Havaktingit

You are here

Inirnini Iliharnikkut Ayuirhaqnikkullu Ikayurutit (ALTS)

Qaritauyangnun iliugaqlugit aadjiliukharnik Ilihaqtun Mapiraangungit hamani!

 

Una pinahuaruti ikayurniaqtaatit ayuirhaqtillutit ilihaqyuummiqtillutilluuniit piniarhimayuqlu angikluyummiqtirlugit pittaarnitit nalvaarhinikkut pihimanikkullu havaakhanik. ALTS  maniliqtuinginnaqtuugaluaq ayuirhaqnikkut pinahuarutinik atauhiqmik ukiumik ikitqiyanikluunniit hivituniqaqtunik taapkuallu pipkaitjutiniaqtut havalirnirmun. Taimaatullu ayuirhaqniit maniliqtuqtauyut uvani pinahuarutimi pivaktut ataani malruungni qanurinninginni:  ayuirhaqniq pitjutiqaqpiaqtuq havaknirmut iniqhimaliqqat uvanilu havaknirnun upalungaiyarnirnun uvungaluunniit ilihaqyuummiqtirnikkut ayuirharnirmun.

 

 

Naunaiyautiit uvani ALTS maniliqtuqhimayuni pinahuarutini ilaqaqtut:

 

  • Havaakhamun hananikkut ayuirhaqniq.
  • Havakvikmi ayuirhaqniq.
  • Hivuagut-hananikkut ayuirhaqniq.
  • Nunavunmi Ilihagiakpaalivikmi Tunngavikhaitigut pinahuaruti.

 

 

Itqaumaluhi ALTS ilataarutauyuq FANS-mut taimaatut taapkuat pinahuarutit pittaaqtut ALTS-kunnit maniliqtuutighanik pilimaittut ukuninga FANS-kut maniliqtuutighainnik taimaalu avatingnullu.

 

 

Uuktuqlutit uvunga ALTS imaatut iniqtiqlugit tamarmik ukuat EAS unalu  ALTS uukturutit Uuktuutikhanik Titiraqtakhat hivayaqluguluunniit Havaakhanun Pivallialiuqnikkut Havakti  uvani:

 

Qikiqtani:  1-800-567-1514

Kivallirmi: 1-800-953-8516

Kitikmeoni: 1-800-661-0845

 

Back to top

 

Kayumiktut Qaritauyakkuviit:

 

Pittaarninga

Umikvia

Iliyuqtikhat Hailiyut

Qanuqtut Havautiqaqtuq

Hapkuninga Puiruqtailutit

Iliharvikyuanganun Upauyangnut Humitluamittumut

Tutqumaviinut Ihivriuqtaudjutit

 

 

Pittaarninga

 

Ilingnut Pittaarninga

 

  • Kanatami nunaqaqtukhauyutin, nunaqaqtukhauyuqluuniit.
  • Nunaqaqtukhauyut Nunavunmi  tuniyaunahuaruvit Avikturnianit maniktaqvikhat ikayuutikhat.
  • Ilihaqtukhauyutit ayuikhayakhanut ilihautikhanik quviagilugullu.
  • 18-nik ukiuqaqtukhauyutit uttuqautqiyaulutitluunniit.

 

 

Atuqtakhanut Pittaarninga

 

  • Havakvingni ilihaqtakhanut uvaluunniit ayuiqhavigiyumayatit ilauyukhaungittut iliharvikyuani uvaluunniit tuniyaulimaittutit FANS-mut atuqtakhanik.
  • Iliharviginahuaqtat upangniakhimayat ilitariyauhiamyunut ilauyukhaq uvaluunniit ilihagiapaalirvingmi naunaitkutaqautit nunagiyani aullayuq.
  • Ilihaqtakhaq ubluralungmut ilihaqtakhaq (ikitqiyaulimaittut 30-nik ikangninik atauhirmi havainirmi).
  • Hamna ilihaqtangnit havaakhamut hivunikhautiqaqtukhaq Nunavunmi.
  • Maniktaqvikhat ikitun upalungaiyarnaridjavutin uukturnariklutitlu. Qin’ngiyauniaqtutit maniqautikhat nungutpata nunguani iniqtirvianut maniit ukiunganut.

 

Back to top

                                                                                                                                                               

Umikvia

  • ALTS-timut uuktuutikhat tuyutauyariaqaqtut 30-ni ubluni hivuani ilihaliqtinaq aullaqitinagu uplukha..

 

 

Ikayuktikhanik Hailiyut

 

Amihuyut ikayuktikhanik piqagiangat umunga ALTS-mik uktuqhimayunut.

 

  • Ilihaihaidjutikhangit - Kikliqarluni angitqiyaanut $3,700.00 atauhirmut ukiuganut – akkiliutinut naunaitkutat.
  • Taiguakhat unalu Tamayat- Kikliqarluni angitqiyaanut $5,000.00 - akkiliutinut naunaitkutat.
  • Ihuarutikhanik Ingilrutinik- Kikliqarluni angitqiyaanut $5,000.00 - akkiliutinut naunaitkutat.
  • Ikayuqpangniaqtaillu Ilihaqtunut - Kikliqarluni angitqiyaanut $5,000.00 - akkiliutinut naunaitkutat.
  • Ilihautikhamingnik Maningnik.

 

 

Ilihariaqhimatitlugu Ilihaqtakhanut unalu Ayuittiarutikhat Pivalliavikhainut

$400.00/havainiq

 

Taiguayukharviit unalu Havakvingni Ilihaqtakhanut

$300.00/havainiq

 

  • Ahianut nunahimapluni Ikayuutikhangit - Aktilanganut $350.00 malrungni havainiqni tikitkaangat (nanminiqaqtuq igluqpangmik/iglunut akiliutanut angigutit piqaqtukhaq)
  • Aullautinut - Tingmidjutikhanut akikhaq ilihariaqtukvikhanut auyaudjutikhanutlu Ilihariaqtuqvikhani nunami
  • Ayuqhaulitilingnut Ikayuutikhat-  Kikliqarluni angitqiyaanut $8,000.00 atauhirmut ukiuganut - Akkilikhimayunut naunaitkutat
  • Nutaqqiqinikkut- Kikliqarluni angitqiyaanut $450.00/tatqiqhiunmi laisiittunut $700.00/laisiqaqtunut.

 

Back to top

 

Qanuqtut Havautiqaqtuq

 

1. Uqaqqatigilugu CDO imatutluuniit uuktuutikhat qiniqlugit umani www.gov.nu.ca

 

2. Iniqtiqlugu uuktuutikhat tuyutigilugullu ukuallu angiqtaugavit titiqidjutat ilingnut uvunga avikturniani Havaakhanun Pivallialiuqnikkut havakvik.

 

3. Iniqtiqlugu parnautiliurutikhat ikayuqtigilugu CDO ihivriuktauyukhaklu CDO-mit una pittaarninga.

 

4. Angiqtauguvit sainiqhiniaqtutit ikayuutikhangnut angigutit naunaikhimadjutikhat munariyakhangnik ukuallu maliqatignitkuvit ihuinaaruvit hapkuat malingitkupkit akilikhidjutikhangnut naunaiyarikhimayatit. Tuyuqtukhauyutit maniqarvikpit naunaitkutainik hamna manik ikayuutikhanmut maniit iliyauyangini.

 

5. Uqaqatigiyakhatit hivayaqlugit Top of the World qaritauyakkut titqitlugit ALTS@topoftheworld.com ihuakhariangani tiingmidjutikhangnik iliharviginahuaqtarnut nunamut.

