|
ᐃᖃᓇᐃᔭᕐᕕᖏᑦ
ᒐᕙᒪᒃᑯᑦ ᑎᒥᖁᑎᖏᑦ
ᒥᓂᔅᑕᐃᓐᓇᐃᑦ ᑲᑎᒪᔨᖏᑦ
ᐅᖅᓱᒃᓴᑦ ᑖᒃᓯᔭᕈᑎᖓᓄᑦ ᐊᑭᑭᒡᓕᒋᐊᕈᑎᑦ
Government Tenders
ᐃᖅᑲᓇᐃᔮᔅᓴᐃᑦ
ᐱᓇᓱᐊᖅᑕᕗᑦ
ᐃᖅᑲᓇᐃᔭᖃᑎᒌᑦ
ᐱᕙᓪᓕᐊᔪᓕᕆᕕᒃ ᑐᓐᖓᓱᒋᔅᓯ
ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᖃᓄᐃᑦᑑᓯᒪᓂᖓ
- ᐃᑯᐱᒃᑐᓕᕆᔨᒃᑯᑦ ᐊᐅᓚᑦᓯᕙᒃᑐᑦ ᐊᒥᓖᑦ ᐊᑭᓕᖅᑐᖅᑕᐅᔾᔪᑎᖏᓐᓂᒃ ᐃᑲᔪᕋᓱᐊᖅᑐᒋᑦ ᐊᖑᓇᓱᒃᑏᑦ ᓂᐅᕈᑎᖃᕋᓱᐊᖅᑎᓪᓗᒋᑦ ᐊᑭᖃᑦᓯᐊᕐᓂᖅᐹᖑᔪᓐᓇᖅᑐᓂᒃ.
- ᕿᓯᖕᓂᑦ ᓂᐅᕕᕐᓂᖅ ᑖᒃᑯᓅᓇ ᐊᒥᓖᑦ ᐊᑭᓕᖅᑐᖅᑕᐅᔪᑎᖏᑎᒍᑦ ᓴᖅᑭᑎᑕᐅᓚᐅᖅᑐᖅ 1995 ᐃᑲᔫᑎᖁᓪᓗᒍ ᐅᑎᖅᑎᑕᐅᕙᓪᓕᐊᓂᖏᓐᓂᒃ ᓂᐅᕕᐊᕆᔭᐅᕙᖕᓂᖏᑦ ᕿᓰᑦ, ᑕᒪᒃᑯᐊ ᓂᐅᕕᕐᕖᑦ ᓂᐅᕕᖃᑦᑕᕈᓐᓃᓚᐅᖅᑎᓪᓗᒋᑦ, ᐱᔭᐅᔪᒪᔪᓐᓃᕐᓂᖏᓐᓄᑦ.
- ᑖᓐᓇ ᐃᑲᔫᑕᐅᔪᖅ ᐊᑐᓕᖅᑎᑕᐅᓚᐅᖅᑎᓪᓗᒍ, ᓄᓇᕗᒥ ᕿᓰᑦ ᐊᑭᖏᑦ ᐅᓄᖅᓯᒋᐊᖅᓯᒪᓕᖅᑐᑦ ᐊᑭᓕᐅᑕᐅᒐᔪᓚᐅᖅᑐᓂᒃ ᑐᖔᓂ $20 ᕿᑎᕈᔪᖏᓐᓂ ᐊᕐᕌᒍᐃᑦ 1990 ᒫᓐᓇᒧᑦ ᐊᑭᓕᐅᑕᐅᒐᔪᓕᖅᑐᖅ $63 ᑲᓇᑕᒥ ᐊᑕᐅᓯᖅ ᕿᓯᒃ.
