 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ(ᕕᕝᕗᐊᕆ 11, 2003) - ᓯᕗᓕᖅᑎ ᐹᓪ ᐅᑲᓕᖅ ᑐᓴᖅᑎᑦᑎᔪᖅ ᐱᒋᐊᖅᑐᒍ ᐅᓪᓗᒥ ᐱᓕᕆᐊᒃᓴᕆᔭᐅᓂᖓ ᐃᓕᖅᑯᓯᓕᕆᔨᒃᑯᑦ, ᐅᖃᐅᓯᓕᕆᔨᒃᑯᑦ, ᐃᓐᓇᑐᖃᓕᕆᔨᒃᑯᑦ, ᐅᕕᒃᑲᓕᕆᔨᒃᑯᓪᓗ ᐃᓚᓕᐅᑎᔭᐅᓂᐊᖅᑐᖅ ᐳᓕᕆᐊᖓᓐᓄᑦ ᐃᑯᐱᒃᑐᓕᕆᔨᒃᑯᑦ ᒥᓂᔅᑕᖓᑦᑕ ᐅᓛᔪᒃ ᐊᑭᓱᒃ. ᒥᓂᔅᑕ ᐊᓇᕈᐊᖅ ᐊᐅᓚᑦᑎᔩᑦ ᑲᑎᒪᔨᖏᓐᓃᖏᓐᓇᕐᓂᐊᖅᑐᖅ, ᑭᓯᐊᓂ ᒥᓂᔅᑕᐅᓗᓂ ᐱᓕᕆᐊᒃᓴᖃᕋᓂ. ᓯᕗᓕᖅᑎ ᐅᑲᓕᖅ ᑐᓴᖅᑎᑦᑎᖅᑲᐅᔪᖅ ᑖᓐᓇ ᑭᒃᑯᑐᐃᓐᓇᕐᓄᑦ ᑐᓴᖅᓯᑎᖅᑦᓯᓚᐅᖅᑎᓪᓗᒍ ᒥᔅᑕ ᐊᓇᕈᐊᖅ. ᑕᒪᒃᑯᐊ ᐅᖃᐅᓯᐅᓚᐅᖅᑐᑦ ᑐᕌᖓᓂᖃᖅᑐᑦ ᐊᐅᓚᑦᑎᔩᑦ ᑲᑎᒪᔨᖏᑦᑕ ᐃᓱᒪᓕᐅᕈᑎᒋᓚᐅᖅᑕᖓᓄᑦ ᐊᕐᕌᓂ ᓴᖅᑭᑦᑎᒍᒪᓪᓗᑎᒃ ᐅᓪᓕᖅ ᐆᒻᒪᖅᑯᑎᓕᕆᓂᕐᒧᑦ ᑯᐊᐳᕇᓴᒥᒃ. ᑖᓐᓇ ᑯᐊᐳᕇᓴᓐ ᐊᖓᔪᖅᑳᖃᕐᕕᖃᕋᔭᕐᓂᖓᓂᒃ ᖃᒪᓂᑦᑐᐊᒥ ᐊᒻᒪᓗ ᑖᓐᓇ ᐋᖅᑭᒃᑕᐅᔪᖅ ᐃᓚᖃᕋᔭᖅᑐᓂ ᓴᖅᑭᑎᑕᐅᓗᑎᒃ, ᓯᐊᒻᒪᒃᑎᑕᐅᓗᑎᒡᓘᓐᓃᑦ 13 ᐃᓂᐅᔪᑦ ᐃᖅᑲᓇᐃᔭᖅᑎᓄᑦ ᓄᓇᓕᖕᓄᑦ. “ᒥᓂᔅᑕᐃᑦ ᓂᕆᐅᒋᔭᐅᖕᒪᑕ ᐋᖅᑭᐅᒪᑎᑦᑎᒋᐊᖃᕐᓂᖏᓐᓂᒃ ᑕᒪᒃᑯᓂᖓ ᑲᙳᓇᖅᑐᒃᑰᕆᐊᖃᖅᑐᓂᒃ ᐊᒻᒪᓗ ᐅᖃᓕᒪᐅᑎᒋᓯᒪᔭᖏᓐᓂᒃ ᐱᓕᕆᐊᖏᓐᓂᒃ ᐊᐅᓚᑦᑎᔩᑦ ᑲᑎᒪᔨᖏᑦᑕ,” ᓯᕗᓕᖅᑎ ᐅᑲᓕᖅ ᐅᖃᖅᑲᐅᔪᖅ. “ᐊᐅᓚᑦᑎᔩᑦ ᐅᖃᓕᒪᖃᑎᒌᒍᓐᓇᕐᒪᑕ ᓴᐳᑎᔭᐅᓯᒪᓪᓗᑎᒃ ᒪᓕᒐᑎᒍᑦ ᐊᒻᒪᓗ ᐃᓕᖅᑯᓯᑐᖃᐅᓯᒪᔪᓄᑦ. ᒫᓐᓇᒧᑦ ᑎᑭᑦᑐᒍ, ᐊᐅᓚᑦᑎᔩᑦ ᒥᓂᔅᑕᐃᑦ ᐱᓕᕆᖃᑎᒌᒍᓐᓇᖅᑎᓯᒪᔪᑦ ᐊᒻᒪᓗ ᑕᒪᒃᑯᐊ ᑭᒡᓕᒋᔭᐅᒋᐊᓖᑦ ᐃᒃᐱᒋᑦᓯᐊᖅᑐᒋ, ᑭᓯᐊᓂ ᑕᐃᒪᓐᓇᐃᓯᒪᙱᒻᒪᑦ ᑖᓐᓇ ᒥᓂᔅᑕᐅᔪᖅ ᐊᒻᒪᓗ ᑕᒪᒃᑯᐊ ᑭᒃᑯᑐᐃᓐᓇᕐᓄᑦ ᐅᖃᐅᓯᕆᖃᑦᑕᖅᓯᒪᔭᖏᑦ ᐲᔾᔪᑎᖃᖅᑐᑦ ᐊᐅᓚᑦᑎᔩᑦ ᐃᓱᒪᓕᐅᕈᑎᒋᓯᒪᔭᖏᓐᓂᒃ.” ᓯᕗᓕᖅᑎ ᐅᑲᓕᖅ ᐅᖃᖅᑲᐅᔪᖅ ᖁᕕᐊᓲᑎᖃᙱᓐᓂᕋᖅᑐᓂ ᖃᓄᐃᓕᖓᔾᔪᑎᖓᓂᒃ ᒥᓂᔅᑕ ᐊᓇᕈᐊᖅ. “ᐱᓕᕆᐊᒃᓴᖏᑦ ᒥᓂᔅᑕᐃᑦ ᐱᓕᕆᒋᐊᖃᕐᒪᑕ ᑭᒡᒐᖅᑐᕐᓗᑎᒃ ᐃᑲᔪᖅᑕᐅᔾᔪᑎᒃᓴᖏᓐᓂᒃ ᓄᓇᕗᒥᐅᓕᒫᑦ, ᓂᕈᐊᖅᑕᐅᕕᒋᓯᒪᔭᑑᙱᑦᑐᖅ ᐊᒻᒪᓗ ᐊᖏᕈᑎᖃᕆᐊᖃᕐᓂᖏᑦ ᐊᒻᒪᓗ ᐃᑲᔪᖅᓱᐃᓗᑎᒃ ᐃᓱᒪᓕᐅᕈᑎᖏᓐᓂᒃ ᒥᓂᔅᑕᐅᔪᑦ”, ᓯᕗᓕᖅᑎ ᐅᑲᓕᖅ ᐅᖃᖅᑲᐅᔪᖅ. ᓯᕗᓕᖅᑎ ᐅᑲᓕᖅ ᐃᓚᒋᐊᕆᖅᑲᐅᔪᖅ ᑖᓐᓇ ᒐᕙᒪᐅᔪᖅ ᓯᐊᒻᒪᒃᑎᕆᓂᖃᕈᒪᑦᓯᐊᕐᓂᖓᓂᒃ ᐊᒻᒪᓗ ᑲᔪᓯᓯᒪᓂᐊᖅᑐᑦ ᐱᓕᕆᖃᑎᒋᓗᒋᑦ ᑕᒪᒃᑯᐊ ᐃᖅᑲᓇᐃᔭᖅᑏᑦ ᐊᒃᑐᖅᑕᐅᓯᒪᔪᑦ ᓯᐊᒻᒪᒃᑎᕆᓂᕐᒧᑦ ᓇᓗᓇᐃᔭᐃᑎᓪᓗᒋᑦ ᐊᓯᐊᒎᕈᑕᐅᔪᓐᓇᖅᑐᓂᒃ ᐊᑐᖅᑕᐅᔪᓐᓇᖅᑐᓂᒃ. “ᐃᖅᑲᓇᐃᔭᖅᑎᕗᑦ ᐱᐅᓂᖅᐹᖑᖕᒪᑕ ᐃᑲᔫᑎᑦᑎᓐᓂ,” ᓯᕗᓕᖅᑎ ᐅᑲᓕᖅ ᐅᖃᖅᑲᐅᔪᖅ. “ᐊᑑᑎᖃᖅᑎᒃᑲᑦᑎᒍ ᐃᑲᔪᖅᓯᒪᓂᖏᑦ ᐱᕙᓪᓕᐊᑎᑕᐅᓂᖓᓄᑦ ᓄᓇᕗᑦ ᐊᒻᒪᓗ ᐱᓕᕆᖃᑎᒌᓐᓇᕐᓂᐊᖅᑐᒋᑦ ᐱᐅᓂᖅᐹᒥ ᓄᒃᑎᕐᓂᖃᕈᓐᓇᖁᓪᓗᒋᑦ, ᐃᓱᒪᓕᐅᕋᓗᐊᖅᐸᑕ ᓄᒃᑎᕈᒪᓂᕐᒧᑦ, ᑎᒍᓯᓂᕐᒧᓪᓘᓐᓃᑦ ᓄᑖᓂ ᐃᖅᑲᓇᐃᔮᒃᓴᓂᒃ ᒐᕙᒪᒃᑯᑦ ᐃᖅᑲᓇᐃᔭᕐᕕᖏᓐᓂ.” ᑎᑭᑦᑎᓪᓗᒍ ᒫᑦᓯ ᑕᒫᓂ ᐊᕐᕌᒍᒥ, ᑖᓐᓇ ᒐᕙᒪᐅᔪᖅ ᓯᐊᒻᒪᒃᑎᕆᓯᒪᑦᓯᐊᓕᖅᑐᑦ ᐃᖅᑲᓇᐃᔭᖅᑎᓄᑦ ᐃᓂᐅᔪᓂᒃ 429-ᓂᒃ ᖁᓕᓄᑦ (10) ᓄᓇᓕᖕᓄᑦ.” ᑐᑭᓯᒋᐊᕈᑎᖃᒃᑲᓐᓂᕈᒪᒍᕕᑦ, ᐅᖃᕐᕕᒋᓗᒍ: ᐊᓂᑦ ᕘᔅᕗᐊ ᑐᓴᒐᒃᓴᓕᕆᔨ ᐊᓪᓚᒡᕕᐊ ᓯᕗᓕᖅᑎᐅᑉ ᓄᓇᕗᑦ ᒐᕙᒪᖏᑦ ᐅᖃᓘᑖ: (867) 975-5059 ᓱᑲᑦᑐᒃᑯᑦ: (867) 975-5051 ᖃᕆᓴᐅᔭᒃᑯᑦ: abourgeois@gov.n |