 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ, ᐊᐃᐳᕈ 22, 2003--ᐋᓐᓂᐊᕐᓇᖅᑐᓕᕆᔨᒃᑯᑦ, ᐃᓄᓕᕆᔨᒃᑯᓪᓗ ᒥᓂᔅᑕᖓᑦ ᐃᑦ ᐱᑯ ᐊᒻᒪᓗ ᓄᓇᕗᒥ ᐊᖓᔪᖅᑳᒻᒪᕆᒃ ᐋᓐᓂᐊᖅᑐᓕᕆᓪᓂᕐᒧᑦ ᑖᒃᑕ ᔨᐅᕈᑏᓐ ᐋᒡᕗᐊᓐ (Dr. Geraldine Osborne), ᓇᓗᓇᐃᖅᓯᒋᐊᖅᑐᖅ ᓄᓇᕗᒥᐅᓄᑦ ᐸᓴᒋᔭᐅᔪᖃᙱᓐᓂᖓᓂᒃ ᐅᕝᕙᓘᓐᓃᑦ ᐋᓐᓂᐊᖅᑐᖃᙱᓐᓂᖓᓂᒃ ᑕᒪᑐᒥᖓ ᐱᐅᙱᑦᑐᒥᒃ ᐳᕝᕕᕆᔾᔪᑕᐅᔪᓐᓇᖅᑐᒥᒃ ᑕᐃᔭᐅᔪᖅ ᖃᓪᓗᓈᑐᑦ ᓵᔅ SARS ᐊᕕᒃᑐᖅᓯᒪᓂᑦᑎᓐᓂ. ᑭᒃᑯᑐᐃᓐᓇᐃᑦ ᐃᓱᒫᓘᑎᖏᑦ ᓴᖅᑭᑎᑕᐅᓚᐅᕐᒪᑕ ᐋᓐᓂᐊᖅᑐᓕᕆᔨ ᐳᓛᕆᐊᖅᓯᒪᔪᖅ ᐅᖃᐅᓯᖃᓚᐅᖅᑎᓪᓗᒍ ᐊᑲᐅᑦᓯᐊᖏᓐᓂᕋᖅᑐᓂ. ᑖᓐᓇ ᐋᓐᓂᐊᖅᑐᓕᕆᔨᐅᔪᖅ ᐊᑕᓂᖃᕐᒪᑦ ᐊᑦᑕᕐᓇᖏᑦᑐᒧᑦ ᐋᓐᓂᐊᖅᑐᓕᕆᕕᖕᒧᑦ ᑐᕌᓐᑐᒥ, ᑲᒪᕕᐅᓯᒪᔪᖅ ᐸᓴᒋᔭᐅᔪᒥᒃ ᐋᓐᓂᐊᕐᓇᖅᑐᖃᕆᐊᖓ ᐊᒻᒪᓗ ᐊᑕᐅᓯᖅ ᑕᒪᑐᒥᖓ ᐋᓐᓂᐊᕐᓇᖅᑐᑖᖅᑐᕕᓂᐅᓪᓗᓂ ᓵᔅᒥᒃ. ᐅᖃᐅᓯᖃᖅᑐᖃᖅᓯᒪᙱᑦᑐᖅ ᐋᓐᓂᐊᖅᑐᓕᕆᔨᒥᒃ ᑕᒪᑐᒥᖓ ᐊᐃᑦᑐᖅᑕᕕᓂᕐᒥᑦ ᑐᕌᓐᑐᒥ ᐋᓐᓂᐊᖅᑐᓕᕆᕝᕕᐅᔪᒥᒃ. “ᐅᔾᔨᖅᑑᑎᒋᒋᐊᑦᓯᐊᖅᑐᒍ, ᑖᒃᑯᐊ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐃᓯᖅᑕᐅᑦᑕᐃᓕᑎᑦᑎᓯᒪᔪᑦ ᑖᑦᓱᒥᖓ ᐃᓄᖕᒥᑦ ᓇᖕᒥᓂᖅ ᐃᓯᖅᑕᐅᒋᐊᖃᙱᑎᑦᑐᖅ ᖃᐅᔨᓴᖅᑕᐅᓂᕐᒥᓂ. ᒫᓐᓇᐅᔪᖅ ᐅᒃᐱᕈᓲᑎᒃᓴᖅᑕᖃᙱᒻᒪᑦ ᐸᓴᒋᔭᐅᔪᖃᕐᓂᖓᓂᒃ ᐅᕝᕙᓘᓐᓃᑦ ᐊᐃᑦᑐᖅᑕᐅᓯᒪᔪᖃᕐᓂᖓᓂᒃ ᑕᒪᑐᒥᖓ ᐱᐅᙱᑦᑐᒥᒃ ᐳᕝᕕᕆᓇᖅᑐᒥᒃ SARS-ᒥᒃ ᓄᓇᕗᒥ,” ᐅᖃᖅᑲᐅᔪᖅ ᒥᓂᔅᑕ ᐲᑯ. ᑕᒪᓐᓇ ᐅᓗᕆᐊᓇᕐᓂᖓ ᐳᕝᕕᕆᓇᐅᔫᑉ ᓄᓇᕗᒥ ᒥᑭᔫᖏᓐᓇᖅᑐᖅ; ᑭᓯᐊᓂ ᓄᓇᕗᑦ ᒐᕙᒪᖏᑦ ᑕᒪᑐᒥᖓ ᐱᓕᕆᐊᖃᖅᑐᑦ ᐅᔾᔨᕆᑦᓯᐊᖅᑐᒍ. “ᐊᑖᒍᑦ ᑐᑭᒧᐊᒍᑎᓕᐊᖑᓯᒪᔪᑦ ᑲᓇᑕᒥ ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ ᑕᒪᓐᓇ ᐃᖃᓗᖕᓂ ᖃᓄᐃᓐᓂᐅᔪᖅ ᐃᒃᐱᒋᔭᐅᓗᐊᕋᔭᙱᑦᑐᖅ. ᑭᓯᐊᓂ ᐱᔾᔪᑎᒋᓪᓗᒋᑦ ᐊᑦᑕᕐᓇᕐᓂᖏᑦ ᒥᑭᓂᖅᓴᐃ ᐊᒻᒪᓗ ᐅᐸᒃᑕᐅᒐᔪᙱᓐᓂᖏᑦ ᓄᓇᓕᐅᔪᑦ, ᓄᓇᕗᑦ ᒐᕙᒪᖏᑦᑕ ᐋᓐᓂᐊᖅᑐᓕᕆᔨᖏᑦ ᐅᔾᔨᖅᑐᖅᓯᐊᖅᑐᑦ ᑭᒃᑯᑐᐃᓐᓇᐃᑦ ᐃᓱᒫᓘᑎᒋᔭᖏᓐᓂᒃ,” ᐅᖃᖅᑲᐅᔪᖅ ᑖᒃᑕ ᐋᔅᕗᐊᓐ. ᑐᓴᒐᒃᓴᓕᕆᔩᑦ ᐅᖃᕐᕕᖃᕈᓐᓇᖅᑐᑦ ᐅᕗᖓ: ᐋᓕᓴᓐ ᐳᕉᕈ ᑐᓴᖃᑦᑕᐅᑎᓕᕆᓂᕐᒧᑦ ᐅᖃᐅᔾᔨᒋᐊᖅᑎ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ, ᐃᓄᓕᕆᔨᒃᑯᓪᓗ (867) 975-5717 |