- ᑖᑦᓱᒪ ᐃᑲᔫᑕᐅᔫᑉ ᐊᑖᒍᑦ, ᕿᓰᑦ ᐊᙳᑕᐅᔪᑦ ᓄᓇᓕᖕᓂ ᑲᑎᖅᓱᖅᑕᐅᕙᒃᑐᑦ ᐆᒪᔪᓕᕆᔨᓄᑦ ᐊᒻᒪᓗ ᐊᐅᓪᓚᖅᑎᑕᐅᓪᓗᑎᒃ ᖃᓪᓗᓈᑦ ᓄᓇᖓᓐᓄᑦ North Bay, ]ᐊᓐᑎᐅᕆᔪ ᓂᐅᕈᑕᐅᓂᐊᖅᑎᓪᓗᒋᑦ ᐊᑭᑦᑐᕋᐅᑎᑎᑦᓯᓂᖏᑎᒍᑦ ᑖᒃᑯᐊ ᑲᑐᔾᔨᐊᑎᒌᑦ ᑕᐃᔭᐅᔪᑦ Fur Harvesters Auction Inc. ᐊᖑᓇᓱᒃᑏᑦ ᑮᓇᐅᔭᑎᒍᑦ ᐊᑭᓕᖅᑕᐅᕙᒃᑐᑦ ᓂᐅᕈᑕᐅᖅᑳᖅᑎᓪᓗᒋᑦ. ᐊᑭᑦᑐᕋᐅᑎᔪᓄᑦ ᓂᐅᕕᕋᓱᐊᕐᓂᖅᑕᖃᖃᑦᑕᖅᑐᖅ ᕿᑎᐊᓂ ᑎᓰᕝᕙ ᐊᑐᓂ ᐊᕐᕌᒍᓂ.
- ᑐᕌᒐᕆᖅᑳᓚᐅᖅᑕᖓ ᓂᐅᕈᑎᖃᕐᓂᐅᑉ ᓇᑦᓰᑦ ᕿᓯᖏᓐᓂᒃ ᑖᒃᑯᓅᓇ ᓂᐅᕈᑎᖃᕋᓱᐊᖅᑎᑎᒍᑦ Fur Harvesters Auction Inc. ᒪᕐᕈᐃᓕᖓᓚᐅᖅᑐᑦ
- ᓴᖅᑭᑎᑦᓯᔾᔪᑎᒋᓗᒋᑦ ᕿᓰᑦ ᐊᑭᑦᑐᕋᐅᑎᓂᒃᑯᑦ ᐊᒥᓲᓈᕐᓗᒋᑦ ᓂᐅᕕᐊᕆᔭᐅᖃᑦᑕᖁᓪᓗᒋᑦ ᓂᐅᕕᕈᒪᔪᓄᑦ
- ᓴᖅᑭᔮᖅᑎᖁᓪᓗᒍ ᓄᓇᕗᒥ ᕿᓰᑦ ᐊᔾᔨᐅᖏᓐᓂᖏᑦ ᐱᐅᔪᒻᒪᕆᐅᓂᖏᓪᓗ ᓴᖅᑭᑎᑕᐅᓯᒪᔪᑦ ᓄᓇᖃᖅᑳᖅᓯᒪᔪᓄᑦ.
- ᒪᓕᒃᑐᒋᑦ ᐊᑭᑦᑐᕋᐅᑎᔪᓄᑦ ᓂᐅᕈᑏᑦ ᐊᕐᕌᒎᓯᒪᔪᓂ, ᑖᑦᓱᒪ ᑐᕌᒐᕆᖅᑳᖅᓯᒪᔭᖓ ᓴᖅᑭᑦᑎᐊᖅᓯᒪᔪᖅ.
- ᐊᕐᕌᒍᓂᒃ 7-ᓂᒃ, ᑖᓐᓇ ᐊᑭᓕᖅᑐᐃᔾᔪᑕᐅᔪᖅ ᐊᑭᓖᓯᒪᔪᖅ $30 ᐊᑕᐅᓯᕐᒧᑦ ᕿᓯᖕᒧᑦ ᓂᐅᕕᐊᕆᔭᐅᔪᓄᑦ. ᑕᒪᓐᓇ ᐊᐅᓚᔾᔪᑕᐅᔪᖅ ᐱᐅᙱᓐᓂᖅᓴᓂᒃ ᕿᓯᖕᓂᑦ ᓴᖅᑭᑎᑦᓯᔾᔪᑕᐅᓯᒪᔪᖅ ᐊᑭᑦᑐᕋᐅᑎᔪᓄᑦ ᐊᒻᒪᓗ ᐊᑭᑭᓐᓂᓴᓂᒃ ᐅᑎᕐᕕᐅᖃᑦᑕᖅᑐᑦ ᒐᕙᒪᒃᑯᑦ, ᑳᔪᓯᑎᑕᐅᓂᐊᖅᐸᑦ ᑕᒪᓐᓇ ᐃᑲᔫᑕᐅᒐᓱᐊᖅᑐᖅ.
