 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ (ᐊᐃᐳᕈ 28, 2003) -- ᐃᑯᐱᒃᑐᓕᕆᔨᒃᑯᑦ ᒥᓂᔅᑕᖓᑦ ᐅᓛᔪᒃ ᐊᑭᓱᒃ ᓴᖅᑭᑎᓂᐊᖅᑐᖅ ᐅᓂᒃᑳᓕᐊᕆᓯᒪᔪᓂᒃ ᑕᑯᒃᓴᐅᑎᑦᑎᔪᓂᒃ ᓄᓇᕗᒥᐅᑦ ᐅᖃᐅᓯᖏᑦ ᒪᓕᒃᑕᐅᓂᖏᓐᓂᒃ ᑖᒃᑯᓇᓂ ᓄᓇᕗᒥ ᐆᒪᔪᓕᕆᓂᕐᒧᑦ ᐱᖁᔭᓕᐊᖑᔪᓂ. ᐱᕙᓪᓕᐊᑎᑦᑎᓂᖅ ᓄᓇᕗᒥ ᐆᒪᔪᓕᕆᓂᕐᒧᑦ ᐱᖁᔭᕐᓂᒃ: ᓇᐃᓪᓕᑎᖅᓯᒪᔪᑦ ᐅᓂᒃᑳᑦ ᐋᔩᖃᑎᒌᒍᑕᐅᓚᐅᖅᑐᓄᑦ ᓴᖅᑭᑎᑕᐅᓯᒪᔪᖅ ᑐᓴᖃᑎᒌᖕᓂᖅᑕᖃᒻᒪᕆᓚᐳᖅᑎᓪᓗᒍ. “ᖁᕕᐊᓱᒻᒪᕆᒃᑐᖓ ᓴᖅᑭᑎᔪᓐᓇᕆᐊᒃᓴᖅ ᑖᒃᓂᖓ ᑎᑎᕋᖅᓯᒪᔪᓂᒃ. ᓈᓚᒃᓯᒪᒐᑦᑕ, ᐃᓕᓯᒪᓪᓗᑕ ᐊᒻᒪᓗ ᖃᓄᐃᓕᐅᕆᐊᕈᑎᒋᓯᒪᓪᓗᒋᑦ ᑐᓴᖅᓯᒪᔭᕗᑦ ᐋᔩᖃᑎᒌᖕᓂᐅᓚᐅᖅᑐᒥᒃ. ᑕᒪᕐᒥᑲᓴᒃ ᑲᑎᒪᓂᐅᔪᑦ ᐅᓐᓄᐊᕈᔾᔭᐅᑲᓴᖃᑦᑕᓚᐅᖅᑐᑦ ᐊᒻᒪᓗ ᐃᓛᓐᓂᒃᑯᑦ ᖃᐅᖓᓄᑦ ᑲᑎᒪᒃᑲᓐᓂᖅᐸᒃᓱᑎᒃ ᑭᒃᑯᓕᒫᑦ ᐅᖃᓕᒪᒍᒪᔪᑦ ᐅᖃᕈᓐᓇᖁᓪᓗᒋᑦ. ᐅᒃᐱᕈᓱᒃᑐᖓ ᐱᒻᒪᕆᐅᓂᖓᓂᒃ ᑕᑯᒃᓴᐅᑎᑦᑎᒋᐊᖃᕐᓂᖅ ᓄᓇᕗᒥᐅᓄᑦ ᓴᖅᑭᑎᑕᐅᔪᑦ ᑕᒪᒃᑯᓇᓂ ᑲᑎᒪᓂᐅᓚᐅᖅᑐᓂ,” ᐅᖃᖅᑲᐅᔪᖅ ᒥᓂᔅᑕ ᐊᑭᓱᒃ. ᑭᒃᑯᑐᐃᓐᓇᐃᑦ ᑲᑎᒪᑎᑕᐅᓂᖃᓚᐅᖅᑐᑦ 25-ᓂ ᓄᓇᓕᐅᔪᓂ. ᐃᓄᐃᑦ ᐊᐱᕆᔭᐅᓚᐅᖅᑐᑦ ᖃᓄᖅ ᐅᖃᐅᓯᒃᓴᖃᕐᒪᖔᑕ ᑕᑯᒍᒪᔭᖏᓐᓂᒃ ᓴᓇᔭᐅᓯᒪᔪᓂᒃ ᓄᓇᕗᒥ ᐆᒪᔪᓕᕆᓂᕐᒧᑦ ᐱᖁᔭᕐᓂᒃ. ᑲᑎᓪᓗᒋᑦ 1,245 ᓄᓇᕗᒥᐅᑦ ᐅᐸᐅᑎᓚᐅᖅᑐᑦ ᑲᑎᒪᓂᐅᔪᓄᑦ, ᑕᒫᓂ 50-ᐳᓴᙱᑦ ᐃᓄᐃᑦ ᓄᓇᓕᖕᓂ ᐅᐸᐅᑎᖃᑦᑕᖅᑐᑎᒃ. ᑖᒃᑯᐊ ᑎᑎᕋᖅᓯᒪᔪᑦ ᐱᑕᖃᖅᑎᑦᑎᔪᑦ ᐅᖃᓕᒫᑎᓄᑦ ᓇᐃᓪᓕᑎᖅᓯᒪᔪᓂᒃ ᐅᓂᒃᑳᓂᒃ ᐋᔩᖃᑎᒌᒍᑕᐅᓚᐅᖅᑐᓂᒃ ᑎᑎᕋᖅᑕᐅᓚᐅᖅᑎᓐᓇᒍ ᓄᑖᖅ ᓄᓇᕗᒥ ᐆᒪᔪᓕᕆᓂᕐᒧᑦ ᐱᖁᔭᐃᑦ. ᑖᒃᑯᐊ ᒐᕙᒪᒃᑯᑦ, ᐱᖃᑎᖃᖅᑐᑎᒃ ᐱᓕᕆᖃᑎᒋᔭᒥᓂᒃ ᓄᓇᕗᑦ ᑐᙵᕕᒃᑯᓐᓂᒃ ᐊᒻᒪᓗ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓂᒃ, ᐋᔩᖃᑎᖃᓚᐅᖅᑐᑦ ᑎᑎᕋᖅᑕᐅᓚᐅᖅᑎᓐᓇᒍ ᑖᓐᓇ ᓄᓇᕗᒥ ᐆᒪᔪᓕᕆᓂᕐᒧᑦ ᐱᖁᔭᖅ. ᐊᒥᓱᑦ ᐃᓱᒪᒋᔭᐅᔪᑦ ᑖᒃᑯᐊ ᐃᖏᕐᕋᔭᕋᑦᑐᑦ ᑐᓴᓚᐅᖅᑕᖏᑦ ᐃᓚᓕᐅᑎᔭᐅᓯᒪᔪᖅ ᐱᖁᔭᒃᓴᓄᑦ. ᑖᒃᑯᐊ ᑐᑭᓯᒋᐊᕈᑎᒃᓴᑦ ᐊᑑᑎᖃᑦᓯᐊᕐᓂᐊᖅᑐᑦ ᐊᑐᖅᑕᐅᓗᑎᒃ ᑎᑎᕋᖅᑕᐅᓕᖅᐸᑕ ᒪᓕᒃᑕᐅᒋᐊᓖᑦ ᐱᖁᔭᒃᓴᓂ ᐊᒻᒪᓗ ᐊᑐᐊᒐᐅᓂᐊᖅᑐᓂ ᐃᓚᐅᑎᑕᐅᔪᑦ ᑕᒡᕙᓂ ᓄᓇᕗᒥ ᐆᒪᔪᓕᕆᓂᕐᒧᑦ ᐱᖁᕐᓂ. “ᖁᔭᓐᓇᒦᕈᒪᕙᒃᑲ ᐃᓘᓐᓇᑎᒃ ᐃᑲᔪᓚᐅᖅᑐᑦ ᑕᒪᑐᒧᖓ ᐊᑐᖅᑕᐅᓚᐅᖅᑐᒧᑦ ᐊᒻᒪᓗ ᐃᑲᔪᓚᐅᖅᑐᑦ ᓴᖅᑭᑎᑕᐅᓂᖏᓐᓄᑦ ᓄᓇᕗᒥ ᐆᒪᔪᓕᕆᓂᕐᒧᑦ ᐱᖁᕐᓂ ᒪᓕᒃᓯᒪᔪᓂᒃ ᐃᓱᒪᒋᔭᖏᓐᓂᒃ ᐊᒻᒪᓗ ᐃᑲᔪᖅᑕᐅᔾᔪᑎᒋᔪᒪᔭᖏᓐᓂᒃ ᓄᓇᕗᒥᐅᑦ ᑭᖑᕚᒃᓴᖏᓐᓄᑦ” ᒥᓂᔅᑕ ᐊᑭᓱᒃ ᐅᖃᖅᑲᐅᔪᖅ. ᑖᒃᑯᐊ ᑎᑎᕋᖅᓯᒪᔪᑦ ᑐᔫᑕᐅᓂᐊᖅᑐᑦ ᓇᒃᓯᐅᔾᔭᐅᓂᐊᖅᑐᑦ ᓄᓇᕗᒥᐅᓕᒫᓄᑦ ᐊᒻᒪᓗ ᒪᓂᒪᓂᐊᖅᑐᑎᒃ ᕼᐊᒻᓕᒃᑯᑦ ᐊᓪᓚᒡᕕᖏᓐᓂ, ᓄᓇᓖᑦ ᐊᖑᓇᓱᒃᑎᖏᑦᑕ ᑲᑐᔾᔨᖃᑎᒌᖏᓐᓂ ᐊᒻᒪᓗ ᐆᒪᔪᓕᕆᔨᓕᒫᑎᒍᑦ ᐃᖅᑲᓇᐃᔭᖅᑐᓂᒃ ᐃᑯᐱᒃᑐᓕᕆᔨᒃᑯᓐᓄᑦ. ᐱᔭᐅᔪᓐᓇᕐᒥᔪᖅ ᖃᕆᑕᐅᔭᕐᒥᑦ ᐅᕙᙵᑦ www.nunavutwildlifeact.ca. ᒥᓂᔅᑕ ᐊᑭᓱᒃ ᓴᖅᑭᑎᑦᑎᓚᐅᖅᑐᖅ ᐆᒪᔪᓕᕆᓂᕐᒧᑦ ᐱᖁᔭᕐᓂᒃ, ᐱᖁᔭᒃᓴᖅ 35 ᒪᓕᒐᓕᐅᕐᕕᖕᒥ ᒫᔾᔨ 28-ᒥ. ᑐᑭᓯᒋᐊᕈᑎᖃᒃᓐᓂᕈᒪᒍᕕᑦ ᐅᖃᕐᕕᒋᓗᒍ: ᑭᐅᕆ ᒪᑲᓚᔅᑭ ᑐᓴᖃᑦᑕᐅᑎᓕᕆᓂᕐᒧᑦ ᐊᐅᓚᑦᑎᔨ, ᐃᑯᐱᒃᑐᓕᕆᔨᒃᑯᑦ ᐅᖃᓘᑖ: (897) 975-5929 ᓱᑲᒃᑐᒃᑯᑦ: (897) 975-5980 kmccluskey@gov.nu.ca |