Havaktingit

You are here

Urhuliqiyitkunni Havakvia

Uvaptingnik

Urhuliqiyitkunni Havakvia (PPD) munagihimaanginaqtun tuyuqtauyukharnik, tutqumavikharnik, tuniqhaiyukharniklu Nunavutim urhuqyuakharnik.

Una qaritauyaliqidjutikhaq tunihiniaqtuq ilingnun naunairutingnik talvuuna PPD-nik, nauyugakhaingit urhuqyuangit tutqumavikhangit, qanurlu aulatitiniaqtugut. Nalvaaqhinialiqtutinlu titiraqhimayumik urhuqyuanik tuyuqtauhimaaqtukharnik kaantulaaliqiyunik, niuvaivikharnik akikhangit, urhuqyuakhangit naunairutingnik, urhuqyuangit qanuritmangaat, naunairutikharniklu talvuuna qanuq atukiutiliqiyaanganiklu niuviqtukharnik, ilitugidjutikharniklu titirangnik kuviqagumik urhuqyuanik nunalaani.

Ilituquhinga

PPD-kut ilitugipkaktauvakhimayut 1972mi tuyugianganik urhuqluinik Nunatsiarmi. 1994mi, ataniqarvingit talvani PPDmi nuutpakhimayut talvanga Yalunaimi Kangiqliqnirmun taima ataniqarvia havagviat aulayuituq talvani ublumi. 1999mi, munagidjutikhangit PPDnik nuutiqtauvakhimayut Nunavut Kavamatkunun.

1999mi, PPD tuyukpakhimayut 110 milian liitanik urhuqharnik Nunavunmiunun. Ublumi, PPDkut tuyuqtauhimaanginaqtun taima 215nik milian liitaanik urhuqlungnik, taima ilauqaqtuq taima ukiumi angikliyumirutikharnik aulavikharnik nallautiqhimayumik taima 4.5 pusanmik.

Naunaiyagiikhimayuq Atuqtauhimaaqtukharnik

Alapaanaqpiaqtuq hilahiutingit tuqhulaurutiqaqhimayuq taima ihuaqtunik urhuqharnik naunairutikharnik taima munagiyaangat anginirmik ingniqutikharnik atuqhimaaqtangitnik. Ilauyunik talvani Kanaitian Naunaitun Atuqhimaaqtukharnik Katimayiit (CGSB), Urhuqyualiqiyut Havagviit (PPD) ilauyukharnik Nunavutim ihumagiyainik talvani pivalliadjutikharnik urhuqyuanik atuqtakharnik tamangni Ukiuktaqtuniitun aviktuqviangani.

Ingniqutikhangit puplaktuutikhangit (RPV) aulatitivaktun ingniqutikhatin alapaanaqhigaangat hila; qungmukyumiqhimaligaangat ikiturutaa ingnirvik ikilikpaktuq. 2013mi, PPDkut tukhiqpaktun urhuqhangit tukhiqtunik qungmukyumiqhimalikpaktun RVP-ngit gaasiliiqtuqtukharnik kiklikvikharnun pigiaqaqtun uvani CGSB-ngit Atuqtakhainik. Angikliyumigaangat atuqtakhaingit tunihimaarniaqtun ilauyukharnik munagidjutikharnik tamangnun akhaluutiqaqtunik taima aulainaqtuniklu nunamun.

Naunaiqyumirumaguvit talvuuna Nunavutim urhuqyuakhangit atuqtakhainik, naqitlutin hamunga.

Malikhautikhangit Maniliqinikkutlu

PPDkut aulavaktun uvani Aulahimaaqtunik Maniktaqvikharnik Maligarni. Tamna Maligaq naunaigiikhimayuq taima ingniqutikhanga niuvigianganik, ingilratitiyaanganik, niuvailiqiyaangat, tuniqhaiyaangat, niuvrutigiyaangat ihuaqhaqtauhimayunik urhuqyuakhangit nunalaanun talvani Nunavunmi nunalaanun qayangnairutikharnik, maniliurutikharnik, ihuaqtukharnik pigiaqaqtuniklu ihuaqtumik.

Tamna Urhuqyualiqiyut Aulahimaaqtun Maniktaqvikhangit (PPRF) maniqidjutikharnik hanaqidjutikhalik taima tuniyaangat ikayuutikharnik niuvigianganik tuniqhaiyaangatlu urhuqyuangit atuqtaunginaqtun ukiuk tamaat Nunavunmi nunalaangitni. Tamna PPRFngit aulahimayuq aadjikiivyaktumik havagvikyuangit taimaitunik atukiktiutikharnik taima atuqtauyukhat talvani nanminiqaqtunik havagvingmi maniliiqiyukharnik atukiktiutikharnik pigiaqaqtun manikharnik piutigiyaingitlu. Talvuuna una maniktaqvikharnik, tamna PPD-kut akikhangit akituqyumirutiqaqtunik manikharnik talvanga niuvrutauyukharnin urhuqyuakharnik.