- ᒪᐃ 2002-ᒥ, ᑖᓐᓇ ᐱᓕᕆᕕᐅᔪᖅ ᐋᖅᑭᒃᓯᓚᐅᖅᑐᖅ ᖃᓄᖅ ᓇᓗᓇᐃᔭᐃᔾᔪᑕᐅᓂᐊᖅᑐᓂᒃ ᐱᐅᓂᖏᓐᓂᒃ, ᐱᐅᓗᐊᙱᓐᓂᖏᓐᓂᓪᓗ ᕿᓰᑦ, ᑕᒪᒃᑯᐊ ᐊᑭᓕᖅᑑᑕᐅᓕᓚᐅᖅᑐᑦ ᐊᔾᔨᒌᙱᑦᑐᓂᒃ ᐊᖑᓇᓱᒃᑎᓄᑦ ᒪᓕᒃᑐᒋᑦ ᐊᖏᓂᖏᑦ, ᐱᐅᓂᖏᑦ, ᐱᐅᑦᓯᐊᖏᓐᓂᖏᑦ ᕿᓰᑦ. ᐊᑭᐅᔪᑦ ᐊᔾᔨᒌᖃᑦᑕᖏᑦᑐᑦ ᒥᑭᓂᖅᐹᖅ $25 ᐱᐅᙱᓐᓂᖅᓴᓄᑦ ᕿᓯᖕᓄᑦ, ᐱᐅᓂᖅᓴᐃᑦ ᑎᑭᑦᑐᓐᓇᖅᑐᑎᒃ $63 ᑲᓇᑕᒥ. ᑕᒪᒃᑮᒃ ᐊᒥᓲᓂᖏᑦ ᐊᒻᒪᓗ ᓂᐅᕈᑕᐅᓂᖏᑦ ᑮᓇᐅᔭᖅᑖᕆᔭᐅᕙᓪᓕᐊᔪᑦ ᑭᒡᒐᖅᑐᐃᔪᑦ ᖁᓕᓄᑦ ᐊᕐᕌᒍᓄᑦ ᐊᖏᔫᓯᒪᔪᑦ ᓂᐅᕈᑕᐅᓂᖏᑦ. ᓄᓇᓕᖕᓂ ᓂᐅᕕᕐᓂᖅ ᓂᕆᐅᒋᔭᐅᒐᓗᐊᖅᑎᓪᓗᒍ ᑕᒪᓐᓇ ᓂᐅᕈᑎᖃᕐᓂᖅ 35-ᐳᓴᓐᒥᒃ ᒥᑭᓂᖅᓴᐅᓂᐊᕐᓂᖓ ᐊᕐᕌᓂᓂᑦ ᐊᑭᐅᓚᐅᖅᑐᓂᒃ, ᑕᒪᒃᑯᐊ ᕿᓰᑦ ᓂᐅᕈᑕᐅᔪᓐᓇᓚᐅᖅᑐᑦ ᐊᔾᔨᐸᓗᒋᓪᓗᒋᑦ 2001-ᒥ ᐊᑭᑦᑐᕋᐅᑎᔪᓄᑦ ᓂᐅᕈᑕᐅᑎᓪᓗᒋᑦ.
- ᐅᒪᔪᓕᕆᔩᑦ ᓂᐅᕕᖅᓯᒪᔪᑦ 10,000-ᑲᓴᖕᓂᑦ ᓇᑦᓯᑐᐃᓐᓇᐃᑦ ᕿᓯᖏᓐᓂᒃ ᐊᖑᓇᓱᒃᑎᓂᒃ ᑖᒃᑯᓇᓂ ᐃᓘᓐᓇᖏᓐᓂᒃ ᐊᕕᒃᑐᖅᓯᒪᓂᐅᔪᓂ 2002-ᒥ. ᑕᒪᒃᑯᐊ ᕿᓰᑦ ᑮᓇᐅᔭᓕᐅᕈᑕᐅᓚᐅᖅᑐᑦ $500,000-ᓂᒃ ᓂᐅᕈᑕᐅᔪᓄᑦ ᑎᓰᕝᕙᒥ ᐊᑭᑦᑐᕋᐅᑎᓂᒃᑯᑦ.
