 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ(ᑎᓰᕝᕙ 29, 2003) - ᐃᓕᓐᓂᐊᖅᑐᓕᕆᓂᕐᒧᑦ ᒥᓂᔅᑕ ᒪᓃᑦᑐᖅ ᑖᒻᓴᓐ ᑐᓴᖅᑎᑦᓯᕗᖅ ᑖᒃᑯᐊ ᓴᖅᑭᑎᑕᐅᓂᖏᓐᓄᑦ ᐊᒻᒪᓗ ᐱᔭᕆᐊᑭᑦᑐᑦ ᖃᓄᖅ ᐊᑐᖅᑕᐅᔪᓐᓇᕐᓂᖏᓐᓄᑦ ᑐᒃᓯᕋᐅᑎᓕᐅᕐᓗᓂ ᑮᓇᐅᔭᑎᒍᑦ ᐃᑲᔫᑎᓂᒃ ᓄᓇᕗᒥ ᐃᓕᓐᓂᐊᖅᑎᓄᑦ. ᑖᒃᑯᐊ ᓄᑖᑦ ᑐᑭᒧᐊᒍᑏᑦ, ᑐᑭᓯᒋᐊᕈᑎᒃᓴᐃᓪᓗ ᑲᑎᖅᓱᖅᓯᒪᔪᑦ ᓴᖅᑭᑎᑕᐅᓚᐅᖅᑐᑦ ᒫᓐᓇᒫᖅ ᕿᒥᕐᕈᔭᐅᓚᐅᖅᑎᓪᓗᒋᑦ ᐃᓕᓐᓂᐊᖅᑎᓄᑦ ᑮᓇᐅᔭᑎᒍᑦ ᐃᑲᔫᑏᑦ. “ᕿᒥᕐᕈᓂᖃᖅᑎᓪᓗᒍ ᑐᓴᖃᑦᑕᓚᐅᕋᑦᑕ ᓄᓇᕗᒥᐅᑦ ᐅᖃᖅᑎᓪᓗᒋᑦ ᐅᖃᖅᓯᒪᑦᓯᐊᖅᑐᓂᒃ ᐊᒻᒪᓗ ᐋᖅᑭᑦᓯᐊᖅᓯᒪᔪᓂᒃ ᑐᑭᓯᒋᐊᕈᑎᒃᓴᖃᖁᔨᓪᓗᑎᒃ, ᑕᒪᒃᑯᐊ ᐱᔭᕆᐊᑭᓐᓂᖅᓴᐅᔪᑕᐅᒐᔭᖅᑐᑦ ᑐᒃᓯᕋᕐᓗᓂ ᐃᑲᔫᑕᐅᕙᒃᑐᓂᒃ. ᐊᒥᓲᓂᖅᓴᑦ ᐃᓕᓐᓂᐊᖅᑏᑦ ᐊᑐᖅᐸᓪᓕᐊᖕᒪᑕ ᑮᓇᐅᔭᑎᒍᑦ ᐃᓕᓐᓂᐊᖅᑎᓄᑦ ᓄᓇᕗᒥ ᐃᑲᔫᑕᐅᕙᒃᑐᓂᒃ ᐊᒻᒪᓗ ᐊᒥᓲᓂᖅᓴᑦ ᐃᓕᓐᓂᐊᖏᓐᓇᕐᓂᖅᓴᐅᓕᕐᒪᑕ ᓯᓚᑦᑐᖅᓴᕐᕕᖕᓂ ᐊᒻᒪᓗ ᓯᓚᑦᑐᖅᓴᕐᕕᒡᔪᐊᒥ.” ᐅᖃᖅᑐᖅ ᑖᒻᓴᓐ. ᑖᒃᑯᐊ ᑮᓇᐅᔭᑎᒍᑦ ᐃᓕᓐᓂᐊᖅᑎᓄᑦ ᓄᓇᕗᒥ ᐃᑲᔫᑏᑦ ᐱᑕᖃᕈᑕᐅᕙᒃᑐᑦ ᐅᖓᑖᓄᑦ $3-ᒥᓕᔭᓐ ᐊᕐᕌᒍᒥ ᐃᑲᔫᑕᐅᓪᓗᑎᒃ ᐃᓕᓐᓂᐊᖅᑎᓄᑦ ᖁᑦᓯᖕᓂᖅᓴᓂ ᐃᓕᓐᓂᐊᒃᑲᓐᓂᕈᒪᔪᑦ. “ᑖᒃᑯᐊ ᑲᑎᖅᓱᖅᓯᒪᔪᑦ ᑐᑭᓯᒋᐊᕈᑎᒃᓴᑦ ᐱᔭᕆᐊᑭᓐᓇᕐᓂᖅᓴᕈᖅᑎᑦᑎᔪᑦ ᑭᒃᑯᓕᒫᓄᑦ,” ᐃᓚᒋᐊᕆᓪᓗᓂ ᑖᒻᓴᓐ. ᐊᔾᔨᖏᑦ ᐋᖅᑭᒋᐊᖅᑕᐅᓯᒪᔪᑦ ᑐᑭᓯᒋᐊᕈᑎᒃᓴᑦ ᐱᔭᐅᔪᓐᓇᖅᑐᑦ ᑮᓇᐅᔭᑎᒍᑦ ᐃᓕᓐᓂᐊᖅᑎᓄᑦ ᓄᓇᕗᒥ ᐃᑲᔫᑏᑦ ᑲᒪᔨᖏᑦᑕ ᐊᓪᓚᒡᕕᐊᓂ ᐃᓕᓐᓂᐊᖅᑐᓕᕆᔨᒃᑯᓐᓂ. ᑐᑭᓯᒋᐊᕈᑎᒃᓴᖃᒃᑲᓐᓂᕈᒪᒍᕕᑦ: ᓇᐸᑦᓯ ᑯᓗᓛ ᓄᓇᕗᑦ ᒐᕙᒪᖏᑦ ᑐᓴᕋᑦᓴᓕᕆᔨᖏᑦ 867-975-6003 |