 

6. Iliharnahuaqtangnungaulutit inikhilutitlu!

 

7. Akiliqlugit akiliqtakhatit iliharvigiyakharnut ilihaudjiyukhanut.

 

8. Tuyutigilugit akilikhidjutingnut naunaitkutat CDO-mut imatutlu iniqhilutit naunaiyaidjutikhamik qauyihaidjunmik.

 

Back to top

 

Hapkuninga Puiruqtailutit

 

Puiguktailutit, munariyakhaqaqtutit ilihaqtitlutit tuniyauhimadjutingnik kavamatkut manikmik. Hapkuat ilauyukhat ilihariaqtuqhimaaqpaklutit ilihainirmut akhuukhimmaaqpaklutitlu pilutitlu ukuat maniit tuniyauhimayut ilingnut ilihariakyuumivagianginni ilaihautikhangnut akiliqtakhatit ilvit iliharvikhangnut.

 

Hapkuat iniqtakhatit ikayuutauyukhat uuktuutikhatit hanaqiyaunaririangini maniqautikhatitlu tuniyauyangini ilingnut iliharvikhat aullaqtikvikhani.

 

1. Tuyutigilugitlu uuktuutikhatit titiqat ikayuutikhatlu titiqat qilamiuqlutit aullaqtinariklugit.

 

2. Qaritauyakkut titiqidjutitit kayumiktukkutluuninit tuyutigigupkit uuktuutikhatit hivayadjavutit tikittaakhainik. Kayumiktukkut ingilrutit ilani tikipkaiyungnaikpangmata tuyuutitit ukuat Uuktuutikhanik Titiraqtakhat tikittaakhainik CDO-mut naunaiktakhatit.

 

3. Upalungaiyadjavutit nanminiq maniqaqlutit ikayuutikhangnik aullatitlutit upauyarnut iliharvikhangnut/iliharvingnut tikinnariqlutit qinikhiayangni iglukhangnik nutaqqiqivingmiklu.

 

Back to top

 

Qanuriliuqtauniaqqik upautihuiruma, ilihaqtamnut naunaiyautait angutihimangitkupkit uvaluunniit taimarupku ilihariaqtukhimayara?

 

1. Ilihariaqtuqvigihimayat tuhaqtiniaqtat CDO nunangni imatut pidjutingnik

 

  • akilikhingitkuvit akiliqtakhangnik.
  • upautihuiruvit iliharvingnut.
  • aullaruvit ahinut.
  • an’ngumatingitkuvit iIlihaqtakhangnut naunairikhimayunut aktilakhanik.

 

2. Titiqqitauniaqtutit iniqtirilimairuvit ilihaqtariaqtukhimayarnik akilikhiyariaqaqtutit ikayuuhiarnik maniqautingnik ukununga Kavamanganut Nunavut.

 

* Atiit naunaiktauniaqtuq iliyauhimalunillu uvunga Havaakhanun Pivallialiuqnikkut tutqumavianut atukkat akiliqtaulraaktitlugu pilahimamaiqniaktutit maniqautikhamik uminga allanikluunniit atuqtakhanik imaittunik FANS-mik umingallu TOJ-mik

 

 

Iliharvikyuanganun Upauyangnut Humitluamittumut 

 

 

Tutqumaviinut Ihivriuqtaudjutit

ALTS-mik atuqtakhat akhuukpaktuq tamaita uuktuutit ihivriuktadjaringnikkut adjikiktumik, ajikutainiklu maliqayariaqaqtunut Havaakhatigut Angigutaanut unalu ALTS atuqtakhat atuqtauyariallit. Hapkuninga atuqtakhaqaralluakhutik ilani kihimi titiqiqinikkut munakhidjutainut ihuinnarutiqaliqpaktut. Ukpirruhukkuvit ukuat ALTS-kut maligait atuqtauluakhimaittut uuktuutingnut inuuhirnutlu qanuridjutingnut tukhiquyauyutit  ihivriuktauffaarutikhanik makpiraliqutingnut tutqumaviinik. Hapkuat maliqayakhalliuqtauhimayut ihuakhautikhanik hivitunianut, ihuaqtumiklu ihivriuqtaudjutikhanut uuktuutingnik titirautingniklu titiqiqidjutikhanut. Hapkuat ahiaruqtitinahuritkuvit atuqtakhaliuqtauhimayunit kayuumiktihunguyatit.