- ᐋᖅᑭᐅᒪᑎᑕᐅᓂᖏᑦ ᓂᐅᕈᑎᖃᖃᑦᑕᕐᓂᐅᑉ ᓴᖅᑭᑎᑕᐅᓯᒪᓗᐊᖅᑐᖅ ᓂᐅᕕᕈᒪᓯᒪᓂᖏᓐᓄᑦ ᑕᕆᐅᑉ ᐊᑭᐊᓂᒥᐅᑦ ᕿᓯᖕᓂᑦ. ᒪᕐᕉᒃ ᓂᐅᕕᖅᑎᐅᔪᑦ ᑕᕆᐅᑉ ᐊᑭᐊᓂ ᓄᓇᕐᔪᐊᒥ ᑎᓐᒫᒃ ᕈᕿᓴᒪᖑᑭᓄ ᓂᐅᕕᖅᓯᒪᔪᑦ 90-ᐳᓴᖏᓐᓂᒃ ᑕᒪᒃᑯᐊ ᕿᓰᑦ ᓂᐅᕈᑕᐅᔪᑦ.
- ᑖᒃᑯᐊ ᓂᐅᕈᑎᖃᕋᓱᐊᖅᕈᑏᑦ ᐊᑭᑦᑐᕋᐅᑎᓂᒃᑯᑦ ᖃᐅᔨᔾᔪᑕᐅᓯᒪᔪᑦ ᕿᓰᑦ ᖃᓄᐃᑦᑑᓂᕆᒐᔪᒃᑕᖏᑦ ᐊᒻᒪᓗ ᐱᐅᓯᕚᓪᓕᕐᓂᖏᑦ ᑲᓚᒋᔭᐅᓂᖏᑦᑕ ᑕᒪᒃᑯᐊ ᐊᒥᓖᑦ ᐃᑲᔫᑎᓯᒪᑦᓯᐊᖅᑐᑦ ᓴᖅᑭᑎᑕᐅᓂᖏᓐᓄᑦ ᑕᒪᒃᑯᐊ ᐊᑭᖃᑦᓯᐊᕐᓂᖏᑦ. ᐱᐅᓂᖏᑦ ᑕᒪᒃᑯᐊ ᕿᓰᑦ ᓴᖅᑭᑎᑕᐅᓯᒪᔪᑦ ᖃᐅᔨᓴᕈᑎᑖᖅᓯᒪᓂᖏᓐᓄᑦ ᐱᐅᓂᖅᐹᓄᑦ, ᐱᐅᓗᐊᙱᑦᑐᓄᓪᓗ ᐊᒻᒪᓗ ᐱᓕᕆᑦᓯᐊᕐᓂᖏᓐᓄᑦ ᐊᖑᓇᓱᒃᑏᑦ ᐊᒻᒪᓗ ᓄᓇᓕᖕᓂ ᐆᒪᔪᓕᕆᔩᑦ.
ᑐᑭᓯᒋᐊᕈᑎᖃᒃᑲᓐᓂᕈᒪᒍᕕᑦ, ᐅᖃᕐᕕᒋᓗᒍ:
ᑭᐅᕆ ᒪᑲᓛᔅᑭ
ᑐᓴᒐᒃᓴᓕᕆᓂᕐᒧᑦ ᐊᐅᓚᑦᑎᔨ
ᐃᑯᐱᒃᑐᐱᔨᒃᑯᑦ
ᓄᓇᕗᑦ ᒐᕙᒪᖏᑦ
ᐅᖃᓘᑖ: (867) 975-5929
ᓱᑲᑦᑐᒃᑯᑦ: (867) 975-5980
ᖃᕆᓴᐅᔭᒃᑯᑦ: kmccluskey@gov.nu.ca
|
