑎᒃ: ᕕᓐᑎ ᕼᐊᓘᓇᓐ ᓄᓇᕗᑦ ᒐᕙᒪᖏᑦᑕ ᑐᓴᒐᒃᓴᓕᕆᔨᖏᑦ ᐅᖃᓘᑖ: (867) 975-6046 |