 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ (ᐊᐅᔾᒍᓯ 6, 2003) - ᐲᑕ ᕿᓚᕝᕙᖅ, ᒥᓂᔅᑕᖓ ᐊᕐᓇᐃᑦ ᐃᓕᑕᕆᔭᐅᔾᔪᑎᖏᓐᓄᑦ, ᑕᐃᓯᓯᒪᓕᕆᕗᖅ ᑎᒃᑯᐊᖅᑕᐅᓂᖏᓐᓂᒃ ᓯᑕᒪᓂᒃ ᓄᓇᕗᒻᒥᐅᓂᒃ ᖁᓪᓖᑦ ᓄᓇᕗᒻᒥ ᐊᕐᓇᐃᑦ ᐃᓕᑕᕆᔭᐅᔾᔪᑎᖏᓐᓄᑦ ᑲᑎᒪᔨᖏᓐᓄᑦ. ᑎᒃᑯᐊᖅᑕᐅᒪᔪᐃᑦ ᐅᑯᐊᖑᕗᖅ: ᓯᓖᓐ ᓂᙵᖅ, ᑰᒑᕐᔪᒻᒥ; ᑎᓃᔅ ᒋᐅᓪᐱ, ᐃᖃᓗᓐᓂ; ᐳᕆᓐᑕ ᔭᓐᑭ ᐊᒻᒪ ᓂᑰᓪ ᕕᐅᓪᑳᒃᔅ, ᐃᖃᓗᒃᑑᑦᓯᐊᕐᒥ, ᐊᒻᒪᓗ ᐊᓂ ᑖᑎ ᑲᖏᕐᖠᓂᕐᒥ, ᑎᒃᑯᐊᖅᑕᐅᓯᒪᒃᑲᓐᓂᖅᑐᖅ ᒪᕐᕈᐊᖅᑎᓕᖅᑐᓂ. ᐃᓚᐅᖃᑕᐅᓂᐊᓕᖅᐳᑦ ᒫᑕᓕᓐ ᖁᒻᒧᐊᑦᑐᕐᒧᑦ, ᐊᖓᔪᖅᑳᖅ, ᐸᓐᓂᑑᕐᒥ; ᐊᓂ ᓇᐸᔪᖅ, ᐊᖓᔪᖅᑳᖅ ᑐᖏᓕᐊ, ᑎᑭᕋᕐᔪᐊᕐᒥ ᐊᒻᒪᓗ ᓕᐊ ᖃᖅᑲᓯᖅ-ᒪᐃ, ᐃᑉᐱᐊᕐᔪᒻᒥ, 8-ᖑᓗᑎᒃ ᑲᑎᒪᔨᐅᓂᐊᓕᖅᑐᑦ. “ᓴᙱᔪᒥᒃ ᑲᑎᒪᔨᖃᐃᓐᓇᖅᐳᒍᑦ ᐱᓕᕆᔪᓂᒃ ᐊᕐᓇᐃᑦ ᐱᖁᔭᖏᓐᓄᑦ ᓄᓇᕗᒻᒥ,” ᕿᓚᕝᕙ ᐅᖃᓚᐅᖅᐳᖅ. “ᑖᒃᑯᐊ ᑎᒃᑯᐊᖅᑕᐅᓯᒪᔪᑦ ᐊᓚᒃᑲᐅᒪᑎᒃᓯᕗᑦ ᑭᒃᑯᓕᒫᓄᑦ, ᓄᓇᓕᓐᓄ ᐊᒻᒪᓗ ᐃᓕᖅᑯᓯᖏᓐᓂᒃ ᐊᔾᔨᒌᙱᓐᓂᖏᓐᓂ ᓄᓇᓕᑦᑕ ᐊᒻᒪᓗ ᓯᕗᓪᓕᖅᐹᖅᓯᖅᓱᑕ ᒪᒃᑯᒃᑐᒥᒃ ᑲᑎᒪᔨᐅᖃᑕᐅᖁᔨᓯᒪᕗᒍ.” ᑕᒃᑯᐊ ᓄᑖᑦ ᑲᑎᒪᔩᑦ ᐃᓇᖏᖅᓯᕗᑦ ᕼᐊᓚᓐ ᒪᒃᓴᒐᕐᒥᒃ, ᕉᑕ ᓇᓄᒃ ᐊᒻᒪᓗ ᕈᑕ ᑲᓂᓐᕼᐋᒻᒥ, ᑲᑎᒪᔨᐅᓂᖏᑦ ᐃᓱᓕᓚᐅᖅᑐᐃᑦ, ᐊᒻᒪᓗ ᐊᖓᔪᖅᑳᑉ ᑐᖏᓕᐊ ᐋᓕᓴᓐ ᐳᕉᕗ, ᓄᖅᑲᓚᐅᖅᑐᒥᓂᖅ ᐃᖅᑲᓇᐃᔮᖅᑖᕋᒥ ᐱᔨᑦᓯᕋᕐᓂᕐᒧᑦ ᑭᒃᑯᓕᒫᓄᑦ. ᐱᓇᓱᐊᒐᕆᕚ ᑲᑎᒪᔩᑦ ᐊᔾᔨᒌᑦᑎᑦᓯᓇᓱᐊᕐᓂᕐᒥᒃ ᐊᕐᓇᓕᒫᓂᒃ ᓄᓇᕗᒻᒥ ᐅᖃᐅᔾᔪᐃᒋᐊᕐᓂᒃᑯᑦ ᒐᕙᒪᒃᑯᓐᓂ, ᖃᐅᔨᓴᕐᓂᒃᑯᑦ, ᑭᒃᑯᓕᒫᓂᒃ ᐃᓕᓴᐃᓂᒃᑯᑦ, ᑭᒡᒐᖅᑐᐃᓂᒃᑯᑦ ᐊᒻᒪᓗ ᐃᑲᔪᖅᑐᐃᓂᒃᑯᑦ ᐊᒃᓇᐃᑦ ᑲᑐᔾᔨᖃᑎᒌᑦᑐᓂᒃ. -30- ᖃᐅᔨᒋᐊᒃᑲᓐᓂᕈᒪᓐᓂᕈᕕᑦ ᐅᓇ ᖃᐅᔨᒋᐊᕐᕕᒋᒍᒃ: ᐸᓂ ᕋᒻᐹᑦ ᑐᓴᐅᒪᑎᑦᓯᔪᓕᕆᓂᕐᒧᑦ ᐊᐅᓚᑦᓯᔨ ᐱᓕᕆᕝᕕᐊᑕ ᐃᓕᖅᑯᓯᓕᕆᔨᒃᑯᑦ ᐅᖃᐅᓯᓕᕆᔨᓕᒃᑯᑦ, ᐃᓄᑐᖃᓕᕆᔨᒃᑯᑦ ᒪᒃᑯᒃᑐᓕᕆᔨᒃᑯᓪᓗ (867) 975-5531 |