Tamna PPRFngit tunihimaaqtun havaktunik maniit atuqtauyut akiligiiktukharnik maningnik piutigiyainik, atukiktiutikharnik akilikhimayunik, auladjutikharnik akikhangit, unalu ihuaqharhimayut taaksikhangit. Angirutiqaqtun kiklivikhaqaqtun tamna PPRFngit imaa itun $200 milian tallamik, taima kikligiyaa manikhat taima piutigiyaingit avatqugiaqaqtun akiiktuutikhangit ihuinarutiqaqqanik.  PPDkut atuqtukhat talvuuna Maligarni utiqtitukhat manikhat talvanga PPRFmin talvuuna niuvailiqiyunik niuviqtunik.

Kihiani tamna Maligaq atuquyuq taima PPRFnik aulatitiyaangat "maniliuluangitunik" aulavikharnik, tamna akituqyumirutikhangit urhuqluingit niuvailiqiyunik hivulliqtiginiaqtuq akikhangit akituqyumirutikhangit talvani ukiunganik maniliukhimayainik maniliuluangituniklu. Tamna Urhuqyualiqiyut Namadjutikhangit Maniktaqvingit (PPSF) havagiikhimaliqtuq taima urhuqyuakhangit akikhangit allanguqtilimaitaanganik ukiuk tamaat piqagianganik ukuninga piqangitun. Kiklivikhanga tamna PPSFngit imaatun ituq +/-$10 milian tallamik, aulagiikhimaliqan ihuaqhaidjutikhangit talvanga utiqtitihimayukhangit manik talvunga Nunavut Kavamanmun atugiaqagumik. Tamna PPSFngit katitiqhimayut maniliukhimayaingit tamaiyaingitlu maniit talvani PPRFmi unalu aadjikiikhimaliktunlu talvunga maniliukhimayainik atukiuktikharnik ilitugidjutikhimayut talvani maniliqidjutikharnik naunaitkutingnik titiraqhimayuq talvani nanminiqaqtunik havagvingni nayugaani.

Nunalaangit Kaantulaaliqiyunik Naunairutikhangit

Tapkuninga iniqhimayumik titiraqhimayut kaantulaaliqiyut pigiaqaqtuniklu urhuqyuakharnik Nunavunmi, naqitaqluhi hamunga.

Urhuqluit Imaitut

Tamna Urhuqyualiqiyut Havagviat (PPD) niuviqpaktun urhuqyuanik auyami talvuuna umiaqyuat agyaqtuutit aulaligaangamik uvaniluuniit ukiungugaangamik tatqikhiutingit (niuvingnagikpaktut), talvuuna ihumaliunikkut niuvailiqiyut atuqpagaingit. PPDkut niuvikpaktun Nunavutim urhuqyuakhaingit talvuuna malrungnik niuvailiqiyunik ingilradjutikhangitlu kaantulaaqhangit talvani Woodward's Oil Limitedmin (Woodward's). Urhuqluit nauaitun hanaqidjutikhangit talvani urhugikhiliuqtunik havagviini talvani Kivataani Hinigaini Kanatami, talvani Unaitit Staitsmi uvaniluuniit, aadjikiiktumi hanaqidjutikharnik, tariuqyuam akunganiitunik nunaqyuanganik talvanga Finladmi Japanmiluuniit. Tamaita katitiqhimayut urhuqluikhangit ingilratiqhimayut Nunavunmun talvanga Kivataanin Hinigaini Kanatami talvuuna tariukkuunginaqtun umiaqyuangit piutigiyaingit aulatitivakhimayutlu tapkuninga Woodward'smi.

Urhuqyuangit Naunaitkutikhangit

Urhuqyuangit qanuritmangaat CAN/CGSB Nunavut Kavamatkut Allatqinguyut Urhuqyuakhat

Akhaluutiqyuangit Urhuqhait 3.517-2007 Unaqpalaangitumi Aulagiaqaqtun - Nuvuyangit Kiklivingit -43◦Cmik

 Alruyaqtuqtunik Auladjutiqaqtunik - 100pS/m ikiniqaqtuq @4◦Cmik

 Cetanemik - nallaumayukhaq ingniqutit ASTM D613 ingniqutit ihivriudjutikharnik

Urhuryuaq

 3.517-2015  

Akhaluutit Gaasiliikhangit 3.5-2011 Nuutaanguqtiqhimayut Nampa 2 Nallaumaninga 3, Naunaitkutmi D

