Havaktingit

You are here

Nunavunmi Ilihaiyinut Naunaitkunmik Pivikhaqautit

Nunavunmi Atannguyaunirmik Naunaitkutit

Ilagiyakhanik Nunavunmi ilihaiyit naunaitkutanut atannguyat tuklia atannguyat Nunavunmi ilihakhimayukhauyut pidjutikhamingnik naunaitkutimik pittaarutikhamingnik atannguyauyumagumik Nunavunmi pingahuni ukiuni ubluanit aullaqtirvingmingnit atannguyaunirmik uvaluuniit tuklia atannguyap. Hana naunaitkutikhaniutikhaq ikayuutauvaktuq iliharvikhanik atannguyaunirmik Nunavunmi ilihaqtamingnik atuqtakhanik  ilihaqtatiklu aturahuakhugit. Hapkuat piqaqtut malrungnik 500-level iliharvikhanik ukungninga (ED 509 umingalu  ED 511) talvanga Naunaitkutikhat Ilinniaqtuliqiyitkut Atannguyat Nunavunmi (Certificate of Educational Leadership in Nunavut) (CELN) iliharvikhat, ilihaqtitauvaktut Nunavunmi talvanga University of Prince Edward Island (UPEI). Naunaitkutikhat Ilinniaqtuliqiyitkut Atannguyat Nunavunmi (CELN) naunaitkutikhanik iliharvikhangit atannguyat, tuklia-atannguyat, allallu iliharvingni ataniuyunut. Naunaitkutikhat piyauvaktuq iniqtiriyarangamik ilihaqtamingnik havaktamingnik turrangayunik iliharvingni atannguyaunirmut Nunavunmi,hapkuallu hivulliutiyakhainik Nunavunmi ilihautikhannnnik atuqtauyukhanik, naunaiqtauhimayut havagviani Ukiumut Upalungaiyautani.

Naunaitkutikhat Ilinniaqtuliqiyitkut Atannguyat Nunavunmi (CELN) Ilihautikhat Naunaiqtauhimayut

http://www.ntip.gov.nu.ca/content/aliquam-antehabeo

Taamna Iliharvikni Atannguyani Naunaitkutauyuni makpiraaq uvani qulaani atatjutimi pilimaittuq kihiani atannguyaq itirhimakpat uumunga NTIP qaritauyakkuurutimun.

Nunavunmi Ilihaiyinut Naunaitkunmik Pivikhaqautit

Nunavunmi Ilihaiyinut Naunaitkutamik Pivikhaqautit (NECS-kut) munakhiyut tunihidjutikhainut ilihaiyit naunaitkutamik tamainut Nunavunmi ilihaiyinut. Ilihaiyit Naunaitkutikhait tuniyauvaktut ayuiqhattiakhimdjutainut ilihaiyip ihuaqhautauvaktullu akiliuhiakhaanut ilihaiyip havaaniktitauyangangata. Ilihaiyit Naunaitkutiat atuqtauyut ilihaiyit ilihaudjiyangini allatqiiktunik ilihautikhanik puqtuniiniklu ilihaqtut.

Ilihaudjiguvit Nunavunmi  iliharvingmi, nutaamik piaqatukhauyutit Nunavunmi Ilihaiyinut Naunaitkunmik. Piqangitkuvit naunaikunmi imatutluunniit nakuuhuiqnialiqqat, adjiliuqlutit titiraqlugullu ihuaktuq uuktuutikhaq makpiraaq.

NECS-kut tunihivaktut Titiqanik Ayuiqhattiaqhimayunut Piqaqtunut (SOPS-mik) Nunavunmi Ilihaiyiuhimayunut uvaluunniit nutiqnahuaqtunut avikturnianit alllanut nunataguyunut. Aadjiliuqlutit titiraqlugullu titiraqtakhaq Titiqanik Ayuiqhattiaqhimayunut Piqaqtunut (SOPS-mik) titiqamik tukhiqlutit.

 

Ilihaiyinut Makpiranginik Atiliuqhirviat - TeacherRegistrar@gov.nu.ca

Ilihaiyinut Atiliuqhirviani Tungahugiti

 

 

Akiliuhiakhanut Ihivriukhidjutikhanik

Ilihaiyinut Makpiranginik Atiliuqhirviat, Nunavunmi Ilihaiyinut Naunaitkunmik Pivikhaqautit,ihuakhaiyukhauyut hivuliqpaamik akiliuhiarutikhangnut aktilakhanut umungallu  Akiliuhiakhanut Ihivriukhidjutikhanik ihuakhautigiplugit nutaat tuniyauhimayut ilihaqtamingnit inniutitit. Ilihaiyi tukhiqtaaqtuq akiliuhiakhanut ihivriukhidjutikhanik inikhigumi allanik ilihaqpalliarutikhaminik unalu/uvaluunniit inikhigumi Ilihautinut Naunaitkutamik. (Naunaiktakhatit: Ilinniarnirnut Ilihautikhanit ilitaritauyuinarnit iliharvigyuanit university-nitlu ihuaqtut piyauttaaktut angiqtauvaktut.)

