 |
 Paul Okalium Kagitauyanguami Makpiganga Uqhuryuanut Taaksiiyautiinnik Utiffaaqtitauniq TV -kutlunin Nalautikutlunin Iglukpakyuanga
Upainagiakakviitlu Tuhapkaknaituniklunin Tautuktipkainaiyutinik-
|
MLA, Iqaluit Wallikmi Atanikpakyuak Minista Maligalikiyikkut Minista Munagiyi Kablunangungitunun Havakhainun Minista Kavamalikiyikkut Niguakhiifagami aipahamun ukiuhamun MLA -ngufagami Iqaluitmi Wallikmi Feblualimi 16, 2004, Maligaliukti Paul Okalik kivgaktukuifaktaukmat kivgakpaktainin Nunavunmiutanin Atanikpakyuangufagutihanik niguakhikpaktuk. Tikuaktaugami Maasi 5, 2004 -mi hivuliuktihamik Nunavunmi Maligaliuktini hivulik ighiivautakaktuk Atanikpakyuahak aipahami ukiumi atanguyakyuanguniaktuk uvani nanminikuliktunik kavamakuni angikatigini iliugakhikpaktumik Nunavunmik uvanilu nunaini Northwest Territories -nilu. Mr. Okalik hivulikmun Maligaliuktinun niguakhikpaktuk Nunavunmi ubluani Maasi 5, 1999 niguakhikpaktudtauk maligaliukatigimiinin hivulikpanguyuktauk Atanikpakyuahamik ighiivautakalikhuni Nunavunmi. Mr. Okalik munagiyaitauk Maligalikiyikkut, Kablunangungituni Havakhaini ukuatlu Kavamalikiyikkuni. Munagiyutihait atanikpakyuangugami mihigiyutikpiaktait Nunavunmiutlu audlagutihainiklu Nunavunmi nunainilu. Aipahamini ukiumi, Atanikpakyuak iniknahuakniaktait inuit tamainun tuhakuvaktainik ighiinakhimaitumik havakniaktaitauk manitakpaligumaktut nunami atukuiyutihainiktauk havakniakhugitauk Inuit Qaujimajatuqangit atugaghainik kavamakunilu Mr. Okalik pikpagiyait inuit Nunavunmi, inuinainunlu kitkununlu atugaghainiklu Nunavunmi Kanatamitunilu nunakyuamilu. Aghuut itkumayutikaktuk inuhiinik tamaini ilihautiniklu ayuihautiniklu aghuknatkiat inminikuktununlu kanatamilu nunami audlagutihainiklu maniktakpautihait ayuihautikaligumik tamaita nunami. Atukuiyutihaugami havakuiyutihainiklu hanajutihainiklu Nunavunmi manikviini ighiinakhimaitumik havakumayait Nunavunmiunun ayuihagumaktait hanayamingnik nuutamik nunahamingnik. Kavamakununtauk kanitumik havakatigikuyait inuinainunlu kitkununlu kittunun kavamakuni munagiyainun. Hanajutikakhutik angikatigikhutik kavamakunik, Nunavut havakhanik atukuiyutainik malikpaktahait atugaghainik Kanatami pitkuyainik kavamalikiutni. Tamaita Maligaliuktiit niguakhikpaktut inminikukpakhutiktauk ihumaliugutikakhutik katimayeen niguakhikpaktut. Ukununa kavamalikiuni atugaghakakhutik aghuknatkiat Nunavunmi hanajutihainik. Ukununa atugaghainik katitinahuakpaktait havakatigiyutihainik pitkuyakyuami kavamalikiyutihainik Kablunangungitunun pitkuhiinik. Audlalihani ukiuni 1980 -ni, Mr. Okalik Atanguyauvakhunilu Aivaktimunlu umingalu Anniknatkiamik Ikayuktiuvakhunitauk Hivuliuktimun Tunngavikmi Havakviani Kanatami Kavamakiuni Nunavunmi; aghuuhutik inigahuakpaktait angigutihainik audlaahimaagakpaktunik. Sainikhikmata ukiumi 1993, Nunavunmi Nunataktuni Angigutaini angitkiyauyut nunatakatigiinik havagivaktainik Kanatami nanminiini. Mr. Okalik audlaktitaittauk iliugaiyutihainik Inuinainun Kangagalukmi Nanminiit Tutkumavikmi, Nunavunmi Umayuitikut Munagiyiinun Katimayeehamiklu, Nunavunmi Iliugaiyiit Ilihautihani Katimayeehamiklu Nunavunmi Inulikiutni Hanajutihainik Katimayeehamiklu. Ilihakvimungaufagami audlalihani 1990 -ni, Mr. Okalik ilihautiminik inikpaktait makpiganiklunilu uvani Carleton Ilihakvikyuami makpiganikhuni kavamalikiutni naunaktugalgiinik, Mr. Okalik inikpaktait maliktuhani makpiganikhunitauk Ilihakvikyuami Ottawa –mi ukiumi 1997 –milu 1997 Feblualimi 12, 1999 -milu maligalikiyikkunitauk havalikhunitauk. Mr. Okalik pingahunik nutakakaktuk, Shasta, Jordan umingalu Béatrice. Havaknaitilugutauk, una Mr. Okalik aliahutikakpaktuk anguniagiaminiklu mukpagiaminilu atikaktumik golfing. Ayuituk ukauhiinik Inuktitutlu, Kablunaktutlu ayuihalikhunitauk French –kut ukauhiiniklu. |