 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᔭᓗᓇᐃᕝ (ᐊᐃᐳᕈ 3, 2003) - ᑲᓇᑕᒥ ᐱᖓᓱᐃᑦ ᐅᑭᐅᖅᑕᖅᑑᑉ ᐊᕕᒃᑐᖅᓯᒪᓂᖏᑦᑕ ᓯᕗᓕᖅᑎᖏᑦ ᐱᓕᕆᐊᖃᖅᓯᒪᓕᖅᑐᖅ ᐋᖅᑭᒃᓱᐃᓪᓗᑎᒃ ᐋᖅᑭᒃᓯᒪᔾᔪᑎᒃᓴᖏᓐᓂᒃ ᐊᖏᖃᑎᒌᒍᑎᒋᓚᐅᖅᑕᖏᑦᑕ ᐱᖃᑎᒋᓪᓗᒍ ᑲᓇᑕᐅᑉ ᐊᖓᔪᖅᑳᒻᒪᕆᐊᑦ ᕕᕝᕗᐊᕆᒥ. ᑕᒪᓐᓇ ᑐᓂᔭᐅᔪᖅ ᒪᓕᒃᑐᖅ ᒐᕙᒪᑐᖃᒃᑯᑦ ᐃᓕᑕᖅᓯᓂᖏᓐᓂᒃ ᑕᒪᒃᑯᐊ ᐅᑭᐅᖅᑕᖅᑐᖅ ᐊᔾᔨᐅᖏᓐᓂᖓᓂᒃ ᐋᓐᓂᐊᖃᕐᓇᖏᑦᑐᓕᕆᔾᔪᑎᖏᓐᓄᑦ ᑮᓇᐅᔭᖅᑑᑕᐅᒋᐊᓖᑦ. ᓯᕗᓕᖅᑏᑦ ᐱᓕᕆᖃᑎᒌᒃᓯᒪᔪᑦ ᐃᑲᔪᖅᑎᒌᒃᑐᑎᒃ ᐱᖃᑎᒋᓪᓗᒍ ᑲᓇᑕᐅᑉ ᐊᖓᔪᖅᑳᒻᒪᕆᐊᑦ (ᐳᓚᐃᒥᓂᔅᑕ) ᐊᖏᖃᑎᒌᓚᐅᕐᒪᑕ ᐅᓄᖅᓯᒋᐊᕈᑕᐅᓂᐊᖅᑐᓂᒃ ᒐᕙᒪᑐᖃᒃᑯᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᑮᓇᐅᔭᖅᑑᑎᒃᓴᖏᓐᓂᒃ ᑖᒃᑯᐊ ᐅᑭᐅᖅᑕᖅᑐᒥᐅᑦ ᐅᓄᖅᓯᒋᐊᖅᑐᒋᑦ $60-ᒥᓕᔭᓄᑦ ᐊᑐᖅᑕᐅᓂᐊᕐᓗᑎᒃ ᐊᕐᕌᒍᓄᑦ ᐱᖓᓱᓄᑦ. ᐱᒋᐊᕆᔾᔪᑕᐅᓂᐊᕐᒥᔪᖅ ᕿᓂᕐᓗᑎᒃ ᐊᑯᓂᒧᑦ ᐋᖅᑭᒃᓯᒪᔾᔪᑕᐅᓂᐊᖅᑐᓂᒃ ᑕᒪᑐᒧᖓ ᓈᒻᒪᙱᓗᐊᖅᑐᒧᑦ ᒐᕙᒪᑐᖃᒃᑯᑦ ᑐᓕᖃᑦᑕᖅᑕᖏᓐᓄᑦ, ᐃᓄᐃᑦ ᐅᓄᕐᓂᖏᓐᓂᒃ ᒪᓕᒃᑐᑎᒃ ᑮᓇᐅᔭᖅᑑᑎᒃᓴᖅᑖᖃᑦᑕᕐᒧᑦ ᐊᖏᖃᑎᒌᒍᑎᒃᓴᓂᒃ. ᑖᒃᑯᐊ $60-ᒥᓕᔭᓐ ᑮᓇᐅᔭᖅᑑᑎᒃᓴᑦ ᐊᒡᒍᖅᑕᐅᓂᐊᖅᑐᑦ ᓇᓕᒧᒌᒡᓗᑎᒃ ᑖᒃᑯᓄᖓ ᐱᖓᓱᓄᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᓄᑦ ᐊᒻᒪᓗ ᑖᒃᑯᐊ ᐊᐅᓚᔾᔭᒃᑕᐅᓗᑎᒃ ᑮᓇᐅᔭᐃᑦ ᐊᑐᖅᑕᐅᓂᐊᕐᓂᖏᑦ ᑕᒫᓂ ᐊᕐᕌᒍᒥ. ᑖᒃᑯᐊ ᑮᓇᐅᔭᐃᑦ ᐱᑕᖃᖅᑎᑕᐅᓂᐊᖅᑐᑦ ᐊᐃᑦᑑᑎᑎᒍᑦ, ᐊᒻᒪᓗ ᑖᒃᑯᐊ ᖄᖓᒍᑦ ᑐᓂᔭᐅᔪᑦ ᐃᓄᐃᑦ ᐅᓄᕐᓂᖏᑦ ᒪᓕᒃᑐᒋᑦ ᑮᓇᐅᔭᖅᑑᑎᒃᓴᖅᑖᕆᔭᐅᕙᒃᑐᑦ ᐅᓄᖅᓯᒋᐊᕐᓂᖓᓄᑦ ᐋᓐᓂᐊᖃᕐᓇᖏᑦᑐᓕᕆᔾᔪᑎᒃᓴᑦ ᑐᓴᖅᑭᑦᑎᔾᔪᑕᐅᓚᐅᖅᑐᑦ ᒥᓂᔅᑕᐃᑦ ᑲᑎᒪᑎᓪᓗᒋᑦ ᕕᕝᕗᐊᕆ 2003-ᒥ. ᕕᕝᕗᐊᕆᒥ, ᓯᕗᓕᖅᑎ ᑳᒃᕖ, ᐅᑲᓕᖅ ᐊᒻᒪᓗ ᕕᓐᑎ ᐊᑎᓕᐅᕈᑎᖃᕈᒪᓚᐅᙱᒻᒪᑕ ᐋᓐᓂᐊᖃᕐᓇᖏᖅᑐᓕᕆᓂᕐᒧᑦ ᐊᖏᕈᑕᐅᔪᓂᒃ ᑲᓇᑕᐅᑉ ᒥᓂᔅᑕᖏᓐᓄᑦ ᐱᔾᔪᑎᖃᖅᑐᑎᒃ ᐃᓕᑕᖅᓯᓯᒪᓚᐅᙱᓐᓂᖏᑦ ᐊᔾᔨᐅᖏᑦᑑᓂᖏᓐᓂᒃ ᐊᒃᓱᕉᓴᒍᑎᕗᑦ ᐱᑕᖃᖅᑎᑦᓯᑎᓪᓗᑕ ᐋᓐᐊᓂᖃᕐᓇᖏᑦᑐᓕᕐᓂᕐᒥᑦ ᑲᓇᑕᐅᑉ ᐅᑭᐅᖅᑕᖅᑐᐊᓄᑦ. ᒪᕐᕉᒃ ᐱᓇᓱᐊᕈᓰᑦ ᓈᓯᒪᓕᖅᑎᓪᓗᒋᒃ, ᓯᕗᓕᖅᑏᑦ ᑲᑎᖃᑎᖃᓚᐅᖅᑐᑦ ᑲᓇᑕᐅᑉ ᐊᖓᔪᖅᑳᒻᒪᕆᐊᓂᒃ ᐊᒻᒪᓗ ᐊᖏᖃᑎᒌᒍᓕᐅᑲᐃᓐᓇᖅᑐᑎᒃ ᐱᑕᖃᕈᑕᐅᑲᐅᑎᒋᓂᐊᖅᑐᓂᒃ ᓄᑖᓂᒃ ᑮᓇᐅᔭᖅᑑᑎᒃᓴᓂᒃ ᐊᒻᓐᒪᓗ ᕿᒥᕐᕈᓗᑎᒃ ᐊᑯᓂᒧᑦ ᐋᖅᑭᒍᑕᐅᓂᐊᖅᑐᓂᒃ. ᐅᓪᓗᒥ ᑐᓴᖅᑎᑦᑎᔾᔪᑕᐅᔪᖅ ᐋᖅᑭᒃᓯᔪᖅ ᖃᓄᐃᓕᖓᓂᐊᕐᓂᖏᓐᓂᒃ ᑮᓇᐅᔭᐃᑦ ᐊᐃᑦᑑᑕᐅᓂᐊᖅᑐᑦ ᐊᒻᒪᓗ ᐱᐊᓂᒃᑕᐅᒋᐊᕐᓗᓂ ᐊᑐᖅᑕᐅᓂᖓ ᓇᓂᓯᒐᓱᐊᕐᓂᖅ ᐋᖅᑭᒍᑎᒃᓴᓂᒃ ᑕᒪᑐᒧᖓ ᓈᒻᒪᖐᓐᓇᖅᑐᓄᑦ ᑮᓇᐅᔭᖅᑑᑎᒃᓴᓄᑦ. ᓄᓇᑦᓯᐊᒥ ᓯᕗᓕᖅᑎ ᓯᑏᕙᓐ ᑳᒃᕖ ᐅᖃᖅᑲᐅᔪᖅ ᖁᕕᐊᓱᓂᕋᖅᑐᓂ ᓴᖅᑭᑎᑕᐅᔪᒧᑦ, ᑕᑯᒃᐅᑎᑦᑎᓂᖓᓄᑦ ᑖᑦᓱᒪ ᑲᓇᑕᐅᑉ ᐊᖓᔪᖅᑳᒻᒪᕆᐊᑕ ᐊᓪᓚᒡᕕᐊ ᐅᖃᐅᓯᖃᕐᓂᖓᓂᑦ ᒫᓐᓇᑲᐅᑎᒋ ᐋᓐᓂᐊᖃᕐᓇᖏᑦᓕᑐᕆᔾᔪᑕᐅᒋᐊᖃᖅᑐᓂᒃ ᐊᒻᒪᓗ ᑲᔪᓯᓯᒪᓂᐊᕐᓗᒋᑦ ᐋᓐᓂᐊᖃᕐᓇᖏᑦᓕᑐᕆᓂᕐᒧᑦ ᑮᓇᐅᔭᖅᑑᑎᒃᓴᖃᖅᑎᑦᑎᓂᖅ, ᑭᓯᐊᓂ ᐃᓚᒋᐊᕆᓚᐅᖅᑐᖅ ᑕᒪᓐᓇ ᐱᓕᕆᐊᖑᓂᖓ ᐃᓱᓕᙱᑦᓯᐊᖅᑐᖅ. “ᑕᒪᓐᓇ ᐋᖅᑮᖏᒻᒪᑦ ᐊᒃᓱᕉᓴᒍᑕᐅᓂᖓᓂᒃ ᐋᓐᓂᐊᖃᕐᓇᖏᑦᑐᓕᕆᔭᐅᒋᐊᖃᕐᓂᖏᓐᓂᒃ ᐅᐸᒃᑕᐅᒐᔪᙱᑦᑐᑦ ᐊᕕᒃᑐᖅᓯᒪᓂᐅᔪᑦ,” ᐃᓚᒋᐊᕆᓪᓗᓂ. “ᑖᓐᓇ ᑲᓇᑕᐅᑉ ᐊᖓᔪᖅᑳᒻᒪᕆᐊᑕ ᐊᖏᖃᑎᒌᒍᑎᖓ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᓄᑖᕈᕆᐊᕈᑦ ᑐᕌᖓᔪᑦ ᖃᓇᑕᒥᐅᓕᒫᑦ ᐅᑭᐅᖅᑕᖅᑐᒥᐅᑕᖏᓐᓄᑦ.” ᐊᑯᓂᒧᑦ ᑮᓇᐅᔭᖃᕈᑕᐅᓂᐊᖅᑐᑦ ᐅᖃᐅᓯᐅᔪᑦ ᓱᓕ ᐱᖃᑎᒋᓪᓗᒍ ᑲᓇᑕᐅᑉ ᐊᖓᔪᖅᑳᒻᒪᕆᐊᑦ. ᑐᕌᒐᐅᓗᐊᖅᑐᖅ ᑖᒃᑯᓄᖓ ᐱᖓᓱᓄᑦ ᓯᕗᓕᖅᑎᓄᑦ ᓇᓂᓯᒐᓱᐊᖅᑐᑎᒃ ᓇᓕᒧᒋᔭᐅᔪᓂ ᐊᑯᓂᒧᑦ ᑮᓇᐅᔭᖅᑑᑎᒃᓴᓄᑦ ᐋᖅᑭᒃᓯᒪᔾᔪᑎᒃᓴᓂᒃ. “ᓂᑯᕕᖓᖃᑎᒌᒃᑐᑎᒃ ᐱᓕᕆᖃᑎᒌᒃᑐᑎᒃ ᐅᑭᐅᖅᑕᖅᑐᒥᐅᑦ ᑕᑯᒃᓴᐅᑎᑦᑎᓚᐅᖅᑐᑦ ᓇᓕᒧᒋᔭᐅᔪᓂᒃ ᐊᖏᖃᑎᒌᒍᑎᑖᖅᑐᑎᒃ ᐱᖃᑎᒋᓪᓗᒋᑦ ᒐᕙᒪᑐᖃᒃᑯᑦ ᐊᔾᔨᐅᖏᑦᑐᒧᑦ ᐃᓱᒫᓘᑎᑦᑎᓐᓄᑦ, ‘ ᓄᓇᕗᑦ ᓯᕗᓕᖅᑎᐊ ᐹᓪ ᐅᑲᓕᖅ ᐅᖃᖅᑲᐅᔪᖅ. ᕿᓚᓈᕈᑎᖃᖅᐳᖓ ᐱᓕᕆᖃᑎᒌᑲᓐᓂᕐᓂᐊᕐᓂᑦᑎᓐᓂᒃ ᐃᑲᔪᖅᑎᒌᓗᑎᒃ ᐅᑭᐅᖅᑕᖅᑐᒥᐅᖃᑎᒃᑲ ᐊᒻᒪᓗ ᑖᓐᓇ ᑲᓇᑕᐅᑉ ᐊᖓᔪᖅᑳᒻᒪᕆᐊᑦ ᑕᒪᑐᒪ ᐊᔾᔨᐸᓗᖏᓐᓂᒃ. ᑲᑎᒪᓂᒃᓴᑦ ᐋᖅᑭᒃᑕᐅᓯᒪᔪᑦ ᑕᒫᓂ ᓄᙳᐊᓂ ᐅᐱᙶᑉ ᐱᖃᑎᒋᓗᒋᑦ ᑲᓇᑕᐅᑉ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᒥᓂᔅᑕᖓᑦ ᐋᓐ ᒪᒃᓕᓚᓐ ᐊᒻᒪᓗ ᐊᕕᒃᑐᖅᓯᒪᓂᐅᔪᒥᐅᑦ. “ᑕᒪᓐᓇ ᑲᑎᒪᓂᖅ ᐃᑲᔫᑎᓂᐊᖅᑐᖅ ᑲᔪᓯᓗᒍ ᐱᓕᕆᐊᕗᑦ ᐱᖃᑎᒋᓗᒋᑦ ᒐᕙᒪᑐᖃᒃᑯᑦ ᐅᖃᐅᓯᕆᒃᑲᓐᓂᕐᓂᐊᕐᓗᒋᑦ ᐊᔾᔨᐅᖏᑦᑐᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᒃᓱᕉᓴᒍᑎᖏᑦ ᑖᒃᑯᐊ ᐱᖓᓱᑦ ᐊᕕᒃᑐᖅᓯᒪᓂᐅᔪᑦ.” ᔫᑳᓐ ᓯᕗᓕᖅᑎᖓᑦ ᑎᓂ ᕕᓐᑎ ᐅᖃᖅᑲᐅᔪᖅ “ᐱᕈᖅᐸᓪᓕᐊᑎᑦᓯᒍᒪᑦᓯᐊᓕᖅᑐᖓ ᐱᐅᔪᓂᒃ ᓴᖅᑭᑉᐸᓪᓕᐊᑎᑕᐅᓂᐊᓕᖅᑐᓂᒃ ᒫᓐᓇᒧᑦ.” ᑐᑭᓯᒋᐊᕈᑎᖃᒃᑯᓐᓂᕈᒪᒍᑦᓯ, ᐅᖃᕐᕕᒋᔭᐅᔪᓐᓇᖅᑐᑦ ᐅᑯᐊ: ᐱᐅᓪ ᑭᓖ ᑐᓴᒐᒃᓴᓕᕆᔨ ᓯᕗᓕᖅᑎᐅᑉ ᐊᓪᓚᕕᐊ ᓄᓇᕗᑦ ᒐᕙᒪᖏᑦ ᐅᖃᓘᑖ: (867) 975-5059 ᑐᕉ ᕕᓕᐊᒻᔅ ᑐᓴᖃᑦᑕᐅᑎᓕᕆᔩᑦ ᓯᕗᓕᖅᑎᐅᑉ ᐊᓪᓚᒡᕕᐊ ᐊᐅᓚᑦᑎᔩᑦ ᐅᖃᓘᑖ: (867)669-2304 ᐲᑕ ᑳ ᑐᓴᖃᑦᑕᐅᑎᓕᕆᔨᐊᑦ ᐊᐅᓚᑦᑎᔩᑦ ᔫᑳᓐ ᒐᕙᒪᖏᑦ ᐅᖃᓘᑖ: (867) 667-8688 |