 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᐃᖃᓗᐃᑦ, ᓄᓇᕗᑦ (ᐊᐃᐳᕈ 2, 2003) - ᒪᓃᑦᑐᖅ ᑖᒻᓴᓐ, ᒥᓂᔅᑕ ᓄᓇᓖᑦ ᒐᕙᒪᓕᕆᔨᖏᓐᓄᑦ, ᐃᖏᕐᕋᔪᓕᕆᓂᕐᒧᓪᓗ, ᖁᕕᓲᔾᔨᕗᖅ ᔪᐊᑕᓐ ᑐᑐᒥᒃ ᓵᓚᒃᓴᓚᐅᕐᓂᖓᓄᑦ ᐃᓕᑕᖅᓯᔾᔪᑕᐅᔪᒥᒃ ᑕᐃᔭᐅᔪᖅ ᑖᒻ ᓛᖕᕘᑦ National Tom Longboat ᐃᓕᑕᖅᓯᔾᔪᑎᖓ ᐊᖑᑎᓄᑦ 2002-ᒥ. “ᑖᓐᓇ ᐱᒻᒪᕆᐅᔪᖅ ᐃᓕᑕᖅᓯᔾᔪᑕᐅᔪᖅ ᐊᐃᑦᑑᑕᐅᓪᓗᓂ ᑕᒻ ᓛᖕᕘᑦ National Tom Longboat ᐃᓕᑕᖅᓯᔾᔪᑎᖓ ᑭᒡᒐᖅᑐᐃᔪᓄᑦ ᐱᖁᓂᖅᐹᓂᒃ ᓄᓴᖃᖅᑳᖅᓯᒪᔪᓄᑦ ᐊᒻᒪᓗ ᐱᙳᐊᖅᑎᑦᓯᐊᕙᖕᓄᑦ,” ᐅᖃᖅᑲᐅᔪᖅ ᑖᒻᓴᓐ. “ᐅᐱᒍᓱᑦᓯᐊᖅᐳᒍᑦ ᔪᐊᑕᓐᒥᑦ. ᐆᒃᑑᑎᑦᓯᐊᕙᐅᓪᓗᓂ ᓄᖅᑲᖅᑕᐃᓕᒪᓂᕐᒧᑦ, ᐊᒻᒪᓗ ᐊᔪᐃᓐᓇᐅᑎᖃᕐᓂᕐᒧᑦ. ᑖᓐᓇ ᐆᑑᑎᑦᓯᐊᕙᐅᔪᖅ ᓄᓇᕗᒥᐅᓕᒫᓄᑦ.” ᑐᑐ ᒫᓐᓇ ᐃᓚᐅᓂᖃᖅᑐᖅ ᐱᖓᖕᓇᒥ ᕼᐋᑭᖅᑎᓂ ᑕᐃᔭᐅᔪᑦ Brandon Wheat Kings ᑕᓐᓇ ᓯᕗᓕᖅᑎᐅᖃᑕᐅᓪᓗᓂ ᐴᖅᓯᖃᑦᑕᖅᑐᓂ ᕼᐊᑭᕐᓇᐅᑎᓪᓗᒍ. ᓯᕗᓪᓕᖅᐹᖑᔪᖅ ᐃᓄᒻᒪᕆᖕᓂ ᑎᓕᔭᐅᓯᒪᓪᓗᓂ ᑲᓇᑕᒥ ᕼᐊᑭᖅᑎᒻᒪᕇᑦ ᑲᑐᔾᔨᖃᑎᒌᖏᓐᓄᑦ ᐊᒻᒪᓗ ᐃᓚᒋᔭᐅᓗᓂ ᐱᙳᐊᖃᑦᑕᕐᓂᐊᖅᑐᖅ ᑖᒃᑯᓄᖓ Nashville Predators. ᑐᑐ ᒫᓐᓇᒫᖅ ᑭᒡᒐᖅᑐᐃᓚᐅᖅᑐᖅ ᑲᓇᑕᒥ 2002-ᒥ ᓄᓇᕐᔪᐊᓂ ᒪᒃᑯᖕᓂᖅᓴᖅ ᓵᓚᒃᓴᖃᑦᑕᐅᑎᒐᓱᐊᕐᓂᖏᓐᓄᑦ ᕼᐋᑭᕐᓂᒃᑯᑦ. ᑕᒻ ᓛᖕᕘᑦ National Tom Longboat ᐃᓕᑕᖅᓯᔾᔪᑎᖓ ᑐᓂᔭᐅᕙᒃᑐᑦ ᓄᓇᖃᖅᑳᖅᓯᒪᔪᓄᑦ ᐱᙳᐊᖅᑎᓄᑦ, ᑲᑎᑎᑦᓯᔾᔪᑕᐅᕙᒃᑐᑎᒃ ᐃᖅᑭᓕᖕᓄᑦ, ᐃᓄᖕᓄᑦ, ᐃᖅᑭᓕᖕᓄᑦ ᖃᓪᓗᓈᖓᔪᓄᑦ. ᑲᑎᓪᓗᒋᑦ 31 ᐊᕕᒃᑐᖅᓯᒪᓂᐅᔪᓂ ᓂᕈᐊᒐᒃᓴᐅᓚᐅᖅᑐᑦ ᑐᓂᔭᐅᓪᓗᑎᒃ ᑖᒃᑯᓄᖓ ᓄᓇᖃᖅᑳᖅᓯᒪᔪᓂᒃ ᐃᓕᑕᖅᓯᔨᐅᔪᓂᒃ ᑕᐃᔭᐅᔪᑦ Aboriginal Sports Circle, ᓴᓚᒃᓴᖅᑐᑦ ᓂᕈᐊᖅᑕᐅᓚᐅᖅᑐᑦ ᐊᒡᒍᖅᓯᒪᓪᓗᑎᒃ ᑕᑯᒃᓴᐅᓂᖅᐹᖑᔪᖅ ᐊᖑᑎᓂ ᐊᒻᒪᓗ ᐊᕐᓇᓂ ᐱᙳᐊᖅᑎᐅᔪᓂ ᐊᒻᒪᓗ ᑕᑯᒃᓴᐅᓂᖅᐹᖑᔪᑦ ᐊᖑᑏᑦ, ᐊᕐᓇᐃᓪᓗ ᐱᙳᐊᖅᑎᓂᒃ ᐊᔭᐅᖅᑎᐅᔪᑦ ᐃᑲᔪᖅᑎᐅᔪᑦ. ᑐᑭᓯᒋᐊᕈᑎᖃᒃᑲᓐᓂᕈᒪᒍᕕᑦ, ᐅᖃᕐᕕᒋᓗᒍ: ᕕᓐᑎ ᕼᐊᓗᓇᓐ ᓄᓇᕗᑦ ᒐᕙᒪᖏᑦᑕ ᑐᓴᒐᒃᓴᓕᕆᔨᖏᑦ ᐅᖃᓘᑖ: (867) 975-6046 |