 

30-nik ubluni Uumikvikha

 

Tuhaqtitauhimalirnirnit 30-nik ublunik tikitinagit tukhikvikhaqaqtutit ihivriuqtaudjutikhanut uuktuutingnik titirautingniklu titiqiqidjutikhanut. Pitquyauyutit atuqlugu una ALTS-mik Ihuaguhungitun Uukturutikhat nanilugu uvani hamani. Tuhaqtitauhimaguvit titiqitauplutit (30-nik) ubluni aullaqtiriaqaqtutit (10-nik) ubluni titiqidjutit aullaqtitaunianit. Tuhaqtitauhimaguvit qaritauyakkut titiqitaulutit, (30-nik) ubluni aullaqtiriaqaqtutit malrungnik ublunik titiqidjutit tuyuqtaudjutaanit. Tuhaqtitauhimaguvit hivayaqtaulutit ilauyuqlu nipiliukhimayut hivayautikkut, (30-nik) ubluni aullaqtiriaqaqtutit aqarunguqqat hivayaqtauvingnit.

 

Back to top 
 

Maliktauyukhanut

 

Hivulliqpaak naunaitkutit tutqumavianut ihivriuqtaudjutikhanik uuktuqhimayuq uqaqatigilugu una Havaakhanun Pivallialiuqnikkut Havakti. Many issues can be resolved by discussing the matter and ensuring that both parties understand what is at issue.

 

Tuklianik atuqtakhat aullaqilutit iniqtiridjutikhanut uminga ALTS-mik Tutqumavianik Ihivriurutikhat titiraqtakhatit tuyutigilugullu una uvunga Havaakhanun Pivallialiuqnikkut Havakti una titiraqtakhatit tuyutiginiaqtait allaniklu naunaitkutakhanik tuhaqtakhanik uvunga Avikturniani Ataniq/Atannguyaq. Atanip ihivriukniaqtait tutqumaviat titiqavit hivayarniaratitlu ahiagut naunaikhiyariaqarumi. Atanip pigumigit ihuiguhutitit tallimanik ublunik naunaikhivikhaqaqtut qanurinnianut tuhaqtitlugitlu uuktuqhimayut qanurinnianik ihuiguhutainut.

 

Pingahuanik atuqtakhat Atanip tuyutiginiaqtait tutqumaviat ihivriuktauyukhanut allaniklu titiqiqidjutinik Atannguyamut uma Havaakhanun Pivallialiuqnikkut ihivriukhiniaqtuqlu. Atannguyaq umani Havaakhanun Pivallialiuqnikkut tallimanik (5) ublunik ihivriukhiyariaqaqtuq, naunaikhilunillu qanuridjuhianik tuhaqtitilunillu uuktuqhimayumik.

 

Kinguliqpaak atuqtakhat uuktuqhimayumik ihuaruhungitkumi qanuriliurutainut tutqumavianut titiqiqidjutiminut ihivriurutainik. Taimatut uuktuqhimayuq tukhiktaaqtuq ihuigutauyumut Aulapaiyimut    Havaakhanun Pivallialiuqnikkut takkuuriniaqtuq titiqqiqidjutainik, naunaikhilunillu qanuridjuhianik hivayarniaqtuq uuktuqhimayumut. Aulaipkaiyi iniqhiniaqtuq tallimani (5) ubluni ihivriuqtaminik. Una kinguliqpanguyuq ihivriuqtaudjut.

 

Back to top

 

Allanik Naunaikhitikhanik

 

Naunaikhitikhanik uvuuna Kanatami – Nunavut Labour Market Development Agreement

Naunaikhitikhanik uvuuna federal apprenticeship supports.