Tunngasugitti – aliahugitti pularngutiffingni Nunavutmi

Taimaniraaluk inungit Nunavut piangaitpaktun qulingani nunam. Piutikput aniyuq pinniqtuuplunilu nuna, kingulliit ilangat hughaungiyarhimaittun nunami.

Nunavutlu uukturniarhimayuni pighalik. Maniliurutaunahaurutin angigliyuumirutighalik nigiuktugullu piyuumigutainnik uyagaghiuliqinikkun, iqalughiuqtiliqinikkun, hanauyarnikkun, pitquhiliqinikkun, piksasuuliurniliqinikkun, aquiyuliqinikkullu atuqtaghani qulin ukiuni. Nanminiqtuunmik hilgahuktugun uvaptingnik aulapkainiin nunamiutaliqinikkun maniktautiliqiniitigullu pivaliriaptingni uukturniinik maniliurutinun pilaqutin inuit havagutainnun nunamiutaliqinikkullu.

Avikturnik Nunavutmik pilaqut Nunavut Nunaliqinikkun Angirutaanun. Kavamanga Nunavut Nunavut Tunngavik Timingalu, Inuit nanminigutaata katimayia, havaqatigiiliqtuk aghuughainahuarhutik nanminikkun-piangaiyaqnikkun amiriniinullu inuugami pitquhiin ihuarutain pighaillu Inuit Nunavutmi.

Hivumuutilluta havaqatigiighimmarniaqtugun nunaliquutin angirutinut havaqatiptingnun. Uqaqatigiitiarutikkun ihumattiaqtunga nallingniaqtaqqun iniqtirniarhimayaqqun – naammaghiyuumigutainnik tamaita Nunavunmiut hakugighiyuumiutaatigun pitquhipta angiglitaarutaanullu piangaiyautipta.

Piqattiaqtugun hailihimayunik piangaiyautinik, angigliyaaqtumik maniliurutimun pimik, takuttiarnaqtumik nunamik aatjikkutaqangittumik pitquhimik atuqatigiigutihamik Kanatamun tamaanullu nunaryuamun.

Ilautquvain aturlugu hamna pulaarvik qaritauyakkun ilitturhainik qanuq ilauyaarni pivallialiqtumun maniliurutiptignun, ilauqatauniarnik aatjikkutaittum pitquhipta ilittughainialu nanminikkun hulaqihimaittum nunapta.