Havaktingit

You are here

Ilihaqniqmut Manikharvikhaq

Iliharniqmun Maniliqtuutikhaq

 

Tamna Iliharniqmut Maniliqtuutikhaq piliurhimayuq tuniyaami ilihaitjutikhanik pinahuarutimilu manikharvikhanik uuktuqvikhanik Nunavunmi havakviinnut Nunavut Kavamatkunni (GN) ukununalu inungnun pivikharvikun, avruqtauhimayuqlu  naunaiyaqtauhimayumun iliharutikhanik maniliqtuutikhamun umungalu pinahuarutimun pivallialiuqnikkut maniliqtuutikhamun.  Tamarnik ilangik iliharnikkut maniliqtuutimi munariyauyut uvannga Kavamanmi Havaktit Ayuiqhaiyut havakvianin uvani Kavamaliqiyikkut Havakvianin.

Taakuak pinahuarutikkut pivallialiuqnikkut naunaiyaqtauhimayumun iliharutikhanik maniliqtuutikhat tuniyauvaktut ikayuqpaktut hapkununga inirutikhanun Nunavut Kavamatkunni: 

  • Pimmarigharnikkut atuqtipkailirnikkutllu pinahuarutimik/havaamun tilinirmik;
  • Angikliyuummiqtiqlugit nutaanguqpalliaraanginnaqtuni/ayuittuni qauyihimaniq ayuirhimanirniklu;
  • Iniqhinikkut piyumayauyunik titiraqaqnirnik, laisinik, ukuningalu/ukuningaluunniit ayuirharnirnik nutaani ayuittuni aturutinik nakuutqiyauyuniklu havagutinik; imaalu
  • Piliuqluni angummatjutikhanik taapkunani naunaiyaqtauhimayuni kituni.

 

Qanurittut iliharutikhat angiqtauvaktut ataani iliharnikkut maniliqtuutikhami?

  • Naunaiyaqpiarhimayuq Iliharnikkut Maniliqtuutikhaq: naunaiyaqpiarhimayuq iliharnikkut unaluunniit ayuittuni pivallialiuqnikkut iliharutit kiutjutiqaqtut iliharnikkut ihariagiyainni GN-kunni havaktinin taapkunani aajikkiikniqaqtuni havaani tamaani naliinni havakvikni pivigiyauyunilu (i.e., naunaiyaqpiaqhimayut qaritauyaliqitjutit, aanniaqtailinikkut iliharniq, maniliqinikkut amiriniit, maligaliqinikkut iliharniit, aallallu)
  • Pinahuarutimi Pivallialiuqnikkut Maniliqtuutikhaq: hivilliqpaaq tiliniq nutaamik pinahuarutimik/ayuirhaqnirmi, pivallialiqniqluunniit nutaanguqpalliaraanginnaqtuni, havaamut-pitjutiqaqtuni ayuirhimayaghanik kiutjutiqaqtut iliharnikkut ihariagiyainni GN-kunni havaktinin taapkunani aajikkiikniqaqtuni havaani tamaani naliinni havakvikni pivigiyauyunilu (i.e., atannguyaunikkut pinahuarutit, tuhaqtipkainikkut pinahuarutit, maligaghatigut pinahuarutit, aallallu)

Kitut iliharutikhat angiqtaungittut ataani iliharnikkut maniliqtuutikhami?

  • Aularaanginnaqtuq/tahamaniittut iliharnikkut pinahuarutit manimayut ukunannga Kavamaliqiyitkut Havakvianin, aallanin GN-kunni havakviinnin imaatut Nunavunmi Ilihagiakpaalivikmin;
  • Ayuirhaqtuq, havaami-ayuirhaqtuq, unalu/unaluunniit havakhutik ayuirhaqtut havaamun;
  • Iliharnikkut havaguiqhimallaqniq iliharniup akingit utiqtirutillu (i.e., ungahitukkut iliharnikkut iliharutit);
  • Avaliittumun iliharniq / ayuittiarnikkut pivallialiuqnikkut tukhirutit (kiahiani uktuqtuuq qulvahiktumi ayuiqpiarhimayughakkut GN-kunni havaaqaqqat);
  • Ilihautigiyauraanginnaqtuq iliharutit imaatut Office 2010, havaqatigiittiarniarhimanikkut, havagutigilugit ayurnaqtun inuit, atannguyaunikkut ayuirhimayakhat, aallallu (ukualluunniit quyaginnait ilihautikhat titiraqhimayut iliharnikkut tatqiqhiutimi);
  • Havaktinun pitquhikkulluunniit qauyihaqtipkainiit;
  • Naunaitkutinganun titiraghaqaliqtiffaarnikkut (i.e., aanniqtuqaqqat ikayurniitigut aallanikluunniit naunaiyaqtauhimangittuni titiraqalirutiit); unalu
  • Piraanginnaqtuni angummatjutikhanik piliurutikhat (iluani maniliqtuutikhat piraanginnaqtuni angummatjutikhanik piliurutikhat ukunani naunaiyaqpiaqhimayuni kituni ilaliutihimayukhauyut maniliqinikkut hivunighautainni tamainni havakviinni).

 

Hunauva umikvikhaq tuninikkut tukhirutimik?

Ukiuq tamaat, piyumaniq tukhirutinik tuniyauvaktuq atulihaaliraangat maniliqinikkut ukiu (pilluayuktuq May-mi) ilaqaqhuni naahimayunik maliktakhanik uumingalu tukhirutikkut naunaitkutimik.  Naliinnin-havakviinnin ihivriuqhinikkut katimayiit qauyiharniaqtait tamaita tukhirutik tunnganiqaqluni aturutikhatigut maligutikhat.

 

Kinamik uqaqatiginiaqqinga aallanik ilitturipkaitjutikhanik?

training@gov.nu.ca