Havaktingit

You are here

2015mi Hulilukaarutiit

 

2015mi Hulilukaarutiit  | Inuktut Atugakhat | Atuuyautit Qun’ngiakhallu

Havaaqhangit Iniqtilihaaqhimayut | Kinguliqmi Hulilukaaktunik | Mapirvilluangani

 

2015mi Hulilukaarutiit: Tuqhulaurutiit/Ilaruhipta 

 

Uvani ukium hulilukaarutingnik talvuuna tuqhulaurutiit/Ilaruhipta  (ilatiptingnun taidjutiit).  Pitquhititigun taihimaaqhugit atuqtauhimaaqhugit atuqniingitlu ilatiptingnun taidjutiit akhuqnaqtun Inuit inuuhiangani.  Uvani hulilukaarutmi pukuktauhimavaktuq quviahuutigiyaangat pitquhiptigun atuqhimaagiangat atuqtaurutikhangit ublumi.  Uvani hulilukaarutikharnik tautuktitihimayuq qanuq ilaruhivut, uqauhivut, pitquhivutlu katimahimayut.  

Hunauyuq Tuqhulaurutiit/Ilaruhipta?

Pitquhirnikkut, Inuit tuqhulauluayuitun allanun atingnik, atuinaqpaktun tuqhulaurutiit –ilaruhititigun taidjutitigun.   Atugiangat “tuqhulaurutiit” inuk kituluqaak tuqhulauqtakhangit ihuaqtumik ilaruhiptitigun taidjutaitigun atuqhugit atikkut taimalu avaliqangitumik ilaruhiliqiyaangat avatingnun.  Taima naunairutiqaqtuq pittiaqnikkut qanirliryumigiangatlu ilatiptingnun nunalaaptingnunlu.  Una pitquhiq hakugiktuq hadja, kihiani amigaitun inuit atuqtauluagungnaiqtaat kinguvaptitigun. 

Tuqhulaurutiit naunairutiqaqtuq atuqtaunginaqtuq Inungnin ilitugipkaiyaangat ilaruhingit, kiudjutitiyaangat ilaruhingit taidjutigiyaingitlu ilaruhingit taima qanikliyumigianganik.  Inuit atuqhutik tuqhulaurutiit naunairutiqaqtuq pittiaqnikkut qanirliryumigiangatlu ilatiptingnun.  Atiqtuiniq ilatiptingnun aulatitihimaaqpaktun pitquhiptingnik auladjutikharnik atuqhimaaquyaangatlu uvaptingnun havaqatigiittiagiangat nallaumadjutiqangman ayukhaqtuqaqqan ikayuutigiyaangat tamangnun.  Tuqhulaurutiit ikayuutigivaktuq atuqhimaaqupluta inuuhirittiaqnikkut nunalaaptingni, taima ihuinaaqluaqnaitumik ningahukhimaitumiklu.  Kihiani, pidjutikhat talvuuna tuqhulaurutiit tamaqpalialiqtun qillaminuaq. 

~ Pelagie Owlijoot,  Louise Flahertylu, Inuit Ilaruhiptigun Atirnikkut Atuqhimaaqtukhat (Inhabit Media, 2013)

Qaritauyaliqidjutikhat mapiraangit atingit uvani quiqutmi qullani

Ilangit Ihumagiyauyut Hulilukaarutikhat talvani Nunalaangini

Hamauyut ilangit ihumaliurutikhat atuqhimaaquyaangat ihumagiyauyukharnik tapkuninga tuqhulaurutiit/Ilaruhipta (ilatiptingnun taidjutiit).  Nunalaaptingni:

  • Ilauqulugit iningnikhat uqaqquplugit nallautikkut talvuuna ilaruhiptitigun taidjutitigun, atiqnik atuqhimaaquplugit, atiluagiyainiklu; 
  • Aulatitilugit nunalaani katimaviingit titiragiangat ilaruhiptingnik taidjutiinik; 
  • Atuqhimaaqulugit nunalaaqatigiyakkut atuqulugit ilaruphingnik taidjutingnik talvaniituni Uqausirmut Quviasuutiqarniq;
  • Aulatitilutin nunalaani hulilukaaktukharnik ilautqulugitlu ihumaliuqinaqtumik nunalaaqatigiyangnik uqaqhimaagiangat pitquhingnik ilaqatigiiyaangatlu ilaruhingnikkut taidjutitigun; imaalu, 
  • Katimapkailutik iliahirutikharnik ilaruhingnikkut, ikayuklugitlu ilauhimaaqtun ilaruhigiyainik naunairutikharnik talvuuna

 

 

2014mi Hulilukaarutiit 2015mi Hulilukaarutiit | 2016mi Hulilukaarutiit