 Kiluutaqtaaqtunik Ingniqutiqaqtun - kikilivikhalik 92mik

 Puyuuqnik Puplaqaqtunik - kiklivikhalik 95kPa-nik

 Anirnirutikhangit - Taaqniliqiqangituq, MTBEnik 

Tingmitit Urhuqhangit 3.23-2012nik

 Nuutaanguqtihimayuq Nampa 2nik Piqaqtunik - Jet A-1nik

 Alruyaqtuqtunik Auladjutiqaqtunik - kikliniqaqtunik 250pS/m ikiniqaqtuq @4◦Cmik

Urhuqyuangit Tutqumavikhangit

Urhuqyuaqhangit tamangni nunalaani tutqukhimayut Urhuqyualiqivium Nayugaani, taima ilangit urhuqhangit tutquqtauvakhimayut nayugainun milvingmi Jetnik Urhuqhaanik. Naunaiyagiikhimayuq Urhuqyuaqarviit tatadjutikhangit nalvaaqtaugiaqaqtun ataani uvani. Ihuaqhairutikhangit urhuqyuangit tutqumavikhangit havagiikhimalikmiyut amigaitunik nunalaani talvuuna 10nik ukiungani havaktauhimaarniaqtun. Ihuaqhaidjutikhangit naunaiyainiatun talvuuna anginirmik katitiqvikhaqaqtunik qullirutitigun qanuritmangangitlu urhuqyuaqarviit. Urhuyuaqarviit tutqumavingit nalvaaqtauvakhimayut tamangnin nunalaani tutquktigiyaangat avatqutikhangit uqhuqyuakharnik talvuuna amigaqhuutiqaqqan mikhaatigun atuqtukharnik.

Urhuqyuangit Niuvailiqidjutikhangit Akikhanit Titiraqhimayut

Urhuqyuangit akingit tamangni nunalaani naunaiyagiikhimavakhimayut talvuuna Maniliqiyut Munagihimaaqtun Katimayiingit, naunaiyagiikhimayut talvuuna amigaitunik atuqtauhimaaqtunik. Ukuat amigaitun atuqtauhimaaqtukhat naunayagiikhimayut hunavaluit akingit, ingilradjutikhangit akikhangit, auladjutikhangitlu ihuaqhaidjutikharniklu akiliktakhangit hunavaluitlu akikhilaarutiqaqtunik. Tamna niuvailiqiyunik akikhangit naunaiyagiikhimayut ukiuk tamaat atuqtauhimaarnik, talvuuna ukiumi urhuqyuakhangit tuyuqtauhimaaqtunik umiakkut auladjutikhatigun.

Talvuuna amigaitunik Niuvailiqiyunik Akingit Titiraqhimayut nuitiqtauvakhimayut tamaini Nunavunmi nunalaani talvuuna Ubluqtuhirvia 30mi, 2017mi. Una allanguqtirutikhanga talvuuna niuvailiqinikkut akikhangit aulavakhimayuq talvuuna allanguqtiqhimayunik talvani nunaqyuam niuvailiqiyunik akitigun, ihivgiudjutikhatigun tuyuqtauyukharnik akikhangit tamangni aviktuqvingmi atuqtakharniklu naunaiyagiikhimayunik akiliktuiyukharnik naunairutmi. Ukuat allanguqtiqhimayut naunairutiqaqpakhimayut talvuuna ikiklilaarutikharnik niuvailiqidjutikhangit akingit tamainik nunalaangit naunairutingniklu tapkuninga urhuqyuangit urhuqluingit.

http://www.gov.nu.ca/sites/default/files/ppd_retail_price_list_jan_30_20...

Atukiutikhangit Niuvrutikhangit

Urhuqyuangit tamangni nunalaani niuviqtaugiaqaqtun talvuuna iglunik havagviiniklu havagviangit ikayuktikhailiunginaqtunik talvuuna nunalaani kaantulaaliqiyunik talvuuna manikkkut atukiutikharnikluuniit talvani PPDkutni.

Uuktugiaqaqtun PPDnik atukiutikharnik atugarvikharnik:

Iniqtiqlugu Atukiuktiqarvikhat Uuktuutikhaq Titiraq [A14]

Naunaiyailugu iliugaqtauyukhaq katitiqhimayuq atuqlutin nanminigiyangnik maniliurutikharnik, maningnik tuyuqtauyukharnik umingaluuniit atukiutikharnik angirutikharnik titirangnik (pigiaqaqtun talvanga maniliqivingmi).

Iliugaqtauyukhaq talvani Igluqaqtunik Atukiutikharnik taima - $300.00 tallamik.

Iliugaqtauyukhaq talvani Nanminiqaqtunik Havagvingmik Atukiutikharnik taima - $1,000.00 tallamik.

Tuyuqlugu Uuktuutikhaq atukiutikharnik unalu iliugaqtauyukhaq mani talvunga PPD Ataniqarviat Havagvianun.

