Havaktingit

You are here

Havaaqhatiliqinirnun Angirutikhangit

Havaaqhatiliqinirnun maniktaqvikhangit angirutiqaliqtun Kanatam Gavamangit (GoC) ikayuutikharnik katitigiikhimayut havaaqhatiliqinirnun havaaqhangit ikayuutikhangitlu tuniyauhimayut Nunavunmi.  Ukuat angirutikhangit naunaiyainiaqtuq angirutikharnik nampanun Nunavunmiunik talvanga Nunavut Gavamangit maniktaqviani avaliitkumi piyaangat ayuiqhautikharnik ilihairutikharniklu, hivumuuryumigianganik havaakhahiugiangat avatqutaqhimaangatlu ayungnautigivaktainik ilauyaangat talvani havaakhaqhiurnikkut.    

 

Hadjamun, Nunavut Gavamangit pihimayut pingahunik havaaqhaqhiungnikkut angirutikharnik tapkuninga Gavamatkuni Kanatami: 

 

1.  Kanatami – Nunavunmi Havaaqhahiuniq Pivalliadjutikhaq Angirut (LMDA) pivalliayaangat Nunavunmiut aituiyaangat havaaqhahiuniq pivalliadjutikharnik havaaqhangit Havakhimaagiangat Qullangnaiyaugutikharnik (EI) pigiaqaqtun uuktuqtukharnik ukiuktaqtumi taima piiyaangat havagianganiklu havaanganik.  Tamna LMDA-ngit atiqtauvakhimayut 2000mi.

LMDA-ngit maniktaqvikhaq tuniutivaktuq:

  • Ayuittiarutikharnik pivalliadjutikharnik talvuuna Iningniit Ilihaiyunun Ayuiqhaqtununlu Ikayuktiuyut (ALTS) ilihairutikhaq;
  • Havakhutik ayuiqhayut talvuuna Ayuiqharnikkut Havakhimaaqhutik (TOJ) ilihairutikhaq;
  • Havaaqhahiuhimaaqtunik ilauyukharnik havaanganunlu upalungaiyaiyut talvuuna Havakhaqhiuqtunun Ikayuktiuyut (EAS);
  • Havaagumayamingnun talvuuna nuutaanguyuq Nunavut Havaagumayamingnun Hanaqidjutikhaq (NEI) ilihairutikhaq ayuiqhautikharlu talvuuna Atuqtauluaqtukharnik Ayuiqhautikhat Hanaqidjutikhaq (TTI) ilihairutikhaq.

 

2.  Kanatami – Nunavunmi Havaanganik Maniktaqvikhangit Angirutikhaq (CNJF) aituihimaaqtuq malrungnun aviktuqvingnun ayuiqhautikharnik hanaqidjutikharnik.

Tamna Kanatami – Nunavunmi Havaanganik Aituutikhaq aulaniaqtuq atuquhimaagiangat anginirnun havaktitiunun ilauyukharnik talvuuna ayuiqhautinirnik.  Kanatami – Nunavunmi Havaanganik Aituutikhakut (CNJG) ihumagiluaqniaqtun ayuittiarutingnik pivalliadjutikharnik aituihimaaqhugit havaktitiut ayuiqhautikharnik aituutikharnik havaktunun ilauyaangat ayuiqhautikharnik hivulliqtiniaqtun ihuaqtunun havaanganun anginirmiklu manikhaqhimaagiangat havagvingni.

Kanatami – Nunavunmi Havaanganik Maniktaqvikhaq maniktaqviingit ikayuutihimaaqpaktuq ayuiqhautikharnik hanaqidjutikharnik havaaqhangit ikayuutikhangitlu inungnun tamangnun EI-nguyut EI-ngungitununlu ilaugiaqaqtunik:

  • Tamna Kanatami – Nunavunmi Havaanganik Aituutikhakut (CNJG) atiqtauvakhimayuq 2014mi himautauhimayuq kinguliuyuq Kanatami – Nunavunmi Havaaqhahiungnikkut Angirutikhaq (LMA).

 

3.  Tamna Kanatami – Nunavunmi Havaaqhahiuqtunun Angirutikhaq inungnun ayungnautiqaqtunik timimingni (LMAPD) nallaumayuq ihuaqhaidjutikharnik havakhimaaqtukharnik iniqtirutingnun ayungnautiqaqtunik Nunavunmi.  Tamna LMAPD-nguyuq atiqtauvakhimayuq 2014mi.

 

Pingahuuyut hivunikhangit iluaniitun uvani angirutmi. Ukuat ilauhimayut uvani:

  • Ihuaqyumiqtitiyaangat havagianganik inungnik ayungnautiqaqtunik;
  • Angikliyumiqtitiyaangat havaaharnun uuktugiaqaqtunik inungnun ayungnautiqaqtunik, ihuaqtumik ilituqhainikkut havaktitiungit pidjutikharnik, unalu;
  • Tautuktitihimaaqlugit atuqtakhangit ihuatqiyauyut atuqniingit Kanatianun ukuninga maniknun atuqtangit tautuminaqtunik talvuuna anginirmik havakhaqhiurnikkut ilauyukharnik inungnun ayungnautiqaqtunik.

 

Inuit pigiaqaqtun maniktaqvikharnik talvuuna havaaqhativun hanaqidjutitigun,  piqaqtukhaq taima inuk kituliqaak ayungnautiqaqtuq.  Havagviit ihumagiyut piyaangat maniktaqvikharnik aulatitiyaanganik havaaqharnik ihumagiluaqhugit inuit kituliqaak Inuuyut Ayungnautiqaqtun naunairutingni uvani ataani LMAPDmi uqaqhimaaqatigiaqaqtun Ihumagiyauluaqhimayut Ayuiqhautikharnik Hanaqidjutikhangit (TTI) ilihairutikhaq.

 

Piumaguvit naunaiqyumirutikharnik talvuuna havaaqhatiliqinirnun angirutikhangitni, taigurumaligungniluuniit ukiunganik ilitugidjutikhangit, takuinagiaqaqtakkit ataani.

 

Havaaqhahiuqtunun Angirutikhangit:

Nunavunmi LMAnik_LMDAnik 2011mi_12mun Ukiungani Upalungairutikhangit

Nunavunmi LMAnik_LMDAnik 2010mi-11mun Ukiungani Upalungairutikhangit

Nunavunmi LMAnik - Annex 1nik-Qaffiuyunik Ukiunganik Upalungairutikhangit

 

Kanatami – Nunavunmi Havaaqhahiuniq Pivalliadjutikhaq Angirut (LMDA)

Kanatami – Nunavunmi Havaanganik Maniktaqvikhangit Angirutikhaq (CNJF)

Kanatami – Nunavunmi Havaaqhahiuqtunun Angirutikhaq Inungnun Ayungnautiqaqtunik Timimingni (LMAPD)

 

Havaaqhaqhiuqtunun Angirutikhangit Ukiumi Upalungairutikhat

2011mi/2012mun

2012mi/2013mun

 

Havaaqhaqhiuqtunun Angirutikhangit Ukiumi Ilituqhaidjutikhangit

2011mi/2012mun

2012mi/2013mun