ᑕᖅᓴᖏᑦ ᑐᖑᔪᖅᖢᑎᒃ ᒎᓘᓪᓗᑎᒡᓗ, ᓄᓇᐅᑉ, ᑕᕆᐅᑉ, ᓯᓚᐅᓪᓗ ᐱᒻᒪᕆᐅᓂᖏᓐᓄᑦ ᑐᑭᒋᔭᐅᓪᓗᑎᒃ. ᐊᐅᐸᖅᑐᖅ ᖃᐅᔨᒪᔾᔪᑕᐅᕗᖅ ᑲᓇᑕᒧᑦ. ᐃᓄᒃᓱᒐᐅᑉ ᑐᑭᖓ ᐅᔭᖅᑲᐃᑦ ᐋᕿᒃᓱᖅᓯᒪᓪᓗᑎᒃ ᐃᓄᖕᓄᑦ ᖃᐅᔨᒪᔾᔪᑕᐅᕙᒃᖢᑎᒃ ᐊᐅᓪᓚᖅᓯᒪᑎᓪᓗᒋᑦ, ᓇᓗᓇᐃᒃᑯᑕᕆᔭᐅᓪᓗᓂᓗ ᑐᓂᓪᓚᕐᕕᐅᕙᒃᑐᓄᑦ ᐊᓯᖏᓐᓄᓪᓗ ᐊᔾᔨᒋᔭᐅᙱᑦᑐᓄᑦ ᐃᓂᓄᑦ.

ᐅᓪᓗᕆᐊᖅ ᓂᕿᑦᓱᐃᑦᑑᕗᖅ, ᐅᐊᖕᓇᖓᓃᑦᑐᖅ ᐅᓪᓗᕆᐊᖅ ᖃᐅᔨᒪᔾᔪᑕᐅᕙᓚᐅᖅᖢᓂᓗ ᐃᖏᕐᕋᕝᕕᐅᕙᒃᑐᒃᑯᑦ. ᐅᐊᖕᓇᖓᓃᑦᑐᖅ ᐅᓪᓗᕆᐊᖅ ᑐᑭᒋᔭᐅᒋᕗᖅ ᐃᓐᓇᐃᑦ ᓯᕗᓕᐅᑎᐅᓂᖏᓐᓄᑦ ᓄᓇᓕᖕᒥᖕᓂᒃ.

ᑐᑭᖓ ᓇᓗᓇᐃᒃᑯᑕᐅᑉ

ᐅᔾᔨᕐᓇᑦᑎᐊᖅᑐᑦ ᑕᖅᓴᖏᑦ ᑐᖑᔪᖅᖢᑎᒃ ᒎᓘᓪᓗᑎᒡᓗ ᓄᓇᐅᑉ, ᑕᕆᐅᑉ ᓯᓚᐅᓪᓗ ᐱᒻᒪᕆᐅᓂᖏᓐᓄᑦ ᑐᑭᒋᔭᐅᓪᓗᓂ. ᑐᙵᕕᒋᓪᓗᓂᐅᒃ ᓴᐴᓗᑕᖅ, ᐃᓄᒃᓱᒐᖅ ᓇᓗᓇᐃᒃᑯᑕᒋᔭᐅᕗᖅ ᐅᔭᖅᑲᐃᑦ ᐋᕿᒃᓱᖅᓯᒪᓪᓗᑎᒃ ᐃᓄᖕᓄᑦ ᖃᐅᔨᒪᔾᔪᑕᐅᕙᒃᖢᑎᒃ ᐊᐅᓪᓚᖅᓯᒪᑎᓪᓗᒋᑦ ᓇᓗᓇᐃᒃᑯᑕᕆᔭᐅᓪᓗᓂᓗ ᑐᓂᓪᓚᕐᕕᐅᕙᒃᑐᓄᑦ ᐊᓯᖏᓐᓄᓪᓗ ᐊᔾᔨᒋᔭᐅᙱᑦᑐᓄᑦ ᐃᓂᓄᑦ. ᑖᓐᓇ ᖁᓪᓕᖅ, ᐃᓄᖕᓄᓪᓘᓐᓃᑦ ᐅᔭᕋᐅᓪᓗᓂ ᖃᐅᒻᒪᖅᑯᑎ, ᓇᓗᓇᐃᒃᑯᑕᐅᕗᖅ ᖃᐅᒪᓂᕐᒧᑦ ᐅᖅᑰᔪᓐᓇᕐᓂᕐᒧᓪᓗ ᐃᓚᒌᓪᓗ ᐃᓚᒌᑦᑎᐊᕐᓂᖏᓐᓄᑦ ᓄᓇᓕᖕᒥᓄᓪᓗ.

