 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᑦᑑᑎᐊᖅ, ᓄᓇᕗᑦ (ᐊᐅᒡᒍᓯ 29, 2003) - ᑏᕆᑐᐊᕇᑦ ᓯᕗᓕᖅᑎᖏᑦ ᐃᖃᓗᑦᑑᑎᐊᒦᓐᓂᐊᖅᑐᑦ ᐱᓇᓱᐊᕈᓯᐅᓂᐊᖅᑐᒥ ᐊᑎᓕᐅᖃᑎᒌᒋᐊᖅᑐᕐᓗᑎᒃ ᐊᖏᖃᑎᒌᒍᒻᒥᒃ ᐃᖅᑲᓇᐃᔭᖃᑎᒌᓐᓂᕐᒧᑦ ᓴᓐᖏᔪᕈᖅᑎᓯᒃᑲᓂᕐᓂᐊᖅᑐᖅ ᐅᑭᐅᖅᑕᖅᑐᒥᐅᑦ ᓂᐱᖓᓂᒃ ᑲᓇᑕᒨᖓᔪᓄᑦ. ᓯᕗᓕᖅᑎ ᔫᑳᓐᒧᑦ ᑎᓂᔅ ᕕᓐᑎ, ᓯᕗᓕᖅᑎ ᓄᓇᑦᓯᐊᕐᒧᑦ ᔅᑎᕙᓐ ᑳᒃᕗᐃ ᐹ ᐅᑲᓕᕐᓗ ᓯᕗᓕᖅᑎᖓᑦ ᓄᓇᕗᑦ ᐊᑎᓕᐅᕐᓂᐊᖅᑐᑦ ᐅᑭᐅᖅᑕᖅᑐᒥ ᐱᓕᕆᖃᑎᒌᓐᓂᕐᒧᑦ ᐊᖏᖃᑎᒌᒍᒻᒥᒃ ᓇᓪᓕᐊᓂᕐᓯᐅᕐᓂᐅᓂᐊᖅᑐᒥ ᓄᓇᖅᑲᑎᒌᓪᓗ ᓂᕆᕕᔾᔪᐊᕐᓂᖃᕐᓗᑎᒃ ᐃᖃᓗᑦᑑᑦᑎᐊᒥ, ᓰᑉᑎᒻᕙ 3, 2003. “ᐃᖅᑲᓇᐃᔭᖃᑎᒌᑦᓯᐊᕐᓂᐊᖅᑐᒍᑦ ᐅᑯᓇᓂ ᓲᕐᓗ ᑮᓇᐅᔭᓕᐅᕈᑎᑦᓴᑲᓐᓂᐅᒍᓐᓇᖅᑐᓂ, ᓯᐊᒻᒪᖅᓯᕙᓪᓕᐊᓂᖅ ᐱᓕᕆᕝᕕᓐᓂᒃ, ᓄᓇᖃᖅᑳᖅᑐᒥᓃᑦ ᐱᔪᓐᓇᐅᑎᖏᓐᓂᒃ, ᐊᕙᑎᓕᕆᓂᖅ ᐃᓅᓯᓕᕆᓂᕐᒧᓪᓗ ᐊᑐᐊᒐᑦ,” ᐅᖃᖅᑐᖅ ᐅᑲᓕᖅ, ᑐᓐᖓᓱᑦᑎᑦᓯᔨᐅᓂᐊᖅᑐᖅ ᐊᑎᓕᐅᕆᓂᕐᒥᒃ. “ᓴᓐᖏᓂᖓ ᐅᑭᐅᖅᑕᖅᑐᒥᐅᑦ ᑭᒃᑯᑐᐃᓐᓇᕐᓄᑦ ᐊᔾᔨᒌᑎᑦᓯᓂᕐᒧᑦ ᑐᕌᖓᖃᑎᒌᓐᓂᖅ ᓇᓗᓇᐃᖅᑕᐅᑦᓯᐊᓚᐅᖅᐳᖅ ᑕᑯᑦᓴᐅᑎᑕᐅᓪᓗᓂ ᐊᕐᕌᒍᑦᑕ ᐱᒋᐊᕐᓂᒐᓚᖓᓂ ᒐᕙᒪᑐᖃᒃᑯᑦ ᐊᖏᕈᑎᖃᓚᐅᖅᑎᓪᓗᒋᑦ ᐃᓚᒋᐊᕈᑕᐅᔪᒥᒃ $60 ᒥᓕᐊᓐᓂᒃ ᐅᑭᐅᖅᑕᖅᑐᒧᑦ ᑲᓇᑕᓕᒫᒥ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐋᖅᑭᑦᓱᑕᐅᓪᓗᑎᒃ.” ᐊᖏᖃᑎᒌᒍᒻᒧᑦ ᐃᓚᒋᔭᐅᓗᓂ, ᑏᕆᑐᐊᕆᓂ ᓯᕗᓕᖅᑏᑦ ᐊᕐᕌᒍᑕᒫᖅᓯᐅᑎᒥᓐᓂᒃ ᑲᑎᒪᓂᖃᕐᓂᐊᖅᑐᑦ ᐅᑭᐅᖅᑕᖅᑐᒥ ᒐᕙᒪᐃᑦ ᓯᕗᓕᖅᑎᖏᑕ ᑲᑎᒪᓂᖓᓐᓂᒃ. ᐃᓱᒫᓘᑕᐅᔪᑦ ᐊᕕᑦᑐᖅᓯᒪᓂᕐᒦᖔᖅᑐᑦ, ᑏᕆᑐᐊᕆᓂᒃ, ᑲᓇᑕᓕᒫᒥᒃ ᓯᓚᖅᔪᐊᒥᓗ ᐅᖃᐅᓯᐅᒍᒪᔪᑦ ᐅᖃᐅᓯᐅᓂᐊᖅᑐᑦ ᑲᑎᒪᓂᕐᒥ. “ᐊᖏᖃᑎᒋᒍᑦ ᑖᓐᓇ ᓇᓛᒍᑦ ᓴᖅᑭᔪᖅ ᐊᑐᖅᑕᐅᓚᑦᑖᖃᑦᑕᕐᓯᒪᔪᓂᒃ ᐃᖅᑲᓇᖅᑐᓂᒃ ᐊᑐᖅᑕᖃᑦᑕᕐᓂᑰᔪᓂᒃ, ᓄᓇᖓᓂᒃ ᐃᓕᖅᑯᓯᖏᓐᓂᓪᓗ ᐊᑐᖅᑕᖃᑦᑕᖅᑐᓂᒃ,” ᑳᒃᕗᐃ ᐅᖃᖅᑐᑦ. “ᑕᒪᓐᓇ ᓴᓐᖏᔪᒥᒃ ᑐᓐᖓᕕᖃᖅᐳᖅ ᐱᕙᓪᓕᐊᑎᑦᓯᓂᕐᒥᒃ ᐅᖃᐅᓯᐅᒋᐊᖃᖅᑐᓂᓪᓗ ᓯᕗᓂᐊᒍᑦ ᑲᒪᒍᓐᓇᕈᑕᐅᕗᖅ ᐃᓱᒫᓘᑎᐅᔪᓄᑦ ᐅᖃᐅᓯᐅᒍᒪᔪᓄᓪᓗ ᐊᔾᔨᒌᒥᒃ. “ᑐᑭᓯᖃᑎᒌᑉᐸᓪᓕᐊᓂᐅᔪᒥᒃ ᐃᓕᑉᐸᓪᓕᐊᓂᕐᒥᒃ ᐃᖅᑲᓇᐃᔭᖃᑎᒌᑦᓯᐊᐸᓪᓕᐊᓂᖃᕈᑎᖃᕐᓂᐊᖅᐳᒍᑦ ᐊᑐᕆᐊᖃᑦᑕᓂᐊᖅᑕᑎᓐᓂᓪᓗ ᐱᕙᓪᓕᐊᓗᑕ. ᐊᒥᓲᓘᐊᕌᓗᑦᑎᓐᓇᒋᑦ ᐃᓄᒋᐊᓐᓂᖏᑦ ᐊᔾᔨᐅᖏᑦᑐᒥᓪᓗ ᐱᒻᒪᕆᐅᔪᒥᓪᓗ ᑲᒪᒋᔭᑦᓴᖃᖅᑐᑕ ᓄᓇᖃᖅᑳᖅᑐᒥᓂᐅᓪᓗᑕ ᑏᕆᑐᐊᕆᓄᑦ ᐊᔾᔨᐅᖏᓐᓂᕆᕙᕗᑦ ᑲᓇᑕᐅᑉ ᒐᕙᒪᑐᖃᒃᑯᖏᑕ ᐊᐅᓚᓂᖓᓂ ᓂᐱᕗᓪᓗ ᑐᓴᖅᑕᐅᑎᒐᓱᐊᕐᓯᒪᐃᓐᓇᕋᓱᐊᕐᓗᒍ ᐃᑲᔪᖅᓯᒪᖁᓪᓗᑕᑦᑕᐅᖅ ᑲᓇᑕᐅᑉ ᓴᓐᖏᓂᖓᓄᑦ,” ᐅᖃᖅᑐᖅ ᕕᓐᑎ. ᐊᖏᖃᑎᒌᒍᑦ ᐱᖓᓱᓄᑦ ᐊᕐᕌᒍᓄᑦ ᐊᑐᕐᓂᖃᕐᓂᐊᖅᑐᖅ ᐋᖅᑭᒋᐊᖅᑕᐅᒍᓐᓇᕐᓗᓂ ᓄᑖᕈᖅᑎᑕᐅᒍᓐᓇᕐᓗᓂᓗ. -30- ᑐᑭᓯᒋᐊᒃᑲᓂᕐᕕᑦᓴᖅ, ᐅᖄᓚᓗᑎᑦ: ᕕᐅ ᒃᓚᐃ ᓯᕗᓕᖅᑎᐅᑉ ᐊᓪᓚᕝᕕᖓᓂ ᓄᓇᕗᑦ ᒐᕙᒪᖓ (867) 975-5059 ᑐᕉ ᕕᓕᐊᒻᔅ ᓄᓇᑦᓯᐊᑉ ᒐᕙᒪᖓ (867) 669-2304 ᐲᑕ ᑳ ᒥᓂᔅᑕᐃᑦ ᑐᓴᐅᒪᖃᑦᑕᐅᑎᓕᕆᔨᖏᓐᓄᒃ ᐅᖃᐅᔾᔨᒋᐊᖅᑎ ᔫᑳᓐ ᒐᕙᒪᖓ (867) 667-8688 peter.carr@gov.yk.ca |