Nunalingni Kavamatkunillu Pivikhaqautikkut

 Urhuqyualiqiyut Havagviat

 Nunavut Kavamanga

Quiquta 590

 Kangiqliniq, Nunavut

 X0C 0G0

 Kayumiktukkut: (867) 645-3554

Angirutiqaqtun uuktuqtunik ilitugipkaktauniaqtun tapfumingalu atukiutikharnik aulatitiniaqtun tapfumanun. Aulatitiyaangat uuktuutikhangit aulagiaqaqtun qaffiuyunik havainingnik.

Tamna atukiutikhat uuktuutikhaq angiktaungitkumi, manikhat utiqtauniaqtuq ilingnun. Angirutigiikhimayut atukiutikhangit uuktuqtunik iliugaqtakhangit pihimayauniaqtuq ihuarutiqaqtinanik atukiutikhangit havagiikhimaligumi (pingahunik tatqikhiutinik ikaaknikhangit akiliktauniaqtun) umingaluuniit tamna atukiutikhangit umikhimaniaqtun uuktuqtunik atukiutikharnik.

Invoices for fuel services must be paid within 30 days of being invoiced.

Apiqutiqaguvit ihumaalutiqaguvitluuniit uuktugiaqaqtutin atukiutiqarvingnun talvani PPD-kutni, hivayaqlugu tamna Maniliqiyiluaq Atanguyaq qaritauyakkut hivayautikkutluuniit uumunga (867) 645-8425.  JGreen@gov.nu.ca

Avatiliqinikkut Atuqhimaaqtakharnik

PPDkut munagihimaanginaqtun naunaiyaiyaangat ihuaqtunik kiudjutikharnik halumaqtiqtukhatlu kuvihimayunik urhuqyuanik aulahimayut talvani tutqumahimayunik tuniqhaihimaaqtuniklu urhuqluinik tamaini nunaptingni. Una ilauhimayuq munagidjutikharnik munagiyaangatlu kuvihimayunik kiudjutikharnik tamainik urhuqyualiqiyunik kaantulaangit tamaini Nunavunmi naunaiyaiyaangat qayangnairutikharnik Nunavunmiunun unalu avatiliqinikkut munagidjutikharnik nunaptingni nunagiyainik.

Kituliqaak nunalaangit kiudjutikharnik upalungairutikharnik pivalliahimavakhimayut tuniqhaivakhimayutlu tamainun nunalaani avatingni Nunavunmi. Tuniyaangat malikhautikharnik talvunga kaantulaaliqiyunik inungnunlu kiuyunik kuvihimayunik. Ukuat upalungairutikharnik malikhautiniaqtun tamainun aulayunik malikhautikharnik, ilauyut Avatiliqiyikkut Kanatami, Ingilrayuliqiyikkut Kanatami unalu Kanaitian Umiakyuangit Munagihimaaqtuq, unalu Nunaqyuaptingnik Kiudjutikharnik Upalungairutikharnik havaktauhimaaqtunik.

PPdkut munagihimaaqtun piutigiyainik talvuuna kuvihimayunik kiuyukharnik hanalrutikharnik tamangni nunalaani munagiyauhimayut talvuuna nunalaani urhuqyualiqiyunik kaantulaaliqiyunik. Kuvihimayut kiudjutikhangit ingilrutikhangit ilauhimayut, kikliqangituniklu talvuuna, miluktigiaqaqtun urhuqnik maniulitangit, miluktigiaqaqtun avataitikhangit, nanminikkut munagidjutikharnik aanuraaqhangit, amingnaqtunik qayangnaqtunik puukhangit.

Tamna Kanaitian Umiakyuangit Munagihimaaqtuq piqaqtunlu kuvihimayunik kiudjutikharnik ingilrutikharnik pigiaqaqtun taima amigaitunik nunalaani avatingni Nunavunmi. Nunalaangit ilauyut ukuat Kugluktuk, Iqaluktuuttiaq (Ikaluktutiak), Urhuqtuuq, Qausuittuq, Ikpiaryuk, Mittimatalik, Kangiqtugaapik, Qikiqtarjuaq, Pangnirtung, Iqaluit, Kimmirut, Kinngait, Salliq, Qamanittuaq, Igluligaaryuk, Kaniqliniqlu. Tamna ingilrutikhangit pigaqaqtun tamaini avatingniitunik PPDkut havagviani, uvaluuniit Palihimatkuni.

Taima amigaqhuutiqaqqan kuvihimayumik ayungnautiqagumi, Nunavunmiut hivayaqtukhat talvunga 24nik ikaakninik angmaumainaqtumun aulatitihimayuq tapkuninga Kavamatkungit Nunatsiaqmi:

Hivayauta: (867) 920-8130

Kayumiktukkut: (867) 873-6924

(Qaritauyakkut) spills@gov.nu.ca