ᐃᓗᖕᒨᖓᓂᖓ ᑖᒃᑯᓇᙵᑦ ᑕᓪᓕᒪᐅᔪᓄᑦ ᒎᓘᓪᓗᑎᒃ ᐊᖕᒪᓗᖅᑐᓄᑦ ᓇᓗᓇᐃᖅᓯᔾᔪᑕᐅᕗᖅ ᐃᓅᓯᕐᒥᒃ-ᑐᓂᓯᔪᒥᒃ ᓯᕿᓂᐅᑉ ᐃᓗᒻᒧᒃᓯᒪᔫᑉ ᖁᓕᑦᑎᓐᓃᑦᑑᑉ ᐊᒃᑐᖅᓯᓂᖓᓄᑦ ᓯᓚᐅᑉ ᑭᒡᓕᖓᑕᓗ ᐊᑖᒍᑦ.

ᐅᓪᓗᕆᐊᖅ ᓂᕿᑦᓱᐃᑦᑑᕗᖅ, ᐅᐊᖕᓇᖓᓃᑦᑐᖅ ᐅᓪᓗᕆᐊᖅ, ᖃᐅᔨᒪᔾᔪᑕᐅᕙᓚᐅᖅᐳᖅ ᐃᖏᕐᕋᕝᕕᐅᕙᒃᑐᒃᑯᑦ.

ᑕᖅᓴᖓᓃᑦᑑᑉ, ᐃᒡᓗᕕᒐᖅ ᓇᓗᓇᐃᒃᑯᑕᐅᕗᖅ ᐃᓄᐃᑦ ᐃᓅᓯᕆᕙᓚᐅᖅᑕᖏᓐᓂᒃ ᐊᓐᓇᐅᒪᓇᓱᒋᐊᖃᕐᓂᕐᒥᓪᓗ.

ᑲᓇᑕᐅᑉ ᒐᕙᒪᒃᑯᖏᑕ ᓴᙱᓂᖓᑕ ᑐᑭᖓ ᑭᒃᑯᑐᐃᓐᓇᓄᑦ ᒐᕙᒪᒋᔭᐅᓪᓗᑎᒃ ᐃᓄᖕᓄᑦ ᓄᓇᕘᒥᐅᓕᒫᑦᑎᐊᓄᑦ ᐋᕿᒃᓯᔾᔪᑕᐅᓪᓗᓂᓗ ᓄᓇᕘᒧᑦ ᐱᓕᕆᖃᑎᖃᖅᖢᑎᒃ ᑲᓇᑕᐅᑉ ᓴᖅᑭᑎᑕᐅᕙᓪᓕᐊᓕᓚᐅᖅᓯᒪᓂᖓᓂᒃ.

ᑐᒃᑐᐃᓪᓗ ᑑᒑᓖᓪᓗ ᓇᓗᓇᐃᖅᓯᔾᔪᑕᐅᕗᑦ ᓄᓇᒧᑦ ᐃᒪᕐᒥᐅᑕᕐᓄᓪᓗ ᓂᕐᔪᑎᓄᑦ ᐃᓚᒋᔭᐅᔪᓄᑦ ᐃᓕᖅᑯᓯᓚᑦᑖᕆᔭᐅᕙᒃᑐᓄᑦ ᓄᓇᕘᒧᑦ.

ᑕᖅᓴᐅᑉ ᑐᙵᕕᐊ ᑕᖅᓴᖃᖅᐳᖅ ᓄᓇᒥᒃ ᑕᕆᐅᕐᒥᓪᓗ ᐱᖓᓱᓂᒡᓗ ᐊᔾᔨᒌᖏᑦᑐᓂᒃ ᑕᑯᒃᓴᐅᔪᖃᕆᓪᓗᓂ ᐅᑭᐅᖅᑕᖅᑐᒥ ᓄᓇᕋᕐᓂᒃ.