 

Akiliuhiakhanut Ihivriukhidjutikhanik piyauttaaqtuq hapkuat hitamauyut auladjutikhait.

Auladjutikhait  1: Ilihaiyi tukhiqtaa una akiliuhiakhanut Ihivriukhidjutikhanik. Titiraqtukhauyuq uminga akiliuhiakhanut ihivriukhidjutikhanik Titiqamik tuyuutigilugullu uvunga Ilihaiyinut Makpiranginik Atiliuqhirviat ilaliutilugit tamaita tuyuutikhanut makpiraat naunaitkutaanik ilihauttimingnit. Ilittariyauhimayuinnait  naunaitkutaanik ilihauttimingnit tuyutauvaktut uvunga  Nunavunmi Ilihaiyinut Naunaitkunmik Pivikhaqautit  iliharvigyuanit tuyuutauhimayut piyauttaaktut. (Naunaiktakhatit: Nunavunmi Ilihaiyinut Naunaitkunmik Pivikhaqautit (NECS-kut) piqangitkumik naunaitkutaanik ilihautingnut atuqtakhanik tuniyaulraaravit Naunaitkutakhamik, ilihaiyi tukhiqtukhauyuq TAMAINIT iliharvikyuanit iliharvigihimayaminit.)

Auladjutikhait 2: Ilihaiyinut Makpiranginik Atiliuqhirviat ihivriuqtauvvaakpaktut akiliuhiakhanut naunaiyautait 15-ni ublut tuyutauhimayut makpiraatit tikilvianit. Naunaiyautait iniqtauyarangata, inikhihunguyuq Akiliuhiahianut Ihuakhautikhanik Ilihaiyip Titiraqarvianut Titiqamik. Hamna titiraq aullaqtitauniaqtuq kayumiktukkut Avikturniani Iliharviit Aulapkaivianut imatutlu titraq titraqarvikut aullaqtitauniaqtuq ilihaiyimut.

Auladjutikhait 3: Ilihaiyip ihuarigumiuk akiliuhiakhanut ihivriukhivadjutikhat, qanuriliugakhaittuq.

Auladjutikhait 4: Ilihaiyip ihuartingitkumiuk una Akiliuhiakhanut Ihivriukhidjutikhanik, ihuiguhutainut Ihumagiyauyumut akiliuhiakhanut tunittaaktaa Ihumaliutqiutikkut.

 

Akiliuhiakhanut Ihumaliutqiutikkut

Ilihaiyi titiraqtaaktuq ukununga Ilihaiyinut Makpiranginik Atiliuqhirviat, apirittaaktut ihivriukhitquyilutik ihumaliurutanik huuq akiliuhiakhamik aktilaakhanut iliyauhimayangmik. Apirikhidjutit tikidjutaani Ilihaiyinut Makpiranginik Atiliuqhirviat tuyuutiginiaqtat apikhidjutit tamaitallu titiqat ihuaqtut pihimayatik ikhivautaqmut ukuat Nunavunmi Ilihaiyit Ayuiqhaqtamikkut Pivikhaqautit.

Nunavunmi Ilihaiyit Ayuiqhaqtamikkut Pivikhaqautit ihivriuqpaktait naunaiyautikhat tuyuutait Ilihaiyinut Makpiranginik Atiliuqhirviat piniaqtut, tikitpata naunaikyautit, uqaqlutikllu ihumalurutaanik Ilihaiyinut Makpiranginik Atiliuqhirviat. Ikhivautaq uqautiniaqta Ilihaiyinut Makpiranginik Atiliuqhirviat, titirarvigilugullu, ihumaliurutaanik titiraqlunillu huuq taimailiurutaanik. Ilihaiyinut Makpiranginik Atiliuqhirviat titiraqhunguyuq ilihaiyimut ihumaliurutimingnik huuqlu taimailiuriamingnik Nunavunmi Ilihaiyit Ayuiqhaqtamikkut Pivikhaqautit. Ihumaliurutaat ukuat Nunavunmi Ilihaiyit Ayuiqhaqtamikkut Pivikhaqautit iniqtauyuq ahiagulimaittuq.

 

Ilitturittiarumaguvit ilihaiyit naunaitkutikhaanik, SOPS-kutlu, uvaluiunniit akiliuhiakhanut ihivriurutikhanut, uqaqvikhatit:

Nunavunmi Ilihaiyinut Naunaitkunmik Pivikhaqautit
Ilihautikhaliriyiit illhaqtuliqiniillu
Ilinniaqtuliqiyitkut
PO Box 1000, Station 900
Iqaluit, Nunavut, X0A 0H0
Hivayauta: (867) 975-5600 (EST)