 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ, ᐊᐃᐳᕈ 25, 2003 ¬- ᓄᓇᕗᒥ ᐋᓐᓂᐊᖅᓯᐅᖅᑎᓕᕆᓂᕐᒃᒧᑦ ᐊᖓᔪᖅᑳᖑᔪᖅ ᑖᒃᑕ ᔨᐅᕈᑏᓐ ᐋᔅᕗᐊᓐ ᑐᓴᖅᑎᑦᑎᔪᖅ ᑖᓐᓇ ᐃᓯᖅᑕᐅᒋᐊᖃᙱᑦᑐᒦᑎᑕᐅᓯᒪᔪᖅ ᐃᓱᓕᑎᑕᐅᔪᖅ ᐋᓐᓂᐊᖅᑐᓕᕆᔨᒃᑯᓐᓄᑦ ᖃᐅᔨᓴᖅᑕᐅᓚᐅᕐᓂᖓ ᐅᓗᕆᐊᓇᖅᑐᒥᒃ ᐳᕝᕕᕆᓂᖃᕐᒪᖔᑦ. (SARS). “ᑖᓐᓇ ᐊᑐᓃᖅᑐᖅ ᐋᓐᓂᐊᖃᙱᑦᓯᐊᖅᑐᖅ ᐊᑕᔪᓂᒃ ᑕᒡᕗᖓ ᐅᓗᕆᐊᓇᒻᒪᕆᒃᑐᓂᒃ ᐳᕝᕕᕆᓇᖅᑐᒥᒃ,” ᑖᒃᑕ ᐋᔅᕗᐊᓐ ᐅᖃᖅᑲᐅᔪᖅ. “ᑖᓐᓇ ᐱᑦᑎᐊᖅᑐᓂ ᓇᖕᒥᓂᖅ ᖃᓄᐃᓕᐅᕆᐊᕈᑎᖃᓚᐅᖅᑐᖅ, ᐊᑲᐅᑦᓯᐊᖏᓐᓂᕐᒥᓂᒃ ᖃᐅᔨᑐᐊᕋᒥ ᑕᒫᓂ ᐱᓇᓱᐊᕈᓯᑎᐅᖅᑲᐅᔪᓂ, ᑕᐃᒪᓐᓇ ᐅᔾᔨᖅᑐᕆᐊᖅᓯᒪᑦᓯᐊᕈᓐᓇᓚᐅᖅᑐᒍᑦ.” ᑖᓐᓇ ᐋᓐᓂᐊᖅᑐᓕᕆᔨᐅᔪᖅ ᐃᖅᑲᓇᐃᔭᖅᑎ, ᐃᓗᐊᖅᓴᐃᔨᐅᒋᐊᖅᑐᓚᐅᖅᑐᖅ ᐃᖃᓗᖕᓄᑦ, ᐊᑦᑕᕐᓇᖅᑐᒥᐅᙱᑦᑐᖅ ᐃᖅᑲᓇᐃᔭᓚᐅᖅᑐᖅ ᑐᕌᓐᑐᒥ. ᑖᓐᓇ ᐋᓐᓂᐊᖅᑐᓕᕆᔨᐅᔪᖅ ᓇᖕᒥᓂᖅ ᐃᓯᖅᑕᐅᒋᐊᖃᙱᑎᓚᐅᖅᑐᖅ ᐊᑲᐅᑦᓯᐊᖏᓐᓂᕋᓚᐅᖅᑎᓪᓗᒍ ᐅᓪᓛᖓᓂ ᐊᐃᐳᕈ 22, 2003. ᑕᒪᓐᓇ ᐃᓯᖅᑕᐅᒋᐊᖃᙱᓐᓂᖅ ᐃᓱᓕᑎᑕᐅᔪᖅ ᐃᓄᖕᓄᑦ ᑖᑦᓱᒪ ᑲᑎᓚᐅᖅᑕᖏᓐᓄᑦ ᐱᒋᐊᕐᓂᖓᓂ ᐱᓇᓱᐊᕈᓯᖅ. “ᓱᓕ ᐊᑦᑕᕐᓇᓗᐊᙱᑦᑐᒥᒃ ᐊᐃᑦᑐᐃᔪᖃᕈᓐᓇᖅᑐᖅ ᑕᒪᑐᒥᖓ ᐅᓗᕆᐊᓇᖅᑐᒥᒃ ᐳᕝᕕᕆᓇᖅᑐᒥᒃ ᓄᓇᕗᒥ.” ᑖᒃᑕ ᐋᔅᕗᐊᓐ ᐅᖃᖅᑲᐅᔪᖅ. ᑐᓯᒋᐊᒃᑲᓐᓂᕈᒪᒍᕕᑦ ᐅᖃᕐᕕᒋᓗᒍ: ᐋᓕᓴᓐ ᐳᕉᕈ ᑐᓴᒐᒃᓴᓕᕆᓂᕐᒧᑦ ᐅᖃᐅᔾᔨᒋᐊᖅᑎ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ, ᐃᓄᓕᕆᔨᒃᑯᓪᓗ (867) 975-5717 |