Havaktingit

You are here

MOU atiliurniq taapkungnanga kavamat Agnico Eagle Uyarakhiuqvik

Saptaipa 20, 2017

Tuhaqtitjut

MOU atiliurniq taapkungnanga kavamat Agnico Eagle Uyarakhiuqvik

IQALUIT, Nunavut (September 20, 2017) – Minista Pivalliayuliqiyikkut Ingilrayuliqiyitkullu, Monica Ell-Kanayuk taamnalu Ammar Al-Joundi, President Agnico Eagle Uyarakhiuqvik (Agnico) uplumi atiliuqtut tukihimaqatigiigunmik (MOU).

MOU naunaiyaut qulit hanaqilraaqtakhat havaqatigiigunmut iniqtirutauplutik hanaqiyauyunit qaffinit Kavamanga Nunavut havagviinnit Agnico-millu. Hanaqilraaqtakhat itjuhilgit aanniaqtailiqiniq, iliharniq, ayuiqhaniq, piangaiyarnikkut pivallianiq, nappaqtiriliqinikkut, igluliqinikkut, pitquhikkut aituqtauttiaqtaarutivut, huraaliqiniq, nunallaami qayangnailiqiniq, hilam aallangurnialu.

"Hanaqiyariakhiyuq nunam aittuutaanit Kivallirmi, havaqatigiittiarniqmik hivumuuqtumik piqaquigapta," uqaallaktuq Minista Ell-Kanayuk. "Una MOU naunaitkutauyuq atauttimut uqariiyautiptingnut hanaqittiarutikhakkut nunam aittuuttainnut pivalliatjutikhainnut aullahimmarutikhamullu hanaqitjarirutipta uqariiyautaanut."

"Quviahukpiaqtugut havaqatigiigiami taapkununga Kavamanga Nunavut," uqaallaktuq Ammar Al-Joundi, Angiyuqqaaq, Agnico Eagle Uyarakhiuqvik Nanminikkut. "Nunavut nakuuqpiaqtuq maniliurutiliqinikkut hanaqiyaami pitjutiqarniarutiqarhunilu Agnico-mun utiqtautigiyauyakhakkut hanaqinikkut qaffini qulillaani ukiuni. Una MOU havaqatigiilaqhuutikput ihuaqtumik tuhaqtittiqattautipluta nunam aittutait pivallialiqtauyaanginni piangaiyautikkut avatimullu-ihuaqtukkut, angiyumik ihuaqtumiklu pitilluta tamainnut Nunavunmiunut turaangayumik."

Angirut itjuhilik nalunaiqtat ikayuutigiigutikhat, piyuummirut ilauyaami maniliurutikkut piangaiyarnirmut, pittiarnianut pivalliatjutim uyarakhiurniup pilaqhuutit mikkauyaanginni avatimut huratjanullu, ihumiriyaqarlunilu ihuaqtunik atauttimut hanaqiniaqhimayat.

###

Media Contact:

Eugenie Kwok
Tuhaqtitakhaliqinikkut Atan’nguyaullaktuq
Pivalliayuliqiyikkut Ingilrayuliqiyitkullu
867-975-7867
ekwok@gov.nu.ca