 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᓄᓇᕗᒥᐅᑕᖅ ᑕᐃᔭᐅᕗᖅ ᑲᓇᑕᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᑲᑎᒪᔨᖏᓐᓄᑦ ᐃᖃᓗᐃᑦ, ᓄᓇᕗᑦ(ᑎᓰᕝᕙ 11, 2003) - ᒥᓂᔅᑕ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ, ᐃᓄᓕᕆᔨᒃᑯᓐᓄᓪᓗ ᑐᙵᓱᒃᑎᑦᓯᕗᖅ ᑎᒃᑯᐊᖅᑕᐅᓂᖓᓂᒃ ᔫᓯ ᖁᓱᒐᖅ ᓄᑖᒧᑦ ᐋᖅᑭᒃᑕᐅᕋᑖᕐᓂᑯᒧᑦ ᐋᓐᓂᐊᖅᑐᓕᕆᓂᕐᒧᑦ ᑲᑎᒪᔩᑦ. “ᒥᔅᑕ ᖁᓱᒐᖅ ᖃᐅᓕᒪᔭᐅᑦᓯᐊᖅᑐᖅ ᐊᒻᒪᓗ ᐃᒃᐱᒋᔭᐅᑦᓯᐊᖅᑐᓂᒃ ᓂᐱᖃᖅᑎᑦᓯᑎᓪᓗᒍ ᐅᑭᐅᖅᑕᖅᑐᒥᒃ. ᐊᒥᓱᓂᒃ ᐱᓕᕆᐊᖃᖅᓯᒪᔪᖅ ᐅᑭᐅᖅᑕᖅᑐᒨᖓᔪᓂᒃ ᐃᓱᒫᓘᑕᐅᔪᓂᒃ ᐊᒻᒪᓗ ᖃᐅᔨᒪᓂᖓ ᐃᑲᔫᑎᓂᐊᖅᑐᑦ ᑕᒪᒃᑯᓄᖓ ᓂᓪᓕᐅᑎᒃᓴᓄᑦ ᐱᒻᒪᕆᐅᓪᓗᑎᒃ ᑲᓇᑕᒥ ᑲᑎᒪᔨᐅᔪᑦ,” ᐅᖃᖅᑐᖅ ᐱᑯ. “ᓄᓇᕗᒥᐅᑦ ᐃᑲᔪᖅᑕᐅᓂᐊᖅᑐᑦ ᑖᑦᓱᒪ ᓴᖅᑭᑎᓐᓂᐊᖅᑕᖏᑎᒍ ᖃᐅᒪᒻᒪᕆᖕᓂᓂ ᓄᓇᕗᑦ ᐊᔾᔨᐅᖏᑦᑐᓂᒃ ᐊᒃᓱᕉᓴᒍᑎᖃᕐᓂᖏᓐᓂᒃ ᐊᒻᒪᓗ ᓯᕗᒻᒧᐊᑦᓯᐊᖅᓯᒪᔪᓂᒃ ᐅᑭᐅᖅᑕᖅᑐᒥ ᐋᓐᓂᐊᖃᕐᓇᖏᑦᑐᓕᕆᔾᔪᑕᐅᔪᓄᑦ.” ᐊᖓᔪᖅᑳᖓᑦ ᐃᓄᐃᑦ ᑕᐱᕇᑦ ᑲᓇᑕᒥ, ᖁᓱᒐᖅ ᖃᐅᔨᒪᔭᐅᑦᓯᐊᖅᑐᖅ ᓂᓪᓕᐅᑎᖃᖃᑦᑕᖅᓯᒪᓂᖓᓄᑦ ᑲᓇᑕᒥ ᐊᒻᒪᓗ ᓄᓇᕐᔪᐊᓂ ᐅᖃᐅᓯᒃᓴᓄᑦ ᐊᒃᑐᐃᔪᓄᑦ, ᐃᓚᐅᑎᑦᓯᔪᓂᓪᓘᓐᑧᓂ ᐃᓄᖕᓂᑦ. ᐃᒃᓯᕙᐅᑕᖓᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑲᑎᒪᔩᑦ ᐊᒻᒪᓗ 26 ᑲᑎᒪᔨᖏᑦ ᑐᓴᖅᑎᑦᓯᔾᔪᑕᐅᖅᑲᐅᔪᑦ ᒐᕙᒪᑐᖃ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑲᑎᒪᔩᑦ ᐊᒻᒪᓗ 26 ᑲᑎᒪᔨᖏᑦ ᑐᓴᖅᑎᑦᓯᔾᔪᑕᐅᖅᑲᐅᔪᑦ ᒐᕙᒪᑐᖃᒃᑯᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒥᓂᔅᑕᖓᑦ ᐋᓐ ᒪᒃᓕᓚᓐ ᐊᒻᒪᓗ ᑳᓕᓐ ᕼᐋᓐᓴᓐ, ᕗᑎᔅᑲᓚᒻᕕᐊ ᒥᓂᔅᑕᖓᑦ ᐋᓐᓂᐊᖃᕐᓇᖏᑦᑐᓕᕆᔾᔪᑎᓄᑦ. ᑐᓴᖅᑎᑦᓯᓯᒪᔪᑦ ᑭᒡᒐᖅᑐᖅᑐᒋᑦ ᒐᕙᒪᑐᖃᒃᑯᑦ, ᑲᓇᑕᐅᑉ ᐅᑭᐅᖅᑕᖅᑑᓪᓗ ᐊᕕᒃᑐᖅᓯᒪᓂᖏᑦᑕ ᒥᓂᔅᑕᖏᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ. ᑖᒃᑯᐊ ᐊᓐᓂᐊᖃᕐᓇᖏᑦᑐᓕᕆᓂᕐᒧᑦ ᑲᑎᒪᔩᑦ, ᑭᒡᒐᖅᑐᐃᔨᖃᖅᑐᑦ 13-ᓂᒃ ᒐᕙᒪᒃᑯᓐᓂᒃ ᐊᒻᒪᓗ ᓇᓕᒧᒋᓪᓗᓂᒋᑦ ᑭᒃᑯᑐᐃᓐᓇᕐᓂᒃ ᑭᒡᒐᖅᑐᐃᔪᑦ ᐊᒻᒪᓗ ᐃᖕᒥᒃᑰᖅᑐᒥᒃ ᐃᒃᓯᕙᐅᑕᖃᖅᑐᑎᒃ, ᑕᒪᓐᓇ ᓴᖅᑭᑎᑕᐅᓯᒪᔪᖅ ᓴᖅᑭᑎᑦᓯᓂᐊᕐᓂᕋᓚᐅᖅᑎᓪᓗᒋᑦ ᕕᕝᕗᐊᕆ 2003-ᒥ ᑲᓇᑕᒥ ᒥᓂᔅᑕᐃᑦ ᑲᑎᒪᓂᖃᖅᑎᓪᓗᒋᑦ ᐋᓐᓂᐊᖃᕐᓇᖏᑦᑐᓕᕆᓂᕐᒥᑦ ᓄᑖᕈᕆᐊᕆᓪᓗᑎᒃ. ᑐᒡᓕᖓᑦ ᒥᓂᔅᑕᐅᑉ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ, ᐃᓄᓕᕆᓂᕐᒧᓪᓗ, ᕘᓂ ᕕᓖᔅ, ᒐᕙᒪᒃᑯᑦ ᑭᒡᒐᖅᑐᐃᔨᖓᑦ ᓄᓇᕗᒧᑦ. ᒥᓂᔅᑕ ᐱᑯ ᖁᕕᐊᓱᒃᑭᕗᖅ ᑖᓐᓇ ᓄᓇᑦᓯᐊᕐᒥ ᓯᕗᓕᖅᑎᐅᓚᐅᖅᑐᖅ ᐊᒻᒪᓗ ᐃᓄᕕᐊᓗᒃ ᓇᓕ ᑯᐊᓐᓇᐃ, ᐊᒻᒪᓗ ᑖᒃᑕ ᐳᕋᐃᐊᓐ ᐴᔅᑦ ᐊᒻᒪᓗ ᑖᒃᑕ ᕌᐳᑦ ᒪᒃᒨᑐᕆ ᓴᙱᔪᒥᒃ ᐊᑕᓂᖃᖅᑐᑦ ᐅᑭᐅᖅᑕᖅᑐᒧᑦ ᐃᓚᐅᖕᒥᔪᑦ ᑕᒡᕙᓂ ᑲᑎᒪᔨᓂ. ᑐᑭᓯᒋᐊᕈᑎᖃᒃᑲᓐᓂᕈᒪᒍᕕᑦ ᐅᖃᕐᕕᒋᓗᒍ: ᐃᑖᓐ ᕕᓕᓅᕝ ᑐᓴᖃᑦᑕᐅᑎᓕᕆᔨᒻᒪᕆᒃ ᐋᓐᓂᐊᖃᕐᓇᖏᑦᑐᓕᕆᔩᑦ, ᐃᓄᓕᔨᒃᑯᓪᓗ ᓄᓇᕗᑦ ᒐᕙᒪᖏᑦ 867.975.5714 gvilleneuve@gov.nu.ca |