Havaktingit

You are here

Laisaqangittut Nalauttagutit – Niuviqtut Ilihimatyavut

Niqiliqivik 25, 2017

Inungnut Tuhaqtipkaiyakhaq

Laisaqangittut Nalauttagutit – Niuviqtut Ilihimatyavut

Niuviqhimavit nalautagutinik takhinahuagiami taktakhanik ikayurtuqninikluniit timiuyuq nunalikgiyaqni? Taimaitkuvit, ikayuqtugahuaqlugit kihianik laisataqhimayut nalautagutit. Maligaqnik ahiguityutauyuq atuqtittangi laisaqangittumik nalautarniq Nunavutmi.

Tamna laisauyuq hapuhimayai niuviqtut timiuyuqlu atuqtitiyuq nalautarniqmik. Huliyunitkuvit, ltapkuatut bingo, takulaqtakhagiyat nalautagutinut laisa hatqiumayuq. Niuviqniahaqlutit nalauttagutmik taktakhamutluniit amuhiyukhamun, laisaqagiakha naunairtuqlugu nappalikmik nalauttagutmik, tamna nalauttagut laisaittuq ikayuqtugakhaungittuq.

Tapkuat Nunavut Nalauttagutit Piquyat ihuaqhihimayai tahapkuat ukpirniqmun tuniuqaiyitlu timiuyut pilaqtut atuqtitiniqmun nalauttaqtitiniq. Inmiguqtut nanminilgit pilaittut. Ihumaalutiqaguvit kukiktunik piplugit laisaittumik nalauttaqtitiyunik, tugaqvigilugit Piliihimat.

Timiuyut piyumayut tukhigarniqmik nalauttarniqmun laisakhamik tugaqvigilaqtat Niuvigaqtitiyut Havaktit akiittuq hivayaut talvani (866) 223-8139 qagitauyakkuqvigiluguluniit talvani nunavutlotteries@gov.nu.ca.

Tuhaqpaligiami, takulugu Niuvigaqtitiyut Havaktit Havakviat Nunalingni Kavamatkunnilu Pivikhaqautikkut qagitauyakkuvia talvani http://www.gov.nu.ca/community-and-government-services.

###

Tuhaqtipkainikkut:

Kris Mullaly
Maligaqnik Qauyihaiyi/Tuhaumatyutit Havakti
Nunalingni Kavamatkunillu Pivikhaqautikkunni
867-975-5342
kmullaly@gov.nu.ca