 |
|
ᐃᖃᓇᐃᔭᕐᕕᖏᑦ ᑐᓴᕋᑦᓴᓂᒃ ᑎᒍᓯᒍᓐᓇᕐᓂᖅ ᐊᒻᒪᓗ ᑲᙳᓇᖅᑐᓕᕆᓂᖅ
|
ᕕᓂᐲᒃ, ᒫᓂᑑᕙ (ᐊᐃᐳᕈ 16, 2003)-ᐊᕕᒃᑐᖅᓯᒪᓂᐅᔪᓂ ᒥᓂᔅᑕᐃᑦ ᐃᒡᓗᓕᕆᓂᕐᒧᑦ ᐊᑑᑎᖃᖅᑐᒥᒃ ᐃᑲᔪᖅᓱᖅᑕᐅᓕᖅᐳᑦ ᑲᓇᑕᒥ ᐊᕕᒃᑐᖅᓯᒪᓂᐅᖃᑕᐅᔪᑦ ᐊᓯᔾᔩᑎᑦᑎᒐᓱᐊᖅᑎᓪᓗᒋᑦ ᑖᒃᑯᐊ ᒐᕙᒪᑐᖃᒃᑯᑦ ᑮᓇᐅᔭᖅᑑᑎᒃᓴᖃᖅᑎᑦᑎᔾᔪᑎᖏᑦᑕ ᓈᓴᖅᑕᐅᖃᑦᑕᕐᓂᖏᓐᓄᑦ. ᑕᒪᓐᓇ ᐃᑲᔪᖅᓱᐃᔾᔪᑦ ᓴᖅᑭᑎᑕᐅᓚᐅᖅᑐᖅ ᑲᑎᒪᑎᓪᓗᒋᑦ ᕕᓂᐲᖕᒥ ᒐᕙᒪᑐᖃᒃᑯᑦ, ᑲᓇᑕᐅᑉ ᐅᑭᐅᖅᑕᖅᑑᓪᓗ ᐊᕕᒃᑐᖅᓯᒪᓂᖏᑦᑕ ᒥᓂᔅᑕᖏᑦ ᐱᓕᕆᐊᖃᖅᑐᑦ ᐃᒡᓗᓕᕆᓂᕐᒥᑦ. ᐅᖃᐅᓯᖃᓚᐅᖅᑐᖅ ᖃᓄᐃᓕᐅᕆᐊᕈᑎᒃᓴᓂᒃ ᐸᕐᓇᐅᑎᓂᒃ ᐅᓄᖅᓯᒋᐊᕈᑕᐅᒐᔭᖅᑐᓂᒃ ᐊᑭᑐᓗᐊᙱᑦᑐᓂᒃ ᐃᒡᓗᖃᕈᓐᓇᕐᓂᕐᒧᑦ ᐊᒻᒪᓗ ᐋᖅᑭᒋᐊᕈᑕᐅᔪᒃᓴᓂᒃ ᒫᓐᓇ ᐃᒡᓗᒋᔭᐅᔪᓄᑦ ᑲᓇᑕᓕᒫᒥ. ᓈᓴᖅᑕᐅᖃᑦᑕᕐᓂᖏᑦ ᑮᓇᐅᔭᖅᑑᑎᒃᓴᑦ ᒪᓕᖃᑦᑕᕐᓂᖏᑦ ᐃᓄᖕᒥᑦ ᐊᑕᐅᓯᕐᒥᑦ ᓈᒻᒪᖏᒻᒪᑕ ᐊᑭᓖᑎᑕᐅᓗᐊᖃᑦᑕᕐᓂᖏᑦ ᒥᑭᔪᓂ ᓄᓇᓕᐅᔪᓂ ᐃᓄᖃᓗᐊᙱᑦᑐᓂ, ᓲᕐᓗ ᑖᒃᑯᐊ ᐱᖓᓱᑦ ᐅᑭᐅᖅᑕᖅᑐᒥ ᐊᕕᒃᑐᖅᓯᒪᓂᐅᔪᑦ. ᐊᒻᒪᓗ ᑕᒪᒃᑯᐊ ᐊᑕᐅᓯᕐᒥᑦ ᐃᓄᖕᒥ ᒪᓕᖃᑦᑕᕐᓂᖅ ᑮᓇᐅᔭᖅᑑᑎᒃᓴᑎᒍᑦ ᐃᓱᒪᒋᐊᖅᓯᒪᙱᒻᒪᑕ ᐊᑭᑐᔪᒻᒪᕆᐅᓂᖓᓂᒃ ᐃᓅᒐᓱᐊᕐᓂᖅ ᑕᒪᒃᑯᓇᓂ ᐅᐸᒃᑕᐅᒐᔪᙱᑦᑐᓂ. “ᖃᐅᔨᓴᕈᑎᖃᕐᓂᖅ ᐊᓯᔾᔨᐅᑕᐅᔪᒪᔪᓂᒃ ᒫᓐᓇ ᑮᓇᐅᔭᖅᑑᑎᒃᓴᖅᑖᕈᑕᐅᕙᒃᑐᓂ ᐃᓱᒪᒋᔭᐅᒋᐊᕐᓂᖅᓴᐅᓂᐊᕐᓗᑎᒃ ᒥᑭᓂᖅᓴᑦ ᐊᕕᒃᑐᖅᓯᒪᓂᐅᔪᑦ, ᐱᓗᐊᖅᑐᒋᑦ ᔫᑳᓐ, ᓄᓇᑦᓯᐊᖅ ᐊᒻᒪᓗ ᓄᓇᕗᑦ,” ᐅᖃᖅᑲᐅᔪᖅ ᑭᐅᕙᓐ ᐃᖕ, ᓄᓇᕗᑦ ᒥᓂᔅᑕᖓᑦ ᐱᓕᕆᐊᖃᖅᑕᖅ ᐃᒡᓗᓕᕆᓂᕐᒥᑦ. “ᑲᓇᑕᒥ ᐊᕕᒃᑐᖅᓯᒪᓂᐅᖃᑎᕗᑦ ᐃᓕᑕᖅᓯᖕᒪᑕ ᓇᓂᓯᔭᕆᐊᖃᕐᓂᕐᒥᑦ ᐱᐅᓂᖅᓴᓂᒃ ᑮᓇᐅᔭᖅᑑᑎᒃᓴᖃᕈᑕᐅᓂᐊᖅᑐᓂᒃ ᐃᒡᓗᓕᐅᕐᓂᕐᒧᑦ ᐊᕕᒃᑐᖅᓯᒪᓂᐅᔪᓂ ᓄᓇᖁᑎᖃᖅᑐᓂᒃ ᒥᑭᔫᑎᓂᒃ,” ᐅᖃᖅᑲᐅᔪᖅ ᕌᔾᔭ ᐋᓕᓐ, ᓄᓇᑦᓯᐊᑉ ᒥᓂᔅᑕᖓᑦ ᐱᓕᕆᐊᖃᖅᑐᖅ ᐃᒡᓗᓕᕆᓂᕐᒧᑦ. “ᐃᓘᓐᓇᐃᓐᓄᑦ ᓈᒻᒪᖕᓂᖅᓴᓂᒃ ᐊᒻᒪᓗ ᓇᓕᒧᒋᔭᐅᔪᓂᒃ ᑮᓇᐅᔭᖅᑑᑎᒃᓴᖃᖅᑎᑕᐅᓂᕐᒧᑦ ᐋᖅᑭᐅᑎᒃᓴᖃᕆᐊᓕᒃ, ᐃᑲᔪᖅᑕᐅᖁᓪᓗᒋᑦ ᑕᒪᒃᑯᐊ ᐊᕕᒃᑐᓯᖅᒪᓂᐅᔪᓂ ᒐᕙᒪᐅᔪᑦ ᐃᓚᒋᐊᕈᑕᐅᒐᔭᖅᑐᓂᒃ ᐃᒡᓗᖁᑎᒋᔭᐅᔪᓄᑦ.” ᒥᓂᔅᑕᐃᑦ ᐅᖃᕆᐊᖅᑲᐅᔪᑦ ᐅᖃᐅᓯᖃᕐᓂᖅ ᓯᕗᓂᒃᓴᒥ ᐃᒡᓗᖃᕈᑕᐅᓂᐊᖅᑐᓂᒃ ᐱᑕᖃᕆᐊᖃᕐᓂᐊᖅᑐᑦ ᖃᓄᖅᑑᑕᐅᔪᓐᓇᕐᓗᑎᕐᒃ ᑕᒪᒃᑯᐊ ᐊᑐᓕᖅᑎᑕᐅᓂᐊᖅᑐᑦ ᐱᒋᐊᖅᑎᑕᐅᔪᓄᑦ. ᐃᓚᐅᓗᓂ ᑕᒡᕙᓂ ᖃᓄᖅᑑᕈᑎᖃᕈᓐᓇᕐᓂᕐᒧᑦ ᐃᓕᑕᕆᓯᒪᓗᒋᑦ ᑕᒪᒃᑯᐊ ᐊᒃᓱᕉᓴᒍᑕᐅᕙᒃᑐᑦ ᐅᐸᒃᑕᐅᒐᔪᙱᑦᑐᓄᑦ ᐊᒻᒪᓗ ᐅᑭᐅᖅᑕᖅᑑᑉ ᐊᕕᒃᑐᖅᓯᒪᓂᖏᓐᓂ. ᑐᑭᓯᒋᐊᕈᑎᖃᒃᑲᓐᓂᕈᒪᒍᕕᑦ ᐅᖃᕐᕕᒋᓗᒋᑦ: ᑖᓐ ᕉᑦᓕᑦᔅ ᔫᑳᓐᒥ ᐃᒡᓗᓕᕆᓂᕐᒧᑦ ᑯᐊᐳᕇᓴᓐ 1-867-667-8086 ᑐᕉ ᕕᓕᐊᒻ ᓄᓇᑦᓯᐊᑉ ᒐᕙᒪᖏᑦ 1-867-669-2304 ᐱᐅᓪ ᑭᓖ ᓄᓇᕗᑦ ᒐᕙᒪᖏᑦ 1-867-975-1317 |